莆田 (美麗華廣場2期) (已結業)

最近適逢蟶子收獲季節，莆田推出左一系列蟶子菜餚～而家仲有優惠$198/2份添！見佢咁抵我記嗌咗兩份一份係《冰爽酒糟蟶子》呢份蟶子都幾大分，有成10幾隻蟶子～蟶子酒浸都幾好食，有淡淡的酒香，有少少醉雞嘅感覺，肉質爽彈～佢個樣細細隻，估唔到一打開全部位都比肉填滿左，啖啖肉👍仲有另一款蟶子就係《鐵板鹽焗蟶子》咁樣上菜， 十分架勢呢個熱食既蟶子雖然同上面嗰個蟶子係一樣品種，但唔知點解食落去有少少唔同呢個口感冇冰爽果款咁爽口，但味道就比較鮮～同上面一樣都係啖啖肉呀😛仲要係鐵板上，食到尾都仲係熱辣辣，正之後就叫左呢個《興化炒米粉》$78見佢話係被納入為非物質文化遺產之一咁利害，就決定試一試呢個文化遺產😎果然佢同其他炒米粉係唔同，呢一款米粉食落好似棉花一樣☁️口感非常特別，絕對推薦大家一試👅之後仲叫左個《百秒黃花魚》$69呢個魚真係一食驚為天人，其實我平時就好少喺街食魚，因為覺得好容易就整到好腥一係就唔夠滑但呢個絕對無咁嘅情況，少骨得黎又滑，一放入口就好似滑左落去咁另外魚味濃，湯底清甜🤪莆田真係次次都冇令我失望！

行街行過先發現原來莆田而家4-6月搞緊蟶子節，多左好多款蟶子菜式可以叫有茶芥有飯前小菜首先的冷盤有木耳，酸酸地唔辣好爽口，如果想食辣可以加少少辣媽醬，蒜香辣味仲無乜油，加少少落木耳仲惹味，如果好中意仲可以買一樽走百秒黃花魚係用左100秒煮熟的整條黃花魚，魚肉嫩滑多汁，咁細條的魚居然唔腥，魚味是有的，唔識論骨的人要慢慢食，因為都幾多骨。興化炒米粉好有驚喜，本來諗住當飽肚澱粉咁食，點知米粉個底已經勁好食，幼過銀絲米的質地炒到好乾，又未至於一夾就斷，一絲絲的米粉入口即溶，加上充足的海鮮配料，米粉乾配料濕夾埋一齊食，大大碟飽肚又好味鐵板鹽焗蟶子係熱食，熱到辣手，一個個蟶子鑲在鹽堆入面，咸香味十足，焗到蟶子個邊脆脆地，蟶子仲要好肥美多肉又無沙，一碟仲有14隻，完全係大快朵頤冰爽酒糟蟶子係冷食，酒糟味好香濃，清爽的蟶子甜甜地帶酒香，同鹽焗蟶子冷熱交替咁食唔會悶又唔滯值得一提餐廳到處都有蟶子資料提供，關於養殖收成入饌等。電視，poster都有，感覺上幾pro

莆田真的會令人一試難忘，選擇多，食物質素高，價錢合理，真係encore再encore。一坐下來，侍應便端上杞子菊花茶及涼拌雲耳，茶味清香解渴，而味道酸酸的涼拌雲耳，則醒神開胃。打開餐牌，選擇困難症又來了，樣樣都想試，但耐何得三個人，有心無力，所以只能點了以下的菜餚：1）精美四小拼 ：內裡有齊四樣我想食的冷盤 - 蝦苗拌頭水紫菜帶少許腥味，但絕對是新鮮紫菜的味道，不過未必人人都能接受；水晶豬蹄凍好像食啫喱般，入口即溶化，不夠實，不過味道不錯；滷水豆腐很入味，是豆卜而不是豆腐；九轉小腸很乾淨不帶半點肥糕，入口柔軟，好好味。一碟菜可以滿足我四個願望😄2）蒜蓉蒸蟶子：蟶子在四月至六月最肥美，所以莆田會攪蟶子節，推出不同煮製方法的蟶子菜式。我們點了蒜蓉蒸蟶子，蟶子新鮮，味覺鮮甜，配上我至愛的蒜蓉蒸，好好味😋3）馬來風光：其實是以馬來風味炒通菜，味道濃而不鹹，好惹味，是我喜愛的煮法。4）芋香鴨：外面炸得酥脆可口，軟軟的芋頭蓉包著一舊鴨肉，絕不油膩。芋頭炆鴨就食得多，這煮法別有風味。5）興化米粉：這是莆田必點的，米粉幼滑，那份米味真的是很香濃，加上多樣配料一起炒，十分豐富。6）桂花陳皮燉雪梨：這個甜

