萬豚屋

营业中

休息中

尋日醒起好耐無去萬豚屋，就同老公去食晚餐。入到餐廳，被安排係一張6人枱中間位置(頭尾已經有人座），坐低點完野食，老公個位有滴水情況，我通知一位戴頭巾戴眼鏡既男侍應，並要求調位，佢望都唔望就話：我教細D(佢指將個冷氣），之後行左去。我叫住佢，因為唔係個冷氣滴，係隔離條管；但佢應都唔應，完全當聽唔到我講野...之後，唯有向第二個員工要求調位，當時其實有好幾張枱係無人坐，果個侍應就安排左我地去入面既位置。當我地等食物既時候，成班侍應企（４，５個）係我地隔離吹水，又講粗口，又郁手郁腳。。。唉至於食物，味道比以前差，我點左黑椒牛肉手打烏冬，牛肉味道未放入口已經一陣難聞羶味，至於烏冬，超市買的冷藏烏冬仲滑過佢。老公點既滑蛋豬扒飯就不過不失。要做一間成功既食店，包含左好多因數，希望萬豚屋老細見到呢段食評，會將各方面都改善。