虎鐵鐵板燒

营业中

休息中

聖誕第二彈，約了朋友吃鐵板燒。餐廳除了有一人套餐，還有二人套餐，每人要了一個一人套餐。先來個蟹肉沙律做前菜，簡單清新；再來個海膽黑松露溏心蛋，香濃幼滑。煙燻帆立貝充滿菊花的清香，配個紅酒啫喱。鮑魚配海苔醬，活鮑魚十分爽口彈牙，加上蟹肉海苔醬，味道都幾夾。法國鴨肝煎得外脆內軟，為了減低油膩感，更配了蘋果肉、黑醋汁和焦糖青檸片。黑毛豬柳片用了大量香蔥和蒜粒，味道很香濃，加配些蔬菜中和味道。蟹肉炒飯粒粒分明，香噴噴，配熱辣辣豆腐帶子湯，味道鮮甜。最後來個柚子雪葩，完美結束了聖誕聚餐。

朋友一直都好想食鐵板燒，終於都成行約到啦～我哋點左主廚推介餐$1080～侍應都好細心介紹菜式，形容每道菜同推介食法～｜沙律｜材料有青瓜、火箭菜、蟹肉，醬汁酸酸甜甜好開胃｜海膽黑松露煮蛋｜舖左海膽、黑松露係蛋上面，溫泉蛋汁好豐富～質感滑溜｜煙熏帆立貝｜超大一隻帆立貝，廚師用菊花煙熏，令到帆立貝充滿清新花香味，巨型帆立貝咬落啖啖肉，再配紅酒啫喱令味道更有層次～｜鮑魚｜鮑魚同樣巨型，鮮味軟滑，咬落鮑汁溢出，配上特製海苔汁，清新得黎又食到鮑魚鮮味～｜鴨肝｜廚師用花瓣點綴令賣相更吸引，鴨肝大件又腍滑，咬落甘香，下面配有蘋果去除油膩感～｜香煎野菜｜有南瓜、大啡菇、茄子，煎得香口，配牛肉食最正～｜A5和牛 厚燒薄燒｜同朋友各選了厚燒、薄燒，厚燒一咬滿滿肉汁，加香脆蒜片食好惹味～薄燒就卷住蒜粒食真係一食難忘～｜蟹肉炒飯｜每粒飯粒都圓圓漲卜卜，炒至金黃～食完夠晒飽肚～｜帶子豆腐魚湯｜今日湯品係魚湯，湯煮至奶白色，味道鮮甜又暖身～｜柚子雪葩｜清新透心涼又有濃重柚子香，為晚餐劃上完滿句號～

松葉蟹柚子醋沙律沙律菜超級新鮮，蟹嘅份量都好多，柚子醋啱啱好海膽黑松露糖心蛋幾有特色嘅一款菜式，外殼好熱嘅情況下入邊仲係流心煙燻帆立貝用咗菊花去煙燻，第一啖食落去好似飲緊菊花茶咁香！第二啖配埋海鹽，味道更有層次活鮑魚配蟹肉海苔將法國鴨肝鴨肝底部有一蘋果，酸酸甜甜襯返鴨肝嘅油膩非常夾！鴨肝仲煎到非常香脆。最後要食埋塊焦糖檸檬，呢塊先係精粹🤣日本A5和牛厚燒西班牙黑毛豬柳香煎野菜首先菜用咗啡菇茄子同埋南瓜，全部都係日本直送所以味道比較出眾肉只可以話好食，但希望會多啲🤣汁物豆腐立魚湯蟹肉炒飯雪葩1080

