蛇王芬

营业中

休息中

環境：好大陣臭腳up味🤢，聞住食都真係無咩胃口🤮！玻璃肚指數（5💩為最唔舒服) : 💩💩💩💩.📌蛇羹 $140/碗無咩蛇肉就唔洗講啦，仲要無蛇味，亦都無藥材應有既味，似一碗落左好多生粉既湯！.📌臘味糯米飯$150 唔熱！飯粒粒粒分明到似炒飯多過糯米飯！唔好食！.總括嚟講，唔會回頭！.=========================.食物：4.5/10環境：3/10抵食度：3.5/10回頭度：2/10..

想試蛇羹好耐啦〰️睇完雪姨更加想食 見佢最推薦就係#蛇王芬 我都爭扎咗陣到底試唔試好 見評論好壞參半 而且真係都好貴下🥲最後都係試啦 始終最出名 歷史最悠久👀▪️蛇羹 $140是的 咁細一碗都$140🤣！好多人都話以前好食好多 以我第一次食蛇羹🐍黎講 我覺得都幾好😳啲料都幾多 比起似碗仔刺 我覺得似飲緊碗足料湯多啲 好中意食啲碎碎〰️❣️至於蛇肉質感呢 就似雞絲 無乜特別味道🤪▪️糯米飯 $150糯米飯都不錯👍份量都多〰️😚飯做到粒粒分明 軟硬適中〰️蠟腸 潤腸切既size適中 有存在感 好好味 而且好香🥰第一間既蛇羹黎講 都滿意架

蛇羹極差沒有湯味打咗好多豆粉同10年前簡直係兩回事$140/碗$450/細窩我可以咁講入去任何一間普通嘅蛇舖一定好食過佢多多聲糯米飯好肥膩 又細碟 味到一般酥炸南乳脆雞似韓國吼雞或者肯德基雞但肯德基仲滑過佢但佢賣$220子薑面豉魚雲煲味道太甜 份量又少 仲話呢個菜係攞金獎真係嚇死人潤腸滑雞煲仔飯毫無特別 啲雞又冇乜味道潤腸又唔夠香總括嚟講如果100分滿分今晚成餐飯嘅評分就係負分 -30分😰冇下次😰😰😰😰😰

蛇王芬都算係食蛇最有歷史嘅地方，就黎試試係咪真係好好食。喺中環扶手電梯隔離，入面唔大，算幾企理，座位會有少少逼，我哋坐左喺近收銀處後面張枱。蛇羹$140一碗的確比其他蛇店貴，唔大碗，幾足料，都食到啲幾粗嘅蛇肉，加左少少香茅令碗蛇羹多左一份清新，唔錯嘅。除左蛇羹，呢度仲有好多其他野食，小菜煲仔飯好多選擇，鍾唔鍾意食蛇都可以，揀左個煲仔飯，200幾蚊一個煲仔飯貴左少少，還好吧，幾香有飯焦，唔算特別，值唔值呢個價錢就見仁見智啦。腐乳炒菜少得可憐，腐乳都好少，唔值得食。整體食物個人覺得Overpriced，試過就好了。

蛇王芬出名當然是蛇羹啦。中午和朋友偶然到訪，發現好多食下都點他的燒味飯，原來蛇王芬除了這更之外還有燒味海鮮等等的餸菜，是一間懷舊的茶餐廳。這次我們先食他的蛇羹。一碗蛇羹要140蚊，對於我來說真的很貴，但是初冬進補，就當餐不同的午餐吧！店員送到上嚟的時候，成碗蛇羹多多少少都會滿瀉的。望見放在上面的卜卜脆，童年回憶全都返回來。小時候母親總是帶我去出席蛇宴，蛇羹當然會食啦！但是最喜歡的還是卜卜脆！這兒的卜卜脆是放在蛇羹上面，不單好看，我想另外原因是可以增加阻力減少蛇羹盪瀉。那卜卜脆拿下來都有一小碗。卜卜脆總是會伴著檸檬草絲，為蛇羹添上獨特的芳香。蛇羹固然好味道，吃著突然間見到一整蛇肉，果真是用了十足絕不欺場，終於明白為什麼這碗蛇羹可以買的這樣貴。一餐獨特的午餐，一次獨特的體驗，假日就是這樣放鬆。P.S. 餐廳沒有加一哦！滿分為10分(1分最低，10分最高)食物：9環境：9衛生：9服務：9價錢: 9舒適度：9總分：9

