蒙麵

营业中

休息中

黎呢間鋪食野，請做好要排隊既心理準備。眾要係咁熱既天氣低下排上半個鐘以上，但仍然要講句：值得。自選餸車仔麵 先講左麵底，揀左特色蒙麵，烏冬size半透明，但口感軟糯彈牙，記得快食，因為會越擺越稔。一碗餸揀咗糖心滷蛋：流心Q彈，滷水味較淡，辣味魷魚：爽口入味，有嚼口，豬大腸：已清乾淨口感軟硬適中、岩我口味。湯底辣汁+菜脯，夠惹味爽脆另一碗餸就揀咗新鮮花甲：鮮味無沙，蠔仔煎蛋：蛋香鮮味，無腥味，沙嗲肥牛：唔係一般cheap cheap 貨色，汁醬夠濃，雞中翼：滷得入味，肉質嫩滑唔會過淋。湯底辣汁+沙嗲，呢碗加左花甲，多一份鮮味，湯底都飲唔停招牌蜜汁叉燒串 $28用上梅頭肉，醃得夠入味，肉質細膩有韌勁，惹味無窮。由於即叫即燒，要等10-25分鐘且只可下單一次，一人一串先夠喉

矇面超人睇得但唔食得，今次依間蒙麵唔止睇得重要食得😌夜晚六點半鐘好去，oh my god，已經要大排長龍，不過唔緊要，食好嘢一定有有耐性，喺等嘅時間，就揀定食乜啦。等咗半個鐘左右，終於入得。我揀咗招牌蕃薯薯仔湯做湯底，另加花甲（下一個客入嚟話已經賣唒），好奇待。碗麵一上我就試個湯，我哇咗聲，個湯非常鮮甜，好好飲。招牌蜜汁叉燒串，估佢唔到，燒得好出色，一上枱啲香味撲鼻，而由於佢揀咗梅頭肉做叉燒，肥瘦適中，必食。

黃店！久仰大名🫡 盛名之下無虛士，確實稱得上高質素。不過講真排隊真係排太耐，我大約1245到佢未開閘已經多人排到打蛇餅，到第二輪入得座野食上檯都2點幾，係真心誇😂 由於真係要等太耐，我應該比較少可能會再encore，起碼唔會夏天嚟，因為我係超憎排隊嘅人🤣店外貼滿好多「串嘴」告示睇落好難相處咁，但換個角度諗，都係香港太多西客，為咗專心煮野食唔花費時間喺客服上先要打咁多預防針篩走唔夾嘅客。實際上店員服務同態度都係有禮貌有效率做實事，所以唔會覺得出名所以串。因為咁啱呢排就食兩間都喺紅磡呢頭嘅車仔麵，少不免比較下🤪 真係各有千秋！我個人就中意蒙麵多啲，因為啱我食嘅野多啲，可惜我食唔到花甲！但喜喜都有佢比蒙麵出色嘅地方，例如蘿蔔、咖喱魷魚，又有芫荽又有炸蒜，都好吸引——最重要係唔使排，所以我同男朋友都認為我地如果encore會揀喜喜，蒙麵可能就等冬天間中想食時排隊食下😝P.S. 可惡，入座前佢幢個牌話：「呢兩日（暫時）冇花甲」，我勁失望，因為我係為咗花甲先嚟，結果食完，又有返花甲了😭 我到底有幾黑！）價錢上係偏貴，食出拉麵價，但我認為係比拉麵抵食同好食好多，所以唔係咩問題，睇我叫咁多餸就知食得好

