蛇王芬

营业中

休息中

愛調理養生的同事今晚帶埋我去中環蛇王芬食滋補餐，因為有個蛇字以為就只有蛇羹，原來蛇王芬有名的不只蛇羹，還有真材實料的燉湯、小菜、飯食及燒臘。在自家熬製的湯品中，加入草本藥材，為客人調理身體。並得到米之蓮推介。餐廳裝修擺設好有懷舊飯店感覺，地方整潔乾淨。一盅燉湯配一款基本碟頭飯系列比較抵食。海底椰南杏蘋果雪梨燉豬展：燉湯燉左至少3小時，湯內沒有一點油浮面，燉湯鮮甜濃郁，而且非常足料，海底椰滋陰潤肺、除燥清熱、潤肺止咳，南北杏主要功效為潤肺、止咳及平喘，蘋果健肺滋潤，雪梨乾潤肺，原汁原味清甜潤喉。肉絲炒麵：好夠鑊氣，將麵煎炸至金黃，用銀芽、草菰和肉絲做個芡汁，鋪在麵上，食落口感層次多，芡汁味道調得好惹味！響螺燉雞腳：用淮山、杞子、黨參、瘦肉、響螺、雞腳燉咗3-4小時，足料夠火喉，響螺滋陰補腎、杞子明目、淮山能補脾養胃、黨參補氣血，燉湯味道鮮甜，功效滋陰養生、補脾肺、潤肝明目。楊州炒飯：飯炒得夠乾身有鑊氣，蝦仁大隻好爽口，還叉燒、蛋和菜，口感層次豐富，啖啖飯都好香口！紅燒草菰豆腐：豆腐一啖一舊，口感滑溜，草菰爽口，加入蠔油芡汁好惹味！

每次經過中環扶手電梯都會見到呢間風味十足嘅蛇王芬。今日同朋友食吓飯見個面，就試下佢。餐廳內裝修充滿懷舊文雅風格，看一看菜單，原來佢除咗蛇羹之外，亦都有多款小菜飯麵類，仲有燉湯。 太史五蛇羹蛇羹十分足料，湯頭濃郁滋味，充滿火腿香氣，蛇羹每一啖都係滿滿嘅料。入邊除咗蛇絲外，仲有花膠木耳、冬菇、雞絲等等。 秋冬時節食真係暖笠笠又補身。大蝦蒜香荷葉籠仔飯打開荷葉，大蝦蒜香香氣撲面，大蝦肉質新鮮爽口，而蛋抄飯粒粒粒分明，軟硬度適中，籠仔飯份量頗多，足夠三至四人分享。腐乳椒絲炒時菜 （芥蘭）芥蘭新鮮翠綠，炒得夠鑊氣，腐乳味道啱啱好，唔會蓋過芥蘭嘅味道。

秋風起梗係食蛇羹啦，今日過開香港區經過蛇王芬間老店心思思就同老公去試。內裏橫裝海報還保留了中國嘅風采。唔去食都唔知原來除咗蛇羹同臘味飯原來仲有好多小菜，燉湯同炒粉麵飯選擇。嚟到梗係要食去出名嘅蛇羹啦。份量都算大碗面頭還鋪滿了我最喜愛食嘅脆脆片，仲有唔少得嘅檸檬葉。餡料都算足，每一啖都充滿蛇同冬菇，木耳、雞絲，芡水方面唔會太杰身都唔會水流流。晚飯時間梗係要食埋小炒同小菜，嗌咗個京都焗肉排，冇諗過豬扒咁厚身段估應該都有三塊再切開。甜甜酸酸嘅咕嚕汁好開胃味道啱啱好每一件豬扒都掛滿醬汁加埋豬扒邊嘅少少肥夠晒淋好好食。有蛇羹有肉梗係要嗌多個碟頭粉啦，呢個星洲炒米好耐冇食，唔係度度都炒得有香，估唔到除咗顏色夠吸引辣味及咖喱味都好香濃最想講嘅係碟底一啲都唔油

