至尊滿屋日本料理 (已結業)

好耐冇食放題,但一大班朋友聚會又總會有人提議食放題,於是就揀左大家一致都覺得質素比較高的至尊滿屋日本料理 .揀左8:45-11:15晚餐時段,等位的人好多.不過好彩佢安排入坐既速度都好快,等左冇幾耐就可以入座.有刺身,壽司,一品料理,炸物,成12張點菜紙的選擇.放題當然要盡情地食刺身,哩度度刺身都算好新鮮,又唔會太薄身.而且最重要係上菜速度快,令人可以食得好盡興.壽司就點了幾款特式D既試下,都幾好食.沙律都有幾種選擇,而且仲好足料.小食類既選擇好多,炸雞翼,炸芝心香芋丸都好食,好香口.最鍾意仲有日本小甜薯,好甜好淋.芝士焗蠔ENCORE左幾次呢.又食左好豐富好滿足的一餐.食放題最重要真係選擇要夠多,而且刺身上菜又唔會漏單,至尊滿屋日本料理一向都是我放暊的首選.

工作完畢，要同朋友食餐好！就選擇咗呢間放題😋八點半嚟到都幾多人，不過勝在座位夠多，都好快就入得！入到去第一輪即刻叫咗刺身先！都好多選擇，而且冇漏單，叫咗嘅都嚟齊晒 賣相都幾靚👍🏻👍🏻👍🏻👍🏻之後陸續其熟食都嚟啦，燒菠蘿同牛舌唔乾身多汁又甜⭐️榴槤波波好足料，好香榴槤味👍🏻 炒牛舌都好淋身又香🤗 最後太飽所以只叫兩小塊雞泡魚乾 好味啊！後悔冇一早叫多啲 最後已經食唔落啦😂甜品同飲品都好多選擇！又有特飲同其他比較少見啲嘅罐裝嘢！每人仲可以揀一款雪糕，有成十個選擇！價錢放題嚟講都唔貴 所以總括之言都滿意！最後要講就係職員服務真係好好，好主動幫我哋收碟，見我哋冇咩位放嘢又幫我哋放餐牌落檳桶，見到佢哋雖然好忙，但都不失禮貌，好好啊！只係發現人大咗，真係食唔到咁多嘢啦😂 任食都係食到飽就算😂

星期一, 又係番工地獄既開始, 仲要岩岩先放完個長假, 更難頂一於要放鬆下, 約左幾個朋友出黎食飯幾個朋友又係住九龍區, 就佢地出旺角食放題一定走唔到啦旺角有太多選擇, 我自己都去唔少未試過至尊滿屋, 就提早訂位入到去個場又係坐爆哂人真係好生意坐低左就更係要即時叫個野食先,唔好哂時間點菜紙之後約5分鐘D食物就上枱, 真係快手刺身永遠最快黎既三文魚都幾新鮮, 又厚切吞拿魚鮮味蝦唔會有"梅"味, 幾好食鮑片都係一個唔錯既選擇, 咬落爽口唔會"硬膠膠"反卷壽司亦慢慢上枱海膽三文魚夠鮮甜..海膽味足夠!!!好緊要芒果軟殼蟹反卷點都要叫..蟹籽夠多, 中間脆, 奇埋芒果酸酸甜甜, 開胃火炙三文魚, 魚油味出哂黎, 正到爆海鰻壽司醬汁岩岩好, 帶出鰻魚鮮味~焗蠔岩岩好, 加埋沙律又係開胃菜, 但不宜食太多可能有芝士, 會有少少濟, 2隻上限牛柳粒肉鬆好味, 有牛味, 唔會咬唔爛, 讚~榴槤+芝士波口感十足芝麻雞翼多汁好食..肉嫩一定要叫!!!!牛舌爽口, 唔會難入口咸味亦適中可以!!沙冰建議可以減少D糖, 本身好飲但太甜!!希望餐廳可以減少D糖就正!!