今日約了朋友去銅鑼灣食飯，去到餐廳不需要等位就可以入座。我們叫了主廚推介套餐，一共八個菜加一個甜品。第一個是蟹肉沙律，中間有柚子汁，味道酸中帶有鮮甜，口感清新的前菜。之後是海膽黑松露溏心蛋，蛋放在熱的杯上面，再加上海膽同黑松露，味道清淡中帶有黑松露的香味。再來的是煙燻帆立貝，它是經過菊花去煙燻，上枱的時間已經有菊花的香味撲鼻，而帆立貝非常之大粒，味道鮮甜。之後的是活鮑魚配蟹肉海苔醬，蟹肉海苔醬鮮甜，而鮑魚肉質爽實。另外還有三文魚子，沒有腥味而且鮮甜。接住的是法國鴨肝，鴨肝有油香味，最後再食焦糖青檸去減油膩。之後薄燒日本A5和牛配香煎野菜，薄燒和牛入口即化，牛的油香味在口中散開。再來是湯，當中有豆腐同帶子，味道淡中帶有點甜。最後是蟹肉炒飯和柚子雪葩，蟹肉炒飯味道可口，而且不會太鹹，而柚子雪葩入口清新。整體而言，味道可口美味，而且服務態度非常好，會介紹上枱的食物同食法。

今晚晚餐食鐵板燒😄 不過遲咗book位，全晚座無虛席，所以無得坐bar枱睇師傅嘅英姿。揀左2個一人餐同朋友食，一個餐都有10道菜，食完好滿足😇。 前菜沙律蟹肉沙律有蟹肉絲配上新鮮沙律菜，用沙律醋調味，酸酸地好開胃😋 海膽黑松露糖心蛋糖心蛋真係好流心🤩火喉控制得好好黑松露味道都好香濃，跟海膽好配 煙燻帆立貝師傅將原隻帆立貝放入甕內，甕內載滿菊花， 帆立貝吸收哂菊花花香🤩好特別的菜式帆立貝大隻彈牙得來紮實，好有口感。 活鮑魚配蟹肉海苔醬鮑魚比想像中大隻好多😍師傅將佢切成三份，每啖都好彈牙好有嚼勁。一份原味食，充滿牛油香味😋，第二份點芡汁食，第三份跟三文魚子食，別有一番風味。 法國鴨肝鴨肝表層煎得香脆可口，下面有清新酸甜蘋果片墊底，可以平衡返鴨肝嘅油膩感😇 西班牙黑毛豬柳片黑毛豬柳片包住炸蒜和香蔥食落非常香口惹味😋 香煎野菜燒南瓜燒茄子和美國大啡菇伴在西班牙黑毛豬柳片的碟上 汁物魚湯味道非常濃郁，應該肴製了好多時間擺盤有點法色的感覺，賣相高貴 蟹肉炒飯炒飯粒粒分明，又非常乾身，蟹肉和雞蛋味道都好香濃 柚子雪葩雪葩酸酸甜甜又有柚子肉，用料十足非常有誠意👍🏻

朋友帶我來鐵板燒享受一下，以木為主調燈光比較柔和有情調，日系和風裝修風格，點了主廚推介套餐，菜式看起來更吸引。😘前菜 - 松葉蟹沙律和海膽黑松露溏心蛋沙律清新，有松葉蟹肉、蔬菜配上柚子汁，微酸開胃。海膽黑松露溏心蛋，海膽黑松露上鋪上食用金箔點綴，賣相精緻吸引，混合溏心蛋一起吃，味道更昇華！🥰花與海鮮的配搭，煙燻菊花微微燻熱原隻北海道帆立貝，店員建議先原味品嚐帆立貝，帶陣陣菊花清香味，再加點岩鹽帶出鮮甜味，十分有創意，伴碟有杯菊花紅酒啫喱，擺設充滿驚喜！😙活鮑魚配蟹肉海苔醬原隻新鮮南非孔雀鮑魚配蟹肉海苔醬，孔雀鮑魚一大隻，原味帶鹹甜海水味道，不需任何調味去燒都已夠味道，伴碟有雞冠草蟹肉海苔醬及三文魚籽，鮑魚肝額外煎香，充滿膠原蛋白的一道菜式。😘法國鴨肝一大塊鴨肝，底下舖滿青蘋果片，鴨肝外脆，切開內裡充滿油脂香味，青蘋果片一解油膩感，或舔焦糖青檸吃會突出。👍🏻西班牙黑毛豬黑毛豬肉質爽滑，炸蒜片有點像銅錢形狀，搭配得宜夠惹味。😆日本A5和牛厚燒 五成熟帶有點入口即溶感覺，和牛油脂分佈平均，厚燒外脆內嫩，一口肉一口油，雙重享受。☺️香煎野菜有日本茄子、南瓜和大啡菇，十分清新！汁物豆腐𩶘魚湯配上日