睇完雪姨介紹嘅蛇羹嘅youtube，即刻放工專誠去中環買碗蛇羹返屋企試吓。本來滿心歡喜好大期望，一打開大佬真係嚇咗我一跳，個湯底稀到好似水咁，仲要搵嚟搵去都搵唔到啲蛇肉，成碗野好辛苦先搵到一條蛇肉絲，其他嗰啲都係啲瘦肉扮晒嘢，冇蛇肉都算啦，個湯底好食就話姐，點知個湯底淡茂茂，好少藥材味，真係從來冇食過咁難食嘅蛇羹，仲賣到成百幾蚊一碗，完全搵老陳。 原來今年冇攞到米之蓮都係有原因嘅，平時我都好少寫差評但係今次真係忍唔到。

我食咗啲乜！「蛇羹餐」$380有蛇羹2碗丶糯米飯一碟：先上生炒糯米飯，飯暖而不熱，臘腸係硬嘅，飯帶點豉油色，並無吸收臘味爆後應有的油香。街邊蒸糯米飯肯定好食過佢，起碼夠熱。這味「生炒」形神俱無，簡單講：係唔好食！再來蛇羹，薄脆鋪滿面；你點知我實食薄脆？我想加胡椒粉又可以點攪勻？分開碟上真係咁難？算！降低啲要求，食嘢味道先係重點！叫「羹」；稀到水一樣。食「蛇」羹；我都唔要求有蛇喇，啲雞肉可唔可以畀少少誠意，撕成「絲」。食嘢唔好太計較？我無摷有無蛇，但成碗滿晒一條條雞棍，令到嗰一條蛇絲顯得好出眾。重點係；碗嘢係無蛇味丶無藥材味，簡稱「無味」。位於中環擁有八十年歷史，號稱「蛇王」的老鋪，價錢會較一般蛇鋪貴，我可接受。但問題係，糯米飯我唔計較，但碗蛇，真係我食過最難食嘅一碗，甚至唔可以算係蛇羹！飯後，我即刻去「麥奀記」食返碗麵，冚返呢餐嘅味道。呢餐我無感覺被搵笨，因為我有解決方法。但係老闆畀伙記搵笨就有啲難攪，呢個水準，真係唔出得街㗎！

本人及家人喜歡吃蛇羹，當晚一行8人充滿期待，慕名而到，往年是朋友幫忙買鴨潤腸，真是好好食的，今年想自己去買順便食埋晚飯，估不到強差人意，當日天氣溫度大嘅27-8度左右，室內沒有太有冷氣感覺，點叫一中鍋蛇羹，吃第一口竟然是覺得不是熱的🤪🤪🤪問一下夥計，他望望，說是電爐跳制，我們都無奈就算了，望望餐牌只得一個.⋯貴字🤣🤣🤣既然已到，點小菜繼續完成晚飯，當晚點了其中一樣鴛鴦腸煲仔飯好食，其中點了生炒排骨.⋯差，蝦乾肉餅煲仔飯⋯差，南乳吊燒雞件及其餘幾款小菜，沒有驚喜，可以講是全餐飯最好食淨係鴛鴦腸煲仔飯，如果再去的話，外賣潤腸便算吧！不值，平均消費每人$300

中環老字號 蛇王芬 米芝蓮推介的馳明傳統粵菜 與 Green Common 推廣可持續的 新豬肉 🐽料理 , 以嶄新的食材 配合 傳統烹調技巧 演繹美味又健康的 中菜菜式，讚👍🏻Happy Moon 🌕 Festival everyone - had an enjoyable traditional dinner at the legendary Ser Wong Fun 🐍, probably one of the oldest eateries in the city, reinvented itself from the 126-year-old snake bisque veteran and Michelin stars ⭐️ awarding restaurant with the newly launched Omni™️ menu, collaborating with the visionary Green Monday 💚 David.Recommended dishes 必吃Ser Wong Fun Omni Soup 新蛇王羹 🐍🥣Braised OmniPor

冬天雖然已經過咗，但係依然無減低到想食 #蛇羹 嘅意慾！對上兩次分別去咗灣仔「蛇王燊」同埋荃灣「蛇王如」，今次打大佬，去咗中環名牌蛇店「蛇王芬」。蛇王芬喺香港原來已經超過80年，都好多飲食界名人介紹過，所以唔駛多講背景。💚 二人餐 - 蛇羹 x 2 👎🏻 ＆ 生炒糯米飯 👍🏻 ($380 + 假日$50)蛇羹個底係食得出足料嘅，同埋都應該餚咗一段時間。但重點係，嚟咗兩碗蛇羹，先唔講份量偏細，加埋先得兩三條蛇肉，講緊一條係手指尾第一節咁粗到，食落去係無味嘅，完全對唔住佢呢個價錢。反而雞肉同泊脆就勁多，真係有種食碗仔翅嘅感覺。反而驚喜係生炒糯米飯，出面食到嘅大多數「生炒」糯米飯其實都係「熟炒」，話晒都係一道要火喉同哂功夫嘅中菜。臘腸膶腸味道正常（有得就咁賣，約$350一斤），飯就炒得粒粒分明，幾惹味。💚 肉絲炒麵 ✊🏻 ($80)驚唔飽嗌多咗碟肉絲炒麵，個麵炸得幾脆，味道不過不失，附送嘅辣椒油唔太辣可以落多啲。可能係午市嚟食，有一啲想食嘅菜式例如籠仔飯同煲仔菜都未有供應，但感覺到呢度嘅廚房做小菜比蛇可能更出色。所以整體嚟講其實係失望居多，如果用蛇店標準去度係唔合格，反而當係一般出名中菜廳可