慶生想食啲特別啲嘅菜式，見到莆田好評不少即訂位試試佢😬餐廳位於美麗華商場二期，環境舒適唯略賺枱與枱之間空間不足。由於做緊蟶子推廣，每枱必點。跟番其他食評點咗兩款最熱賣煮法。呢款鐵板菜式熱辣辣，食到蟶子鮮甜味。另一款凍食有酒香，但鮮味稍為被蓋過。總括嚟講，兩款蟶子煮法各有特式。雖然每隻蟶子只有6釐米，但確實好肥美😺另一signature 菜式份量唔多，但出奇地好味。正如餐牌上描述，清洗十分乾淨，爽口彈牙。似乎這個炒米粉都是必點之選，雖然個人不十分喜好，都要試吓。 賣相並不吸引，料亦相對地少。米粉非常幼細，味道本人覺得頗不錯，應該係食師傅功架多些。食到呢度其實都已經飽，但忍唔住又點多個餸😆平時最愛食反沙芋嘅我，食第一件不得了，太好味😋😋😋芋頭夠粉，面層甜甜哋，裏面咸咸哋，有陣陣洋蔥香味，可當甜品。人總係貪心，想試埋甜品😆大滿足🤗

莆田都聽過好多次，不過就未食過，今次親戚約左係到食飯，先感受到蟶肉（蟶子肉😂）嘅威力。佢主打食蟶子，但係呢到嘅蟶子同我一路食開嘅蟶子好唔一樣，平時見親都係長長幼幼咁，呢到蟶子係短短肥肥，一開始以為細細粒，有冇用？一打開個殻就見到好肥美嘅蟶肉。原來呢個係出產於福建哆頭村嘅蟶子，特別肥美肉厚。我地總共叫左兩款蟶子，一個係冰爽酒糟蟶子，冷盤黎，味道好似醉雞咁上下，有輕輕嘅酒味，酒精味唔會太濃，好易入口同好上癮，完全食到停唔到。蟶子肉吸左酒香，而且肥美肉厚啖啖肉，好正。另一款係鐵板鹽焗蟶子，一上菜係勁香，同酒糟酒子係原全唔一樣。鹽焗蟶子特別香口，亦都非常熱，但係亦都想連個殻都食晒。外殻已經焗到乾但一d都冇影響到佢入面肉質，仍然鮮嫩多汁。除左蟶子之外，其他小菜亦都好出色。有個前菜頭盤蝦苗拌頭水紫菜都好好食，水紫菜加上酸酸嘅汁好清新同開胃。另外值得一提係呢個酥炒芋芯，叫菜時我地班細都話唔食芋頭，但大人們都話呢到酥炒芋芯好出名同好好食，到左我地一試愛上。芋頭外面包住簿簿一層糖漿，好香脆，雖然仍然係芋頭粉粉地嘅質感，但係佢烹調嘅手法已經另我地由唔食變到食左好多粒，好值得試👍🏻最後仲叫左幾條百秒黃花魚，

