莆田 (美麗華廣場2期) (已結業)

on the 2 nd floor at Mira hotel A Michelin 1 star ⭐️ Fulk kin restaurant A hot pot of shrimps and pork Flat noodles Taste delicious and the soup is clear seasonal red mushrooms 🍄 Chicken broth The soup is also good Maybe because the chicken is thin Not too 'yellow oil' like the common chicken in Hk They are always too greasy famous sea weed Sea Laver Tasty Clean Seems healthy and refreshing The feeling of the nature Deep fried taro rolls with onions Light sweet and crispy Sort of dessert- hot M

早前放假和朋友去尖沙咀，晚飯時段我們到了莆田。酥炒芋芯：外脆既外皮，口感不覺油膩。芋芯香口，入面不會太粉啊！紅菇燜豆皮：非常健康的一道菜式，紅菇帶點點濃烈既味，而豆皮燜得不算太硬。百秒黃花魚：黃花魚肉質鮮味又嫩滑，但魚骨比較多而幼細，所以食用時需多加留意！蝦苗拌頭水紫菜：紫菜不同平時食開的一樣，依款紫菜變得濕潤，味道酸酸地，十分開胃。蝦苗為這道菜點綴了不少，令味道帶出鮮味。莆田滷麵：和朋友非常推薦依道菜式！滷麵麵質很滑，份量亦不少，而且湯底為結身。當中有爽口既蝦，令整道菜加了不少分數！

今日喺尖沙咀行完街,  之後我地選擇了獲得米芝蓮一星既《莆田》, 不愧為米之蓮餐廳,  食物質素佳,  餐廳位置方便! 我地大約8點左右到達, 已經坐無虛席, 等了大約10分鐘, 就可以入座了!正所謂不時不食, 餐廳會因應時令而推出不同的美食! 最近餐廳推廣的是《紅菇節》, 健康又補身, 當然要試一試!紅菇燉土雞 $198嘩! 非常大盆湯, 有大量雞件,  紅菇同其他配料, 十分足料!湯的面層金光閃閃, 由一層薄薄的土雞油及精華發出, 底層就是粉嫩的紅菇色, 顏色相當獨特!湯帶有濃郁的土雞油味及紅菇的菇香味, 雞肉燉得軟淋又鮮味! 火候十足, 感覺滋補養顏!蝦苗拌頭水紫菜 $52這是一道冷盤, 紫菜味道酸酸甜甜, 再加上少許蝦苗, 提升鮮味, 清新開胃！百秒黃花魚 $69黃花魚好鮮甜, 而且非常嫩滑！魚湯加上薑片去除魚腥味, 湯底同樣鮮甜無比！十分推介！酥炒芋芯 $89芋芯內裏軟綿香滑, 加上外層炸得香脆, 和一層薄薄的糖漿, 口感層次豐富, 好味道！莆田滷麵 $82湯底鮮甜美味, 因為湯底配料十足, 用上蜆肉、蝦、香菇等！加上滷面吸收了湯的精華, 好滋味！

與朋友相聚，在尖沙咀很多時也會選擇西餐，但常常食西餐又高脂又高卡路里，今次試了蒲田福建菜。之後在新加坡也見過，原來莆田是新加坡的福建菜餐廳，更獲米芝連推薦，絕對要試試。前菜小食冷盤都很吸引，有上湯麻油香浸過的爽滑紫菜，有微辣香口的雲耳。熱食有酥炸香芋，外皮不用脆醬已炸得酥脆香口，附有蜜糖的甜脆，特別香口，芋心香軟又甜，一試難忘。黃花魚一般是煎或蒸，今次以上湯浸黃瓜魚，除了魚肉鮮嫩，火喉恰好，更可以飲整窩黃花魚湯，又甜又鮮味。

今日同男朋友搵野食嘅時候，見到莆田舉辦緊紅菇節，我哋對啲菇類都幾有興趣，而且個燉雞湯好似都幾吸引，就入左去喇。淨係睇呢個莆田10醉嘅menu都已經夠吸引！<蝦苗拌頭水紫菜，$52>首先有個前菜，呢個水紫菜酸酸地幾開胃幾好食。<百秒黃花魚，$69>呢個黃花魚整得好滑，而且本身條魚都好新鮮，食落又鮮甜又滑！<紅菇燉土雞，$198>今日嘅主角，紅菇燉土雞！一放底已經有陣陣嘅雞湯香味。飲落個湯好清，不過略嫌咸左少少。<酥炒芋芯，$89>芋芯由糖漿包住拎去炒，所以個皮脆脆地，而芋頭好粉，一咬落去外面脆得嚟又有少少黐入面就好粉，都幾好食。