早經網上訂座了「虎鐵鐵板燒」，它在網上評價不錯，位於銅鑼灣軒尼詩道澳門逸園中心，在銅鑼灣港鐵站旁邊的出口，非常方便，餐廳環境很日系地道的鐵板燒風格，以原木為主調，燈光溫暖柔和，座位舒服，餐廳有兩邊吧檯，可以邊品嚐美食及欣賞廚師功架！我們點了主廚推介套餐，另有幾款套餐，全部都很豐富，首先來是前菜松葉蟹沙律，蔬菜新鮮，蟹肉滿滿海水鮮甜味，加上微酸的柚子汁，非常開胃！海膽黑松露溏心蛋，觀感很高級華麗，配上海膽、黑松露，及鋪上食用金箔做點綴，十分出色，海膽夠新鮮甘甜，蛋殼完整無缺，十分表現出師父高超的技巧！煙燻帆立貝，誠意和創意十足的一道菜非此莫屬，原隻肉厚的帆立貝用了小器皿以菊花煙燻，充滿淡淡菊花幽香，加點岩鹽非常提鮮，伴碟的小杯菊花紅酒啫喱十分清新，整道菜擺盤十分精緻！活鮑魚配蟹肉海苔醬，原隻巨型南非孔雀鮑魚，肉厚爽口，沒有任何調味，鹹味來自本來海水的味道，燒過後很香，加上碟上蟹肉海苔醬及三文魚籽，十分鮮甜，伴碟的紅綠雞冠草營養價值很高，夠清新，另外鮑魚肝亦煎得很香口，達外脆內軟之感。法國鴨肝，香煎至外脆內軟，油脂感重，切開盡見肉汁，香氣四溢，加上意大利黑醋，青蘋果片，開胃解膩，最後品嚐一

一年容影又到了年尾，又是各種聚舊的時分，這次與友人選擇來到這家位於銅鑼灣的「虎鐵」，來個鐵板燒大餐，一邊歡談往事近況。直接點了兩份「主廚推介套餐」，內容物豐富，讓選擇困難的我們不用煩心。蟹肉青蘋果沙律頭盤先來鮮嫩得蟹肉配上青蘋果，爽脆的沙律菜及黑醋，入口酸甜開胃。海膽黑松露溏心蛋滾盪的溏心蛋與海膽及松露獨有的香味融為一體，口感滑溜細緻，加上鋪面的食用金簿，高級感呈現。煙燻帆立貝美輪美奐的一道，份量喜人的北海道帆立貝個頭十足，肉質細緻如絲，帶陣陣天然海水味。旁邊的果凍使帶子的餘味更進一步，盡見巧思。活鮑魚配蟹肉海苔醬口感柔軟，煙韌帶爽的南非鮑魚，清甜的味道配上自家調製的蟹肉海苔汁相當搭調，將鮑魚的鮮味全數引出，而拌碟的食用海草及燒鮑魚肝亦使整體口感更豐富出彩。法國鴨肝肥美厚身的鴨肝煎得油潤香醇，再以意大利鴨醋醋Topping，店家推薦夾著托底得青蘋果片中吃，酸甜的味道既能中和一下油脂感亦使鴨肝的味道更出更富層次感。日本A5和牛厚燒碟面像雪花的是即磨岩塩，伴碟的還有南瓜、啡菇及脆蒜片等配料，極足料。燒得半熟的和牛片牛香味濃郁，油脂平均地溶化於肉片上，每一口都充滿肉汁，帶來極柔軟嫩滑的質感。