成日行街都經過莆田 但食就真係第一次主要俾佢呢個蟶子promotion吸引想試好彩訂定位咋 星期五晚市都幾多人話說餐具花紋幾有中式feel吾洗講必食蟶子兩食 $198/2份超抵第一款冰爽酒糟蟶子 呢款相對算係冷盘話說本身黑洞吾太好用酒整既菜 但呢碟酒味吾會話好重絕對係接受到既份量值得一讚蟶子肉厚 粒粒都有番咁上下size至於另一食法 鐡皮鹽焗蟶子注意:鐡板十分十分熱! 一定要攤下先食兩者比較下 鹽焗更帶出蟶子鮮甜味 好正興化米粉第一次食 好中意佢幼到成條絲既style入口超級軟綿綿 同比時食米粉既口感大不同爸爸中意食魚 所以叫左條黃花魚食魚吾算大條 但吾太好魚既黑洞都夾左幾轉魚肉嫩滑 整體吾太重調味簡單單反而更帶出魚香最後仲叫多客酥炒芋芯原本以為佢面頭沾蜜糖會甜但食落先知咸味為主芋頭外層微脆好香口 芋芯夠”粉”芋頭控會岩食呢餐莆田初體驗感覺吾錯服務生服務足 上菜速度亦好快價錢合理 下次會再黎食

近排見到莆田做緊promotion ,$198 蟶子兩碟，兩種唔同吃法，幾吸引幾抵食咁唷！即使唔好飲酒既我，對於宜碟冰爽酒糟蟶子都幾中意！酒味芳香又唔會勁濃烈，不會蓋過蟶子既鮮甜之餘，亦能帶出蟶子鮮美。食完冰凍既冰爽酒糟蟶子，就係熱辣辣既鐵板鹽焗蟶子。一碟十幾隻，份量都唔少，同海報既圖一模一樣！圖文相符，冇中伏！食落鐵板鹽焗蟶子味道較冰爽酒糟蟶子濃味，可能是加了鹽及花椒一起焗的原故吧！一啖一隻肥厚鮮美既蟶子，真係美味無窮！興化米粉比一般食既炒米粉粉條更幼。這款米粉加有十幾種配料：包括鮮蝦、紫菜、花生、蜆、菜、蜆肉等等，非常豐富。芋頭絕對唔係我杯茶，但家人愛吃才點這碟酥炒芋芯。想不到只吃了一件，就對芋頭改觀了！芋頭外甜內鹹，口感軟綿似食粗薯，非常好食！

每年的夏天都是吃蟶子的最佳季節，上星期我就來到榮獲米芝蓮一星殊榮的莆田，品嚐一年一度哆頭蟶節中的獨有菜式。哆頭蟶節期間限定的時令新菜共有8種款式，選用福建莆田哆頭村盞盛產的哆頭蟶子作主角，並配合地道的烹調手法炮製。除了哆頭蟶節的限定菜式外，主餐牌亦有很多選擇。冰爽酒糟蟶子 $119哆頭的海水鹹度較一般水域都要高，所以養出的蟶子格外鮮甜，將哆頭蟶放入酒糟內冰浸，於炎熱的夏季倍感清爽冰涼。將哆頭蟶一口吃下，吸滿了酒香的哆頭蟶在嘴裏一咬爆汁，帶來悠長的酣甜餘韻，不過美中不足的是有三數隻吃起來會有少許沙粒。鐵板鹽焗蟶子 $99簡簡單單只用海鹽和花椒焗，不加過多調味，其實最能保留哆頭蟶的鮮美原味。蟶子肉厚肥美，個子飽滿，鹽焗做法讓蟶子獨有鮮甜味絲毫沒有流失，把哆頭蟶的鮮進行到底。百秒黃花魚 $69這道菜打破了蒸魚的定律，只需以明火現燜 100 秒後即可上桌，湯水只以鹽及薑蔥點綴，鮮甜得來又沒有腥味。黃花魚雖然不算很厚肉，比較多骨刺，但魚肉雪白嫩滑，保留了魚鮮真味。興化炒米粉 $78想不到份量超大的，足夠兩三個人share，加入多款配料、配以上等濃湯燜炒，一上枱已是鹹香四溢。米粉比平時常吃的較纖幼

