茴香 (已結業)

平時都係尖沙咀返工留意到公司附近有間泰國菜,喺openrice望到菜式都幾吸引而且價錢都好合理,今日放假就係尖沙咀行街順便同朋友上去試下,茴香 尖沙咀山林道38號銀座38 ,17樓 上到去舖頭見到裝修非常整潔而且座位空間好闊落,坐得好舒適冬陰功湯,冬陰功湯材料十足酸酸辣辣而且入面有蝦海鮮青口飲完覺得好開胃黑松露菌湯,黑松露嘅味道好香,而且上麵包粒,口感更加豐富,每一啖湯都飲到香濃嘅黑松露味,真係正冬陰功三文魚意大利飯賣相真係幾好,而且三文魚煎得好香,三文魚皮煎到脆卜卜,魚肉保持到嫩滑多汁,每粒飯都沾有冬陰功味道入口小小香辣,無論口感同味道層次都好豐富,值得推介肉眼牛扒 五成熟 牛肉上到枱味道好香啱啱好五成熟,入口肉質非常嫩滑,而且脂肪分佈均勻,令到牛肉味道更加突出加上牛肉保留到肉汁,入口特別好味自己本身鍾意食牛肉,真係好鍾意呢個香濃牛味嘅肉眼扒香煎法國鵝肝拌泰式辣汁,鵝肝煎到味道好香,入口有即化嘅感覺香味綿綿,味道濃郁,加少少泰式辣汁令到鵝肝嘅味道更加厚更加突出真係好好食

早排同朋友出街，聽佢介紹左呢一間好正嘅泰國菜餐廳，所以今日同屋企人嚟試吓。餐廳裝修充滿田園風，周圍都有好多綠色嘅植物，環境超級舒服。坐低之後職員同我哋推介左個二人套餐價值$398，套餐有自助沙律吧，湯，兩個主菜，兩杯飲品同埋兩款甜品，超級抵食。但係由於套餐入邊嘅嘢食唔係好啱我哋食，所以我哋決定咗單點！我哋兩個人叫咗泰式蝦餅，蜜糖雞翼，波士頓龍蝦闊條麵，兩杯飲品同一個甜品。泰式蝦餅係所有泰國菜入邊我最鍾意嘅小食之一，所以我諗都唔諗就叫左！仲有蜜糖雞翼，雞翼可以做到外脆內軟，正！兩款小食都有附送泰式辣醬，啱晒係呢一啲重口味嘅人士👍🏻 然後就到重頭戲—龍蝦闊條麵，龍蝦大隻之餘味道都鮮甜，食得出係新鮮嘅食材🤤

山林道嘅FENNEL係泰國餐廳，環境優美，有沙律吧，仲有包廂同埋露台！食物出品高質，而且價錢唔貴，新開不久已經係勁旺場，Keep住都係滿座！Set Menu For Two $398套餐包括自助沙律吧、湯品、主菜、飲品、甜品自助沙律吧地方整潔，蔬果同埋醬汁嘅選擇都算多，羅馬生菜同埋橙都好正！最重要係可以無限Refill！泰式冬蔭功湯超足料！內含青口、大蝦、魚肉等海鮮，既香且辣，入口會滲出海鮮嘅鮮甜味同埋椰奶嘅香，推介！黑松露鮮菌湯濃香滋味，喝後滿口菇香，唔錯！紐西蘭肉眼扒牛扒煎得啱啱好，五成熟肉質軟嫩，牛味香濃，點埋個特製泰式辣醬同食，更見惹味！泰國蝦頭油大蝦帶子意粉蝦頭油真係勁香勁鮮甜，啖啖意粉都有蝦嘅精華！經典泰式奶茶以茶做冰，唔會愈飲愈淡，又香又甜！士多啤梨和番石榴酸奶蘇打水店員推介，又香又甜，帶少少酸，好睇又好飲！是日甜品 - 班蘭椰汁糕甜度適中，唔錯！泰國生蝦 $88賣相精美！大大隻嘅赤蝦軟綿甜美，配泰式嘅酸辣汁，真係意想不到咁夾同埋好味！

好耐無食泰國菜 所以約朋友個時第一時間揀左泰國菜 OpenRice search到呢間覺得幾令評語又吾錯 就決定左佢！由於我遲到既關系朋友幫手叫左野食先🤣🤣 叫左個小食拼盤同海南雞飯😍😍拼盤好多元化 最特別應是系有ham包哈密瓜 第一次食泰國菜有呢種組合😂 幾refreshing 其他野都好好味 最中意泰式酸辣鳳爪😍海南雞飯味道👍🏻👍🏻 啲醬汁好優質😋😋 湯有好濃當歸味🥸中吾中意就見仁見智了呢杯奶茶好特別用樽裝 然後啲冰系有色 望落感覺似桂圓肉咁😂😂出面有沙律bar for semi buffet 但我同朋友都吾好沙律 所以就無試了🙈🙈

