茴香 (已結業)

平時都係尖沙咀返工留意到公司附近有間泰國菜,喺openrice望到菜式都幾吸引而且價錢都好合理,今日放假就係尖沙咀行街順便同朋友上去試下,茴香 尖沙咀山林道38號銀座38 ,17樓 上到去舖頭見到裝修非常整潔而且座位空間好闊落,坐得好舒適冬陰功湯,冬陰功湯材料十足酸酸辣辣而且入面有蝦海鮮青口飲完覺得好開胃黑松露菌湯,黑松露嘅味道好香,而且上麵包粒,口感更加豐富,每一啖湯都飲到香濃嘅黑松露味,真係正冬陰功三文魚意大利飯賣相真係幾好,而且三文魚煎得好香,三文魚皮煎到脆卜卜,魚肉保持到嫩滑多汁,每粒飯都沾有冬陰功味道入口小小香辣,無論口感同味道層次都好豐富,值得推介肉眼牛扒 五成熟 牛肉上到枱味道好香啱啱好五成熟,入口肉質非常嫩滑,而且脂肪分佈均勻,令到牛肉味道更加突出加上牛肉保留到肉汁,入口特別好味自己本身鍾意食牛肉,真係好鍾意呢個香濃牛味嘅肉眼扒香煎法國鵝肝拌泰式辣汁,鵝肝煎到味道好香,入口有即化嘅感覺香味綿綿,味道濃郁,加少少泰式辣汁令到鵝肝嘅味道更加厚更加突出真係好好食