好耐好耐冇食放題啦，心郁郁約左個老朋友出黎一齊食當獎勵下自己佢呢個地頭蟲話呢，瓊華呢間至尊滿屋算係旺角最正架啦，咁就一試無妨排隊搭𨋢搞左三個字，終於上到去。正! 一入門口已經感受到久違既放題氣氛了~餐牌種類好多好廣，既然肚餓，咁就樣樣都叫下啦刺身拼盤率先達陣，排得好靚，隔離枱多人直情用刺身船上，真係令人食慾為之一振!最好食係三文魚，夠厚夠濃味。帶子螺片爽口彈牙，鯛魚同劍魚十分新鮮。吞拿魚嫩滑，赤貝口味偏淡，蝦刺身入口香甜。一字記之曰:好食!之後到特製壽司系列出場啦!法式芥末象拔蚌好特別，爽口既刺身加上法式芥末既味道，唔使點WASABI，又幾夾播~醬油漬吞拿魚都幾好味，好似點左D燒過既醬油咁，有少少BBQ風味柚子油甘魚入口即融，加上柚子醬微妙辛辣既畫龍點睛，簡直將鮮味帶左上另一個層次食完生冷野想清下口，飲品就岩岩到~除左自助罐裝飲品，店舖仲提供特飲。叫左杯紫貝天癸白桃梳打，明明張相係紫色但唔知點解黎到個杯係咁既色XD 但重點都係味道，有少少偏甜，但好香果味，之後忍唔住再叫左兩杯跟住燒烤類食物陸續登場。我地叫左鹽燒雞翼，鹽燒牛舌，五花腩，熱辣辣新鮮燒起，熟度岩岩好，舊舊入口都有焦脆口感，一

呢間放題有得食淨鰻魚唔連飯，所以就揀左佢🤤全部食物質素整體唔錯，228一個人，第二個人半價，加埋一每個人約二百，幾抵食鰻魚肥大肉厚，唔乾，不過佢落嘅汁太多了。首先我叫左八塊，佢比左四塊咋，之後我再劃多八塊😡燒三文魚，芝士蟹棒（蟹柳），左口魚，鰻魚，味道不錯👌🏿醬多，岩我🤤牛枊粒～👌🏿唔鞋嘅，有啲根芝蔴雞翼外脆內滑好味呀～仲有炸池魚，有點苦苦，炸榴連波👍🏿好流心好香又係同我份量減半😂甜蝦有啲腥🤢鹽燒海蝦👌🏿

之前去過銅鑼灣既滿屋，食過都覺得幾抵食。今次就黎到旺角既至尊滿屋，試下睇下到底有咩唔同先～刺身好新鮮，食過唔少港式壽司鋪雪到刺身魚生硬晒，呢間就唔錯，無咩雪味。我就叫左甜蝦十隻，帆立貝五件，油甘魚五件，三文魚五件，加晒都仲係唔夠食。不妨叫多過我一半！呢樣真係要叫到夠本為止。熱食方面我就推介羊架。羊架佢燒到岩岩好，佢落調味唔會太鹹，食落夠味，「蘇」味點到即止。唯一呢樣我叫左兩次，食完想再回味。跟著就可以食其他熱食啦。最後當然唔少到雪糕一杯，比利時朱古力最值得推介。

好耐都無黎啦 真係好熱鬧 食放題成日都想食呢個串燒雞翼 外皮燒到脆卜卜 金黃金黃既外皮 燒得又唔lone 食落入面仲好多肉同埋好多油 好滑好好食 加埋檸檬汁就清新好好食 不錯呀再黎一碟好靚既sashimi 一黎到都嘩一聲咁新鮮 三文魚睇落唔係好肥 但食落好鮮甜呀 再黎油甘魚好厚切 食落滿口油脂好香呀 我地都encore左一次 另外生蝦都好正架 好少放題有 貝類又係好爽口 唔錯 甜蝦蝦頭唔黑 食落甜而不腥！最後食左個冷麵 好似好新鮮咁 麵質唔林 同芝麻醬好夾

When it comes to Friday, the TGIF mood will always drive me to look for a good restaurant. Since I have not give in to calories and indulge myself for quite a while, so I decided to try this all-you-can-eat Japanese buffet in Mongkok. We were lucky that only a ten wait is required, but we arrived at around 1830, and the queue accumulated fastly after 1900, so it's better to make reservation in advance. I was quite shocked by the menu it provided to us, there was like 8-10 pages of menu we can or

平時好少食放题，但難得同屋企人食，又係旺角，就上網睇下有咩推介, 見到呢間放題好似幾低食又多野，不作它選，就打電話去book位。自助飲品區任攞任飲，超多選擇，啱哂我。可樂、烏龍茶啱哂。先食剌身先，魚生款式眼花撩亂，個人覺得最好食北寄貝同三文魚。北寄貝又爽又彈牙又鮮甜，三文魚啖啖肉，而且厚切又多汁，口感豐富。羊架超正，肉質好淋，好入味同juicy！芝麻雞翼即炸，唔多油又脆，誠意推介。炸物都好多選擇，全部都好正，而且唔會食到成口油，感覺一流。蒲燒鰻魚細咗啲，但令到醬汁更易入味，所以係咁再叫，帶子點食都唔夠，太好味了。甜品方面，都係超多選擇，一定有啱心水嘅。仲有服務又快又準，收碟好快，無理由幫襯一次咁少，一定會再去食餐勁。

