蒙麵

营业中

休息中

今日落完雨出發去食好西，發現蒙麵竟然無人排隊，梗係同同事衝去門口等佢開門，其實自從米紙宣傳左之後好多人排隊，而佢座位有限，第一輪最多座12個人，而老闆負責煮麵，佢母親負責落單，家庭式既舖頭風格，舖面無咩裝修，一落完單好快就上左碗麵，叫左糖心蛋、魷魚同埋大腸，加多兩舊叉燒，叉燒咬落去好彈牙，肥瘦適中，麵嘅湯底叫咗蕃茄薯仔湯，感覺好似屋企自己煮出嚟咁，加埋啲餸，感覺好豐盛，食完感覺好飽，但要我排隊再食就不了，唔值得排隊，花蛤湯底要加錢，要36蚊，食茜麵抵好多。

如果是一個人去紅磡處理事務, 總是希望能夠在蒙麵吃其車仔麵和叉燒. 不和老婆去的原因, 除了因為她對車仔麵不太熱衷外, 餐廳地方淺窄, 而且上菜速度比一般同類食肆慢, 應該也會令她受不了. 來到這裡, 必然要點其麻辣車仔麵, 除了湯底的辣勁有層次, 麻香而非麻痹外, 大量的蔥絲和芽菜吸收了湯底和食材的精華, 相當惹味. 比起要加錢的即食麵和烏冬, 粉絲更是我的茶, 無他, 就是吸汁能力強之餘, 也不會影響到本身的質感和口感.配料除了至愛的牛腩和豬大腸外, 也有比較罕見的鴨蛋. 鴨蛋除了有鹵水香味外, 其蛋黃的香味也比雞蛋強得多, 當然半流心的形態也相當吸引. 叉燒也是這裡的經典名物, 沒有傳統的燒味爐, 全靠老闆逐條逐條在串燒爐燒出來, 一不留神就會出事. 沒有太多的燶邊, 但燒出來夠香夠嫩夠多肉汁, 表現比之前吃的幾次更好.I visit Monk Noodles for her cart noodles and barbecued pork. The spicy soup base is excellent with the complexity of spicy flavor a

每次黎不論幾點都要排隊，但佢真係排完食完下次都忍唔住想食既一間車仔麵，次次都掙扎好耐要麻辣湯定蕃茄薯仔湯好，之後決定諗左想食咩餸再夾返咩湯底，d餸款款都係心機之作，今次因為想食唐心蛋、多春魚同魷魚就配蕃茄湯，呢個湯薯仔係主角，大件又煮得棉

早前跟細妹排過一次隊，但趕時間等不及而轉場，今次提早6pm就來排，都排了半小時才能入座。店面細小，座位狹迫，客人都是用餐完結就離座，不會佔枱太久。排隊候位時已先畫好點菜紙，我選的組合是「鹵水大腸+蠔仔煎蛋+辣味魷魚+油麵配腩汁」，另一碗是「南乳豬手+金錢牛肚+柱候牛腩+蒙麵」。今晚3人用膳，所以還點了3款小食share，有招牌蜜汁叉燒串﹑香草烤雞翼及沙嗲韮菜豬紅。鹵水大腸+蠔仔煎蛋+辣味魷魚+油麵配腩汁，辣味魷魚分開另上，辣汁不會影響湯底。鹵水大腸乾淨沒羶味，不會好肥好油，夠稔又入味。辣味魷魚爽脆微辣，惟蠔仔煎蛋不夠香，蠔仔份量不多。油麵爽口，沒鹼水味，腩汁夠香。南乳豬手+金錢牛肚+柱候牛腩+蒙麵，南乳豬手入味又夠軟稔有膠質，金錢牛肚爽口不會韌，柱候牛腩同樣炆得入味又夠稔！蒙麵的質感幾特別，比烏冬細及柔軟，微微煙韌卻又不及薯粉那種煙韌，幾有趣。香草烤雞翼，$25/3隻，帶淡淡孜然粉味，味道不會太鹹，雞翼皮微脆，肉質不會太乾身，烤得幾香～～沙嗲韮菜豬紅，份量充足，沙嗲汁味道香濃惹味，豬紅入味又軟滑！招牌蜜汁叉燒串，一串要$26，一粒粒的叉燒充滿蜜汁香，半肥瘦的叉燒肉質軟稔不粗糙，同時帶油

