萬豚屋

营业中

休息中

We went to this Japanese restaraunt in Tsim Sha Tsui and tried its hand made udon noodeles my friend recommended to me. I didn't expect too much at first as I think it is indifferent to the other Japanese restaraunt I've tried before, but then the udon is totally out of my expectation. The texture of the udon noodles are so chewy and firm, and the soup is really delicious and they smell really good! And there are some vegetables on it. Overall, they are really good and yummy. We can't stop eatin

今日同屋企人一齊尼食，好多人，佢地限我地一個小時就要走，但係落單落左半個鐘都未黎。麵味道吾錯，厚切豬肉肉質就麻麻地，炸豬扒就炸得吾錯，服務態度都麻麻，吾明點解排長龍？！

今日同2個朋友黎試下呢間手打烏冬, 星期5 ge 6:45黎到仲有空台, 唔洗等, 不過限時一個鐘, 實在有d急.我地3個人叫左一個厚切豚肉烏冬, 黑椒蜆肉烏冬, 蛋捲同炸蠔. 烏冬唔洗5分鐘就上台, 用石鍋裝住熱辣辣. 而且幾大鍋, 有成十幾隻蜆肉, 好足料, 黑椒湯底好香. 而厚切豚肉有3件, 每件有成吋厚, 名副其實ge厚切, 但有點un, 烏冬彈牙, 係不錯ge手打烏冬.小食叫左2款, 蛋捲好大份, 入面有好多料, 玉米, 芝士, 蟹柳, 肉粒等, 表面鋪左好多木魚同紫菜, 食落好多層次, 好食!另外叫ge炸蠔就無咩特別, 勝在新鮮炸起, 蠔有點細.總括黎講, 呢度ge手打烏冬幾好食, 但未至於好食到要排隊, 而且要限時一個鐘, 偶然經過ge話可以一試!

這天與一眾友人在尖沙咀閒逛想要吃一餐好吃的午飯當然馬上OPENRICE一下啦發現這間万豚屋是開飯熱點的候選餐廳馬上就跟朋友們衝到這裡一試筆者點了個石燒汁燒雞扒手打烏冬餐廳先上烏冬手打烏冬口感果然不同入口滑溜彈牙湯底味濃而清香是以香菌煮成的濃湯感覺很健康呢汁燒雞扒肉質香嫩滑溜略嫌雞皮燒得未夠脆口如果稍煎雞皮會更惹味啊不過甜甜的燒汁亦為雞扒大大加分呢!

經常聽同事講話呢度蜆烏冬好味好好味，但事關我個人長期係港島區既關係，我根本就冇機會黎試。今次剛剛係大陸返黎，尖沙咀落船，即刻醒起要黎試下 一向都鍾愛蜆同烏冬既我，幾乎冇任何原因我會唔叫呢個，但係！但係！佢有2款蜆烏冬點算好，最後唔比男朋友揀叫晒2款蜆烏冬1個黑椒，1個香辣。依然一貫作風既我地，必定先試試個湯。白色既黑胡椒，好香，好濃郁好甜既湯底，但間中1啖"北"中啲胡椒會辣辣地。紅色既係辣味面豉湯底，比起黑胡椒那個更濃味，面豉味重，辣味對我黎講剛剛接受到，再辣就食唔到了。烏冬質感幾好，唔會太冧，襯埋個湯1齊食，正！好好味！唯一既缺陷係....啲蜆竟然有沙！！！低級失誤，唉～有1點點失望，但不影響湯底同烏冬既美味，或許....下次不應再叫「蜆」了。總括黎講，我偏愛白湯，因為紅色既辣面豉太濃味，蓋過晒蜆既鮮味。白湯濃郁得黎係鮮甜的，烏冬質感好好，彈牙不太冧，很不錯！

朋友介紹黎尖東一間長龍店食烏冬, 當日中午已經打電話去BOOK枱, 餐廳話可以BOOK既時間得番八點, 睇落都好受歡迎....去到餐廳門口見到門外排左十幾個人...洗唔洗咁誇張....坐底左之後, 侍應立即奉上熱茶同餐單, 其實主打都係不同款式的烏冬, 亦有少量小食同飯類選擇同朋友點左兩個烏冬- 菌湯豚肉烏冬 以及 石燒牛肉烏冬菌湯豚肉烏冬朋友叫的, 試左湯底同豚肉湯底- 少許甜, 但好重味精味道!! 湯只有冬菇味, 食唔出有其他菌既味道(亦只係見到冬菇)豚肉- 炆得都夠淋, 但係食落似中式梅菜炆豬肉, 唔似日式豚角煮石燒牛肉烏冬湯底- 只係飲到味精, 豬肉味全無, 食完好渴要不斷飲水牛肉- 普通打邊爐牛肉, 無特色可言烏冬- 又係普通打邊爐貨色, 唔彈牙唔煙韌