一直都覺得蛇王芬係高級米芝蓮餐館，唔係好敢入去試，今次真係令我改觀，係好值得一試的傳統懷舊香港菜。秋風起有兩野一定要食就係臘味同蛇了，所以目標係臘味飯同蛇羮，本身知道蛇王芬最出名係燉湯，幾樣菜式都好快可以決定到了，另外都有好多懷舊小炒同燒味，如果無目標，真係會有選擇困難症。蛇羮（$140一碗）超大的薄脆蓋過成碗，薄脆係好懷舊的配菜，增加肉羮的口感，令我諗返細個飲茶當薯片咁食。雖然細細碗，但成碗都好足料，我本身都怕蛇的，今次黎一定要放膽試下，一絲絲的蛇肉原來似雞肉，加埋有冬菇絲、木耳絲同薑絲，味道豐富，上面有一絲絲的檸檬葉，係蛇羮必備，食落別有一番風味！腊味糯米飯（小 $150）冬天先會供應，上枱個下已經聞到好香，好簡單的臘腸配糯米，飯粒分明，食落軟棉棉。臘腸同潤腸係咸味的來源，我個人超愛潤腸，佢係自家製有一種特別的香氣，蔥花做點綴，簡單的配搭已經足夠，食出大廚的功力！無花果蜜棗燉豬肺（$120）秋天當然要有啲湯水潤一潤，令我眼前一亮的燉湯，同自己屋企煲的係唔一樣㗎，好似10碗濃縮成一碗咁，香濃清甜，豬肺清洗得好乾淨，口感軟滑，係我第一次食好特別。豉油王炒麵（$70）雖然係一個好簡單的粉

不嬲都鍾意食蛇羹 ， 不過好少過香港區 ，難得今日同老婆去開中環大館行，就去咗呢間歷史味十足嘅米芝蓮推介蛇王芬食蛇羹。店內嘅裝修充滿舊香港嘅情懷，進入店內老闆娘已很親切地招待我們坐下 為我們推介店內一些美食。 枱櫈餐具亦保留了舊香港中菜館的味道， 令我十分懷念， 好似返咗七八十年代嘅香港咁。來蛇王芬指定動作一定要食蛇羹啦， 見食評個個都推介， 本來我想叫埋個雙腸飯因為我好鍾意食潤腸， 但我老婆正好相反唔鍾意食啲咁油膩嘅嘢 唯有選擇了一個他喜愛的京都焗肉排加多一份星洲炒米。蛇羹嚟到材料十足， 富有一陣淡淡藥材味， 賣相很好 ，但如果薄脆可以無限任加就更好京都焗肉排個汁都好濃郁很惹味 肉排厚切 ，軟熟唔柴皮， 側邊仲有啲肥膏正呀星洲炒米都唔錯， 比一般餐廳咖哩味和調味都濃， 啱我胃口重口味原本想食埋糖水不過兩個人食完都已經飽咗！

講起食蛇羹，我諗香港大部分人都會諗到蛇王芬。 原來蛇王芬開咗差唔多有70年，呢家餐牌唔單只可以食蛇羹，可以食燉湯同埋小菜，變化真係好多，甚至乎燒味同埋碟頭飯都有。餐廳位於香港站天橋附近，去大館嗰條路，途中落條天橋就搵到佢。咁啱我去嘅時間，老闆娘喺度坐陣，所以都同佢傾左陣偈，原來已經傳到去第三代嘅接班人，果然歷史悠久。老闆娘都有推薦幾類嘅菜式，分別係蛇羹，煲仔飯，同埋同臘味相關嘅產品。所以我都簡黎叫試一試。蛇羹方面，果然係名不虛傳，裏面嘅雞絲同埋肉絲好多，基本上係啖啖肉，而且有一塊好大嘅薄脆，連埋蛇羹食口感好特別🐍🐍另外第二樣推薦係臘味煲仔飯，特別係佢嘅潤腸，臘味同埋飯一齊食，啖啖都有香味🤤🤤雖然佢嘅價錢係幾貴，但係我覺得都可以一試，始終都係一間老字號，而家真係買少見少🙈🙈

