蒙麵

营业中

休息中

有型有態度既車仔麵小店 位少天天排長龍!街知巷聞車仔麵店 除左出名好食外出名有性格排隊之前一堆水牌已經通知左你要等同等~新鮮花甲 一份30蚊就有20隻左右! 鮮甜厚肉無沙 隻隻吸滿湯汁好美味受歡迎嘅番茄薯仔湯真材實料，滿滿番茄蓉同薯仔好有屋企煲既湯水味道 飲曬成碗都唔會口渴溏心滷蛋用鴨蛋製成，蛋味香濃又唔會過鹹招牌蒙麵，質感有啲似烏冬加薯粉嘅混合體招牌蜜汁叉燒串，熱辣辣半肥瘦叉燒配上香甜蜜汁紅磡差館里9-15號協輝大廈地下1號舖消費$100

🍽 蒙麵紅磡差館里9-15號協輝大廈地下1號舖一提到紅磡嘅黃店💛呢一間蒙麵必定榜上有名，有嚟過嘅都知道呢間小店除左食物有性格，老闆本人亦都非常有性格，絕對喺全港獨一無二最有性格嘅車仔麵店🤪點解咁樣講呢，就係因為店舖貼滿「唔等得唔好幫襯，要好坐嘅可以去連鎖店」等各式各樣超串嘅標示😎而為何老闆咁有性格，呢間店一樣大排長龍呢？！就係憑著佢貨真價實、多款充滿心思嘅招牌菜💯 今次🐽就試左其最招牌嘅即叫即燒蜜汁叉燒串，蕃茄薯仔湯底及幾款蒙麵獨有嘅車仔麵餸！如果想知邊樣最正，就要睇到最後啦😛🍽特濃蕃茄薯仔湯底($12)+蒙麵($19)+五香牛筋($12)+蠔仔煎蛋($11)+鹵水大腸($12)（🧡🧡🧡🧡）呢個招牌自家製特濃蕃茄薯仔湯底超足料，附有幾舊蕃茄及一大舊薯仔。蕃茄湯濃而不膩，飲落好似平時屋企煲嘅老火湯，由於係車仔麵嘅湯底佢嘅調味會較濃味，但確保100%無味精，食完飲完都唔會好口渴！ 麵底方面，「蒙麵」係店舖自家製麵，口感其實就非常似平時食開嘅「真打烏冬」咁煙韌滑溜。配料方面，呢碗就叫左最常見嘅牛筋及大腸，鹵得非常入味軟淋，再加上佢地獨有嘅蠔仔煎蛋🤩煎蛋入面包住飽滿嘅蠔粒，每啖都充滿住蠔味🥰牛

蒙麵嘅賣點似乎係賣佢寸嘴多啲一啲串爆句子都要特登做一個牌掛起佢，每張枱都會睇到呢啲串爆字眼。 大約兩星期前嘅一晚心血來潮就黎左試，入邊只有兩枱人，所以唔使排隊就食到。我同老公都同意串叉燒係好食嘅，即叫即燒。 食過一啲燒烤店嘅串燒，叫兩串嘅份量都冇佢地咁多！ 主食方面：湯底，配料，麵，我個人又唔覺得好特別，可能佢哋出名係個蕃茄薯仔湯底。配料亦都唔特別。 我先生反而就覺得唔錯，會再返嚟食。 整體來講，呢間麵店價錢偏貴（一定要叫最少3個餸），分量OK。

一入黎見到大大小小嘅寸嘴小巴牌🤣心諗：就睇下你有幾好食！以一碗車仔麵黎講 佢地算小貴但以質素同份量黎講 絕對係抵食🤤平時大排長龍 咁岩星期六早啲去食都只係等10分鐘就有位👍🏻☺️特濃蕃茄薯仔湯底🍅🥔好住家嘅感覺😚鮮甜蕃茄味已經係好天然嘅調味劑 平時唔點飲湯底都飲咗半碗🤤🤤唔會飲完頸渴😋喇沙湯底 👍🏻👍🏻👍🏻呢個真係大讚 單單聞就好香椰奶味 食落香辣 諗起都流口水🤤💦蒙麵配陳皮魚蛋 /牛腩/南乳豬手蒙麵係朋友極力推介🤣睇落食落都似烏冬 比較幼同彈牙🥰迫住叫三餸但餸嘅份量都佔一半！牛腩同豬手都炆得非常腍 無乜骨啖啖肉🤓魚蛋細細粒 有陳皮味 不過份量就少啲🤏🏻蜜汁叉燒 $44@2 4/5作為一個極愛叉燒嘅人 叉燒表現算係中上唔同燒味飯嘅叉燒 佢地用新鮮豬肉 👍🏻即叫即燒 淋面一層蜜糖拉晒絲🤤肉汁鎖住係蜜汁裡面 唔會好dry不過有啲嫌佢表面唔脆😂以為細細碟唔夠 兩個人share食完其實好飽🤣

