茴香 (已結業)

前排黎開呢頭食飯就已經留意到呢間泰國菜，今日終於約到閨蜜一齊黎食飯。餐廳裝修同埋環境好唔錯，入門就見到距地噶招牌自助沙律吧，菜品都ok，沙律，當造生果都有，醬料亦都齊備。睇到菜單，距地個SET好唔錯，仲恰逢有折扣優惠添，另外又加左小食拼盤。餐湯冬陰功味道無之前食開噶泰國菜重口味，個人覺得呢個更加適合我，湯底食材都好豐富，大蝦、青口都有，味道十分唔錯。黑松露鮮菌湯真系好濃郁的菇味，有啲似黑松露忌廉湯甘，味道都好OK。初頭以為小食拼盤好細一份，點知上黎都好豐富。泰式鳳爪好大份，醬汁明顯更辣，更顯泰味；蝦餅炸到外松內軟，蝦味夠膿，個人覺得唔錯。春捲內裡豐富，好好味。蜜糖雞翅有少少港式燒烤噶味道添，同以往泰式燒烤味道又有唔同，非常懷念噶味道。其他火腿卷同埋三文魚卷都幾好食。（其實食到宜家都有半飽，點多左菜，減肥再次失敗！）主菜勁大牛扒，配泰式醬汁，真系幾新鮮，味道亦唔錯。大蝦帶子意粉，竟然先融合泰式噶意粉，味道真系十分新奇同埋好食。我覺得有少少新式泰國菜feel。後面仲有甜品添，今餐真系over左啦~下次可能單叫拼盤就足夠了。

今日去咗期待已久嘅Fennel😍 入到去環境都乾淨舒服，但枱同枱之間空間唔多，樓底較矮，所以就感覺比較噪吵。必食推介: 小食拼盤！蝦餅同雞翼都非常出色，三文魚卷略為乾，個加埋個醬都唔錯！海鮮喇沙朋友表示湯底味唔太濃，對於食開淡味嘅我就剛好芒果糯米飯可以加錢食甜品，好味！如果芒果甜啲更加好冰凍奶茶一直都想試！今日試到啦！好有心思嘅設計，杯好靚，飲到最後啲冰融晒，比最開頭飲嘅時候冇咁甜整體來講都唔錯，希望可以繼續發掘山林道唔同嘅好餐廳

今次我選擇呢間泰國fusion 菜食lunch ，朋友果然冇介紹錯茴香係座落於山林道嘅高層商廈，餐廳内有各樣盆栽植物，又有開揚嘅大窗和露台座位，環境非常舒適Lunch Set都有好多選擇，加$28就有自助沙律吧！沙律吧雖然選擇唔係好多，不過都有羽衣甘藍，一口日本蕃薯仔等…..又有多款沙律醬汁提供，不限時，好適合坐低慢慢食嘅朋友仔。泰式青檸蜜糖燒雞扒配魚餅雞扒加蜜糖煎香，很香口，雞扒大細亦適中。而食物味道有進步空間，環境舒適，仲有包埋一杯餐飲，一個人獨自慢活嘅lunch 。

OpenRice book位。餐廳以WhatsApp形式再confirm到唔到。晚上7:30準時到達已坐滿人。嗰日係星期二，餐廳職員有禮安排座位，及介紹套餐。結果都叫咗套餐，雖然仲有其他嘢想試，未食已經決定下次再嚟😂個人覺得套餐10分抵食，又有沙律吧.餐湯.主菜.甜品同嘢飲。都係聽到介紹餐飲有百香果茶🥰同埋睇到隔離枱食嗰個冬陰功三文魚飯好好味。所以二話不說就決定食個套餐。而且仲要做緊優惠$400唔使。+1原價計加埋食咗$460左右。結果冇失望到🥰沙律吧雖然選擇不多，有生果有沙律菜，麵包乾，煙肉粒，幾款沙律汁。薯仔沙律。最出色係嗰個有冬陰功味嘅雞肉，仲有啲青瓜喺度，推介😋😋食食下，見到有人生日最好笑容嗰個店員捧住蛋糕唱生日歌，又幫手影相，轉頭隔離嗰台又有人生日相同一個店員又出嚟唱生日歌😂😂😂如是者聽咗三次生日歌。感覺好好笑好開心!另外仲有餐湯未講，一個係黑松露湯一個係冬陰功湯我哋每樣叫一個兩個都好好味。百香果茶唔太凍亦唔太甜啱飲。整體來講味道好吃價錢合理食物整得都好靚。下次一定會再來😊😊