8號波前3個鐘，竟然走去排蒙麵，結果排左成75分鐘叫左兩碗，都係要左蒙麵底一碗嘅餸係：鹵水豆腐／溏心蛋／柱候牛楠／香茅魚餅 （要左蕃茄薯仔湯底）另一碗係：韭菜餃／金錢牛肚／辣味魷魚 （加左菜甫同招牌辣汁）蒙麵個麵質，煙韌，似薯粉質地，其實同大陸個隻土豆粉差唔多。配料同一般車仔面一樣，正正常常，金錢牛肚／辣味魷魚呢兩樣唔入味，普通，韭菜餃ok，但$12得兩隻就性價比偏低。反而係個招牌辣汁幾好食令到成碗麵無咁寡香茅魚餅同平時係越式鋪頭食嘅魚餅一樣，無特別。鹵水豆腐／溏心蛋／柱候牛楠正正常常。蕃茄薯仔湯就係平時屋企嘅味道，濃味無味精，係可以飲哂見底嘅，味道唔錯。黎到基本每枱都會叫叉燒串，$26蚊一串非常重手，肥瘦適中，但調味略甜。整體感覺的確係比坊間車仔面企理，而且即叫即煮，除左揀汁亦可以揀湯底，唔似一般車仔面淨係可以揀汁，而且有啲餸另上，成件事無咁頹，但其實以配料味道黎講，唔覺特別出色，正常普通，就算係為左串叉燒都唔值得排咁長龍，但如果唔洗排就可以考慮。

依間人氣車仔麵，長期都大排長龍。當日平日下晝12:50去到，目測前面有十幾人等緊一點開門。結果當日排左45分鐘先入到去熱辣辣嘅夏天仲要排隊建議大家帶定縮骨遮同風扇仔消暑！💛店內大約只有十多個座位，坐得唔算太舒適，所以食完就要走人，況且出面咁多人排隊，快啲讓位啦😆特別要推介一定要食花甲！💕因為好新鮮！好鮮甜！ $36一份都合理。面底選擇左蒙麵，不過略嫌太淋(所謂蒙面感覺類似烏冬但佢係透明薯粉咁， 如果大家鍾意食爽啲一定要講聲！）湯底方面我只係揀左腩汁，而朋友就揀左蕃茄薯仔湯底（佢地話有屋企媽咪煲嘅感覺😂)招牌蜜汁叉燒串都好食！咬落去都好Juicy多汁！👍🏻其他配料就正常冇乜特別整體來講，建議大家有充足時間先好食呀！試下無妨！不過要有心理準備你車仔麵來講依間唔係平㗎！

××車仔麵××自選 糖心滷蛋🥚，辣味魷魚🦑，沙嗲肥牛，米粉，新鮮花甲，加$14特濃蕃茄薯仔湯🍅湯底非常出色，必試！個人認為呢個蕃茄湯底配米粉或粉絲都係絕配🤤新鮮花甲鮮味冇沙好多隻抵食！辣味魷魚都很惹味！下次好想試埋重慶麻辣湯底😍------------------------------××招牌蜜汁叉燒串××好鍾意個蜜汁甜甜地，燶邊脆脆地夠香口，果然係招牌之作！------------------------------××韭菜豬紅××××麻辣雞翼××呢一餐超滿足超級飽😍睇到店面牆上報章其中一篇係2010年，原來已經超過十年，真係應該一早黎食啊！！！🤣回味評分：🌕🌕🌕🌝