收工同男朋友兩個人苦苦思索緊去邊道食晚餐嘅時候，忽然靈機一觸醒起呢間返工收工都成日路過，但都無入過去食嘅老店，畢竟成日覺得中菜館，兩個人好似好難叫到啲咩野食咁~ 但望一望個菜牌原來都有好多小菜選擇，仲有二人餐添一於決定試下~見到餐廳未到七點都已經坐到一半滿，都幾多人! 七點半已經坐爆曬，好彩我哋早d黎到!一坐低我地都二話不説，叫咗碗蛇羹，仲有見到唔少枱都有叫香橙骨，我哋都跟風叫返碟~ 之後我地都望到個哈密瓜燉螺頭湯，咁大個人都冇飲過哈密瓜嘅湯，所以就叫返個試下,最後都知道呢度嘅臘味好出名，叫埋臘腸蛋白炒飯就夠晒飽啦蛇羹令我非常喜出望外，除咗因為超足料，啖啖蛇肉之外，餐廳嘅玻璃芡打得好薄，食落介乎濃湯同羹之間嘅感覺，絕對唔會食到成口芡汁，之前食過坊間唔少無料扮四條嘅蛇羹就會打到個玻璃芡好厚，食到好唔舒服，呢到就非常合我口味至於香橙骨就係我地咁大個人第一次試，原來香橙同排骨係咁夾嘅個香橙醬食落好重橙酒味同少少橙皮回甘味，唔會過甜，同時排骨肉質肥瘦適中，燒得好香，我覺得係嚟到呢度必試之選，始終唔係咁多地方有得食哈密瓜燉螺頭飲落清甜滋潤，炒飯同樣鑊氣十足，全部都係水準之作~ 作為一個中環友絕對

食蛇有個錯覺係冬天先食，天氣凍先保身。原來迄立香港跟80年喺中環嘅蛇王芬除咗蛇羹，糯米飯之外，仲有好多小炒，煲仔菜，荷葉籠仔飯，燒味等。最驚喜原來有大大個冬瓜盅，記得要一天前預訂。蛇王芬地點應該個個搭中上環電梯上SOHO都見到。今次嚟到當然要食飯碗最馳名嘅蛇羹，大碗到滿瀉，上面嘅脆脆好大塊加上幼絲檸檬葉，每一啖都有蛇肉，好回味。生炒糯米飯係我like, 自己整生炒要炒半小時以上。加上潤腸加添油脂落個飯度好甘香，平時好少食潤腸既我今日食晒。子薑麵醬魚頭雲煲上枱沸騰騰，醬汁好有甜味完全唔會有薑嘅辣味，食魚頭嘅時候可以慢慢點汁

香港原來百年老店已經越來越少，尤其近年飽受疫情打擊導致多間老店結業。朋友特意搜尋港島區發現竟有一間百年老店仍屹立中環區，而且還有米芝蓮推介-蛇王芬。當初我以不食蛇為由婉拒了朋友的邀請，但朋友說食店還有其他意想不到的驚喜及推介，所以決定與朋友一起到訪。⭐️鴛鴦腸飯$75切肉臘腸及鮮鴨膶腸是蛇王芬的招牌之一；精螢通透而帶有焦香的臘腸及肉質幼滑細嫩兼酒香撲鼻的鮮鴨膶腸整整齊齊地舖在香軟白飯上；入口時鮮味四溢，每顆飯粒均被臘腸膶腸的甘香油脂包裹著，啖啖滋味，回味無窮！另加膶腸$22我們實在意猶未盡，所以再加膶腸1條。⭐️雙拼燒味飯及燉湯套餐$150個人推介之一，我見附近許多顧客都惠顧燉湯套餐，真是物有所值。叉燒雞飯滿滿的一碗，叉燒兼有油香和肉香，鬆軟帶甜燉湯原來亦是店舖招牌之一，冬瓜瑤柱響螺鮮甜滋補，湯底清澈香氣撲鼻，十分滋潤。⭐️蛇羹$140招牌蛇羹非常足料，材料有蛇肉、木耳絲、果皮、筍絲、竹蔗、果皮及火腿，湯色清澈而且濃稠適中，入口香滑又有咬口。⭐️黑糖三棗桂圓薑母茶$28自家製作養生飲品，甜度剛好，補中益氣兼有健脾暖胃功用。

