蒙麵

营业中

休息中

心血來潮突然想食車仔麵，上網一搵就見到蒙麵。平日Lunch時間食，12：45到達，發現原來1：00先開門～食好西就等一等吧大約過了5分鐘已經開始有人排隊到1：00入座時已經有10人排隊，瞬間坐滿了餐廳招牌蜜汁叉燒串 ($26)不慚是蒙麵的招牌菜，叉燒使用了軟瘦的豬梅肉，特別有口感。放上燒爐烤過，沾上厚厚的蜜糖汁，微微炭焦除了帶來濃郁的燒烤風味外，亦令叉燒多一層口感。不過如果可以選擇，啤小姐更偏愛半肥瘦的豬梅肉，有口感得來又有肉汁這方面以前靚靚車仔麵的黑毛豬叉燒做得更出色。三餸 (牛筋、牛腩、豬紅) +菜底要數啤小姐最有驚喜的是牛筋！牛筋選用了較厚的部分，但仍可燜得十分嫩滑但又有咬口，不會跟一般粉麵店入口便融掉。香草雞翼 ($25/3隻)雞翼以大量香草醃製過，一入口即品嚐到濃烈的香草味。外皮烤得略脆，內裡帶有肉汁。

紅磡不嬲都勁多嘢食。而呢間小店出名串😌幾年前食過一次就嚟睇吓佢嘅水準有冇跌到😌利申：禁晚市堂食前食嘅七點左右嚟到就唔算多人，都買單走嘅時候出邊就排咗幾個人順帶一提係嚟到呢度食嘢一定要眼明手快😂揀好嘢食就快快手落單。💛溏心蛋熟度啱啱好，調味微甜。💛花甲份量非常之多仲好鮮甜，揀咗多春魚金菇同埋菜底，多春魚香脆😌其他嘢都係正常質素💛招牌蜜汁叉燒串冇預期中咁驚艷，但係都算爽口同埋入味仲幾香口。呢度食嘅嘢豐儉由人，質素係正正常常，花甲係比較出色嘅。

蒙麵💛滷水豆腐 脆香多春魚 蠔油冬菇 蒙麵 特濃蕃茄薯仔湯底 $9+10+11+19+12賽寶蛋角 糖心滷蛋 韭菜餃 芝心丸 牛腩 菜底 $10+12+11+9+13+14-講吓啲餸先～滷水豆腐 比起豆腐 佢更加似豆腐乾好似🤣有啲咬口．脆香多春魚要鬧起佢先不過都冇話特別脆卜卜但係好好味🤤．賽寶蛋角佢完全係一個完整嘅炒蛋上面有賽寶🤣．糖心滷蛋🥚好似係凍嘅👀半熟 流心狀態個底仲有啲甜甜地嘅醬汁．韭菜餃🥟完全冇肉㗎👻好香好多韭菜🤤．湯底同面～蒙麵🍜QQ嘅感覺😚有咬口 似煙煙銀銀嘅烏冬．特濃蕃茄薯仔湯底🍅🥔真係有啲似屋企煲嘅番茄薯仔湯冇乜味精但係要加$12貴唔貴就見仁見智啦👀．其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-27/9 eat不過呢次好可惜本身帶咗佢哋出名嘅$23蜜汁叉燒可惜間舖頭好似miss咗所以最後冇食🥺不過睇隔離好香 同埋色澤好唔寫得好詳細㗎啦💁🏻‍♀️-好味程度：🌕🌕🌕🌕🌑抵嘅程度：🌕🌕🌑🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌑🌑🌑

呢排成日都好想食車仔麵🥸🥸，咁啱朋友有介紹咗我去呢一間食，所以我就帶埋男朋友一齊陪我去到紅磡食。🤪------------------------------舖頭座位唔算好多，所以去到都等咗一陣位，不過傾住計咁等時間都好快過🥳！------------------------------記得呢一間出名嘅係佢嘅即刻燒嘅蜜汁叉燒。所以我哋都嗌咗一串嚟試吓佢😙！我嗌咗冬菇、辣魷魚、蘿蔔、豬紅同米粉而我男朋友嗌左豬大腸、牛腩、蘿蔔同幼麵喺可加嗰個位，我同我男朋友分別圈咗辣汁，牛腩汁同埋辣菜脯，牛腩汁。我哋兩個碗嘅餸都好入味，特別豬紅。豬紅喺其他車仔麵度食通常都係冇乜味，所以要驚喜。同埋佢個辣汁都幾辣，但辣得來幾好食😋😋🤣。蜜汁叉燒可能因為我對佢期望太高，所以我冇想像中咁好食。但我都覺得可以一試嘅😙！------------------------------如果下次再會經過紅磡嘅話我想再嚟食！