問吓大家：睇show之前最緊要做啲咩？.答案係醫飽個肚！你知啦，睇show又要fing 螢光棒，又要落力嗌，有時興奮起上嚟仲要跳埋一份，要好多energy㗎嘛🤪.話說前嗰排去紅館睇軒公演唱會，入場之前決定喺紅磡附近覓食！呢間拉麵店，我一直想試好耐，但因為佢真係超人氣，成日都排晒長龍，所以一直都冇機會食到。今次我專登早啲嚟，6點前就嚟到，排咗一陣終於有機會食到！（冇錯，係6點前都開始排緊隊🤪）.蒙麵係用車仔麵式嘅叫法，即係揀好麵底，然後每樣餸咁加上去！咁難得嚟到，當然希望試多啲嘢啦🎉我揀咗蒙麵麵底，升級咗番茄薯仔湯底，配料方面揀咗新鮮花甲、糖心鹵蛋、辣味魷魚，另外再加咗串招牌蜜汁叉燒！大滿足🥰🥰🥰.😋三餸麵麵底揀咗蒙麵，係呢間店舖獨有嘅！睇落有啲似幼身嘅烏冬，口感似薯粉，堅靭彈牙。番茄薯仔湯底係呢度嘅招牌之一，番茄味非常香濃，絕對唔係出面是但用茄汁開嗰種！薯仔唔會煲到溶晒，仲可以食到一粒粒嘅薯仔，口感💯💯💯👉🏻花甲份量十足，隻隻都大大隻、啖啖肉，完全冇沙！而且味道好鮮甜，推介👍🏻👍🏻👍🏻👉🏻辣味魷魚好惹味，香得嚟唔會太辣，食開BB辣嘅朋友都handle到！店員會將魷魚另外用碗分開上，令辣

低消三餸麵，六十幾蚊出品正常，係完全冇問題但又排隊，又唔尊重顧客嘅標語衛生環境完全係大問題，衰過大排檔咁樣都可以出到牌，食環署有冇做嘢㗎呢個價錢，消費者值得擁有更好嘅環境唔會再食第二次

出名的蕃茄薯仔湯 （話真材實料）係有蕃茄薯仔嘅，但湯底係用罐頭蕃茄汁，難飲到一個頂點，即時好失望同飲完好渴。 因麵款有好多款揀，我自己鍾意食烏冬。當中有普通烏冬面($14) 同稻庭烏冬($18)揀。我驚瀨嘢係啲cheap 烏冬，專登叫貴嘅稻庭烏冬，最後都係中招，個烏冬煮到勁稔，完全冇咬口，連湯底都變得杰撻撻🥲雞翼尖同招牌嘅魷魚都係凍冰冰，應該係就咁放室溫，兩款餸都唔入味😒。牛筋就standard。成碗嘢食剩一半，因為實在太難食。真係唔明點解咁多人吹捧🤷🏻‍♀️

呢間車仔麵應該冇咩人唔識🤣舖頭開1:00、45分鐘前已經開始有人喺門口排隊😮佢都係一間有性格嘅餐廳，大家記住去得就要守佢嘅規矩😙車仔麵三餸起，花甲可以當係一個餸💟嗰日好好彩食到花甲$36，完全冇沙，每隻都幾飽滿👍值得一試！另外一樣佢熱門嘅係秘製辣魷魚😙真係好入味，個人覺得唔係好辣😉其餘我哋仲試咗雞翼尖、滷大腸、滷水蛋（鴨蛋）、香茅魚餅☺️除咗最後一個我會encore之外，其他都不過不失🤔不過唔知係咪因為我哋冇叫佢最出名嗰個蕃茄薯仔湯底，我哋都覺得普通湯底有啲失色🙈

呢間車仔麵係紅磡好出名，亦係一間黃店💛話就話車仔麵，其實我地覺得佢已經超越左車仔麵既級數，因為以前d人就係貪平貪快先食車仔麵，但論價錢、上菜速度、食物質素，呢間都唔係好符合車仔麵既樣🤪我地排左半個鐘隊先入到去，入面環境好逼，一d都唔好坐🙈不過佢既野食真係好好食，唔單止好食仲要好特別💁🏻‍♀️絕對唔係求其超市買一堆丸呀腸仔烚熟就算～⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍅特濃番茄薯仔湯 ($12)｜蒙麵 ($19)｜辣味魷魚 ($13)｜滷水流心鴨蛋 ($13)｜香菇貢丸 ($9)｜花甲 ($32)🥔特濃番茄薯仔湯 ($12)｜蒙麵 ($19)｜柱香牛腩 ($13)｜滷水大腸 ($12)｜韭菜餃 ($11)⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍅🥔特濃番茄薯仔湯 (9.5/10)呢個番茄湯係真材實料既味道，無論顏色同味道都無果d番茄膏既味，而係屋企煲湯既味🥰最驚喜係d薯仔，我真係第一次食到咁淋咁粉既薯仔呀，屋企煲都唔會煲到咁爛😍平時飲番茄薯仔湯唔食薯仔既我都忍唔住食曬，成為成餐我最鍾意既野食🤣🍜蒙麵 (8/10)蒙麵係一款我地都未食過既麵，好似烏冬同