前排係youtube睇到米紙推介，先發現原來自己喺紅磡住咗咁多年都唔知道有哩間穩世小店，咁岩今日早收工，就同女朋友一齊試下，排咗一個鐘先入到去食，我地嗌正兩碗三餸麵再加一串串燒同麻辣雞翼，個串燒好岀色！！超好食，值得叫雞翼有啲似譚仔，但麻辣的哩碗野係車仔麵嚟講都算貴，105蚊🙈蕃茄湯底好出色 成碗飲哂埋單205蚊，其實係車仔麵嚟講都算貴，不過我覺得真係可以一試，但地方較少同比較舊，裝修比較舊，真係食個味道唔係環境

之前睇米紙報導，見今日下午茶時間經開唔駛等，就入去試吓。諗住試吓介紹嘅叉燒同花甲，最初填紙時唔知唔可以剩係叫呢啲，一定要叫三餸或以上，再加粉麵或菜底。咁佢哋打返轉頭話要再填過，無問題，但係問吓費事再填錯，佢哋態度就唔係幾好囉，大佬呀，唔係個個都知道你哋嘅規矩𠺢嘛⋯⋯講番食物，花甲湯好鹹，花甲質素一般，韮菜餃多料嘅，但係都好鹹，大腸乾淨嘅，叉燒即燒，味道可以，但係有一部份太燶嘞。總括而言，食物質素並非吹捧咁好，而態度又頗差，價錢亦一般，唔會再去嘞。

話說今日條為食根想食車仔麵，車仔麵有好多不同派系，有古早派、譬如我最愛嘅柴灣財記、有立食派、有濫食派（譬如深水埗所謂米芝蓮推介文記），有花臣派等，今日我選擇左食粗菜細做派：差館里「蒙麵」被譽為車仔麵界九記、很多潛規則，不過我覺得都好合理，一早寫清楚免得有誤會都好嘅，每碗即叫即煮，細膩到連菜莆佢都特別大粒過人，特別甜過人。韭菜餃可以話係繼九龍城街市及大角咀之後另一爆餡之作、湯底用相招牌蕃茄薯仔湯底另加花甲可謂「鮮上加鮮，甜想家甜」，花甲例牌走沙，每粒肥美，五香牛筋10分滑溜，加上自家製辣汁魷魚，用鴨蛋做嘅糖心蛋蛋味更足，配上看似烏冬十分之軟滑的幪麵，呢碗麵真係正入到去一陣蜜糖燒烤味，因為佢哋有即叫即製新鮮叉燒、雞翼任君選擇，只能夠點一次，所以朋友們記得要點啊「笑」，一個大漢入到去閑閑哋可以食佢$200絕非等閑事今日算排得快30分鐘內搞掂、記得食完呢碗麵之後再去前邊篤返串燒賣魚蛋開心下令整個旅程劃上一個完美的句號

黎呢間鋪食野，請做好要排隊既心理準備。眾要係咁熱既天氣低下排上半個鐘以上，但仍然要講句：值得。自選餸車仔麵 先講左麵底，揀左特色蒙麵，烏冬size半透明，但口感軟糯彈牙，記得快食，因為會越擺越稔。一碗餸揀咗糖心滷蛋：流心Q彈，滷水味較淡，辣味魷魚：爽口入味，有嚼口，豬大腸：已清乾淨口感軟硬適中、岩我口味。湯底辣汁+菜脯，夠惹味爽脆另一碗餸就揀咗新鮮花甲：鮮味無沙，蠔仔煎蛋：蛋香鮮味，無腥味，沙嗲肥牛：唔係一般cheap cheap 貨色，汁醬夠濃，雞中翼：滷得入味，肉質嫩滑唔會過淋。湯底辣汁+沙嗲，呢碗加左花甲，多一份鮮味，湯底都飲唔停招牌蜜汁叉燒串 $28用上梅頭肉，醃得夠入味，肉質細膩有韌勁，惹味無窮。由於即叫即燒，要等10-25分鐘且只可下單一次，一人一串先夠喉