朋友帶我過嚟佢喺中環好鍾意嘅餐廳！呢間舖頭喺中環嘅老字號！✨蜜瓜瑤柱響螺湯（$120）蜜瓜煲嘅湯，真係好小地方有得飲！職員介紹呢個響螺湯夠晒滋補！適合而家呢個天氣！響螺肉質都幾厚！成個湯好清甜，係屋企煲唔到出嚟嘅美味😝😝😝✨臘腸潤腸金蠔滑雞煲仔飯❤️ 金蠔（$140）係額外加嘅，覺得值呢個價錢！好甘甜而且好軟熟！❤️ 臘腸唔算好肥，而且蒸得夠透軟林林！❤️潤腸充滿油香夠晒邪惡！最啱而家秋天食 ❤️ 滑雞份量都幾多而且每一件都幾大舊，斬得幾好，冇咩碎骨😝都算幾滑而且冇雞毛👍❤️煲仔飯飯嘅份量偏多，其實成個煲仔飯可以兩個人share食！而且飯焦都係幾香脆👍仲有佢嘅自家製特製豉油甜甜地，而且一啲都唔慳俾咗一大杯豉油自由調節😜適合唔同人嘅喜好😝

今日天氣稍涼，lunch time 去咗中環食老字號。蛇🐍王芬位置喺斜路上，利苑睇已經見到個招牌一入到舖頭就聞到蛇嘅味道，毫不猶豫嗌左一碗蛇羹 $140。材料有蛇肉絲、豬肉絲、冬菇絲同木耳絲等，濃杰度剛剛好，唔會好稀，湯底味道亦清甜好味。食完之後暖粒粒😘之後嗌咗個差唔多台台都有嘅燒味飯，唔好睇小呢個燒味飯，佢嘅雞係用蛇汁熬製，味道同平時嘅貴妃雞好唔同；叉燒亦都燒到好香 $60呢個份量係一個碗仔，適合一個人食之後我哋嗌咗西檸雞，雞塊啖啖肉無骨，啲西檸味好出，酸酸甜甜好好食，食完一舊又一舊 $140海底椰雪梨蘋果豬展湯 $120之後我哋嗌咗一個燉湯，呢個燉湯好足料而且飲落喉嚨好舒服，好適合呢個入秋嘅季節享用呢間店舖好有懷舊風味，充滿人情味，見到食飯同老闆娘有講有笑，感覺好親切😄☺️

今日黎到中環soho區呢間百年老字號「蛇王芬」，一探佢百年屹立不倒既秘密由內裏裝潢已經可以睇得出佢既年紀，好有以期香港地餐廳既風味呢到成日上新聞、報紙，今日終於可以黎呢到試下除左食蛇羹之外，呢度既粵菜好多都好出名、出色先黎個靚燉湯，海底椰雪梨蘋果豬𦟌湯，一放低個下已經聞到勁香，飲落好甜好潤喉，蘋果亦煲得勁淋，好好食西檸雞，炸粉唔會好厚，外面薄薄一層脆皮，包住入面鮮嫩多汁既滑雞，仲要勁入味之餘唔會好酸，食落酸酸甜甜，好開胃、好餸飯橙酒香橙骨，用左Cointreau黎煮，平時飲酒就用得多，估唔到呢到可以中西合壁整到一道菜出黎香橙骨食落仲有少少橙酒既甘香，比起平時食開個啲多左一層風味，好正！蛇王芬開到咁多年真係唔話得，野食一流，名不虛傳，希望可以繼續傳承落去！