見到OpenRice 咁多人推介，上星期就預訂了同朋友一齊去試吓到步店員推介話好抵食二人套餐398於是就試吓揀左冬蔭公湯，大蝦意粉同燒雞，飲品只能挑柚子或青蘋果綠茶，套餐包甜品但都加左個芒果糯米飯因為想試冬蔭公一般但唔似㤗國味道，唔辣重椰汁味意粉，冇咩味；唔西式又唔泰式，所謂大蝦係嗰啲用棚沙醃到發白，冇哂味道但爽口嗰種；超唔鍾意；鷄，表皮燒得脆脆的但脾位好生有血水，倒胃口，食食吓以為多左人入嚟，因為好嘈，抬頭望下，原來係士應們自己玩到好開心😑其實好騷擾，士應態度麻麻，要落單舉手冇人應唔會想再去！

🐷 慢煮西班牙黑毛豬梅花肉叉燒飯配溫泉蛋🐟 冬蔭功三文魚意大利飯🐔 泰式青檸蜜糖燒春雞🍢 泰西小食拼盤🥬 馬拉盞炒通菜🧋 經典泰式奶茶. . . . . . . . .幾中意冬蔭功三文魚意大利飯個飯有好香既冬蔭功味酸酸辣辣好醒胃😋而且三文魚煎到皮脆肉質亦唔算乾👍🏻第二係黑毛豬叉燒飯都一樣好味叉燒甘香肥美而且肉質鬆軟😋👍🏻另外個泰式奶茶都好飲同埋好得意佢既圓碌碌冰都係用茶造就算溶左都唔會變淡仍然保留住佢既茶味🤎

星期日一家去左試午餐再加自助沙律吧，嗰雞扒魚餅餐好一般，雞扒都算嫩，但個咖哩牛就真是很差，咖哩唔香只是食到好咸。我屋企人話個海南雞飯D雞冇味，D飯又唔夠味。唯一可讚是個沙律吧，D沙律菜，生果都好新鮮，又多醬汁選擇。

裝修靚到~主調為藍綠色，加埋藤蔓、綠葉、木系嘅元素，有種東南亞嘅山腳餐廳小屋嘅感覺。門口嘅侍應好友善，一開𨋢門就問你係唔係食茴香，洗唔洗睇吓餐牌，入座要分枱坐嘅問題。*原本有諗過+$28食沙律吧，但選擇唔多，唔太吸引所以冇加錢~*冬陰功肉醬溫泉蛋意粉 $68 (跟餐飲品：凍蜜桃茶/熱羅漢果茶)就如其名，肉醬意粉~意粉煮到啱啱好彈牙，但冬陰功味道非常薄弱。香料味椰香味微乎其微，只有淡淡嘅辣味。溫泉蛋亦強人差意，蛋白嫩滑水水的，但蛋黃完全唔流質，係溏心蛋蛋黃，可以煮到半溫泉蛋半溏心蛋其實都幾難。去骨海南雞飯配當歸蘿白雞清湯 $78油飯帶淡淡雞油香，份量足一碗。海南雞嫩滑但冇雞味，沒錯！係冇味！完全靠海南雞三寶醬汁嘅味。雞皮冇離肉但唔夠爽身，而且雞肉份量少。清湯真心清，當歸味道比雞味強烈太多，雞味非常弱，唯一讚嘅係蘿白又多又甜又軟腍。

