萬豚屋

营业中

休息中

曾經係萬豚屋多年fans, 久不久心血來潮就會去食碗石燒豚肉豬骨湯底烏冬，其實幾個月前食過一次，覺得係差左，但依然好多人食，琴晚係尖嘴諗嚟諗去諗唔到食咩，心癢癢俾多次機會佢，同老公行下行下到左，諗住又要等一陣，點知令我O嘴嘅情況出現在眼前。。無人排隊，仲要有個店員定老闆在門口兜生意，我地停一停佢已問我地有無食過，有位禾，所以基於已唔想行，就入左去。。入到去，好似比以前黑左，成個氣氛好奇怪，只有一半檯有人，我地就叫左。。照燒雞翼石燒豚肉烏冬石燒豬軟骨烏冬覺得好似加左價。。雞翼嚟先，都算正常嘅味道，暖暖的燒汁，不過不失。。我嘅石燒豚肉烏冬，一如以往滾住上，但飲了一啖湯，已覺不對勁，無左以前果種濃濃嘅豬骨香，淡左。。豚肉呢，以前肉面係白雪雪的，入口即溶好好味，而家呢，個肉面係燒過嘅，肉有點硬同帶點酸酸嘅味道，好似煮過頭咁，烏冬好普通，因為我地無加$10轉讚歧烏冬。。我係一路食一路失望老公嘅豬軟骨我無試，但佢話都叫ok.. 我老公對食嘢無咁高要求，佢食我一舊豚肉都忍唔住話唔好食。。杯茶係凍的，水都無加過一次，但都係要俾加一架禾。。總括嚟講，未試過無必要試，如要排隊更加唔駛諗，以前食過就預左會失

估唔到第一篇食評居然係打俾我心愛嘅萬豚屋2011年開始喺中間道工作，對於萬豚屋簡直可以用一試傾心黎形容，同男友Lunch食、放工食，甚至放假都會搭車出來食。最中意食熱辣辣濃郁嘅烏冬，冬天固然是一份溫暖，夏天大汗搭細汗，依然無法抗拒那濃郁鮮甜的湯底、滑溜彈牙嘅烏冬，碗底那滿滿的香甜粟米每次食，冒住肥死人個囡嘅風險，我都會飲哂啲湯，先捧住個肚埋單走。曾經....我地嘅朋友都話不如你地結婚喺萬豚屋搞啦😅因為我地都好喜歡呢間日本人經營嘅烏冬店。今晚母親節，行完街見咁早，不如碰下運氣惡萬豚屋食餐好。我點左個石鍋牛肉烏冬，男友食吉列豬，媽媽食黑担担牛肉烏冬。見到萬豚屋出會員制，我同男友二話不說問店員攞申請填，好興奮。點知當我個烏冬黎到，我真係好失望未放入口已經唔想食，湯唔係滾住上，牛肉血紅色，發出陣陣好嘔心嘅腥味，nevermind...重點係用湯浸熟啲牛嘛！但再近睇，一層成寸厚嘅油飄浮喺一潭死水嘅湯上面。筆左15分鐘，總叫放得入口....我真係好後悔。肉嘅腥味好濃.....烏冬已經淋到一pat(可能我筆油筆得太耐啦⋯⋯)見到咁，我唯有舉手同店員講，會員我唔join了，同將碗油比佢睇，詢問下點解咁