山林道新派泰國菜，有自助沙律吧推介咖哩牛腩同牛油果雞肉pizza Pizza 餅底十分脆口, 加埋沙律醬春雞亦都好入味食物分量就偏不過有少少景睇同服務態度好好，值得讚

本來聽個名以為係cafe，原來係食泰國菜嘅，比較特別係呢間仲有沙律吧提供。味道都唔錯同埋款式都幾多，連埋晚餐食就幾抵食啦。1. 餐湯 （冬陰功/黑松露湯）9/10餐湯飲落有驚喜，冬陰功湯味道好重，同埋都幾辣，好開胃下。黑松露湯就好creamy，飲下飲下就飲咗成碗。2. 小食拼盤（8/10）小食拼盤就係好抵食，分量都好多，兩個人食都有啲多，基本上食完之後都唔係好食到主食3.大蝦帶子意粉 （7/10）一上到嚟就聞到好香，大蝦食落都新鮮同埋彈牙🦐🦐4. 肉眼牛扒 （7/10）估唔到食泰國餐廳，都可以食到牛扒，嗰醬汁幾有特色，係偏辣嘅，可能真係因為泰式嘅醬。🐂🐂5. 餐飲（7/10）呢個二人套餐，會附送兩杯餐飲，我哋叫咗一杯熱紅棗水，同埋一杯青檸水，味道都正常。

好多時所謂fusion菜都出出地事，所以朋友話嚟食呢間泰西菜我都冇咩期望，估唔到食第一啖已經話要再嚟。自助沙律吧本來以為好雞肋，估唔到樣樣都好啱口味，最鍾意蜜糖芥末薯仔同麻辣海帶，好味到狂隊，唔覺唔覺淨係食沙律吧都就快飽。冬蔭功湯好足料，每碗都必定有蝦同青口，夠晒酸辣好過癮。泰國蝦頭油大蝦帶子意粉係好熟悉但係㗳真啲又未食過嘅味道，本來預期係龍蝦汁之流，但真係食到天然嘅海產鮮味，意粉煙靭掛汁。 尤其鍾意帶子幾靚料，僅僅熟好鮮甜。冬蔭功三文魚意大利飯係全晚最滿意嘅菜式，三文魚煎得好完美，厚身煎到全熟得黎仲保持到嫩滑有肉汁，魚皮香脆就更加唔使講啦，簡單用鹽調味已經好香口。 意大利飯絕對唔係求其用頭先個餐湯煮成，而係好creamy濃郁嘅冬蔭功醬，間或食到清新爽脆嘅櫛瓜，雖然好飽都爭住食。泰西小食拼盤 ($138)各款質素都好高，泰式春卷同蝦餅正常發揮，蜜糖雞翼熱辣辣夠香口，煙三文魚卷雖然唔多泰式，但係足料、味道好豐富。 去骨酸辣鳳爪非常大兜，份量懷疑同單點差唔多，性價比奇高。

同事新發掘嘅帶我嚟試環境超OK, 佢呢棟喺通常一層一間餐廳，仲有露台位，飲嘢勁chill推介沙律bar，要另外加30，但都抵（因為喺無限添加，d嘢食都新鮮，睇你食得幾多round)，因為如果齋食佢lunch set又未必飽，除非喺細食的主餐食物就一般般啦～可能太多菜式關係，未必兼顧到樣樣都好，見到setting, 應該食西餐可能會較穩陣補充：lunch set 喺主菜加一杯指定飲品（可選凍熱）同Openrice booking有9折

放假最啱就係慢活出去搵好野食。出左最尾一期嘅消費卷就可以食豪d.上網見到依間泰國野都幾高人氣，唔易book.好彩平日下午茶依d 時間都仲walk in 到。山林道商廈入面，要openrice 先知個地址有個沙律buffet, 我冇加錢要。因為我都唔食菜嘅。價錢係依區唔算貴。所以可以豪叫。串燒牛肉串配泰國炸蝦餅$78好有高級泰國餐廳feel,冇左平民嘅感覺，不過味道昇華左。波士頓龍蝦湯$42有幾多肉，個湯好濃芒果冰沙$58新鮮blend 出黎比你。勁多果肉，新鮮泰國蟹頭油大蝦帶子意粉$98如果係中環，比同一碟嘅野你。賣$200, 應該冇人會覺得有問題。水準係有，但個價錢係超值。性價比好高，fine dining 嘅level.