一向都很喜歡到小店吃小炒，週末在中環有一個諗頭想喝燉湯！所以我們一家到了舊港式餐廳蛇王芬，點了咕嚕肉、炒芥蘭、肉絲炒麵及一盅白菜陳腎燉湯。先評論$120一小盅燉湯，是完美！燉湯沒有一點油浮面，湯底鮮甜濃郁，材料十足，一喝已經知道燉了好多小時了，想再添一盅呢！之後小菜也很出色，有三椒炒菠蘿咕嚕肉，鬆脆不是只有炸粉的咕嚕肉，而芥蘭充滿薑味，不老是幼苗; 至於肉絲炒麵當然有穫氣了！在小街小巷的珍珠，值得一試再試！

秋冬最啱就係食蛇羹暖下身🥰香港有好多大大少少嘅蛇舖🐍而蛇王芬就係其中一間，係百年老字號！喺香港已經迄立咗八十年啦！所以未食過蛇羹嘅我，緊係試下呢間先😆👆🏻以前喺中環返工成日都會經過😹今次終於可以試啦！蛇王芬喺閣麟街(中環半山扶手電梯下)，沿住斜路一路行，過咗翡翠中心就到架啦🏃🏻‍♀️👆🏻餐廳入面係傳統中式嘅裝修，有中式吊燈🏮、鋪咗暗花檯布嘅木檯，👇🏻仲有水墨畫🖼👇🏻牆上有木製嘅燉湯餐牌👆🏻呢度除咗出名食蛇之外，臘味都係招牌！😹事關啲臘腸、膶腸都係佢地自己整嘅～呢日嚟到見到佢地好忙咁包裝緊新年禮盒～👆🏻蛇舖唔止有蛇食嘅，仲有小菜、煲仔飯🥘、粥粉麵飯🍛等等，由於地理位置同名氣關係，價錢會比同類鋪頭嘅高，屬於中上價錢💸👆🏻呢個價錢係夜晚七點半後嘅價！日頭嚟食就係正價，唔好睇錯餐牌啊～👇🏻亦有賣綠豆沙🥣👆🏻蛇羹(碗)$140🐍🥣價錢高過出面三分一，甚至一倍💸望落就類似碗仔翅咁，有啲薄脆同檸檬草喺面，撈埋一齊食令到碗嘢更加有口感～而啲檸檬草令到碗羹更加出味同香👍🏻 👇🏻深色嗰啲就係蛇肉🐍，蛇肉本身貴，所以當然唔會有好多啦😹食落un過雞絲，而口感都幾好～係好食嘅😹不過😆試過就好了～下次一於去

秋冬起，食🐍🐍補一補蛇王芬撚手嘅，絕對唔只係蛇羹。我加埋B得兩個人，都忍唔住嗌咗咁多嘢食。睇睇相先：食完🐍🐍個身真係溫暖晒，我同B分享左一碗。啲臘腸潤腸多到不得了，師傅仲落咗少少芋頭去炒，頂級嘅水準。其實已經飽到飛起，我最後全部都食晒。啲小炒用料好靚，新鮮滾熱辣，份量又多。真係好食過好多大酒樓。其實佢嘅星洲炒米，燒味飯都好正，不過一次過真係叫唔到咁多嘢食。另外啲臘腸都可以買返屋企，不過嗰日要行街冇買到。搵日要去食下啲炒粉麵高興下❤️

煲仔飯膶腸味道不錯但腸衣咬不爛，腸衣品質不佳，更甚排骨細粒肉少，重點係不是最新鮮的。。。蛇羹肉多味道唔錯，炸蟹鉗有風味。其他小菜沒大特色。煲仔飯價錢太不值了，失望

今日約左朋友去老店食蛇～疫情期間仲多左抗疫套餐添有燉湯有飯，價錢平左，都幾抵食我地叫左一個套餐，一個蛇羹同糯米飯燉湯好鮮甜可以分到四細碗蛇羹足料仲有脆脆同檸檬葉絲增加口感同香味糯米飯又係好足料臘腸同潤腸加芋頭滿滿冬日滋味糯米飯軟糯，唔會硬梆梆食唔到唔錯