萬豚屋曾經係我同女朋友嘅心水餐廳，我地會特登時不時黎萬豚屋搵番我地鍾意嘅味道，我地鍾意食嘅程度係我地班同事都會知，因為早幾年喺尖沙咀番工幾乎日日都黎食。即使近呢一兩年都會間唔中番黎食，因為始終念念不忙佢濃郁惹味嘅豬骨湯底。而我，幾乎每次都只會點吉烈豬扒嘅豬骨烏冬，並且會將湯入面嘅粟米逐粒夾落匙羮然後滿滿咁一啖食晒佢☺️今日經過尖沙咀，早左食飯，知道萬豚屋過左六點半後都會開始有人龍，所以早左都趁機黎食，餐廳唔使等位，仲有好多吉枱，到食完嗰陣七點，未坐滿，而人龍都冇出現過。今日仲要係星期日。🤔我地一人叫左一個烏冬。我叫我嘅例牌，另外一個係牛肉豬骨湯烏冬（仲有個芝麻牛肉湯烏冬）。頭兩碗黎到嗰陣，兩碗烏冬係死水兩潭，點解咁講？以前係會滾住上枱架，啲牛肉生上都唔怕淥唔熟⋯咁都算啦，最慘係佢碗湯，唔使用匙羹不黎飲，就咁夾烏冬食都已經好鹹⋯⋯鹹都算，碗湯係充滿住油，油到碗邊都係，放低對筷子喺碗邊再拎起，對筷子都係油淋淋，而基本上餐廳塊地同張枱都一樣油淋淋⋯⋯我女朋友睇唔過眼，問侍應拎左個碗，撇完啲油係點？可以睇下圖⋯⋯本來一坐低好開心見到佢有會員制度，俾$88可以有個一年會藉，每次都有88折，我地未落

今日又來萬豚屋食lunch! 上次試過好好味既手打烏冬, 今次try下万豚井!我叫左溫泉雞蛋汁燒上級牛肉井...黎到賣相不太吸引, 因為好深色, 哈哈!吉串個蛋撈暈佢食! 牛肉飯份量多! 加上半生蛋... 再加蔥花好香! 但我覺得牛肉咸左少少!如果撈埋飯就好味d, 溝淡佢...就咁食牛就濃得制了...下次都係食返手打烏冬..好味好多! 哈哈! 

星期日下午時段路過尖沙嘴酒吧區一家餐廳，竟然看到很多人排隊，所以順應人潮，排了二十分鐘左右就可安排入座。由於天氣有點熱，我單點了上級牛肉胡麻醬油沾手打冷烏冬(HK$72, 萬豚屋午餐還有附送凍檸茶。)，份量不算很大碗，食量大的朋友要留意了。味道方面：烏冬很爽滑而且很有嚼勁，牛肉都算多，配料還有一點紫菜。爽滑的烏冬面配上最愛的胡麻醬，味道確實不錯！但牛肉的牛味不重，味道只是一般，整體只算及格。

以前係附近返工，所以lunch/放工都會黎食。就算冇再係個間公司做，都會間中黎食下晚飯。冇食年幾兩年，再黎食，已經冇左以前既水準。首先book 位已講明只限食1個鐘，我明白多人食要限時係正常，好多餐廳都係咁，但1個鐘實左太少， 感覺不多良好. 至少都1個半鐘吧?以前黎食，好鍾意飲佢既湯(至少飲一半)，食佢既牛肉! 今次再嗌，已經食唔返以前既水準同味道! 而家既湯比較鹹，所以飲少少已經唔多想飲，牛肉好 '鞋'……唯一keep 到既水準，就係依然可以熱辣辣咁上個烏冬~同埋烏冬都仲keep 到滑。

下雨天，天氣又涼番少少好想食番d暖立立既野經過尖沙咀立刻想起這一間已經吃過很多次的萬豚屋經常好多人排隊今次點了「石燒上級牛肉手打烏冬」熱辣辣的石頭鍋，還有一隻可愛豬仔在上面上枱時湯還是出晒煙，「咕嚕咕嚕」滾下滾下的千萬不要碰到湯碗真的很熱他們的豬骨湯很濃，很入味上枱時牛肉是全生的還有一隻生雞蛋在入面熱湯可以將生牛肉滾熟雞蛋可以生生地食或者讓熱湯滾至半熟或全熟完全可以自己控制吃了很多次水準仍然保持到!

