茴香 (已結業)

伴娘揀咗幾間餐廳俾我我之前好想試吓呢間所以就book咗位啦環境嚟講呢啲商業大廈都唔錯不過可惜佢出面就唔俾人出去而佢嘅setting就係前菜沙律嗰啲就可以出去攞主菜就自己嗌我哋分別大咗個牛扒同埋海鮮意大利麵兩款都幾唔錯，伴娘仲話我冇介紹錯不過我想講呢間餐廳性價比幾高啲侍應生服務態度又超好當伴娘叫佢可以上蛋糕嘅時候我feel到待應嗰種真心唱生日歌嘅喜悅俾我聽好似第一次咁樣feel到同五星級酒店嗰啲侍應感覺好唔一樣仲要勁真心咁樣幫我哋影相🥰我好滿意😂

難得天氣好，最近長期Work from Home再加上天色灰灰的，心情都好似冇咁起勁，所以今日lunch出去行吓。吸收下陽光，感覺都精神啲。搵吓尖沙咀有咩新Cafe，去到山林道帶我去以前有好多火鍋舖，食肆林立。不過疫情期間生意難做，見到好多舖頭都落晒閘。行到山林道中尾段，想去fennel cafe，一開lift, 好光猛。前後都有落地玻璃，景觀由佐敦望到朗豪坊，好大篇藍天。Set lunch有10幾款選擇，意粉類，牛扒，炒貴刁，喇沙等。泰國蟹頭油大蝦帶子意粉好有蒜香同蝦香味，10分鐘內已經清碟。兩隻蝦都幾大隻，清埋蝦腸。沙律菜好新鮮，食落脆脆的，牛油果剛剛好熟嘅質感配上三文魚香草包。熱mocha都有心機，Lunch嘅價錢都好相宜，再plan下一次再嚟先

#fafafoodblog東南亞菜 #fafafoodblog尖沙咀 🍴大蝦冬蔭功湯 跟餐加42 蚊🦐蝦肉彈牙鮮甜 有蜆肉 蕃茄 三文魚肉 🐟 冬蔭功湯底辣得黎唔嗆 夠惹味 唔錯🌶️ 🍴跟餐加甜品48 蚊 芒果糯米飯 🥭糯米飯用左白糯米 幾彈牙 d椰醬汁幾香甜 芒果都幾新鮮香甜 正 🍴泰國紅咖哩醬燒豬鞍配燒菠蘿 168 蚊🐷 轉飲品半價 點左凍泰式奶茶 21 蚊 豬鞍燒得好香脆 紅咖哩醬幾香辣 仲有鮮甜菠蘿 🍍 車厘茄 薯仔 青瓜等 都燒得十分唔錯奶茶係泰國飲嗰 d奶味香甜味濃 可能為左附合 hk人合味側邊加左用紅茶做 冇奶冇糖既冰 一路溶甘飲 甜度適中 唔錯#冬蔭功 #蝦肉 #豬鞍 #芒果糯米飯 #泰式奶茶 #薯仔 #青瓜Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#茴香尖沙咀山林道38號銀座38 17樓~~~~~~~~~~~~

Today, I need to go back office after a long Christmas holiday. As I am still in the holiday mood, I go out for lunch. There is a lunch salad bar restaurant nearby, however, I am not too hungry. Therefore I only order Grilled Silver Seabass with Sambal and Jumbo Tiger Prawns. There are lots of people having lunch in the restaurant. My lunch finally come with a pretty presentation. The fish is perfectly cooked and juicy, the prawn is tiger size, I am satisfied with it. There are some vegetables a

黎得尖沙咀一定又係去追星打卡啦😂今次打完卡之後行下行下山林道，俾我發現左一間超級隱世又好食嘅餐廳。個時疫情仲未咁嚴重，仲有得堂食夜晚。餐廳可以加錢任食salad bar，但因為我懶唔想行黎行去，所以無加到，但salad bar 都抵食我地叫左2個主食，1個小食拼盤，2杯野飲。全部野嘅水準都係above average,而且價錢又唔貴，真係好值得一試。泰式香茅燒豬鞍配紅咖喱忌廉汁豬肉爽口彈牙，好juicy。燒菠蘿超級甜。泰式蚧膏忌廉汁大蝦意粉有超多隻大蝦啲意粉吸晒啲汁好好食泰西小食拼盤冇諗過個小食拼盤有咁多嘢食，真心抵食芒果沙冰有好多芒果肉而且芒果味濃士多啤梨番石榴酸奶梳打水呢杯野係我朋友嗌嘅，我試咗一啖啲士多啤梨好refresh，飲完好爽呢間餐廳真係好值得一試！下次要再帶多啲朋友黎食