今日放工老朋友約左我去間古色小茶居食晚飯，諗住應該係食一盅兩件、碟頭飯？？原來哩度貌似茶居係專食蛇羹既地方，唔同傳統既蛇鋪，門口沒有放住一籠蛇作招來，靠既係口碑做街坊生意。朋友拍板叫左個套餐，包括兩碗蛇羹同入冬必食既生炒鴦腸糯米飯，朋友知我大食，之後再叫多碟豉油王炒麵，兩碗蛇羹先登場，滿瀉的份量，面層放滿脆片和檸檬草令蛇羹食落更有層次感和去除腥味，裡面既用料足，肉絲、菇絲、木耳絲、蛇肉，仲食到啖啖陳皮味道，親熱食真係正。生炒鴦腸糯米飯，望落炒得粒粒晶瑩，蠟腸同潤腸既份量都唔少，加埋蛋同蔥花，吸引之餘兼香噴噴。豉油王炒麵即叫即炒，叫左走銀芽，所以轉左配搭蔥段同洋蔥增加口感，麵身爽彈，條條分明味道適中唔會太咸，食到底以為應該剩返堆油係碟底，但竟然見唔到，真係炒得好好。食完飲返杯茶去除口腔油膩感，果然老字號，配搭非常合適。

喺中環做嘢咁耐，呢間蛇王芬就開咗咁耐，真係一間老字號嘅店舖，都算得上係中環嘅地標。 中秋過後，雖然天氣仲係好熱，但係已經諗起可以食蛇羹啦~就趁中午同朋友過嚟過一過口癮😋 一入到店裏面就聞到一陣獨特嘅蛇羹味，店內裝修好傳統，係舊香港中式小餐館嘅格局，老闆都喺入面幫手招呼客人，同客人有傾有講，感覺好親切。 午市除咗蛇羹同埋用蛇肉做嘅各款小菜之外，仲有好多小炒同埋碟頭粉麵飯。 ❤蛇羹呢度一細碗蛇羹都已經好足料，每一羹都有好多蛇肉絲，仲有鮑魚絲同埋木耳絲。蛇肉有少少似雞肉絲咁，有纖維感好有咬口 ，木耳絲比較爽口，加埋脆脆片口感非常豐富🥰~ ❤椒鹽焗鮮魷魷魚片大大塊好新鮮，外層粉漿唔太厚，有酥脆感 ，加埋粒粒椒鹽食落好惹味。 ❤中式煎牛柳呢個係我去中餐廳好鍾意食嘅一道菜，啖啖肉而且醬汁濃厚😍。呢度嘅中式煎牛柳非常之大件，啲牛柳好厚身，調味亦都唔錯，醬汁濃稠而且帶甜味，用嚟撈飯一流👍。 ❤啫啫滑雞煲之前聽人講呢度嘅煲仔飯做得好出色，可惜午市冇煲仔飯食，所以就點咗個煲仔菜試下😆。 啫啫滑雞煲一上檯就有咋咋聲同埋有出煙，熱辣辣咁好有大排檔嘅風味~雞件好滑而且加咗大量嘅豆豉、蒜頭同洋蔥做調味， 鹹鮮味十

今日和媽媽參觀完中環荷李活道大館，趁機帶她去附近閣麟街蛇王芬吃午餐，媽媽話蛇王芬是老字號，以前她和爸爸有空都會來吃蛇羹和糯米飯。店環境整潔雅緻，座位舒適，牆上有中國畫可供欣賞，懷舊之餘亦具特色。叫了一碗太史五蛇羹($140)，真材實料，有蛇絲，鮑魚絲，雞絲，薑絲，冬菇，木耳，美味滋補，正! 媽媽讚老店係唔同啲，有水準。👍👍蛇王芬自製的鮮肉臘腸和鮮鴨膶腸都很出名，今天不趕時間，我們叫了臘腸滑雞煲仔飯($220)，耐心等了30分鐘，香噴噴熱辣辣的煲仔飯送到。飯香甜軟硬適中，充滿雞和臘腸鮮味，雞有雞味，臘腸更正，真是人間美味。飯焦也很好味，不能錯過。我們也叫了店長推介的新小菜，香酒香橙骨($190)。果然好介紹，香橙骨用的一字排肥美有肉味，擺碟有心思，用君度橙酒調味畫龍點晴，提升整個菜的美味，讚。店真材實料，物有所值。我們吃得很滿意，下次天氣轉涼約多幾個人再來享受美食。