結論:食物質素中上，但定價太進取今日專登入黃埔諗住一試呢間咁出名嘅舖頭，大約4點去到都要排隊，不過差唔多15分鐘就有得入座啦。因為最少要3餸，所以碗麵叫左牛腩、時菜、陳皮魚蛋自家製蕃茄薯仔湯(加辣菜脯)蒙麵落單後等左10分鐘就有得食，本身因為呢間舖嘅名氣同埋價錢其實自己嘅期望都有啲高，但確實係幾令人失望。首先個麵底(蒙麵)因為好多人都話太淋所以已經預先喺落單嘅時候同姐姐講麵硬，但食落依然係好淋。另外其他餸其實都係一般，唔係唔好食，但就普通左啲囉~不過值得讚嘅位係佢個湯真係足料同清甜嘅除左車仔麵，呢度嘅蜜汁叉燒同樣好出名，所以我都叫左串黎試下，佢係即燒嘅，所以上枱嘅時候都熱辣辣。但一咬落去又係失望，佢個調味重到基本上係完全掩蓋左個豬味咁滯，所以感覺同平時去bbq 任食嘅普通蜜汁叉燒冇乜太大分別。咁當然啦佢都唔係難食嘅，只係唔值得咁貴同咁多人吹捧啦~overall 其實食物質素係中上嘅，只係埋單90幾蚊真係唔抵，而且環境真係坐得唔舒服，個人就覺得冇需要專登黎試啦

今日專程走入紅磡搵好野食，揀左人氣車仔麵，排隊足足排左差不多一個鐘。不過蒙麵都不負我嘅預期，好食係值得等。🍅首先講湯底，我揀左番茄薯仔湯，似係屋企媽媽煲既住家湯feel，又係足料，除左番茄薯仔都有兩三舊，但揀左河粉，好吸湯，同埋個河粉碎左d。🐚之後一定要講就係花甲，鮮甜、size唔算好大，但厚肉，而且足料，唔係得幾隻hea你，食完有一細碗殼。🍡陳皮魚蛋又係推介，一放入口就食到陳皮味，唔算好重，魚蛋又有口感，而且都有成5粒之多。🐮柱口牛腩就正正常常，唔算太特別。🐟脆香多春魚，脆既……但好似未夠香。🦑辣味魷魚，個辣汁好出色，又唔會太搶味，魷魚又煮得啱啱好，但如果可以暖暖地就重好。🍢食車仔麵，蘿蔔係我必點，煮得好幾耐，入味夠淋，但果日既蘿蔔唔係最靚，唔夠甜，重有好少好少既苦，可惜。🍥滷水豆腐，個size啱啱好，唔會好大，可以一舊放入口，feel到晒滷水汁，因為有時出去食大大舊，咬開左中間無汁，真係食清豆腐咁😂每碗重有兩條生菜🥬不過如果辛辛苦苦排到，又想咩都試，就不如揀菜底，因為個河粉都好似跟返隻碗一樣咁多，我估男人都未必食得晒蕃茄湯底個碗車仔麵。🐷重有小食，當然試埋招牌蜜汁叉燒串，真係即叫即

