影片
更多
2021-12-16
354 浏览
同女朋友嗌左個2人餐($398)，有自助沙律🥗吧, 黑松露鮮菌湯+冬蔭功湯, 紐西蘭肉眼扒(5成熟), 泰汁燒春雞，凍飲係冬瓜茶，熱飲係羅漢果茶，甜品有抹茶cheese cake.沙律🥗吧選擇非常豐富, 其中比較推介係華都夫沙律，有好多雞脾肉，好嫩滑，而且個醬汁亦撈得好match！其他選擇都有粟米沙律，薯仔沙律，沙律菜，紅菜頭，連香橙都有食添呀當水果食真心一流！如果唔係嗌套餐嘅朋友，就要另外加$48啦，但呢個沙律🥗吧真心推介！因為食材新鮮，選擇又多！黑松露湯：好香黑松露味，質感亦好creamy，中意黑松嘅朋友必選呢個冬蔭功湯：海鮮好足料，而且有少少椰香味+辣味！食唔到辣嘅朋友就要小心叫揀啦～肉眼扒：食落去好淋好嫩，而且肉汁鎖得好好，唔會煎得好鞋口，絕對拍得住出面西餐廳嘅質素!! 再配埋個泰式醬汁，味道更加新穎，而我覺得原汁原味唔配任何醬汁，反而仲好食必選呢個呀！燒春雞：雞皮煎得又香又脆，再落埋啲黑椒粒去煎，雞肉鮮味更為突出，而且雞嘅質素都好高，雞胸肉一啲都唔鞋口，非常嫩添呀！師傅揀食材嘅質素真係幾高水質！完全滿足到一啲怕雞胸鞋口嘅食客，呢個燒春雞又係必食！甜品：抹茶cheesecake
沙律🥗吧選擇非常豐富, 其中比較推介係華都夫沙律，有好多雞脾肉，好嫩滑，而且個醬汁亦撈得好match！其他選擇都有粟米沙律，薯仔沙律，沙律菜，紅菜頭，連香橙都有食添呀當水果食真心一流！如果唔係嗌套餐嘅朋友，就要另外加$48啦，但呢個沙律🥗吧真心推介！因為食材新鮮，選擇又多！
黑松露湯：好香黑松露味，質感亦好creamy，中意黑松嘅朋友必選呢個
冬蔭功湯：海鮮好足料，而且有少少椰香味+辣味！食唔到辣嘅朋友就要小心叫揀啦～
肉眼扒：食落去好淋好嫩，而且肉汁鎖得好好，唔會煎得好鞋口，絕對拍得住出面西餐廳嘅質素!! 再配埋個泰式醬汁，味道更加新穎，而我覺得原汁原味唔配任何醬汁，反而仲好食必選呢個呀！
燒春雞：雞皮煎得又香又脆，再落埋啲黑椒粒去煎，雞肉鮮味更為突出，而且雞嘅質素都好高，雞胸肉一啲都唔鞋口，非常嫩添呀！師傅揀食材嘅質素真係幾高水質！完全滿足到一啲怕雞胸鞋口嘅食客，呢個燒春雞又係必食！
甜品：抹茶cheesecake, 抹茶味香濃, 本人熱愛抹茶, 如果落多啲抹茶就好啦～雖然係cheesecake, 但反而一啲都唔漏！甜品做得幾出色。
最後想嗌啲菜食下，就叫左個馬拉盞炒通菜($68)：呢個一啲都唔辣，而且馬拉盞味好濃，但亦都唔會蓋過左通菜嘅味道，如果食得太滯太漏，不妨嗌呢碟菜試吓啦
飲品方面，冬瓜茶都幾大杯，正正常常羅漢果茶嘅話，個人黎講覺得比較特別，因為好少餐廳會有羅漢果茶選擇！飲完既解渴又解膩！
總括然而，呢間餐廳嘅性價比的確好高！因為$398二人套餐黎講，食物嘅選擇同質素都咁高，的確令我非常滿意！有興趣嘅朋友要黎呢間試吓，location比較入少少，但絕對唔會覺得白行一趟！
张贴