今日帶家中兩個老人家去食飯，老豆老媽都係福建人，所以帶佢地試下莆田福建菜，聽講最出名係蟶子，點曬兩款：鐵板鹽焗蟶子賣相好特別，雖然好多鹽係底但唔會太咸，有啲花椒味，蟶子好肥美，洗得乾淨冇沙冰爽酒糟蟶子強烈的酒味，蟶子繼續是肥美的，爽口，開胃！蝦苗拌頭水紫菜酸酸地既涼拌菜色，岩曬夏天食，頭水紫菜好耐冇食了懷念！百秒黃花魚招牌菜黎，十分滿意，魚肉好嫩滑，湯汁亦都好有鮮味但唔腥！興化炒米粉幾大碟，米粉爽口，好多配料，有蜆肉味！最後整番個甜品比媽媽食酥炒芋心本身好鐘意食反沙芋頭，呢個唔係甜係咸的，外面好脆內心又軟又甜，好正！

早前同屋企人食晚餐，見到莆田推廣緊蟶子美食，又有小菜嗌，所以就入去試下。鐵板鹽焗蟶子好鮮味，亦都非常多肉。不過有一兩隻有啲鹽入左去，定係沙🤔？冰爽酒糟蟶子酒味唔算重，但我鐘意，太重反而會蓋左但鮮味。都係脹卜卜好多肉。蝦苗拌頭水紫菜酸酸甜甜嘅涼菜，口感爽脆，好開胃🙂酥炒芋頭本人麻麻地芋頭，不過呢但芋頭粉粉地，配外面甜甜都唔錯莆田滷麵麵線啲海鮮都幾好🙂個味唔錯，濕濕地好易入口。不過我更鐘意硬啲呢麵，家姐鐘意淋啲，就覺得好正🙂莆田荔枝肉炒到外脆內軟，好好味。我真係好鐘意食甜酸骨，好開胃，連啲燈籠椒都唔放過❤️百秒黃花魚魚肉好鮮味好滑，好正👍🏻總的來說，食物味道唔錯，賣相又靚，可以再黎。👍🏻👍🏻👍🏻

莆田食物不嬲都唔錯，質量保證食開佢個拔絲芋頭/米粉都非常念念不忘🍲今日行過見佢新搞作😝蟶子做主題，即刻拉埋同事入去試試🤤🤤鋪位一向好坐、服務態度超好👍🏻值得一讚非常賓致如歸的感覺！菊普+紫菜 夏日炎炎🌞非常醒胃！冰鎮蟶子❄️非常鮮甜🤤入面大大舊肉超爽口！調味有一陣紹酒/醋/？？既複雜口味，將鮮味提升另一層次👍🏻👍🏻要試鹽焗蟶子🤤鐵板熱辣辣上枱，非常吸引隻隻都肥大肉厚且鮮味👍🏻👍🏻👍🏻滿足！百秒黃花魚🐟百秒剛剛好👍🏻鮮、嫩、滑溜、少骨😋😋😋😋一絕當然要食返個招牌興化炒米粉啦！！🦀🦐🦑🐙夏日炎炎去莆田食個蟶子宴真心醒神❄️整個心情都好起來🌷

爸爸是潮州人，所以都好喜歡食海產類，知道蒲田做出蟶子出名，今日就帶爸媽來試試我們點了2款蟶子：鐵板鹽焗蟶子有點花椒香味帶點海水味！隻隻都好肥美，一粒沙都冇，好乾淨，新鮮！爸爸話比潮州煮法更出色😂冰爽酒糟蟶子酒味濃郁，蟶子飽滿，口感一流！蝦苗拌頭水紫菜，是涼拌菜，帶點酸味，好清新，夏天食正，開胃菜！百秒黃花魚，媽媽超讚，因魚肉超幼滑，魚湯鮮味5）興化炒米粉，米粉幼身，配料好多，要襯熱食味道更佳酥炒芋心，有啲似潮州反沙芋頭，但味道是咸的，表面脆但心就粉甜，值得一試