ღ Tʜᴇ $100 Cᴀʀᴛ Nᴏᴏᴅʟᴇ ღThis little joint in Hung Hom #蒙麵 has long been hailed as ᴏɴᴇ ᴏꜰ ᴛʜᴇ ʙᴇsᴛ, ᴀɴᴅ ᴍᴏsᴛ ᴇxᴘᴇɴsɪᴠᴇ, ᴘʟᴀᴄᴇs ꜰᴏʀ ᴄᴀʀᴛ ɴᴏᴏᴅʟᴇs in 🇭🇰 Even on a rainy weekday, 𝘆𝗼𝘂’𝗹𝗹 𝗳𝗶𝗻𝗱 𝗮 𝗹𝗶𝗻𝗲 𝗼𝗳 𝗰𝘂𝘀𝘁𝗼𝗺𝗲𝗿𝘀 𝗼𝘂𝘁𝘀𝗶𝗱𝗲 𝘁𝗵𝗲 𝗷𝗼𝗶𝗻𝘁 𝗮𝘄𝗮𝗶𝘁𝗶𝗻𝗴 𝗶𝘁𝘀 𝗼𝗽𝗲𝗻𝗶𝗻𝗴 😳 On first impression - it 𝘭𝘰𝘰𝘬𝘴 𝘭𝘪𝘬𝘦 𝘺𝘰𝘶𝘳 𝘢𝘷𝘦𝘳𝘢𝘨𝘦 𝘱𝘭𝘢𝘤𝘦 𝘧𝘰𝘳 𝘤𝘢𝘳𝘵 𝘯𝘰𝘰𝘥𝘭𝘦𝘴 ; you’ll be 𝘴𝘲𝘶𝘪𝘴𝘩𝘦𝘥 𝘯𝘦𝘹𝘵 𝘵𝘰 𝘰𝘵𝘩𝘦𝘳 𝘤𝘶𝘴𝘵𝘰𝘮𝘦𝘳𝘴 𝘪𝘯 𝘢 𝘤𝘳𝘢𝘮𝘱𝘦𝘥 𝘭𝘪𝘵𝘵𝘭𝘦 𝘣𝘰𝘰𝘵𝘩 and expected to adhere to a quick dining pace for higher turnover rates 🏃‍♂️What’s different tho is that 𝘵𝘩𝘦𝘺 𝘵

📍紅磡《蒙麵》#黃埔性格車仔麵脆香多春魚 韮菜餃 芝士腸 河粉$𝟏𝟐+$𝟏𝟐+$𝟗+$𝟏𝟐蘿蔔 韮菜餃 溏心鹵蛋 油麵$𝟗+$𝟏𝟐+$𝟏𝟑+$𝟏𝟐招牌蜜汁叉燒串 $𝟐𝟔.「不買食評，讚好，唔賣廣告」，門口多張標語絕對睇得出係有性格既小店，作為馳名既車仔麵，蒙麵都經常會係香港車仔麵排行榜上榜。兩碗麵都係腩汁，有機會應該要試埋佢既特濃蕃茄薯仔湯，試咗幾款餸，必食叉燒好大串！塊塊叉燒都係厚切大大嚿，甜甜哋嘅燶邊又香口，咬落爽口𝐣𝐮𝐢𝐜𝐲多汁，的確幾出眾🤤 不過有一兩舊肉質較韌，但唔影響整體表現😗多春魚脆炸多春魚真係好香口 食到係外皮好脆入邊勁多春😇而韮菜餃韮菜都足料，香口，味道有𝐝似專用黎氣炸既「韮王」🥬蘿蔔無渣但未至於清甜，有些少失望，溏心蛋蛋黃軟糯，但無預期嘅蛋黃香，相對普通，而且鹵水汁仲會有少少搶左溏心蛋既味。😵‍💫 整體而言，都算係好味既車仔麵，但未至於要神化既地步🙈溫馨提示: 鋪頭座位唔多所以都要排隊先入得去食，記得預留時間先好黎食🤤味道：𝟕/𝟏𝟎性價比： 𝟕/𝟏𝟎