朋友帶我去食好嘢，我哋揀咗$1080/位嘅餐，有鮑魚、鴨肝、和牛，好豪好豐富。首先食松葉蟹肉沙律，柚子汁清新，松葉蟹肉都幾多。跟住係熱辣辣嘅海膽黑松露溏心蛋，流心嘅溏心蛋配黑松露味道好夾，好食。煙燻帆立貝擺盤精緻，帆立貝用煙燻到五六成熟，肉質嫩滑，好香清新菊花味。跟住再食紅酒啫喱，好特別。活鮑魚配蟹肉海苔醬，鮑魚勁大隻，店員話鮑魚鹹味來自鮑魚本身，沾上海苔醬食。伴碟嘅雞冠草可以撈埋海苔醬同埋三文魚子一齊食，好爽口。法國鴨肝燒得超級香，入口即溶，配墊底嘅青蘋果同埋黑醋一齊食減油膩。食完再啜吓焦糖青檬，喉嚨感覺好好。厚燒日本A5和牛燒到五成熟，牛油味勁香勁正，配上炸蒜好香口惹。伴碟嘅燒茄子、日本南瓜同埋美國大啡菇都唔可以錯過。蟹肉炒飯好香口好鑊氣，好多蟹肉。雖然其實已經飽，但係都食到一粒都無剩。魚湯好甜，配上蔬菜、菇、香滑豆腐，仲有刺身級嘅鮮甜帶子，好正。甜品係柚子雪葩，甜而不膩，食完鐵板燒食最適合不過。

朋友生日梗係要去食好嘢慶祝，呢間日本鐵板燒餐廳食物擺盤精緻，我哋揀咗餐牌上中價位嘅set，$1080/位，好豐富。松葉蟹肉沙律- 柚子汁沙律配上松葉蟹肉，清新開胃。海膽黑松露溏心蛋- 黑松露香，加埋滑溜溜嘅溏心蛋，簡單又好食。煙燻帆立貝- 擺盤好靚。店員介紹帆立貝用煙燻到五六成熟，所以切開肉質係粉嫩粉嫩的，食落去好香菊花味，好清新。食完帆立貝再食紅酒啫喱，好夾好特別。活鮑魚配蟹肉海苔醬- 南非孔雀鮑魚超級大隻，店員介紹鮑魚完全沒有調味，鹹味是來自鮑魚本身，可以沾上海苔醬食。半碟嘅雞冠草含有豐富骨膠原，撈埋海苔醬同埋三文魚子一齊食，清爽好味。法國鴨肝- 燒得外面焦香，裏面嫩滑，口感入口即溶嘅感覺，充滿油香，配埋墊底嘅青蘋果同埋黑醋一齊食可以減油膩，食多啲。食完仲可以啜吓焦糖青檬，清除油膩， keep住開胃。厚燒日本A5和牛- 燒到五成熟，牛油脂嘅香充分散發出來，肉質軟，入口即化嘅感覺。配上炸蒜或者點上岩鹽一齊食，香口又好味。伴碟嘅蔬菜有燒茄子、日本南瓜同埋美國大啡菇。蟹肉炒飯- 炒飯炒得非常香口， 有鑊氣，飯粒粒分明，軟硬適中，配上多種材料，重點係好多蟹肉，一碗滿都好快就食完。湯- 呢個