尖沙咀山林道出咗名多特色餐廳，特別係銀座28號更加係成幢都係餐廳，真係唔驚揀唔到食咩，今次就試咗呢間泰式餐廳 FENNEL 茴香餐廳嘅環境裝修得好靚，擺放左好多植物，好適合俾大家影相，而且座位都坐得好舒服沙律吧（跟餐+$30）餐廳有沙律吧提供，我哋午市加$30就可以享用，沙律吧都有齊基本嘅沙律菜同配菜，鍾意沙律的不妨試試牛油果忌廉汁雞肉寬條麵 ($98)牛油果應該係唔似少女嘅最愛，見到呢個我即刻心心眼😍二話不說就揀咗佢。果然冇令我失望，成個意粉味道好Rich，有濃濃嘅忌廉味外，加左牛油果令整體唔會好肥膩，好味👍🏻新西蘭鮮牛肉眼配泰國蝦片,黑松露野菌汁($128)呢個肉眼扒我哋叫咗5成熟，質素平均，塊扒煎得剛剛好，不過我更欣賞佢嘅配菜，因為薯仔煎得好香口，又有牛油味，仲有泰國蝦片食添👍🏻跟餐凍飲係凍荔枝烏龍茶餐廳比較有誠意，唔係普通茶餐廳飲品，跟餐都有凍荔枝烏龍茶選擇，味道香甜清新另外要讚讚店舖嘅員工非常之有禮貌會留意你使唔使加水，主動幫你，值得一讚

上次同朋友唔知食咩好，又好想搵啲好寫意嘅餐廳打下卡，無意中留意到呢一間餐廳，睇落環境好舒適同埋好適合打卡🤣所以就入去試一試佢啲食物嘅外貌都好好睇都好適合打卡🥰而味道方面，佢嘅意粉唔會過林唔會過硬，同埋啲汁都鎖到入去面嘅入邊，好creamy🥰而佢嘅鳳爪，酸酸辣辣好入味，點解可以整得好食又好睇😘😘😍而個炒通菜，都好好味，芳香四溢、咸甜適中😘😘😘整體來說，呢一間餐廳價錢雖然偏貴，但值得一試☺️！

今天中午和同事到尖沙咀呢間餐廳食中午飯，餐廳環境好現代化，好有歐陸嘅風情，非常高質素。環境好優美。佢嘅set lunch價錢適中，仲有包一杯嘢飲，呢個價錢係尖沙咀食到呢個質素嘅食物，係好抵。佢呢個dinner set因疫情關係, 可以喺lunch time度order，呢個set好抵食，有包餐湯，小食，飲品同埋主菜，好抵食。荔枝梳打唔算好甜，味道好好飲。羅漢茶熱飲，甜甜地，好清熱。我最鍾意飲呢碗椰子雞湯，好香濃嘅椰子味，好清甜。泰式一口雞，炸得香脆嫩滑，好鬆脆香口。泰式雞扒配蝦餅，雞扒煎得香脆，配上特製嘅醬汁，非常之夾同好味。不得不讚呢個泰式海南雞，雞肉好嫩滑，高質素嘅雞肉。配上三種醬汁味道好夾。

雖然地點係佐敦，但原來由紅磡行過去都唔會太遠一出電梯就見到，餐廳內裝修其實幾唔錯，不過人多就唔影人地了🙈lunch set menu, 佢話一至五冇salad bar,可惜了份量唔算特別多，但牛油果同雞都好好味！白汁份量岩岩去 食落唔會太膩，可以下次再叫牛有少少烤嘅香味，厚厚的，好正，但意外地我發覺在場嘅其他人冇乜人叫佢黎食🤔🤔🤔野飲係跟set menu 的，熱同凍各有一選擇，凍嘅係荔枝烏龍茶，我想走甜，所以就變左純烏龍茶啦🤪另外加左錢加甜品，可以揀迷你芒果糯米飯/cheese cake,我揀左cheese cake,好似話係抹茶味唔係特別大件，但味道都幾ok三百蚊兩個人食都幾飽，味道唔錯，如果有埋salad bar 就更好了！同埋我幾鐘意佢d service, 侍應nice (而且食甜品會幫手換碟！