Ouiii。WeeeEat - 有質素人氣車仔麵 - 蒙麵 🍜 🌗Dinner有人情味既小店😚 店內比較細，所以大家都要預時間等位，不過食物質素絕對值得😋👱🏼‍♀️招牌蜜汁叉燒串 $26@1即叫即燒既叉燒熱辣辣，加上蜜汁冇得頂😚 肉質亦都唔會好韌～👱🏼‍♀️豉汁鳳爪｜滷水大腸｜蘿蔔｜蒙面｜特濃蕃茄薯仔湯 $62非一般嘅車仔麵，竟然有蕃茄湯底😍～ 佢地既蕃茄湯底濃郁得來唔會好稠，大大粒薯仔都有4，5 舊🤤～ 湯底配埋炸蒜生蔥真係食到舔舔脷😳 招牌嘅蒙面亦都非常煙韌～ 鳳爪嘅份量都頗多蘿蔔亦都非常清甜～不過最愛都係佢個湯底！👱🏼‍♀️豉汁鳳爪｜西洋菜｜芝心丸｜油面｜特濃蕃茄湯 $62西洋菜令到成碗面昇華😍，不過都係比較喜歡蒙面底😋❗️只能付現金喔～Ouigo

小編暫時食過最好食嘅車仔麵🍜小店有好多告示講明食好嘢要等、貪平勿吃😌可能大家覺得寸寸貢，但真係食過就知咩料🤤#小胖遊紅磡🐠 #小胖遊黃埔🐠—————————————————🔹自選3餸車仔麵 (小店必須叫3餸起) $71▪️金錢牛肚 $14｜五香牛筋 $14｜蠔仔煎蛋 $13｜蒙麵 $17配🍅特濃蕃茄薯仔湯🥔 $13蕃茄湯超好飲💯，真材實料去煲，濃郁清甜蕃茄味，有好多蕃茄蓉🥰同埋超腍薯仔🥔飲完有勁幸福嘅感覺🥰成身暖晒，差唔多飲晒成碗(完全無口渴🙆🏻‍♀️)呢個升級湯底係額外要加$13，但絕對係精心餚製湯底🤗超級推薦！🐮牛肚醃得入味又爽口，份量都幾多🤩🐄牛筋勁大嚿又好腍身，充滿滿滿骨膠原，係3款餸中最喜歡💕🦪蠔仔煎蛋🍳都幾鮮甜，不過蠔仔就偏細同小，雖然好食但相對普通😌小店獨有蒙麵🍜食落似係煙韌版偏腍嘅烏冬，口感幾得意，配🍅🥔湯都幾夾，未食過都推薦試下😆————————————————🧜🏻‍♂️口水度：🌕🌕🌕🌕🌗🤑CP值💰：🌕🌕🌕🌑🌑🧚🏻‍♀️打卡值：🌕🌕🌕🌑🌑🥰舒適度：🌕🌕🌑🌑🌑👅再食指數：🌕🌕🌕🌕🌑————————————————車仔麵超好食，價錢唔平但咁高質都抵，難得成日咁多人排隊😋不過小店空

自製辣汁幾好味，雖然小辣還是有點偏辣但可口，辣味魷魚幾好味，滷水大腸尤其出色😋👍🏼⋯⋯ 地方乾淨，下次經過開會再幫襯！另外，炸雲吞其實不錯但餡料內的魚肉比較硬身，豬潤就冇特別…

我最喜愛的車仔麵店沒有之一花甲蘿蔔韮菜腐竹清湯蒙麵第一碗麵比較清，主要食花甲鮮甜花甲蘿蔔配清湯蒙麵一定係鐵膽花甲大大粒鮮甜無沙無得輸，成個湯想一啖不漏飲清光蘿蔔清甜無渣菜莆煎蛋牛肚豬紅蕃茄薯仔湯蒙麵加辣菜莆第二碗就比較重口味蕃茄薯仔湯係另一款每次必點湯底，似十足媽媽煲嘅湯勁濃勁足料今次走左薯仔因為每次都太大份食唔晒蒙麵係店家signature, 第二度食唔到外貌似肥嘟嘟烏冬，非常彈牙另一必食推介-叉燒三個字無得輸肥瘦適中勁香口其實食過咁多次真心無邊款配料伏，所以每次都有選擇困難症要揀好耐建議開舖前早少少到等開門食第一輪，因為真係長龍人氣店翻兜指數:4.5/5📍蒙麵地址: 紅磡差館里9-15號協輝大廈地下1號舖

一間有態度有堅持既車仔麵店！每碗車仔麵三餸起，同朋友每人揀三樣share食可以食多啲😆 特別鐘意菜甫蛋角，出面少有既餸！麵底：蒙麵(樣有啲似烏冬，但質感煙韌！如果可以再煙韌少少就仲正)湯底：特濃蕃茄薯仔湯，真材實料小食：招牌蜜汁叉燒串 (即叫即燒，不設加單🙈想食就一次過叫哂阿！)已經想再去食多次….😋📍 蒙麵 (紅磡)紅磡差館里9-15號協輝大廈地下1號舖#foodchill_hongkong#foodchill_hunghom

