影片
更多
2022-08-29
96 浏览
自從之前喺elements嘅天天海南雞食過佢地同「蛇王芬」 cross over嘅套餐之後，一直心心念念想黎佢嘅老店試下。趁今日annual leave，就一於去中環試吓呢一間百年老店啦！餐廳位於半山扶手電梯旁邊，搭地鐵過去都幾方便。餐廳門口貼咗好多美食報導嘅剪報，亦都掛在一個2016年米芝蓮推介嘅獎牌。餐廳裝修簡潔、傳統，配合返佢作為傳統老店嘅風格。由於我之前已經喺天天海南雞嘅套餐度試過佢哋嘅蛇羹同臘味糯米飯，加上今日天氣好熱，所以我就冇再嗌蛇羹同埋糯米飯啦。我問店員有啲咩好介紹，佢就話可以試吓佢哋嘅招牌燉湯。天口咁熱，最適合飲冬瓜湯，所以我就跟店員介紹order咗個「冬瓜瑤柱響螺燉湯」（$120）個燉湯一攞上嚟嘅時候已經香氣撲鼻，冬瓜大大嚿，響螺同埋乾瑤柱等配料都頗足料。最好嘅一樣嘢，係碗湯夠曬熱辣辣，飲起上黎好有住家的感覺！飲完個湯其實都已經飽飽地，所以就淨係帶咗一碟福建炒飯。作為一間屹立喺中環咁多年嘅老店，我相信佢哋嘅老師傅處理好似福建炒飯呢啲簡單嘅食物，應該反而可以睇得出佢嘅功架所在。果然無令我失望！俾大家睇下啲飯炒得幾靚：福建炒飯配料來來去去都係嗰啲，但蛇王芬呢度嘅福建炒飯
餐廳位於半山扶手電梯旁邊，搭地鐵過去都幾方便。餐廳門口貼咗好多美食報導嘅剪報，亦都掛在一個2016年米芝蓮推介嘅獎牌。
餐廳裝修簡潔、傳統，配合返佢作為傳統老店嘅風格。
由於我之前已經喺天天海南雞嘅套餐度試過佢哋嘅蛇羹同臘味糯米飯，加上今日天氣好熱，所以我就冇再嗌蛇羹同埋糯米飯啦。我問店員有啲咩好介紹，佢就話可以試吓佢哋嘅招牌燉湯。天口咁熱，最適合飲冬瓜湯，所以我就跟店員介紹order咗個「冬瓜瑤柱響螺燉湯」（$120）個燉湯一攞上嚟嘅時候已經香氣撲鼻，冬瓜大大嚿，響螺同埋乾瑤柱等配料都頗足料。最好嘅一樣嘢，係碗湯夠曬熱辣辣，飲起上黎好有住家的感覺！
飲完個湯其實都已經飽飽地，所以就淨係帶咗一碟福建炒飯。作為一間屹立喺中環咁多年嘅老店，我相信佢哋嘅老師傅處理好似福建炒飯呢啲簡單嘅食物，應該反而可以睇得出佢嘅功架所在。果然無令我失望！俾大家睇下啲飯炒得幾靚：
福建炒飯配料來來去去都係嗰啲，但蛇王芬呢度嘅福建炒飯用料好足，而且海鮮都好新鮮，可以話係教科書式嘅福建炒飯！
最後，見到餐廳有得賣滋補養生特飲，就order左一枝黎試下。味道唔會太甜，而且好足料。正！
张贴
