更多
2022-06-13
599 浏览
想试想左好耐，的起心肝去，想像中既人龙，晏昼食唔到唯有等晚餐，虽然一样有人龙，但决心要试，排下都要。计计埋埋排左一个钟，有唔少人排排下屈服离开，但以冇落雨，又唔太热既天气下都唔排，再热d真系唔驶谂住自己有动力去排。作为咁忙既铺头，入去前自然睇定餐牌，虽然只系一张主菜，一张小食，但好似样样都好正，好难选择。继续两个人既选择，叉烧一定唔少得，难得夜晚仲有花甲，一定要试。叉烧：好食，肉质好，始终标榜系梅头，预计之内既好食。麻辣鸡翼：相比之下比较普通，麻辣味好似谭仔既麻辣汤底，还算入味。面：牛肚，韮菜饺，鱼蛋，花甲，蒙面蒙面：口感几特别，爽口幼滑韮菜饺：成只饺子十分实净，用料充足新鲜牛肚：爽口牛味重，可惜拣左蕃茄汤底，可能盖过左金钱肚既味道鱼蛋：陈皮鱼蛋，香口弹牙，陈皮味重花甲：新鲜鲜甜，价钱同份量亦合理，绝对值得一试蕃茄薯仔汤底：蕃茄味重，薯仔亦好味，如果配合枝竹，豆卜一类可以索到汤既𩠌，个汤底一流面：卤水豆腐，辣味鱿鱼，卤水大肠卤水豆腐：豆腐入味，口感唔错卤水大肠：同样入味，而且好干净，咬感好好辣味鱿鱼：爽口弹牙，而且辣味足两个人食左二百几，车仔面嚟讲系会觉得贵，但佢既食物对我嚟讲，我唔会
计计埋埋排左一个钟，有唔少人排排下屈服离开，但以冇落雨，又唔太热既天气下都唔排，再热d真系唔驶谂住自己有动力去排。
作为咁忙既铺头，入去前自然睇定餐牌，虽然只系一张主菜，一张小食，但好似样样都好正，好难选择。
继续两个人既选择，叉烧一定唔少得，难得夜晚仲有花甲，一定要试。
叉烧：好食，肉质好，始终标榜系梅头，预计之内既好食。
麻辣鸡翼：相比之下比较普通，麻辣味好似谭仔既麻辣汤底，还算入味。
面：牛肚，韮菜饺，鱼蛋，花甲，蒙面
蒙面：口感几特别，爽口幼滑
韮菜饺：成只饺子十分实净，用料充足新鲜
牛肚：爽口牛味重，可惜拣左蕃茄汤底，可能盖过左金钱肚既味道
鱼蛋：陈皮鱼蛋，香口弹牙，陈皮味重
花甲：新鲜鲜甜，价钱同份量亦合理，绝对值得一试
蕃茄薯仔汤底：蕃茄味重，薯仔亦好味，如果配合枝竹，豆卜一类可以索到汤既𩠌，个汤底一流
面：卤水豆腐，辣味鱿鱼，卤水大肠
卤水豆腐：豆腐入味，口感唔错
卤水大肠：同样入味，而且好干净，咬感好好
辣味鱿鱼：爽口弹牙，而且辣味足
两个人食左二百几，车仔面嚟讲系会觉得贵，但佢既食物对我嚟讲，我唔会以车仔面去定义佢，无论食材品质，食物质素同味道，甚至系可选择既食物，都唔系一般车仔面店可能提供既选择，所以唔可以以依个标准去评价佢既平贵。
有人话餐厅员工礼貌唔好，又或者话老细好串咀，但其实有冇礼貌真系人对人，自问收order 阿姐好好人，就算要拎开放袋既凳都会唔该前唔该后，仲会另外搬多张凳俾放袋，坦白讲，人地铺头细细，一心做好食物，唔系出黎卖笑，我觉得佢既食物绝对对得住价钱，如果人地带你入座，或者上菜既时候，甚或人地拎左凳俾你放野，你肯尊重人讲多句唔该，识得互相尊重，唔好当自己拎少少钱帮衬人就当自己大爷，其实人地一样会俾返同样尊重你。
临走去到门口俾钱，老细响入面煮紧野既时候咁岩抬头打个照面，大家互相点头，俾左个笑容（虽然有口罩），但大家一个眼神都明白咩意思，佢知你欣赏佢既食物，你亦都知佢多谢你既光临，有礼貌同有修养，系要相同既人先会明白。
至于会唔会翻食？我只能讲真系机会唔大，因为实在好多人排队，希望老细生意兴隆，可以继续做好既食物俾识得欣赏嘅人。
叉烧
17 浏览
0 赞好
0 留言
辣鱿鱼
9 浏览
0 赞好
0 留言
卤水豆腐，卤水大肠 ，蒙面
11 浏览
0 赞好
0 留言
麻辣鸡翼
16 浏览
0 赞好
0 留言
花甲，韮菜饺，牛肚，鱼蛋，蒙面
24 浏览
0 赞好
0 留言
张贴
