莆田 (美麗華廣場2期) (已結業)

星期六， 我約咗母親大人去尖沙咀行街， 之後帶佢去食好嘢， 選了《莆田》，貴為米之蓮餐廳， 食物質素非常好， 環境舒服， 位置方便。原來今期是紅菇節， 紅菇又健康又保身， 啱哂我哋啦！ 我哋叫咗個《紅菇燉土雞 $198》。 嘩，上枱時一大盆湯， 足夠四人享用， 有雞， 紅菇同藥材， 十分足料!雞肉燉得很淋， 湯汁帶粉紅色， 我估是紅菇嘅顏色， 紅菇香噴噴， 雞肉又鮮， 個湯當然好好飲啦！ 《蝦苗拌頭水紫菜 $52》外觀好精緻， 味道酸酸甜甜， 仲有少少蝦苗，帶出鮮味， 果然係一道開胃嘅菜式。其實本人唔係好鍾意食芋頭， 不喜愛糊囗嘅囗感， 但係呢道《酥炒芋芯 $89》整得好有口感， 外層脆口，仲有糖衣包著芋頭，食落充滿芋頭香味， 芋芯香甜軟滑， 好特別， 值得一讚！ 《百秒黃花魚 $69》， 黃花魚鮮甜嫩滑，加上姜粒去除魚腥，湯底就更加鮮甜無比。 最後食完個《莆田滷麵 $82》就好飽了，大滿足， 湯汁很鮮甜， 因為用咗好多海鮮，有香菇、蜆同蝦等材料。份量足夠曬2人食享用。