嚟到呢間泰國餐廳，一入門口已經見到田園風既logo，入邊都有好多綠色嘅植物，好有森林氣氛啊，一入到去店員安排我哋就坐，態度同服務都好好，值得一讚。最後，同朋友揀咗個二人套餐同埋拼盤，分量十足又抵食！二人套餐 $398自助沙律吧一入門口就見到一個豐富嘅沙律吧，食物一啲都唔求其㗎，有煙肉薯仔、水果、香芒雞肉、枝豆、雜菜......仲有多款醬汁選擇，估唔到前菜都可以咁好食。泰式冬陰功湯味道酸酸辣辣好開胃，而且細細一碗嘅湯都好足料，有蝦同青口係入邊，原汁原味。黑松露鮮菌湯呢個湯必叫呀，好香濃嘅黑松露味，而且非常creamy，再配上麵包粒，飲完一啖又一啖，完全停唔到。泰汁燒春雞上碟嘅時候已經經過處理，方便客人一切就食得，免卻拆骨嘅程序。燒春雞皮脆肉嫩，煎得非常可口，仲好juice添，配上特製嘅泰汁，酸酸辣辣，別有一番風味。泰國蝦頭油大蝦帶子意粉嚟到嘅時候即刻哇一聲，將藝術融入於食物入邊，擺盤已經好吸引，啱晒鍾意打卡嘅你。份量亦都好足料㗎，有帶子、大蝦、菇菌係入邊，味道亦都好鮮味，意粉做到掛汁，入口有層次。泰西小食拼盤 $138呢款又係打卡必叫，擺盤非常有特色。入邊有去骨酸辣鳳爪、蝦餅、春卷、蜜糖

今天放假，與朋友到尖沙咀行吓街，放鬆一下緊張嘅工作壓力。行行從行行，不知不覺行到山林道。朋友建議先食個lunch再去血併。山林道這幢大廈有很多不同餐廳，朋友隨意選了這間。雖說是泰國餐廳，但裝修十分歐式，藍色牆壁非常吸引，中間仲有沙律bar.而且兩邊有落地大玻璃，光線很充足，眺望尖沙咀街景，坐喺度感覺好舒服。一見餐牌，🤭🤭🤭🤭真係超抵。咁嘅靚環境，最平幾十蚊一個set lunch，仲可以加30蚊，任食沙律吧，超值呀🎉🎉🎉我就叫左泰國蟹頭油大蝦帶子意粉，同埋新西蘭鮮牛肉眼配泰國蝦片，黑松露野菌汁，煙三文魚卷。新西蘭鮮牛肉眼🌟🌟🌟🌟🌟，超正😋😋😋，表面煎香，裡面嫩滑。而且叫5成，真係做到5成熟。👍👍👍而且醬汁超好味。一定要點嚟食。大蝦帶子意粉，大蝦和帶子都新鮮，唔錯。😍😍😍。煙三文魚卷～有煙三文魚，又有蔬菜伴埋一齊食，感覺好健康呀！餐飲就正常啦！呢個價錢，咁嘅環境，坐得又舒服，值得再嚟。

第一次walk in去食lunch好低，6-70蚊就有一個lunch 加$28有自助沙律吧，有沙律、生果、椰汁糕、白雲鳳爪……任食！而且仲要好味！我去第二次係tea time因為我隻貓要係樓下診所睇醫生，等候期間就沖上去叫咗個窩乎雪糕，因為meun冇圖我直覺上覺得係一件窩夫加一球雪糕，但嚟到係巴菲杯，窩夫碎濕濕咁得兩三粒，要70蚊！餐廳地下經常有倒汗水很濕滑差啲扇到！第三次去再叫返午餐加自助沙律吧但食物份量少得可憐我叫咗個喇沙滲滲以我理解應該係米粉加油面，但佢喺意粉加米粉，仲要餐牌上亦沒有註明感覺奇怪！味道可以接受就算！跟住自助沙律吧來來去去得生果同薯仔沙律完全同我第一次去係兩個版本，跟住我買單時問男士應佢話（係咁㗎喇，以後都係咁㗎啦）咁即是代表我以後都唔使去！完