老爸是福建人，今日特意想去吃一下吃鄉菜回味一下~~~我就搵左呢間莆田，(佢話莆田係福建省其中一個市，所以老爸應該會幾鐘意呢間餐~~貴為米之蓮餐廳， 食物質素應該不錯一來到感覺很好， 環境舒服。一坐下店員就送上前菜: 眉豆花生，食過一點前菜，我地就點菜了~~ 慢慢由前菜開始講起: 蝦苗伴頭水紫菜 $52味道酸酸甜甜，因為加了麻油+黑醋調味，紫菜再加入蝦苗，係一道幾開胃嘅菜。在餐廳，我地發現每個角落都有一些小紅菇擺設，看看宣傳，原來是莆田紅菇節，咁當然要點一個小紅菇菜式吧~~紅菇其實有一點像茶樹菇紅菇燜豆皮$188這個以紅菇和蝦乾，蟶乾，煙燻過般的豆腐， 豆皮和紅菇做主角，清新的貨色令這個菜色更加可愛，特別係我這樣喜愛豆品的人蟶乾幾特別，不是個個喜歡，但你會吃到莆田的特種蟶子，也是不錯的體驗。酥炒芋芯 $89 其實就好似外層焦糖脆口，入面芋頭肉軟綿， 芋芯香甜軟滑，但食咗幾粒已經好飽..百秒黃花魚 $69當然唔少得黃花魚，魚肉好滑，一點也不腥，就算我不特別好魚類也很喜歡。莆田鹵麵 $82鹵麵其實同煨麵口感相似，麵會好似糊仔咁，呢個鹵麵，入面加了好多海鮮，有香菇、蜆同蝦等材料。份量足夠曬2人

同朋友慶祝生日，想食下中餐，就搵左呢個福建菜嘅米芝連一星餐廳試下，當日剛打完風，無限用餐時間可慢慢傾計，朋友本來想食蟶子主題，但發現已改了，變左小紅菇主題，大失所望叫左個香煎黃花魚，炸得非常香脆，連骨都食得，幾好味，而且肉質幾實同有咸香另外叫了一個類似南乳雞的，好好味，雞肉嫩滑，醬汁惹味，如有飯可添多2碗！另外叫了一個沙芋心，外表鬆脆同甜甜的，内裏幾軟，味道也不錯最後叫了紫菜飯，朋友大讚有鮮味和香香的紫菜味，但我就覺得普通，飯有一點點硬整體來說，食物味道不錯，但可選款式和份量不多，四人吃後要有下場再食，但服務都幾好，餐廳坐得舒服，都算一個好體驗

今晚和太太出了尖沙咀晚飯，專程約到米芝蓮一星的莆田吃福建菜，其實之前吃過有好感，所以再次翻食。餐廳嘅佈置企理骨子，我最深印象是那湖水整藍色的餐牌，很特出而且看得舒服。餐廳有個專櫃熱推紅菇節，甚至枱上也有紅菇小擺設，即時引起我的興趣，紅菇是從海拔1000至1500米野生採摘，感覺很矜貴，所以我和太太都有個共識叫了一個「土雞燉紅菇湯」，湯來的時候已經看到淡淡的紅色，用木桶裝著內膽是不銹鋼有耐溫作用，飲落去的時候，湯清甜而不油膩，雞肉嫩而不嚡，紅菇的口感稍不同於其他菇類，少少爽又少少淋，幾特別，整體感覺清新。我們上次吃「莆田滷麵」感覺不錯，所以今次encore多次，麵筋柔韌度適中，濃白滷汁是自家創製，混在一起吃不錯，只是略嫌湯頭不夠，靈機一動放進紅菇湯，又是另一番風味。今次的紅菇主題不錯，睇下下次餐廳又有什麼綽頭。

