更多
2014-10-13
2736 浏览
香港地曾几何时都有以乌冬做主打嘅专门店,报章杂志访问完,好多都有头威无尾阵。要食一碗不后悔嘅乌冬,我通常都系去万豚屋。店舖位置唔易揾,而且下昼有落场时间,但每次嚟亲都会见到大排长龙。 由于近来劣质油问题沸沸扬扬,所以店舖都不得不出通告表明用植物油。 舖面坐位大概50个左右,但经常爆满,店内装修简约随意,可能留住顾客都系靠出品。所以唔需要喺装修落太多心思。 由始至终,呢度最吸引嘅都系石头锅乌冬,尤其天寒地冻,一碗乌冬会令你感到幸福嘅滋味。冲绳风厚切豚肉手打乌冬($78) 乌冬上枱时,先声夺人!汤乌冬盛喺一个预先烧热嘅石碗中,冒著蒸汽,啲汤霹霹啪啪咁滚住,猪骨汤味扑面而来,当啲雾气开始消散,半肥瘦腩肉、同窝蛋浮在汤中,美中不足今晚太好生意,平时汤上嘅菜苗欠奉,但无损汤嘅鲜味。 先呷一啖汤底,依然浓郁鲜甜,豚肉腍滑入味但稍韧,乌冬索满汤汁而有咬口,食完浑身暖和,如果冬天食,应该更滋味。 武术有句格言,与其千招会,不如一招熟,做饮食不求款式多,只求招牌菜。虽然日本菜式中,乌冬唔及拉面寿司咁普及,但只要品质好,那怕攀山涉水,识食嘅都会帮衬
香港地曾几何时都有以乌冬做主打嘅专门店,报章杂志访问完,好多都有头威无尾阵。要食一碗不后悔嘅乌冬,我通常都系去万豚屋。
店舖位置唔易揾,而且下昼有落场时间,但每次嚟亲都会见到大排长龙。
由于近来劣质油问题沸沸扬扬,所以店舖都不得不出通告表明用植物油。
舖面坐位大概50个左右,但经常爆满,店内装修简约随意,可能留住顾客都系靠出品。所以唔需要喺装修落太多心思。
由始至终,呢度最吸引嘅都系石头锅乌冬,尤其天寒地冻,一碗乌冬会令你感到幸福嘅滋味。
冲绳风厚切豚肉手打乌冬($78)
乌冬上枱时,先声夺人!汤乌冬盛喺一个预先烧热嘅石碗中,冒著蒸汽,啲汤霹霹啪啪咁滚住,猪骨汤味扑面而来,当啲雾气开始消散,半肥瘦腩肉、同窝蛋浮在汤中,美中不足今晚太好生意,平时汤上嘅菜苗欠奉,但无损汤嘅鲜味。
先呷一啖汤底,依然浓郁鲜甜,豚肉腍滑入味但稍韧,乌冬索满汤汁而有咬口,食完浑身暖和,如果冬天食,应该更滋味。
武术有句格言,与其千招会,不如一招熟,做饮食不求款式多,只求招牌菜。虽然日本菜式中,乌冬唔及拉面寿司咁普及,但只要品质好,那怕攀山涉水,识食嘅都会帮衬。
张贴