影片
更多
2022-09-01
139 浏览
大部份人都係喺秋冬兩季先去食蛇進補，筆者當然亦唔例外，不過有時心癮起，就算天時暑熱，都會去屋企附近嗰間蛇王店整番碗，解一解饞。提到最出名嘅蛇羹店，「蛇王芬」必定榜上有名。今日有去咗中環辦事，有人心血來潮，突然話想食蛇羹，「蛇王芬」自然係不二之選。餐廳喺中環屹立多年， 由街邊檔做到變成老字號， 所以舖頭入面都保留咗唔少舊日嘅痕跡，對老主顧來說格外親切。店舖主打蛇羹同小菜，另外亦有不少合時燉湯供應。我哋點咗蛇羹 ($140)、臘味糯米飯 ($150)，另外再加咗碟豉油王炒麵 ($70) 同 蒜茸椒絲炒 A 菜 ($85)。蛇羹真材實料，內有蛇肉、雞絲、冬菇、木耳、果皮、薑絲和花膠等，材料切得十分幼細，令蛇羹入口更為豐富，每一啖都食到唔同材料嘅味道，加上面頭嘅薄脆同薄荷葉，勁足料，啖啖都係精華。另外碗臘味糯米飯亦係水準之作，飯粒分明，但又帶點黏糯口感。臘腸膶腸亦下得很慷慨，前者三分肥七分瘦，吃起來煙韌有嚼勁，而鴨膶腸亦非常美味，入口滲出陣陣肝膶香，配上飯面嘅蔥粒，令口感和味道錦上添花！豉油王炒麵製作雖然簡單，但要煮得出色，並唔容易，不過呢碟嘅質素真係唔錯。麵條炒得夠乾身，食落完全沒有油淋淋嘅
提到最出名嘅蛇羹店，「蛇王芬」必定榜上有名。今日有去咗中環辦事，有人心血來潮，突然話想食蛇羹，「蛇王芬」自然係不二之選。
餐廳喺中環屹立多年， 由街邊檔做到變成老字號， 所以舖頭入面都保留咗唔少舊日嘅痕跡，對老主顧來說格外親切。
店舖主打蛇羹同小菜，另外亦有不少合時燉湯供應。我哋點咗蛇羹 ($140)、臘味糯米飯 ($150)，另外再加咗碟豉油王炒麵 ($70) 同 蒜茸椒絲炒 A 菜 ($85)。
蛇羹真材實料，內有蛇肉、雞絲、冬菇、木耳、果皮、薑絲和花膠等，材料切得十分幼細，令蛇羹入口更為豐富，每一啖都食到唔同材料嘅味道，加上面頭嘅薄脆同薄荷葉，勁足料，啖啖都係精華。
另外碗臘味糯米飯亦係水準之作，飯粒分明，但又帶點黏糯口感。臘腸膶腸亦下得很慷慨，前者三分肥七分瘦，吃起來煙韌有嚼勁，而鴨膶腸亦非常美味，入口滲出陣陣肝膶香，配上飯面嘅蔥粒，令口感和味道錦上添花！
豉油王炒麵製作雖然簡單，但要煮得出色，並唔容易，不過呢碟嘅質素真係唔錯。麵條炒得夠乾身，食落完全沒有油淋淋嘅感覺，十分香口，正。
最後食返碟菜作結，油麥菜翠綠爽甜，配上蒜茸椒絲，味道好夾。聽聞餐廳最近喺沙田開咗 young line，主打新潮粵菜，等遲啲約齊腳，一定會過去試下。
张贴