知道餐廳正做緊優惠💗二人餐只需$398，即刻同朋友去頂枱試下！餐廳位置方便，位於山林道銀座38，裝修充滿田園風格🍃，餐廳有好多盆栽🪴好relaxing💕套餐食物極豐富，包括自助沙律吧🥗其中個肉鬆辣雞真係有驚喜👍🏻沙律仲有好多種醬汁揀。套餐仲包左湯，我地就揀左泰式冬陰公湯，十分足料，有原隻大蝦🦐、青口等材料，鮮味十足👍🏻 main course我地就揀左燒春雞同泰國蝦頭油大蝦帶子意粉🍝，燒春雞味道還好，可惜肉質不太冧，但蝦帶子意粉就好creamy好味🥰最後飲品同甜品（cheese cake）都不過不失！

好耐無食過泰國嘢啦！😝 今次朋友推介我嚟試呢間樓上新餐廳，見佢有少少fusion西餐咁得意就一於試吓！餐廳位於尖沙咀銀座38 17樓，主打泰式fusion菜，好彩朋友一早book定位咋，當晚真係全場full哂😯 估唔到呢間樓上新餐廳人氣都幾高喎👀餐廳裝修好田園風，環境好舒服！牆身有啲歐陸風，而枱櫈就有啲東南亞風，連裝修都好貫徹fusion 風格呀😆 餐廳內更設有沙律吧，晚市加$48就可以任食沙律吧🥗 ❤️ 泰式青檸蜜糖燒春雞 (半隻) $128身為燒雞控，見到餐牌有燒雞又點可以唔叫呢🤤 今次叫咗半隻，燒雞皮脆肉嫩，仲有少少炭燒香！燒雞非常入味，雞皮散發著青檸香氣同時又食到蜜糖嘅香甜😋 配埋微辣嘅醬，相當滋味，早知叫一隻雞啦😂❤️ 泰西小食拼盤 $138小食拼盤以木盤盛載，以香蕉葉墊底，賣相好東南亞feel🌿 小食拼盤融合咗泰式同西式小食，有去骨酸辣鳳爪，蝦餅，泰式春卷，巴馬火腿蜜瓜卷，蜜糖雞翼，煙三文魚卷。每樣三件再加一小碗鳳爪，分量都唔細㗎，細食嘅我哋食完都半飽🤰🏻樣樣嘅質素都唔錯，再蘸上醬汁令味道更加提升。❤️ 泰國芒果糯米飯配是日蛋糕 $108芒果糯米飯配芝士蛋糕真係好特別🤣 芒果有

好開心又食泰菜啦！ 呢間之前openrice book位， 當日職員好好，會打電話reconfirm。我想早15分鐘到，佢話冇問題， 我希望坐窗邊位，亦都安排到，nice !  其實當晚有點熱， 室內有冷氣舒服啲，但望到窗外景色， chill feel 又番反泥!   座位都算寬敞，環境都唔錯 我哋四個人，叫咗個二人餐， 因個餐得兩位沙律， 所以另外兩位要帶兩個main, 每位加25蚊，可以一齊食沙律吧先去沙律吧，食物唔算多，但樣樣都好食，又西瓜 又青口，醬汁都算多選擇冬陰功湯好香，少少辣蘑菇湯OK啦，少少杰口餐送嘅柑桔水， 正常發揮士多啤梨番石榴酸奶梳打水味道剛剛好 唔太酸 幾好飲 好醒胃 牛油果香芒雞肉pizza $138芒果甜 pizza熱辣辣 餅邊脆卜卜 非常音咪！星洲去骨海南雞飯 $108雞幾滑滑 飯唔算油 跟餐有當歸蘿蔔雞清湯 藥材味好濃 幾好飲！泰式大蝦帶子意粉 正正常常 都ok好味泰式燒春雞呢個唔係好大份 如兩個人些牙食 係剛剛好 雞好入味 皮少少卜卜脆 Set 送嘅甜品桃清甜 芝士蛋糕反而唔算甜 我就係想咁樣喎！四個人加一後食咗$926， 個個餸大家都滿意， 服務亦好