見到店面的”溫馨提示”, 例如是不要久留, 不要催促食品上枱等, 有食客認為這是沒禮, 也有食客認為這是店家態度認真, 對我而言只要食物質素ok就可以, 自家小本經營的食肆有其營業上的壓力, 這樣也可理解. 蒙麵基本上就是一家車仔麵店, 本配搭些特色小菜, 食材並不昂貴, 但夠新鮮, 而且處理上也有心機.麵底點了其自家製作的蒙麵, 口感有點似紅薯粉, 但更加挺和粗身, 配以麻辣湯底相當合拍. 其麻香濃而辣度適中, 沒有過多的紅油, 相對舒服. 牛腩和大腸除了炆得夠入味外, 件頭也夠大, 前者筋膜彈牙, 後者內裡清潔乾淨而且還有最邪惡的脂肪層. 再加上自定製的辣菜脯, 口感爽脆, 辣中帶甜沒澀味, 整體水準相當不錯.它的兩道名物是叉燒和花甲, 點了前者, 外表沒有任何脂肪, 心怕其燒得過乾, 咬下去外面脆而焦香, 內裡纖维感是有的, 但容易咬開, 不算死實. 醬汁分佈均勻, 主要是蜜糖的甜, 肉汁不少, 結合起來味道層次得以提升.

幪面超人？非也、非也，是「蒙麵」！作為紅磡舊街坊當然聽過「蒙麵」，記得起初「蒙麵」在紅磡另一個位置，後期才搬到現址，講到我對「蒙麵」產生興趣的話，乃最近兩年的事了！當天安排老爸的事提早完成，正好讓肚子仍餓著的的我，待在紅磡覓食！腦中隨即浮現一籃子的食肆，大抵每次在紅磡都是跟老爸飲中茶，許多心儀的小店還沒有機會到訪之故，這趟機會來了！大概 1240 抵達「蒙麵」，大閘只拉高了一半，可是門口已有六人在排隊，不用多說，自自然然便跟在龍尾等候，愛守秩序是真香港人一貫的本質！1300 正點開門，由一位姐姐逐一安排座位！香港寸金尺土，小店特色無疑是地方淺窄，我被安排在店末、後門前的面鏡而坐的檯子，可獨自一人安坐，感覺還好！進店前，我已翻閱開飯網大大小小的食評作攻略，例如有什麼合口味的重點推介、店方規矩和店格等，均一一掌握了！可是實戰時，忽略了「蒙麵」其中一個重要事項 — 「車仔麵每碗三餸起」，於是在姐姐打回頭的單子上，乖乖地再圈上五香牛筋！車仔餸由 HK$7 至 HK$13 起 （HK$11以上不設雙份）麵底由 HK$14 至 HK$22  湯底三款 HK$12 （均一收費）花甲 HK$30

話說男朋友成日都話想試「蒙麵」，呢日放假諗唔到食咩就陪咗佢試~ 「蒙麵」喺紅磡一帶都幾高人氣，餐廳主打港式車仔麵，位於紅磡街市附近，裝修一般，店面唔算大，可以坐到嘅枱數唔多，平時搭車經過成日都見到門口排哂人龍~ 🧡新鮮花甲+香菇貢丸+時菜+米線（$60） ☞ 新鮮花甲$30一份，係加埋係碗車仔麵度，花甲每隻都有肉無沙~☞ 香菇貢丸有兩粒，味道普通~☞ 當日嘅時菜係通心菜，切開咗一小截一小截，方便入口~ 🧡金錢牛肚+韭菜餃+菜莆豆角+溏心鹵蛋+蒙麵（$65）☞ 金錢肚鹵得幾入味~☞ 韭菜餃餡料結實~☞ 溏心鹵蛋色澤好靚~☞ 我哋無試到啲特別湯底，加咗菜莆豆角都幾惹味~☞ 值得一提既係佢個蒙麵底，口感都幾得意，似薯粉同烏冬嘅混合體，粗壯幼滑，QQ彈彈~ 🧡招牌蜜汁叉燒串（$23）☞ 蜜汁叉燒串即叫即燒，不設加單~蜜汁微微甜，炭燒到微微焦，幾惹味~