很久以前吃過莆田的銅鑼灣分店，覺得不錯，因此今晚再 encore一次！其實對福建菜的認識不是很多，只知道獨孤一味的「福建炒飯亅， 是我在酒樓飲茶時常會點的炒粉麵飯之一。今日來到這裏，當然要試一些地道的福建菜。在毫無頭緒的情形下， 竟然給我們碰到了一個很有熱誠丶又很好人的「侍應姐姐」！好！今晚就一於由侍應姐姐發版， 來個福建 Omakase (set dinner) ， 試一試這家。。。米芝蓮推介餐廳。。。尖沙咀分店的福建菜水準如何， 是否值得摘星！首先送來的，是「侍應姐姐亅高度推介的涼菜。。。蝦苗伴頭水紫菜！這碟很明顯就是一碟手工菜。紫菜切得細細丶一絲絲丶像一卷紫色絲帶似的，配上甚為香口的櫻花蝦米， 以青瓜拌在碟上，單是賣相已經看來不俗。 至於食味方面，醬汁鹹鹹酸酸的，吃起來有一種獨特的鹹鮮味，味覺的層次感十分豐富，值得一讚！接著送來的，就是在餐牌上。。。餐廳極力推介的招牌菜。。。紅菇燜豆腐皮湯！ 餐湯嘅材料十分豐富，詳見下圖！侍應姐姐看到我在為這盤招牌菜拍照，不但沒有像一般餐廳的侍應。。。露出不耐煩的表情， 還告訴我應該如何以 45度拍攝才可以拍得最好！ 。。。所以，服務抵俾滿分5粒

已經不是第一次到莆田了，但還是很期待呢☺️來一個時令菜式❤️紅菇燉土雞 $198新既菜式！加入左紅菇同土雞 文火慢煲4小時，飲落雞湯超濃呢！💙蝦苗拌頭水紫菜 $52 前菜銷量冠軍！頭水紫菜帶點微酸， 十分開胃~❤️百秒黃花魚 $69 雖然有啲細骨，但係啲肉真係好滑👍🏼💙莆田滷麵 $82估唔到都幾大碗，食落都好好食，飽肚首選☺️ 佢係主食銷量冠軍呢！❤️酥炒芋芯 $89粒粒芋頭，上面仲有層脆既蜜糖，煎得香脆~食到了滿足的一餐^^

屋企總會有個堅持要食中菜既人，今晚就同爸媽去左呢間新加坡既福建菜試下，兩老話香港好少機會有呢類菜式，仲有紅菇試，好特別~蝦苗拌頭水紫菜估唔到水紫菜做頭盤也不錯, 因為它凍凍地同酸酸地好開胃, 而且沒有油, 聽講仲很有營養，媽媽好喜歡。酥炒芋芯本身唔係太喜歡食芋頭，怕毒，又覺得粉粉地無乜味，但爸爸想試，於是叫黎試下。估唔到有驚外驚喜，呢個既芋頭好特別，外皮脆得黎甜甜地，真係幾好食，連平日唔多好芋頭既我都食左好幾粒。百秒黃花魚呢條黃花魚係今晚最愛，食落係超級嫩滑。魚湯加了薑粒煮不但沒有魚腥, 仲好鮮甜，係多骨左DD。 莆田滷麵聽講呢個滷麵係米之蓮一星，湯底配料非常十足，有肉同海解，個面吸哂湯既精華，啖啖都好有鮮味。最後叫左個紅菇燉土雞，因為媽媽紅菇好補血同補身，唔係成日有，好想試。呢個湯都幾清甜，入面雞肉燉到比較淋身，但吸哂紅菇同湯味，好味又健康~估唔到新加坡既福建菜正宗得黎咁健康，下次可以再黎試埋其他款菜。

Happy Friday🎉一星期既工作後要食餐好慰勞一下自己😋尖沙咀放工，就係尖沙咀區搵好野食。朋友話想試呢間，因為平時來來去去都係食西餐，泰國菜，今晚就食福建菜。打開餐牌，發現原來呢間餐廳係米芝蓮一星⭐。而且更會因應季節有不同是食物供應，呢個月就有當季紅菇，紅菇燉土雞，燉足4小時，味道清甜。⭐紅菇燉土雞（$198）：湯愈紅代表愈清甜，足量土雞，湯頭鮮甜，當季推薦👍🏿⭐蝦苗拌頭水紫菜（$52）：酸酸地既開胃前菜，拌上少少甜甜地既蝦苗，好食👍🏿⭐百秒黃花魚（$69每位）：魚鮮，肉滑，清湯煮，食出魚鮮味👍🏿⭐酥炒芋心（$89）：香脆外皮附上甜甜的醬汁，惹味及芋心夠粉嫰⭐莆田鹵麵：用高湯煮成湯羹，配上鮮冬菇、蜆、肉片、芹菜及麵，好食👍🏿總算朋友無介紹錯啦，今餐我請😋餐廳仲有好多菜式想試，由於已經食到飽飽，唯有下次再黎😆