同個 friend 去尖沙咀行街, 佢話有間新餐廳想去試下.餐廳地方闊落, 裝修簡單得嚟有 taste.揀咗窗口位坐, 望向佐敦, 超級無敵靚景觀, 睇完餐牌, order 了 B and H.荷塘月色, 好有詩意餐飲係熱羅漢果茶, 好甘香, 幾特別, 唔係咁多餐廳有得飲.加 $42 要了一客波士頓龍蝦湯, 龍蝦味重, 個湯好 creamy 星洲海鮮喇沙慘慘, 材料豐富：大蝦, 蟹柳, 青口, 豆腐卜. 慘慘夠爽口, 喇沙湯底濃郁, 果然有水準 馬來炒貴刁, 同樣有大蝦, 青口, 仲有青紅椒, 顏色吸睛, 不油不膩, 味道適中, 不錯嘅選擇.大合照時間, 我哋唔客氣, 開餐啦女仕最愛嘅甜品又點可以缺少呢芒果糯米飯配蛋糕, 濃滑嘅椰漿鋪在煙靭嘅糯米飯上面, 綠茶味嘅蛋糕, 加埋半個芒果, 簡直係魔鬼誘惑

原來山林道多佐好多新餐廳，今日朋友帶我過嚟威威，又有驚喜啦！😬😬😬樓上餐廳我好少去，驚伏，但呢間好正，有view, 連個洗手間都有details架😬🤭睇住個menu又出現選擇困難症😆今次交俾朋友點！😂先來一個無骨海南雞飯，份量足，肉質滑滑，個飯唔會過多油，good good 👍🏻👍🏻佢配個湯好香既藥材味，感覺好補，啱晒女仔呀😬😬😬食泰國嘢，點少得炸蝦餅😜首先要讚下佢個伴碟，超級美麗，忍唔住要幫佢打卡🤣🤣車厘茄好多汁，個蝦餅好新鮮，熱辣辣，配埋個酸甜醬，好開胃呀🤩🤩上甜品啦😋😋係芒果糯米飯呀🥳🥳要讚下嘅，係個糯米飯熱辣辣，出晒煙，配埋個新鮮芒果🥭，秒殺😂😅爭啲唔記得，今次係我第一次飲洛神花茶，原來甜甜地，幾好味㗎喎，下次我要再飲🥰

今日同朋友嚟試呢間樓上泰式餐廳餐廳嘅裝修係田園風格，個環境都幾舒服餐廳主要係食泰式同西式嘅fusion菜，我哋叫咗個二人餐，原價係$598+1，依家有優惠變成$398+1，非常抵食！二人餐會包自助沙律吧個沙律吧選擇都幾多㗎，我哋呢晚有啲沙律菜、蘋果沙律、薯仔沙律、蕃薯仔、枝豆同埋一啲生果二人餐嘅湯有得揀要泰式定係西式，我哋就揀咗泰式嘅冬陰功湯。個湯酸酸辣辣非常開胃，而且好足料第一個主菜我哋揀嘅係泰式蝦頭油大蝦帶子意粉，成個意粉都有好濃郁嘅大蝦味，呢個配搭真係唔錯我哋揀嘅第二個主菜係紐西蘭肉眼扒，五成熟嘅牛扒肉質非常嫰滑，配埋泰式辣醬好特別一人會有一杯嘢飲，凍飲都唔洗加錢最後有椰汁糕做甜品，甜得來又唔會太膩因為呢度啲嘢食真係好唔錯，我哋就諗住叫多一份星洲去骨海南雞飯($118+1)share嚟食，順便可以繼續慢慢坐喺度傾計海南雞飯份量都幾多，佢個湯非常有心機，係當歸蘿蔔雞湯，比其他餐廳嘅海南雞飯雞湯更加鮮甜呢間餐廳嘅fusion菜我覺得好啱我哋香港人嘅口味，價錢亦好合理，值得嚟試下