天氣開始轉涼, 除了打邊爐外, 最想食更係一碗熱辣辣湯濃濃既日本麵啦, 突然想起好耐無光顧既萬豚屋, 事關每次夜晚來都見到一條人龍......碰巧今天下午空閒 (其實都已tea time), 就來碰碰運氣, 那時已差不多2:30pm, 店員話last order, 所以我們趕快落單, 所以都無慢慢選擇便決定了.  幸好每樣食物都做得好好, 隨便地選擇都是好味的.吉列豬扒麻醬沾烏冬: 其實本身想食芝麻豬扒, 深刻記得以往食過很多芝麻醬汁很吸引, 但衝忙地記錯名稱, 便揀了這個有個"麻"字既豬扒烏冬.....原來是冷烏冬配日式芝麻醬. 醬是一般日式芝麻醬; 而冷烏冬比放湯既更是煙韌; 吉列豬扒炸得鬆化軟熟, 都頗厚肉的, 喜愛伴碟既類翡翠苗, 可減低熱氣程度.香菌濃湯厚切豚肉: 嘩, 這個真是不得了啦, 這是我姐姐揀的. 這裏一向出名熱鍋上, 大大鍋上鋪滿我們最愛既翡翠苗, 豚肉似腩肉好厚切, 還有我們最愛既菇菇, 有冬菇, 茶樹菇, 白雪雪既湯底一飲真係停唔到口, 好香菇味既湯, 好鮮甜, 每啖烏冬配合湯一拼食, 真是隔離飯香, 我很快地食完自己個碟, 就將姐姐成鍋湯清晒. 這是貼在牆身

香港地曾幾何時都有以烏冬做主打嘅專門店，報章雜誌訪問完，好多都有頭威無尾陣。要食一碗不後悔嘅烏冬，我通常都係去萬豚屋。店舖位置唔易搵，而且下晝有落場時間，但每次嚟親都會見到大排長龍。  由於近來劣質油問題沸沸揚揚，所以店舖都不得不出通告表明用植物油。        舖面坐位大概50個左右，但經常爆滿，店內裝修簡約隨意，可能留住顧客都係靠出品。所以唔需要喺裝修落太多心思。 由始至終，呢度最吸引嘅都係石頭鍋烏冬，尤其天寒地凍，一碗烏冬會令你感到幸福嘅滋味。沖繩風厚切豚肉手打烏冬($78)        烏冬上枱時，先聲奪人！湯烏冬盛喺一個預先燒熱嘅石碗中，冒著蒸汽，啲湯霹霹啪啪咁滾住，豬骨湯味撲面而來，當啲霧氣開始消散，半肥瘦腩肉、同窩蛋浮在湯中，美中不足今晚太好生意，平時湯上嘅菜苗欠奉，但無損湯嘅鮮味。        先呷一啖湯底，依然濃郁鮮甜，豚肉腍滑入味但稍韌，烏冬索滿湯汁而有咬口，食完渾身暖和，如果冬天食，應該更滋味。        武術有句格言，與其千招會，不如一招熟，做飲食不求款式多，只求招牌菜。雖然日本菜式中，烏冬唔及拉麵壽司咁普及，但只要品質好，那怕攀山涉水，識食嘅都會幫襯

萬豚屋係我同老公的尖沙咀食堂 , 每次黎尖沙咀行街都會想黎d度食烏冬 。 我每次黎都叫豚肉, 因為冇咩胃口知道自己食唔晒d 厚切豚肉, 所以就叫石燒上級牛肉手打烏冬啦 ! 老公照舊叫沖繩厚切豚肉手打烏冬。 湯底 - 鮮牛肉慢慢滾熟之後, 湯底係超鮮甜的。 手打烏冬 - 依舊咁煙韌﹐我超鐘意。 配料:粟米、菜苗、蛋- 好夾個湯底﹐配料令整個烏冬更fresh﹐讚!! 其他食物: 之前都有叫過吉列豬扒、餃子等等都ok。

友人說尖沙咀有間烏冬店幾好味，於是帶我到這晚餐。雖然只是六點鬆D，但已經要排隊，店外得把細風扇，未食已經出晒汗，足足等左20分鐘才有位。等左咁耐終於有位，立即叫了碗沖繩厚切豚肉手打烏冬。香噴噴的烏冬來啦! 烏冬質感好滑好軟，上面的豚肉咬落軟嫩，不過煮得唔夠入味，無咩味，而我最鍾意係個湯底，鮮奶白色，味道好濃郁，不過飲落有少少肥膩，但好好味~下次會再來試埋其他烏冬。