今次我去呢間新餐廳同朋友介紹一樣價錢唔算貴裝修)非常之新淨又舒服食物非常之有創意，呢間真係冇介紹錯⭐️⭐️⭐️⭐️⭐️原本呢間餐廳新開業有一個龍蝦晚餐嘅優惠可惜呢間餐廳銷量太好經已賣晒🙈但我覺得唔緊要因為我下次一定會再過嚟食多次🙌雖然冇龍蝦，但我都會推介食呢個參巴醬燒銀雪魚配珍寶大蝦🍤銀雪魚燒得剛剛好魚汁流晒出嚟啲肉好滑再加埋個醬汁食真係冇得頂🤭再食埋珍寶呢條大虎蝦大大條啲肉好爽口好新鮮非常之享受😋跟住叫咗個泰西小食拼盤，呢個拼盤同出面差好遠價錢抵食重點係好少拼盤全部都係我鍾意食嘅小食真係開心👍（呢個都係一定要叫😂）最後叫咗個泰式蚧膏忌廉汁大蝦意粉，意粉用泰式整非常之有創新味道非常之特別好好味⭐️飲品我會推介你杯芒果沙冰唔會太酸唔會太甜芒果味啱啱好👍總結：新餐廳乾淨又靚，地方舒服，食物水準好，價錢唔算太貴，CP值高⭐️⭐️⭐️⭐️⭐️

呢排見朋友去過呢間，感覺唔錯。佢位於尖沙咀山林道銀座38，附近都有好多cafe選擇。今次主要食佢tea，原因係佢價錢超值，最平68+28就有自助沙律吧。內裏裝修好有田園風，環境唔錯，好適合慶生聚會之選。個tea meun 有幾款，可先選主食之後+28有沙律吧。先講沙律吧，都算多選擇，有薯仔沙律同羽衣甘藍等，最吸引係有泰式酸辣鳳爪同椰汁糕，呢啲平時小食都唔平，依家只要加28蚊就有。主食要左冬陰功溫泉蛋肉醬意粉同大蝦帶子意粉，溫泉蛋煮得半熟，配上冬陰功意粉掛汁一流。大蝦意粉有啲似carbonara 帶子大大粒味道出色。我地仲加左冬陰功海鮮湯同甜品芒果糯米飯，味道正宗，芒果夠哂鮮甜。成餐飯都食到好飽好滿足，下次會再泥。

訂咗2:30去食lunch，但係仍然多人，都等咗5至10分鐘先入到去，可能人多嘅關係，環境冇相片睇到咁relax，比相片中細。今次食咗午餐，揀咗雞扒拼魚餅，雞扒冇乜味道，但係仍可以叫做嫩滑，魚餅只係一般野，有兩塊仔，但係配菜好奇怪係冬菇炒紹菜，點解唔可以係椰菜仔呢？最差係個杯青蘋果綠茶，完全係藥水味嘅糖水最值得推介嘅係加$25嘅沙律吧！以我記憶所及，有沙律菜、青木瓜沙律、羽衣甘藍、泰式雞柳、粟米、番薯仔、假煙肉碎、芝士粉同埋有幾款沙律醬,淨係食呢個都已經飽晒😂另外唔知係咪lunch冇試業期嘅九折，埋單都係計咗我加一😞我會俾多次機會去試埋佢嘅晚餐，之後就知道會唔會再去!

這間新開餐廳見食評ok, 相約家人午餐，真想不到係係近來最滿意的午餐，主菜叫了4款各樣都美味，沙律吧生果及蔬菜也非常新鮮，可自行選擇加錢吃沙律吧/湯/甜品，迎合不同人的胃口，價錢合理，今天4人平均$140/人，店員各人都好主動及有禮貌，希望能保持水準，稍有時間再去光顧。