矇面超人睇得但唔食得，今次依間蒙麵唔止睇得重要食得😌夜晚六點半鐘好去，oh my god，已經要大排長龍，不過唔緊要，食好嘢一定有有耐性，喺等嘅時間，就揀定食乜啦。等咗半個鐘左右，終於入得。我揀咗招牌蕃薯薯仔湯做湯底，另加花甲（下一個客入嚟話已經賣唒），好奇待。碗麵一上我就試個湯，我哇咗聲，個湯非常鮮甜，好好飲。招牌蜜汁叉燒串，估佢唔到，燒得好出色，一上枱啲香味撲鼻，而由於佢揀咗梅頭肉做叉燒，肥瘦適中，必食。

黃店！久仰大名🫡 盛名之下無虛士，確實稱得上高質素。不過講真排隊真係排太耐，我大約1245到佢未開閘已經多人排到打蛇餅，到第二輪入得座野食上檯都2點幾，係真心誇😂 由於真係要等太耐，我應該比較少可能會再encore，起碼唔會夏天嚟，因為我係超憎排隊嘅人🤣店外貼滿好多「串嘴」告示睇落好難相處咁，但換個角度諗，都係香港太多西客，為咗專心煮野食唔花費時間喺客服上先要打咁多預防針篩走唔夾嘅客。實際上店員服務同態度都係有禮貌有效率做實事，所以唔會覺得出名所以串。因為咁啱呢排就食兩間都喺紅磡呢頭嘅車仔麵，少不免比較下🤪 真係各有千秋！我個人就中意蒙麵多啲，因為啱我食嘅野多啲，可惜我食唔到花甲！但喜喜都有佢比蒙麵出色嘅地方，例如蘿蔔、咖喱魷魚，又有芫荽又有炸蒜，都好吸引——最重要係唔使排，所以我同男朋友都認為我地如果encore會揀喜喜，蒙麵可能就等冬天間中想食時排隊食下😝P.S. 可惡，入座前佢幢個牌話：「呢兩日（暫時）冇花甲」，我勁失望，因為我係為咗花甲先嚟，結果食完，又有返花甲了😭 我到底有幾黑！）價錢上係偏貴，食出拉麵價，但我認為係比拉麵抵食同好食好多，所以唔係咩問題，睇我叫咁多餸就知食得好

問吓大家：睇show之前最緊要做啲咩？.答案係醫飽個肚！你知啦，睇show又要fing 螢光棒，又要落力嗌，有時興奮起上嚟仲要跳埋一份，要好多energy㗎嘛🤪.話說前嗰排去紅館睇軒公演唱會，入場之前決定喺紅磡附近覓食！呢間拉麵店，我一直想試好耐，但因為佢真係超人氣，成日都排晒長龍，所以一直都冇機會食到。今次我專登早啲嚟，6點前就嚟到，排咗一陣終於有機會食到！（冇錯，係6點前都開始排緊隊🤪）.蒙麵係用車仔麵式嘅叫法，即係揀好麵底，然後每樣餸咁加上去！咁難得嚟到，當然希望試多啲嘢啦🎉我揀咗蒙麵麵底，升級咗番茄薯仔湯底，配料方面揀咗新鮮花甲、糖心鹵蛋、辣味魷魚，另外再加咗串招牌蜜汁叉燒！大滿足🥰🥰🥰.😋三餸麵麵底揀咗蒙麵，係呢間店舖獨有嘅！睇落有啲似幼身嘅烏冬，口感似薯粉，堅靭彈牙。番茄薯仔湯底係呢度嘅招牌之一，番茄味非常香濃，絕對唔係出面是但用茄汁開嗰種！薯仔唔會煲到溶晒，仲可以食到一粒粒嘅薯仔，口感💯💯💯👉🏻花甲份量十足，隻隻都大大隻、啖啖肉，完全冇沙！而且味道好鮮甜，推介👍🏻👍🏻👍🏻👉🏻辣味魷魚好惹味，香得嚟唔會太辣，食開BB辣嘅朋友都handle到！店員會將魷魚另外用碗分開上，令辣

低消三餸麵，六十幾蚊出品正常，係完全冇問題但又排隊，又唔尊重顧客嘅標語衛生環境完全係大問題，衰過大排檔咁樣都可以出到牌，食環署有冇做嘢㗎呢個價錢，消費者值得擁有更好嘅環境唔會再食第二次