我份人好得意，每一間鍾情嘅餐廳都會長期追捧，万豚屋係其中一間。好多好多年前，從店員口中得知万豚屋係日本人開嘅，店員推介牛肉豬骨湯底烏冬，因為個豬骨湯底固然好濃，但加上牛肉味吊起就不得了，因此牛肉唔好咁快食，要浸入湯入面焗出牛味。啲湯咁熱，牛肉好快鞋晒，但去邊度無牛肉食Y，去万豚屋嘅目的只有一個......鋪鋪飲晒嘅湯底! 近年，據聞已轉港人老闆接手，真偽無從稽考，但作為食客，我只care食物質素，價錢嘛...... 我會特登揸車黎食，泊車錢都幾十蚊啦，最緊要好食啫轉手後，質素一直keep到，直至最近...... 自己一枝公去食個晏，又黎碗烏冬。湯一入口，咦，咁咸嘅？!! 初時以為偶有失手，人之常情啦。一路食一路食，發覺湯底肉味弱左好多好多，完全談不上香濃，湯色仍然渾濁帶白，但居然有奶味？從來都無過喎......臨走去洗手間，見走廊堆左好多紙盒裝忌廉......咸味湯底，少左肉味，湯仍然好白，帶奶味，盒裝忌廉但願一切只屬巧合希望保持以前個質素，等我多個飯堂

朋友推介萬豚屋的手打烏冬好食,於是收工就去試下。手打烏冬是主角,只是有不同口味的湯加以輔助,多款。7點半去到已經要等位,雖然係平日,但都坐滿食客。入到去就每人簡左一款食。雪國黑胡椒牛肉凍稻庭烏冬,牛肉好香胡椒味,但唔會搶左牛肉本身的味道,煮得唔老,凍稻庭烏冬爽口彈牙,沾上淡淡的醬油食正好中和牛肉的油膩,夏天食真的透心涼亭香菌濃湯醬油豬手手打烏冬,掛住食唔記得影豬手TIM。手打烏冬配上香菌濃湯好夾,湯有好香的菌類味,有粟米,有蛋花,湯的濃度剛剛好,好香甜,烏冬煙un同索左濃湯味,可以一飲為盡。豬手整得好淋,醬油味重手左少少,甜左D,但豬皮入口即融,明知好肥但忍不住要食花蛤胡椒手打烏冬,花蛤的份量幾多,唔細粒,多肉食,間中有沙,不過個湯只係加多左胡椒味,基本上同香菌濃湯差不多,連配料都大同小異,個人較喜歡這湯底。有人覺得這間店的服務態度不太好,但我見店員都沒什麼大問題,基本的服務都有,係唔主動加水而已,同埋比較焗,冷氣不流通。

天寒地凍最好食熱騰騰的午餐，今次同同事專程黎到萬豚屋食呢到的燒石頭煱烏冬。剛到食店門口已見到一條小小的人龍，排左一段時間終於到我們了。食店好有舊日式feel，環境有少少迫。但無損我享受美食的興趣！呢間鋪話明叫萬豚屋，當然豚肉係出名，今次叫了辛辣味噌湯自家製豬軟骨手打烏冬，實行過番過暖粒粒的中午。 熱到出晒煙，個湯底仲要滾下滾下咁，未食都睇到熱辣辣。豬軟骨肉質好腍，而且煮得好入味，好容易咬，而且帶有辛辣味，好惹味，而且有很多配料有雞蛋、粟米、芽菜、 辣椒絲仲有一塊好可愛的豬仔魚片，而烏冬爽滑彈牙，連辣湯一齊食真係大呼過癮。不過真係好熱，我要細細啖同慢慢食先可以食到，冬天食真係好正！ 最後飲埋杯凍檸茶，茶夠味又有檸檬香，而且茶色好靚，味道又好飲！

第一次嘗試下哩間 萬豚屋今日等左15分鐘位Lunch 有4個湯底選擇而我就選擇左黑松露 香菌湯配吉列日本穀飼豬扒Order完後店員唔洗10分鐘就送上 手打烏冬#石燒鍋 仲係滾滾下 冬天食真係啱哂而吉列豬扒 係另上…而炸得好鬆脆~湯底配料有香菌，生雞蛋，粟米粒同芽菜~黑松露湯勁濃郁 配香菌真係好好味呀!再食埋隻係熱湯入面既半熟雞蛋 不得不贊👍🏻另外, 手打烏冬彈牙~😋連埋熱辣辣既黑松露香菌湯食落去~贊呀!