山林道近排開咗好多新餐廳，朋友帶咗我去呢間泰式西餐fusion樓上餐廳，一於試試佢！首先一入到去已經覺得個環境好靚，餐廳裝潢以深綠色為主，俾人好舒服嘅感覺。入邊仲有間包廂，仲有室外嘅位置，可以望到好靚嘅夜景。不過因為我哋得兩個人，所以就坐返去出邊。員工服務好好，係咁同我哋介紹有咩好嘢食推介。佢最特別嘅位係可以加$28享用自助沙律吧，因為同行朋友唔係好鍾意食菜所以我哋今次就冇加到，不過都影咗好多相，食物選擇好豐富！由於我哋去嗰陣舖頭開咗冇耐，佢有個開業特惠套餐，包咗泰國椰汁南瓜雞湯、泰式春卷、波士頓龍蝦(半隻)冬陰功意大利飯、一杯青瓜薄荷梳打，咁多嘢只係$198，超抵食。個湯離遠已經聞到香味，入口好smooth，南瓜同雞味balance得好好，仲有幾粒麵包糠👍🏻意大利飯真材實料，有少少辣味，同埋龍蝦好多肉，夠兩個人分。杯青瓜薄荷梳打比我想像中好飲，同埋好適合解渴，我同友人都不斷爭住飲🤣另外，我哋仲散叫咗泰西小食拼盤（$138），一個牛油果香芒雞肉pizza（138），同埋比利時格仔窩夫配雪糕做甜品（$78）。不得不說佢話Pizza真係好好味，薄身嘅Pizza焗得好清脆，上面有超多牛油果，

呢日出到黎尖沙咀山林道同朋友尋找到呢間位於銀座38大廈17樓既樓上泰菜「Fennel」正值聖誕節，餐廳擺滿左聖誕裝飾，十分有氣氛而且放足酒精搓手液同安心出行圖示，令客人放心用餐室內環境原來有落地玻璃，景觀開揚，仲有好多植物黎到既時候已經係下午兩點半，除左有lunch set揀，仲有tea set +$30 沙律吧正門中央位置擺左唔同款色既沙律，包括小妹至愛既紅菜頭同埋海帶女士們健康之選泰式小食組合（tea set) 泰式香口小食，唔錯牛油果忌廉汁雞肉闊條麵小妹鍾情闊條面，因為佢索汁力高，口感比較彈牙，呢個J餐果然無令我失望，牛油果忌廉汁好香，配合埋雞肉同埋其他配料（紅椒綠椒雜菌），口感好豐富跟餐凍飲 凍飲係芒果綠茶，熱飲係熱柑桔蜜兩個人食到肚都凸哂都只$249， fennel 走fusion 泰菜路線，成功驚豔小妹推薦比鍾意食泰菜既朋友

又冇得食晚市啦，只好搵機會約朋友食晏啦。今日，難得約到朋友一齊食晏，大家都係尖沙咀，朋友就介紹一個好好食又好好坐既餐廳。 係山林道既Fennal. 我都係第一次係山林道行到咁入搵野食。黎到，唔係太多人，店員好好，比我地坐窗口位。 我地首先就點左個2人lunch set。 都好多野食首先黎左2壺花茶：紅棗黑糖薑茶，洛神花玫瑰花茶。 倒出黎茶色已好靚, 都夠大壺。 最緊要好夠熱，食完成個鐘後都仲暖。 好好飲。湯簡左椰子雞湯，好滋潤。 椰香好濃，飲落好正，真係好泰式。主食就簡左黑松露意粉配牛柳。 佢既扒真係處理得好好。 熟之餘中間仲有粉紅色同好稔。 肉香好好。 而意粉都好特別，同外面食既有d分別，係有口感好多，同好入味。第二個主菜係羊架配咖哩薄餅。又係另一番風味。 佢既薄餅好好味，又唔會太油。 而羊架更冇得彈。 好滿足。至於甜品，我地就加左錢叫左芒果糯米飯。 佢仲配有班蘭芝士蛋糕，出奇地唔係好甜，配得剛剛好，唔會叫人飽到食唔落。 這間餐廳真係好唔錯。