莆田自從黎左香港之後愈開愈多分店好耐之前食過一次但唔係好記得了><今次再同屋企人去食係門口見到蟶子PROMOTION, 先知而家係蟶子季節我地一口氣叫左冰爽酒糟蟶子同鐵板鹽焗蟶子一個凍一個熱冰爽酒糟蟶子, 酒味唔算濃, 凍食一打開, D肉漲卜卜, 我同阿爸都鐘意呢個多D鐵板鹽焗蟶子, 呢個好熱, 成盤鹽係底一齊煮阿媽就鐘意呢個喇, 鹽燒口味, 肉都係漲卜卜既阿媽鍾意食魚, 就叫左個百秒黃花魚比佢肉好嫩, 個湯都好好飲, 魚多骨既, 但阿媽好好耐性食興化米粉, 例牌比我想像中細碟, 入面都好多料, 有我鍾意既蝦仁呢個幾好味, 全家都OK仲叫埋之前好HIT 既蝦苗拌頭水紫菜, 個味幾特別WOR, 但唔識講係咩味有D酸酸地咁? 開胃既, 同埋頭水紫菜比普通紫茶矜貴最後仲有個酥炒芋芯, 甜既炸芋頭, 食幾粒就飽哂但咁多味我最鍾意呢味!!!  愛E斯~~

趁著莆田哆頭蟶節回歸，立即偕同友人前往品嚐，晚市時間座無虛席，walk-in動輒要等半小時以上，建議先訂枱，預繳更有優惠呢！甫坐下，先送上一碟泡椒木耳作開胃小菜。福建莆田有一村子叫哆頭村，被稱為中國最好的蟶子養殖地。哆頭村灘塗是罕見的純黑泥，所以養分豐富，蟶子肉質肥厚，長度可以有6釐米。我們點了其中兩道蟶子菜式，首先有冰爽酒糟蟶子，以冷盤率先登場，蟶子浸過酒後肉質略嫌不夠嫩滑，散發出陣陣酒香，濃而不澀，不錯。接著是百秒黃花魚，魚肉軟嫩鮮甜，骨少肉多，香氣四溢。以明火現燜 100 秒後即可上桌，充分體現黃花魚鮮美原味，這個做法簡單卻能最大程度的把黃花魚的鮮味保留下來。然後是另一蟶子菜式 - 鐵板鹽焗蟶子，鐵板上堆滿鹽巴，為蟶子熏上一抺鹹香，肉質仍能保持鮮嫩，個人最喜歡這道菜。最後是莆田的招牌菜 - 興化米粉，米粉白如雪、細如絲，以上等濃湯燜炒，口感鬆化，不像一般坊間的炒米粉般乾身，以簡單配料拌炒已好吃，可以一試

莆田係新加坡既米芝連餐廳，一直都好想試下，今日行過原來而家做緊蟶子節，有好多蟶子既菜式，鍾意食海鮮既我就一於試下😛蟶子做緊優惠$198兩份，我地就點左鐵板鹽焗蟶子同埋冰爽酒糟蟶子。鐵板鹽焗蟶子熱辣辣，雖然見到有好多鹽埋住，但一啲都唔會過咸，反而吊左蟶子啲鮮味出黎👍🏿同埋蟶子本身就好鮮甜！冰爽酒糟蟶子個汁有啲似醉雞咁，但酒味都無搶過蟶子，好味🤗百秒黃花魚，魚肉真係好嫩好滑🤤咩汁都唔駛點，鮮味已經足夠👍🏿蝦苗拌頭水紫菜就係涼拌菜式，頭水紫菜十分新鮮，唔會咸😆興化米粉同一般米粉唔同，係好幼，反而更入味，而且以為份量唔多，其實已經夠飽😂酥炒芋芯，芋頭外塗左一層甜甜的，然後再去炒。外脆內軟🤤仲要甜甜地好惹味😋估吾到第一次黎食咁有驚喜！推介！