今日同男朋友去尖沙咀行街睇戲，我哋睇完戲佢已經安排好晒，帶我去食我最鍾意食嘅泰國菜，尖沙咀山林道38號銀座38 17樓 茴香泰國菜。搭電梯上到舖頭，餐廳比我嘅感覺非常之舒適，咁啱我哋坐嘅位置可以望到尖沙咀嘅夜景，真係好浪漫。加拿大頂級西冷牛扒配德國芝士乳酪腸 五成熟 278 元 賣相非常之好，而且牛扒火候控制得唔錯，切開牛肉中間呈現鮮紅色，睇得出牛肉非常新鮮，肉質軟嫩多汁，香醇濃郁，牛肉香味十足芝士乳酪腸腸皮十分香脆，而且芝士同乳酪嘅味道融為一體，口感嫩脆多汁，真係非常好食參巴醬燒銀鱈魚配珍寶虎蝦 278 元銀雪魚真係非常好食上枱銀雪魚燒到表面金黃色而且魚肉帶有淡淡的鮮味，肉質細緻.魚油油脂豐厚多汁。加上本身魚肉一片片入口即化嘅感覺，真係超級美味。燒珍寶虎蝦虎蝦嘅size非常之大而且蝦身滿布調味料，好奇妙地將調味料帶出蝦嘅鮮甜味，完全保留到鮮味，而且虎蝦肉非常爽口彈牙一食就知道係好新鮮好值得加分士多啤梨荔枝綠茶$38🍵一放低就聞到好香嘅士多啤梨味好香嘅生果甜香一個茶包就可以做到咁香嘅效果，值得一讚，一杯熱飲最重要係夠熱呢一點完全做得到

同女朋友嗌左個2人餐($398)，有自助沙律🥗吧, 黑松露鮮菌湯+冬蔭功湯, 紐西蘭肉眼扒(5成熟), 泰汁燒春雞，凍飲係冬瓜茶，熱飲係羅漢果茶，甜品有抹茶cheese cake.沙律🥗吧選擇非常豐富, 其中比較推介係華都夫沙律，有好多雞脾肉，好嫩滑，而且個醬汁亦撈得好match！其他選擇都有粟米沙律，薯仔沙律，沙律菜，紅菜頭，連香橙都有食添呀當水果食真心一流！如果唔係嗌套餐嘅朋友，就要另外加$48啦，但呢個沙律🥗吧真心推介！因為食材新鮮，選擇又多！黑松露湯：好香黑松露味，質感亦好creamy，中意黑松嘅朋友必選呢個冬蔭功湯：海鮮好足料，而且有少少椰香味+辣味！食唔到辣嘅朋友就要小心叫揀啦～肉眼扒：食落去好淋好嫩，而且肉汁鎖得好好，唔會煎得好鞋口，絕對拍得住出面西餐廳嘅質素!! 再配埋個泰式醬汁，味道更加新穎，而我覺得原汁原味唔配任何醬汁，反而仲好食必選呢個呀！燒春雞：雞皮煎得又香又脆，再落埋啲黑椒粒去煎，雞肉鮮味更為突出，而且雞嘅質素都好高，雞胸肉一啲都唔鞋口，非常嫩添呀！師傅揀食材嘅質素真係幾高水質！完全滿足到一啲怕雞胸鞋口嘅食客，呢個燒春雞又係必食！甜品：抹茶cheesecake

尖沙咀山林道一帶都好多餐廳，今次因爲朋友介紹黎左FENNEL試下新派fusion菜餐廳門面好似準備進入樹林咁😂內裏裝修都好特別，墨藍色做主調，用木椅加上周圍既盆栽🪴帶點田園氣息我哋叫咗一份泰西小食拼盤、星洲特級肥牛喇沙同泰式蝦膏忌廉汁大蝦意粉小食拼盤性價比超高，無諗過咁大份😅無骨鳳爪好好食，沾上醬汁食好開胃蝦餅同雞翼都係即炸，熱辣辣特級肥牛喇沙-湯底香濃，豆卜索曬d湯 正呀肥牛係烤過的，所以食落帶點油香大蝦意粉，份量超多意粉煮得岩岩好，軟硬適中。蝦🦐新鮮爽口，最緊要蝦膏忌廉汁食落唔膩餐廳置中有個沙津吧，只需加$48就可以享用餐飲*泰奶好有泰國🇹🇭特色，飲到煉奶味，放心唔會太甜的，一個個茶底冰球 飲得耐都唔怕啖味最後叫左芒果糯米飯配是日蛋糕作總結芒果好甜😍椰汁糯米飯熱辣辣仲冒煙蛋糕係抹茶芝士蛋糕，抹茶味香濃👍🏼不太甜