佢係位於紅磡街市對面嘅車仔麵，自從蒙面法實施左之後，一直都好多人留意，我第一次食嗰陣揀左辣汁同蒙麵，蒙麵係一隻好似烏冬咁嘅麵，覺得剩係麵$19太貴，上次食左覺得普通就冇叫，後來第二次嚟先知可以揀兩隻汁😂，上次係清水溝辣汁🍜蠔仔煎蛋+柱候牛腩+紫菜油麵 $46 (8.7/10)汁揀左牛腩汁+辣汁，佢啲蠔集中喺底，幾好食，牛腩煮得恰好，紫菜真係一試難忘，以前食車仔麵唔會叫紫菜，但而家會覺得個紫菜令到成個麵昇華左，佢個麵超好食，我覺得仲好食過文記🍜滷水大腸+雞中翼+紫菜油麵 $43 (8.6/10)汁都係揀返牛腩汁同辣汁，因為第二次食完覺得超好食，所以今次都咁叫，大腸同雞翼覺得係正常水準啦，但個麵真係超正🍜金錢牛肚+荷包蛋+豉汁鳳爪油麵 $43 (8.3/10)揀左香辣菜甫+辣汁，鳳爪偏鹹，啲餸我覺得正常啦，個麵我自己都係鍾意腩汁多啲，佢呢個組合唔會太辣🍢招牌蜜汁叉燒串 $44/2串 (9.5/10)呢個叉燒要等，間鋪甚至串到貼住，唔等得就唔好食，叉燒肥瘦剛好，食落去完全feel到燒出嚟嘅香味同啲蜜糖好夾，最正係啲肥嘅部分好食過啲燒味店，佢真係熱辣辣香噴噴嘅肥叉嚟，又唔細串🍷凍檸茶 $9叫左

原來因為呢度個老闆姓蒙，所以叫蒙麵😛係好特別嘅姓別呀👍🏻👅 特濃蕃茄薯仔湯．新鮮花甲．蘿蔔．豬腸．韮菜餃．蒙麵個湯底勁勁勁勁勁勁勁勁甜😍係蕃茄嘅鮮甜同薯仔嘅粉，完全吸晒入碗湯度😍勁勁勁勁勁好飲，我真係成碗飲晒😜然然加左一份花甲，花甲又係勁勁勁勁勁甜，啲蜆嘅鮮味融入晒係啲湯入面，再俾蒙麵吸收晒，真心正🤤蒙麵麵質好特別，又似烏冬，但比烏冬煙韌，又好滑，一野就吸左一住麵😂值得一提係個狗菜餃好足料，又好鬼大隻，吸住啲湯一齊食，味道係超豐富！．👅 招牌蜜汁叉燒串叉燒燒得好香，做到外面有層燶燶地嘅焦糖邊邊，入面又夠Juicy ，唔會整到好鞋，我覺得係呢到呢度必叫呀🤤

車仔麵每樣餸$8-12不等，可是「鮮花甲」則要$30（即管放低銀兩試一試）。因為是下午茶時間，未能試到他們的「叉燒串」。 （會搵日晚上再光臨多次）今次初試體驗，未能試到晚上的招牌菜，不過鮮花甲已值得回頭。______________________________▫️一味餸要三十大元的花甲，的確值得的👍 花甲味鮮，而且爽口彈牙！★★★★★▫️陳皮魚蛋：通常有陳皮魚蛋的我都會點～依舊是陳皮魚蛋的風味。★★★★☆▫️豬皮：呢個有點普通，亦可而不用點…好咸。★★☆☆☆▫️魚皮餃：不過不失★★★☆☆▫️湯底：麻辣風味 （小辣）★★★★☆每碗車仔麵驚起地加了芽菜同韮菜（唔食既記得要事先講）門口已看到店主貼出來的一張張「串嘴」告示，害得我跟伴侶細聲說，一陣無論好食與否，不要即時討論🥲店鋪面積細小，密密的枱排列，走廊幾乎只能一人穿過。為食貓被安排坐到洗手間前面🤦‍♀️（有點不開胃）已被去洗手間的人擦身而過數次…每次開門閂門都有點不安。。。可是一想到那門外的「串嘴」告示，還是不敢開聲要求調位…

我以前留學時期，暑假回港必食之榜首🥇亦係我每次病時，最想快d好返後食既第一樣野😆 真真正正係我的comfort food☺️以前未出黎做野，可以weekday lunch去食，唔洗排隊。兒家每次放工或weekend去都要排隊，所以多數外賣，今次亦不例外必點5️⃣餸💛陳皮魚蛋😋😋😋😋😋濃濃陳皮香，口感爽彈👍🏻五香牛筋😋😋😋😚😚超腍超入味 我食過最好味的牛筋 沒有之一😂黑椒牛筋丸😋😋😚😚😚黑椒味夠濃，辣辣地之餘亦好重牛肉香味，丸入有亦有粒粒彈牙的牛筋，口感同味道都🉐蠔油冬菇😋😋😋😋😋好腍好入味 食過你就知辣味魷魚😋😋😋😋😋好辣好惹味🤤⚠️記住要加 辣。菜。甫‼️‼️‼️重要事情要講3次💢湯底💛特濃蕃茄薯仔湯🍅😋😋😋😋😋濃郁得來又唔會太杰，連薯仔都又腍又入味重慶麻辣湯底🌶😋😋😋😋😋我超愛麻，呢個堅夠麻😚 而且個湯濃而不油💯平時我唔中意d店主寸寸貢，好似唔想做你生意咁。。 但呢間係惟一一間我打從心底認🉑佢寸得起🧐