睇開嘅家庭醫生，喺呢頭附近。有次睇完去搵嘢食經過見到呢間都幾多人排隊就去咗試下。餐廳嘅店主應該都幾有性格，見到佢哋嘅標語同埋紙報都知道店主都幾串。叫咗佢哋最出名嘅花甲同埋叉燒我車仔麵我揀咗花甲做餸，要咗菜底冇要麵底。佢哋嘅花甲係非常之鮮甜，絕對估唔到喺小店食到呢個質素！多春魚炸到超脆！就算我冇要到麵底都好，啲花甲多到我都食到飽晒叉燒本身太大期望，不過佢即叫即整，上枱熱辣辣都好好食😋其實店員都非常之Nice，都真係帶佢哋咁多人排

叫左比較出名既蕃茄薯仔湯底，幾濃味，配左招牌蒙面，感覺係淋身少少既烏冬，餸就比較少，一碗車仔面要$60-$70，又未到話好值。不過叉燒串值得一試，好香，但要預等耐少少。鋪面座位唔多，議大家早d去排隊

餐廳得10個位左右，好逼，坐得唔太舒服，唔可以話好企理。晚上9點仲要排大約10分鐘隊，上菜好快，5分鐘左右。每個菜大約8-14蚊（最少3餸），合理價錢。但想要特色面或湯底，就要加十幾二十蚊，加加埋埋可以上60蚊嫁🙊。值唔值？有👍嘅滷水豆腐無滷水味，似普通煎軟豆腐。菜甫蛋角即叫即煎，好香口。蕃茄湯有大大隻🍅比你，因為加左薯仔，湯好濃郁！飲到唔停口，唔太鹹，小小酸，無茄膏的添加劑味道😋。試左朋友嘅蒙面，似係上海面結合薯粉嘅東西，但口感軟同淋。花甲湯到晚上已經賣哂，大多數客人都加$12要蕃茄湯底。下次有機會想試魷魚，見佢分碟濃汁另上好吸引甘。仲有韭菜餃，皮薄長形，似係自家製！😍整體黎講食物味道可以掋消環境嘅不足，價格合理，食物地道足料。

依家唔知重返紅磡食左幾多次，每次都覺得值得排隊。星期六的下午還是排了半小時，畢竟小店座位有限，大約得六張枱。老闆一直喺到密密煮。叫左我最愛的蕃茄薯仔湯底配米粉。湯底好香好香好濃郁，薯仔煮到半溶好綿好粉。米粉吸哂湯底，好好味。黑椒牛丸好彈，有啲牛筋，推介。香菇係我食咁多間車仔麵之中最厚肉最大隻，菇味好濃。仲加左$32要時令的花甲，甜到不得了，一啲沙都無。叉燒的味道有啲似金莎骨，同平日食的叉燒味道唔同，但好香好惹味。

食呢間蒙麵 係kiki and may 介紹過唔錯所以黎試下 食完覺得真係幾唔錯 尤其個蕃茄薯仔湯底 真係有啲似呀媽平時煲嘅蕃茄薯仔湯咁 好飲👍👍👍 未食過車仔麵個湯底係咁 好正 我叫嗰個普通湯底加左腩汁 清清地但重腩汁味都好香 餸方面都有啲幾特別 有菜莆蛋同滷水豆腐都未試過喺車仔麵檔有就叫左 滷水豆腐幾好食 蛋就正常 其餘仲叫左牛肚 辣魷魚 時菜 牛腩 辣魷魚個汁整得好正 好好味👍👍👍👍👍 推介麵我地就叫左拉麵同蒙麵 兩個我覺得都冇咩特別 個蒙麵其實就好似烏冬咁不過in un 啲🤔 小食就叫左兩串蜜糖叉燒 真係燒得幾正 啲叉燒半肥瘦 食落唔鞋 然後外層啲蜜糖好甜 真係好好食👍👍👍本身仲想叫埋個花甲 可惜已經冇晒

大名鼎鼎既蒙麵，身為街坊既我地已經食過幾次，每次食都覺得好正，真係要推介下。今日我地大約6點嚟到，已經排緊隊，大約10分鐘就有位，唔算等太耐。叫咗兩個麵第一個係牛腩、香茅魚餅、辣味魷魚配蒙麵（$55）加沙嗲汁同辣菜甫牛腩有好多，足足有六、七舊，極有咬口，值得試下。魚餅香茅味好出，魷魚偏辣，如果平時唔食開辣既要好好考慮下。沙嗲汁有濃郁花生味，蒙麵十分煙韌，成個配搭好正。另一碗就叫咗溏心蛋、鳳爪同菜甫蛋餅（$50），湯底麵底一樣。溏心蛋半熟狀態，入口即溛，係好食既。鳳爪就稍為同個麵底無咁夾，蛋餅尚可，但以$10餸嚟講又略嫌貴咗少少。另外加咗一串蜜味叉燒（$22），即叫即整，燒烤味好香，入口鬆軟彈牙，一定要試。最後加埋杯凍奶茶（$9），呢餐就真係超級完美。食完出門口已見超多人排隊等外賣等堂食，如果大家要試，都要比啲耐性等待。