難得放假，就去遠啲食。見到呢間鐵板燒好似幾正咁就試下。今次可以坐係吧台，睇住師傅嘅料理過程。我哋就揀咗個虎鐵套餐。雖然每道菜份量望落去好少，但係食食下都幾飽。哇, 都有成9樣野，真係唔好睇少。最印象深刻係火焰北寄貝，燒得啱啱好，仲有一啖汁可以飲，一上菜就點火製造火焰效果，又睇得，又食得。鮑魚成隻手掌咁大，咬落啖啖鮮味，唔點醬就食到天然嘅鹹味，點埋個蟹肉海苔醬又係另一番風味，原來係十分之夾。最後當然唔少得和牛，每一啖入口，油脂都慢慢充滿整個口腔。每上一道菜，都會在旁講解食材同煮法，如果想知道更多，問師傅或者員工都好樂意解答。而且師傅都會留意住每台客人嘅進食速度，去調節上菜的時間，所以唔需要擔心食唔切或者會放到涷哂。員工都會問下覺得食物如何，啱唔啱食。整體嚟講，係覺得物有所值，值得一試再試。

日本除了吃懷石、廚師發辦壽司，鐵板燒亦時另一高級高質菜式，價錢雖沒有濱燒性價比高，但食物質素、服務、環境絕對是更優的。慶祝朋友生日，帶她到「虎鐵鐵板燒」，可選鐵板吧台或普通座位，選了座位更方便聊天。主廚推介套餐沙律簡單清新沙律菜，以新鮮沙律菜、蕃茄、洋蔥片再淋酸汁，蔬菜鮮甜爽脆帶酸香更開胃。海膽黑松露溏心蛋溏心蛋整隻小巧，蛋黃比例高。蛋白蛋黃均呈流心狀、滑溜細膩，海膽及黑松露更豐富其味道層次。煙燻帆立貝帆立貝肉絲絲入扣、肉質鮮甜軟糯、煙燻香而不嗆、溫室菊花乾淨甘香可食用，最後再吃紅酒啫喱清新一下口腔。活鮑魚配蟹肉海苔醬鮑魚整隻厚肉飽滿、質感爽脆彈牙、肉質煙韌緊緻。師傅以紫蘇葉盛鮑魚膽，再以海苔醬及三文魚籽伴碟，味道更具層次。法國鴨肝鴨肝整件厚身、外皮微脆、內里油潤香滑，鴨油滲出香氣撲鼻。薄片青蘋果酸香清爽，與鴨肝一同吃下，細嫩脂香同時減低油膩感。最後吃片青檸皮，皮脆酸中帶微青澀味，讓口腔恢復清新。日本A5和牛薄燒日本熊本縣和牛薄燒，和牛色澤鮮嫩富光澤，雪降紋理清晰平均細緻，油花豐富。和牛片包裹青蔥及炸蒜，和牛肉質柔嫩細緻，入口即化，嫩而多汁。蟹肉炒飯炒飯米粒分明，口感軟硬剛好帶煙韌，咬

最近天氣咁凍最適合同朋友食鐵板燒，好彩有個識飲識食嘅朋友介紹咗我去銅鑼灣呢間隱世高質餐廳🥰餐廳環境好舒服，好似真係去咗日本咁，不過可惜當日bar枱嘅位已經坐滿咗人，所以只可以坐卡位🤥我哋今次每人揀咗一個套餐，首先嚟到嘅係沙律，食落去酸酸地好開胃😋之後下一個餸就係海膽黑松露糖心蛋，職員同我地講上面金色嗰啲係食用金箔嚟嘅😍 望落好高級而且感覺好華麗😍估唔到兩樣嘢會咁夾，特別要讚佢個海膽好鮮🤤🤤之後就係菊花煙燻帆立貝😍 第一次試呢一個餸，帆立貝聞同食起上嚟都有好濃嘅菊花香味，好清新🥰🥰伴碟仲有個細細地嘅菊花紅酒啫喱💕南非孔雀鮑魚好大隻！廚師處理得非常好仲預先為我哋切好😆廚師話煮嘅時候冇落任何調味料，食到鹹味係佢本身海水嘅味道，配埋海苔醬紅綠雞冠草食落好fresh🤩🤩🤩好大塊嘅法國鴨肝加上少少意大利黑醋做調味，鴨肝嘅油脂感好重，好香同埋好好食😍😍😍下面有一塊青蘋果同隔嚟有塊焦糖青檸用嚟突顯鴨肝嘅鮮味同解油膩😋😋呢個套餐可以揀食A5和牛定西班牙黑毛豬嘅，我同朋友決定每人叫一個試吓😛兩個都會配埋日本茄子，日本南瓜同埋美國大啡菇用嚟中和肉類嘅肉味😚蟹肉炒飯炒得非常好，食落去唔會好油🤤而且蟹肉都好多🦀