今日嚟到紅磡呢間出名嘅車仔麵，平時成日大排長龍，有時店主又會無啦啦放假，今日終於撞正佢開門，就過嚟懷緬下😝😝最少要三餸起跳，今次叫咗柱候牛腩、蠔仔煎蛋🍳、黑椒牛筋丸同蘿蔔柱候牛腩：又林又入味，啖啖肉好食黑椒牛筋丸：大大粒，牛肉味重，一定要食蠔仔煎蛋：蠔仔份量夠多，鮮味十足，唔會太乾身，好食另外仲可以揀多款醬汁，今次我就揀咗牛腩汁，又香濃又惹味整體來講價錢中上，但勝在用料上乘，絕對值得黎食❗️❗️❗️

☞ 呢間串到爆嘅小店，連外賣平台都冇做，話想專心做好每一個客人，超Respect💛👍🏻，入面位置唔多，所以平日都要等吓位先至入得，今次晚市時間咁啱有位，咁就入咗去試吓喇😆.🍴三餸車仔麵 - 豉汁鳳爪、蠔仔煎蛋、生根 配油麵、特濃蕃茄薯仔湯（$53）❖ 佢哋嘅蕃茄薯仔湯係必嗌㗎😆就算要加$12我都覺得好抵，因為佢哋真係平時住家老火湯嗰種蕃茄薯仔湯嚟，超級足料！🤩❖ 而餸方面我哋無嗌到普通嘅紅腸魚蛋，而嗌咗啲比較特別嘅餸，車仔麵嚟講好新奇😆味道正常，比較推薦蠔仔煎蛋👍🏻🍴三餸車仔麵 - 溏心鹵蛋、香茅魚餅、蘿蔔 配米粉、特濃蕃茄薯仔湯（$56）❖ 糖心滷蛋聽講就係必嗌嘅，我覺得佢啲蘿蔔雖然唔甜，帶有少少酸，但都無渣，唔算係苦澀，其實三個餸再飲埋晒啲湯真係超級飽🤰🏻另外大家記得加佢哋嘅香辣菜甫🤩令個湯底加咗少少辣味，超吸引！🍴招牌蜜汁叉燒串（$44）❖ 呢個叉燒係即叫即燒㗎，叉燒超級入味同非常淋身😍甜甜哋嘅蜜汁配埋咁淋嘅叉燒真係要一人一串😆☞ 雖然價錢喺車仔麵嚟講絕對唔係平，但係我都覺得好建議大家嚟試吓😆💛記住佢嘅花甲都係必嗌㗎！不過今次夜晚去到已經賣晒🥺大家食嗰時記得嗌埋🤫

今日係我第二次幫襯蒙麵。想當年岩岩讀理大既時候好多同學都話蒙麵好好食九年前食既時候覺得都只係一間普通既車仔麵九年後返黎食既感覺唔同晒，覺得老闆真係比返應有既食物質素比客。因為係出面出過太多伏，食返間有質素既小店好開心。叫左牛腩 時菜 韮菜餃 油麵女友食羅白 冬菇 魷魚。牛腩份量足 炆得夠林 唔痴牙 入味。韮菜餃 爆晒韮菜 大大隻好香口，辣醬惹味羅白 無渣 夠甜冬菇夠林基本上冇乜挑剔見到枱枱都叫呢個叉燒，我都叫左一串黎食。火喉岩岩好 ，大細岩岩一口一啖 ，甜甜地 好味見到洗碗姐姐 ，好辛苦。冇停手，加油💪

今日lunch time 好想食車仔面, 朋友推薦紅磡呢間蒙麵, 十級推介. 一入門口就見牆上貼曬d 寸寸貢標句, 好funny, 都好地道. 即然被實力推介, 我見到個list有咩想食就order, 我叫左厚切午餐肉, 金錢肚, 貢丸, 豬皮, 配上自家製蒙面和麻辣湯底, 不得了的組合. 不得不讚下個湯底,不油膩, 而且挺清楚, 好有層次, 不是一味地麻/辣, 十分優秀.我地還order左叉燒,即場燒,所以等左成十幾分鐘, 肉質嫩, 而且爆汁好juicy,果然不負所望.