星期日, Family day。下午接近3時, 青蛙與媽媽來到了久違的萬豚屋碰一碰運氣。幸而店子於3:30才落場, 我們有幸重溫多年前味道。事隔多年再光顧, 已忘了是填紙點食。店內陳設依舊, 唯獨牆身的牆紙變了。大熱天時, 冰凍檸檬茶先上。糖漿自己落, 方便控制甜的呈度。緊接就是我們的主食: 石燒上級豚肉手打烏冬。上桌時依舊滾滾的、泡泡不停拍打湯面,青蛙看到此情此景, 著實口水直流  哈哈~ 完全忘卻外面的天氣有多熱.... 叫得萬豚屋, 豚肉當然就是主打啦~不過它絕非浪得虛名!厚切豚肉, 肥瘦得宜;上層的肥肉, 入口不會像吃豬油膏般滑溜溜,反而是半軟化狀態, 尚帶點爽口兼充滿肉香~至於下層的瘦肉, 則被比下去...主因是較硬, 咀嚼費時, 不過肉香依然。另外, 烏冬軟硬適中, 而且份量剛好!!店主很慷慨, 每一碗都給了大量的菜苗及粟米,有助中和只吃肉而產生膩的感覺。

呢日同朋友出尖沙咀食飯，就食返呢間幾乎次次同佢地出尖沙咀都食既萬豚屋。　　一如以往，要等位。　　入到去，年幾無食，加價。平均貴左八至十蚊？　　野食來到。今次叫左香辣豬扒烏冬。之前都係食牛肉，今次試下食豬扒啦。　　仍足料，有我至愛融係湯底既蛋。豬扒外鬆內軟。沙律醬屬於較creamy果類，岩我口味。　　而配料栗米清甜，加分。　　只係香辣湯底，個湯會cover烏冬既味道，包括口感。猶記得第一次係食辣，覺得好味，之後食清湯，更出色，烏冬口感細緻有彈性。明明兩樣野無衝突，唔知唔解就係會咁。　　朋友叫左牛肉烏冬同海鮮烏冬，都係香辣，我就無試啦，反正湯底一樣。　　加埋一九十蚊碗。係第二啲餐廳可以食到好多野。然基於呢間野充滿中學時期的回憶，次次食都會覺得自己仲係好青春，加上質素無咩大變，仍會有下次。　　下次唔跟風，食返清湯哈哈。

今日黎左依到食lunch,都算幾多款式嫁,手打烏冬,冷熱石鍋,丼物,仲有依個炸豚類,其實肉類就係牛肉同雞扒等,都算唔錯喇,本來想食依個鰻丼,不過無耐之前先食完,所以叫左依個名古屋炸豚碗丼,六十八蚊一個加多一杯野飲,原來仲有特飲,不過要另外加錢既,價錢唔算太平,自己對特飲都無咩興趣,所以叫左依個凍檸茶,都算係正正常常飲得既,唔會怪到用粉開個隻味,不過個飯都等左幾耐下嫁,差唔多廿分鐘,可能都算係多客喇依個名古屋炸豚碗丼,都無咩名古屋味道,比較港式,不過賣相都唔算差,上面有一塊炸豚,再加埋少少配菜,日本芽菜同埋海苔,加埋幾靚仔既醬汁,比較簡單既飯,雖然價錢比較貴,食落去又幾有水準,值得,首先係佢個飯底夠哂熱,唔似出面有D只係暖,雖然個飯底唔係真正既日本米,不過都算幾爽口，加埋佢個醬汁控制得幾好味,鹹甜岩岩好,至於今日既主角炸豚，都真係炸得幾脆身,又夠鬆化，唔算話好多油，厚薄都岩岩好，肉質都夠嫩,當然都有少少咬口,加埋D汁算係唔錯喇,都幾值得既。 

是日與同事來到大受好評的烏冬店食lunch, 因為天氣酷熱的關係，看了menu 一眼便已鎖定了冷烏冬。不消一會，燒汁雞胡麻醬沾烏冬便來到了。白雪雪的烏冬放在黑色的碗中看起來特別的誘人 至於燒汁雞已被切成一口的 size, 吃起來很方便。先嚐一口，非常入味，而且肉質嫩滑。Good然後夾了烏冬配上胡麻醬，oh... 估計店家為了使客人開胃在胡麻醬加入了醋，吃起來味道怪怪的。。。我反覺得用平常的烏冬豉油再添加wasabi就已有開胃的效果了。或者下次應該試試他們的熱烏冬

每次收工經過萬豚屋，都見到門口有唔小人排隊等位，好奇心驅使下，決定呢次要試一下呢間成日都有咁多人排隊食嘢嘅餐廳。等位時間大概十五分鐘左右，時間尚算合理，入到店內環境裝修同普通日本餐廳差唔多，個場早就full哂👍。坐低後，我點咗個石碢醬油猪手打手烏冬，等咗十分鐘左右，一個熱辣辣嘅石碢已經送到上黎，碢上有啲綠色嘅菜苗點綴一下，觀感唔錯。餐廳侍應生話猪手另上，咁我就一邊食一邊等！過咗陣，一隻巨大嘅猪手放係我面前，嚇一跳，因為真係好大隻，淨係食隻猪手都已經够哂飽，值回票價啦哈哈！而味道方面，唔識講，两個字，好味！呢個七十六蚊餐認真唔錯😙，下次要帶埋啲同事一齊黎食，試下其他菜式😄