平時都會係Lunch黎食萬豚屋，第一次夜晚去食。可能時間仲早未有人排隊等位，可以直入原來夜晚同Lunch既餐牌係唔一樣.....多好多選擇，不過同事話佢地依家Lunch加咗價之後，夜晚食同lunch食都係無咩分別。今次叫咗個Lunch無既餐黑担担厚切豚肉烏冬，送到黎我以為個湯係墨汁，試咗一啖原來係黑胡麻，湯入面有D黑芝麻同白芝麻，湯我就唔太喜歡~好似怪怪地咁 話就係黑胡麻但唔夠濃香。個烏冬就彈牙，厚切豚肉有點似扣肉既質感，很滑，唔會覺得太膩。香菌濃湯三色麵豉吉列豬扒，同Lunch食既份量一樣。湯底有好濃既菌香，大大份吉列豬扒，厚厚一塊，外皮炸得好脆，豬扒肉質好鬆軟，熱辣辣，加埋沙律醬一齊食超

由以前六十幾蚊加到而家七十、八十蚊上檯時可以見到出品質素參差朋友點既上級牛肉烏冬係滾到卜卜下既我個碗日式燒雞就真係唔夠熱喇，食到尾啲湯只係暖，無左以前果種一路食到尾都滾熱辣既感覺同埋烏冬都偏淋身，無咬口。湯底就同以前一樣咁好味既，豬骨濃湯底, 有栗米, 令湯底清新之餘仲甜甜地! 攪爛個蛋黃將蛋汁融入埋湯入面，每一口湯都飲清光.問題係，價錢真係偏貴了，加埋一要七十幾蚊，食物質素上我期望更好囉

吉列豬排石燒手打烏東$72& 香菌濃湯厚切豚肉手打烏東 $82手打烏東軟滑彈口， 豬骨湯底香濃😋😋，再加上生雞蛋，粟米粒同豆芽菜。用左石窩，食到最後都係熱既😚😚冬天食一窩真係暖入心😽😽(雖然這個冬天不太冷)野菌湯底比豬骨湯底再多一層野菌香味，更加濃郁，鐘意清淡口味可能就唔太岩食。豚肉肥瘦分明，吉烈豬排炸得鬆脆😜，麵粉厚薄適中，但略嫌肥肉太多。

位於尖沙咀小街中的「万豚屋」, 曾經人龍長長不絶, 我也為了它排上了不少時間, 為的只是它的石鍋烏冬。差不多有三年沒有再光顧了, 今天老公突然想再去食它的石鍋烏冬。門外門內佈置跟三年前一樣, 沒有什麼改變; 變的只是我們由2人枱變成3人枱。<活花甲王手打烏冬 $72> 花甲王頗大隻所以推砌出來似個小山丘, 山丘上放滿粟米粒及鬼佬芽菜, 旁邊有隻像太陽般金黃的生蛋。賣相看似十分豐富。花甲王大隻因此首先要夾起花甲王才能嚐啖得到這個黑胡椒大骨湯底。湯底有少許胡椒味但不算太搶喉, 這個湯底正好適合天氣凍時驅驅風, 身體立刻暖起來。花甲王肉厚, 吸吸盡黑胡椒大骨湯味, 因此蓋過花甲王本身的鮮甜味。<上級厚切豚肉稻庭烏冬 $82> 多付十多元點了這個稻庭烏冬, 奇怪的是為何石鍋及稻庭烏冬是分開上的。烏冬本身温度屬微暖, 莫非店方怕烏冬浸在湯內時間太長會影響質感? 果然是稻庭烏冬, 烏冬比較幼身, 口感比較煙韌彈牙。一咬下去便可以分辨得到。石鍋及稻庭烏冬是分開上當然影響了賣相, 看起來感覺稀疏。豬骨湯底好像比三年前的味道有些差別, 沒有記憶中濃郁的豬骨味, 莫非百物騰