約朋友食飯,他說最近在莆田食午餐後,用過他的菊花茶,非常好味。所以他建議我們在莆田用晚餐。一坐下服務員就為我們送上前菜和龍眼,這個前菜是眉豆，花生，雜菇，好有福建特色前菜,有甜醬汁一起烹煮。龍眼是當造的水果,非常清甜潤喉。剛好他現在有個紅菇節,我們點了他一個紅菇燉土雞,試一試他的紅菇味道。紅菇其實有一點像茶樹菇,但是他是比較飽滿,雞湯火候十足,原隻土雞拎去燉,非常補身。蝦苗拌頭水紫菜。 朋友之前食過覺得好好食所以我們今次點了一個, 紫菜好香,沒有沙,麻油味重,應該放了一些黑醋一起撈出來。另外，佢有一些香蔥段，咬落去啖啖香蔥味。好開胃嘅前菜。酥炸芋芯, 中秋臨近,芋頭非常之當造,它採用芋頭中心部分特別鮮嫩,外皮用糖沾滿整個芋頭的表面。再拎去油炸,使外皮有一層薄薄的糖漿,豐富了芋頭的層次。另外我們點了莆田滷面,入邊充滿了多款海鮮,還有蔬菜,好不健康。我們中秋做節還點了一條黃花魚,這條黃花魚特別滑, 大量薑片大大減低魚腥味,飲埋魚湯好驅風。飯後摸著茶杯底談天,朋友喜歡的菊花茶,為我們帶上清新的感覺,感謝朋友為我們帶來豐富的福建美食。滿分為10分(1分最低，10分最高)食物：8.5環境：8.

星期六， 我約咗母親大人去尖沙咀行街， 之後帶佢去食好嘢， 選了《莆田》，貴為米之蓮餐廳， 食物質素非常好， 環境舒服， 位置方便。原來今期是紅菇節， 紅菇又健康又保身， 啱哂我哋啦！ 我哋叫咗個《紅菇燉土雞 $198》。 嘩，上枱時一大盆湯， 足夠四人享用， 有雞， 紅菇同藥材， 十分足料!雞肉燉得很淋， 湯汁帶粉紅色， 我估是紅菇嘅顏色， 紅菇香噴噴， 雞肉又鮮， 個湯當然好好飲啦！ 《蝦苗拌頭水紫菜 $52》外觀好精緻， 味道酸酸甜甜， 仲有少少蝦苗，帶出鮮味， 果然係一道開胃嘅菜式。其實本人唔係好鍾意食芋頭， 不喜愛糊囗嘅囗感， 但係呢道《酥炒芋芯 $89》整得好有口感， 外層脆口，仲有糖衣包著芋頭，食落充滿芋頭香味， 芋芯香甜軟滑， 好特別， 值得一讚！ 《百秒黃花魚 $69》， 黃花魚鮮甜嫩滑，加上姜粒去除魚腥，湯底就更加鮮甜無比。 最後食完個《莆田滷麵 $82》就好飽了，大滿足， 湯汁很鮮甜， 因為用咗好多海鮮，有香菇、蜆同蝦等材料。份量足夠曬2人食享用。

今日和朋友逛街，因為行得太倦，就隨便在商場找晚飯吃，剛巧碰到這間食肆在門外宣傳紅菇節，朋友想嘗新，所以就入內吃晚飯。食肆也算光猛明亮，可能我到得早，不用等位就可入內進餐。因為宣傳紅菇節，桌上放了紅菇宣傳品和小巧的紅姑模型。既然入嚟試紅菇，所以就叫了一鍋紅菇燉土雞，再隨便點幾個呢度嘅招牌菜試吓。蝦苗拌頭水紫菜呢個前菜係凉菜，用紫菜拌咗香醋，加上好細隻嘅蝦仔，用一片青瓜圈住，外型好特別，酸酸甜甜，作為開胃菜非常適合。酥炒芋芯芋頭粉香，外層裹薄薄一層糖，炒過的芋頭入口香糯軟熟，沁有微微糖香。紅菇燉土雞燉湯很大鍋，雞很多。上桌時嚇了我一跳，整鍋湯都帶紅色，以為雞煮不熟，但看了桌上宣傳品才知道這是紅菇的特色。紅菇帶清香，加上土雞肉香，整鍋湯濃而不油膩，如果喜歡菇的纖維，可以細細咀嚼紅菇，感受紅菇的滋補。百秒黃花魚菜單上介紹這道菜的黃花魚只用了100秒蒸出來，下箸時感覺黃花魚魚肉鮮嫩而毫無魚腥味，雖說黃花魚不是什麼名貴海鮮，但只要做得好，卻不失為一道美味菜餚。吃完魚我見鍋內有魚湯，一啖之下，非常驚喜，因為魚湯有很多薑粒，所以帶濃濃薑味，我用它來撈飯吃，非常滋味，連薑粒也清碟。蒲田滷麵麵條滑溜，材料