想試想左好耐，的起心肝去，想像中既人龍，晏晝食唔到唯有等晚餐，雖然一樣有人龍，但決心要試，排下都要。計計埋埋排左一個鐘，有唔少人排排下屈服離開，但以冇落雨，又唔太熱既天氣下都唔排，再熱d真係唔駛諗住自己有動力去排。作為咁忙既鋪頭，入去前自然睇定餐牌，雖然只係一張主菜，一張小食，但好似樣樣都好正，好難選擇。繼續兩個人既選擇，叉燒一定唔少得，難得夜晚仲有花甲，一定要試。叉燒：好食，肉質好，始終標榜係梅頭，預計之內既好食。麻辣雞翼：相比之下比較普通，麻辣味好似譚仔既麻辣湯底，還算入味。麵：牛肚，韮菜餃，魚蛋，花甲，蒙麵蒙麵：口感幾特別，爽口幼滑韮菜餃：成隻餃子十分實淨，用料充足新鮮牛肚：爽口牛味重，可惜揀左蕃茄湯底，可能蓋過左金錢肚既味道魚蛋：陳皮魚蛋，香口彈牙，陳皮味重花甲：新鮮鮮甜，價錢同份量亦合理，絕對值得一試蕃茄薯仔湯底：蕃茄味重，薯仔亦好味，如果配合枝竹，豆卜一類可以索到湯既餸，個湯底一流麵：滷水豆腐，辣味魷魚，滷水大腸滷水豆腐：豆腐入味，口感唔錯滷水大腸：同樣入味，而且好乾淨，咬感好好辣味魷魚：爽口彈牙，而且辣味足兩個人食左二百幾，車仔麵嚟講係會覺得貴，但佢既食物對我嚟講，我唔會

三顧草廬屢敗屢戰，今次好好彩一點準時到達，成為最後一個入座，好感動啊~最出名係蒙麵($19) 同特濃番茄薯仔湯底($13) 所以try try，餸方面揀左柱侯牛腩($14)、辣味魷魚($14)、香茅魚餅($11)。食過嘅朋友個個都話必食招牌蜜汁叉燒串($26)，逐串逐串燒所以要等比較耐，難得嚟到又點可以錯過呢~等左十分鐘蒙麵就到了，大大碗好足料~ 番茄薯仔湯好鮮甜，番茄味好出，薯仔都好出色好粉，大大舊薯仔飽肚感十足。蒙麵滑嘟嘟，有d似烏冬，有口感兼同番茄薯仔湯好夾。三款餸裡面我最鐘意另外用碗上嘅辣味魷魚，小小辣幾過癮。柱侯牛腩燜得好淋好入味，香茅魚餅就一般般。食完個蒙麵蜜汁叉燒串就駕到~ 一食真係不得了，烤得外面脆脆地，叉燒超厚身彈牙，coat滿蜜汁甜度啱啱好又唔會太鹹，真係冇介紹錯~ 本來食完個蒙麵已經好飽，食埋個蜜汁叉燒串簡直飽到上心口，超滿足~ 期待下一次到訪~

住開港島，好少去九龍難得約左朋友去黃埔，終於有機會去試吓蒙麵6點30分左右已經到，不過門口已經排緊隊門口有好多報導，都知道即燒叉燒串好出名門口有紙仔可以喺排隊期間揀定叉燒$26，覺得價錢都貴，但既然咁出名，所以同朋友都叫咗一串試吓排左大約30分鐘就入得啦湯底揀左蕃茄濃湯底，湯好濃味都好足料，薯仔好好味。餸就叫左牛肚，豬紅同貢丸，全部餸都好普通成碗麵最好就係個湯至於朋友就揀咗腩汁底，餸叫左紅腸，紫菜，豬大腸同九菜餃湯底好淡，紅腸有輕輕炸過正正常常，無咩特別，豬大腸唔入味，有啲失望。九菜餃好大隻，好足料。至於串叉燒，燒得好靚，望落個感覺好好，但食左入口覺得真係好一般，絕對唔值26蚊整體個人感覺，係比正常車仔麵好，但又無驚喜，所以個人應該唔會特登再去食lu