最鍾意食日式鐵板燒，因為有好多唔同菜式、慢慢食、慢慢享受。晚市有一人套餐亦都有二人套餐，我哋揀咗個二人套餐，基本上咩都有。我最鍾意食嘅海鮮都有😍二人餐：虎鐵套餐(御二人樣）$2680沙律、海膽黑松露溏心蛋、火焰北寄貝、活鮑魚配蟹肉海苔醬、活龍蝦配海膽醬、西班牙黑毛豬柳、汁物、三文魚籽海膽杯炒飯、梳乎厘雪糕。食完個新鮮沙律就到糖心蛋。呢個糖心蛋唔野少。有海膽、黑松露、味道非常豐富，好香好好食😋之後就有火焰北寄貝，北寄貝幾大隻，而且爽口又鮮甜😎之後就到我最鍾意嘅鮑魚，鮑魚超級新鮮，而且好大隻，真係食到停唔到。食完鮑魚仲有龍蝦，龍蝦已經夠先鮮，仲配埋海膽醬更加提鮮！真係樣樣嘢都好好食。肉類揀咗西班牙黑毛豬，豬肉質口感林身，豬味夠香。食完就到湯，有帶子豆腐，飲到有魚湯嘅鮮味。最後食埋個海膽杯炒飯，炒飯粒粒分明配埋海膽真係好食！最後以疏乎厘雪糕作完美作結。雪糕揀咗芝麻味，非常香。疏乎厘又整得好食，今餐真係相當滿意！

鐵板燒之前食過一次、質素無可挑剔。今次嚟食晚餐揀咗二人餐：虎鐵套餐$2680平日餐廳都滿座，相當受歡迎。點完野食之後好快就有沙律，沙律清新又新鮮。之後每道菜都有驚喜！▶️海膽黑松露溏心蛋溏心蛋面上有金箔、海膽及黑松露。味道有海膽鮮味又有黑松露香味，令到下面嘅溏心蛋味道提升。▶️火焰北寄貝有火焰效果，北寄貝超級新鮮爽口，好鮮甜▶️活鮑魚配蟹肉海苔醬鮑魚超級大隻好新鮮、肉質爽口，配埋蟹肉海苔醬好好食😋▶️活龍蝦配海膽醬龍蝦配上龍蝦汁味道香濃、龍蝦都非常新鮮爽口，無得頂▶️日本A5和牛厚燒和牛揀咗五成熟，牛有燒過嘅香味、牛味濃又夠Juicy，配埋炸蒜片一齊食更加香口▶️ 三文魚籽海膽杯炒飯以為同平時普通鐵板燒嘅炒飯一樣，點知呢個炒飯整得好靚，有好多海膽好鮮甜，而且仲有三文魚籽成個炒飯好好食😋鐵板燒嘅炒飯呢個都相當特別，賣相靚而且仲有海膽及三文魚子，好食▶️估唔到個湯都相當靚及足料，有豆腐、帶子及龍蝦頭。非常鮮味。▶️梳乎厘雪糕甜品非常之有心思，係梳乎厘雪糕。梳乎厘Pancake整得唔錯，而且仲可以揀雪糕味道，我就揀咗紅豆味，食完甜品真係超級滿足呢間鐵板燒食物高質、賣相靚、服務又好。呢個價錢食到咁多嘢真係物有