五姨媽同表姐提早喺今晚同媽咪慶祝生日！我們揀咗去旺角瓊華中心嘅至尊滿屋到食晚市放題🤤一開始我們就當然叫咗個雜錦刺身拼盤嚟食先啦，一上碟嗰陣我們都嘩咗出嚟，因除咗刺身嘅款式多之外，樣樣嘢都非常新鮮呀！刺身有我最中意食既甜蝦同三文魚，甜蝦幾生鮮同埋幾大隻，而三文魚系厚切既，而且凍冰冰好正，而三文魚既質素，encore好味過第一次落單，因為第二次既三文魚較為肥美，肥既比例多少少，反而有返啲口感。北寄貝嘅味道除咗有北寄貝本身嘅鮮味之外，仲有微微嘅甜味！饅魚嘅味道都幾鮮甜同香口，唔會有腥同泥嘅味道！我地仲叫左啲炸物, 一黎到睇落好細件，原來係因爲佢既炸粉少，而且外表都幾白淨，證明佢啲油都幾乾淨呀！仲有叫咗芝麻雞翼，烤羊架同燒五花腩，外脆內軟，而且熱辣辣，即叫即做, 正呀！仲有牛舌、芝士焗壕同炸鮮魷等等，都非常好食！ 至於甜品方面除咗有基本每人一杯哈根達斯雪糕之外，仲有芝士蛋糕、泡芙、奶凍等等，啱晒最鍾意食甜品嘅我地！

約左朋友去食放題，都已經一段時間未食過了，我地好鍾意間間都試下，今次就去左至尊滿屋食。我地之前已經BOOK左位，去到就可以立即入去，仲安排左卡位比我地兩個!去到緊係第一時間點刺身啦! 我地咩刺身都點左少少。仲有芝麻雞翼呢啲都係必點架~刺身都相當新鮮，油甘魚同三文魚都係我的最愛，不得不提，蝦刺身隻隻都好大隻，仲好鮮甜爽口!壽司都一樣高質食放題都要點個蟹籽沙律食下先~蟹籽卜卜脆又好新鮮，青瓜絲好爽口清新，好清新!芝麻雞翼(必點)，炸得好香脆，送到黎熱辣辣~上面仲有好多芝麻，夠哂香口，雞肉好嫩滑又多汁，就算雞翼尖都好有味道!燒五花腩都好正，半肥瘦，入口即溶，用左好多七味粉提味，所以非常惹味。食放題都要食下少少蔬菜先夠健康，燒冬菇好香炭燒味道，冬菇味道好突出，好林，幾好味~好少放題有特飲，呢度就有喇~我點左杯藍糖白桃梳打，賣相就夠哂靚，影相就最岩喇溫馨提示:一定要搞得均勻，味道先會平均!仲有MOVENPICK雪糕食，超市買都唔平~朱古力味好味道! 入面仲有朱古力碎碎，濃濃朱古力味!最後一定要講下呢度職員嘅服務態度，真係非常好~唔單只好勤力換碟同好快手收點餐單，仲要好好禮貌。

新一年啦！指定動作，就梗係要同屋企人食飯啦！因為daddy媽咪鐘意食放題，貪佢抵食又多選擇嘛，所以今次一於就試吓呢間放題啦！嚟到食放題，第一個動作就一定要嗌刺身啦！今次除咗油甘魚之外咩都嗑咗啲。媽咪最鐘意鮑魚片，貪佢夠鮮甜多汁。Daddy就最鐘意三文魚，夠厚切大塊，肥美又有咬口。另外，北寄貝同甜蝦都新鮮香甜爽口！熱食方面，炸雞翼好好食！夠脆夠嫩夠多汁，唔會太咸。燒羊架都唔錯，冇燒過龍，調味都ok。仲有，有個叫七味粉燒五花腩，超好食！少少辣，五花肉燒到卜卜脆，肥肉入口即溶，我地encore咗幾次！🤤仲有一個驚喜位，甜品有哈根達斯同movenpick雪糕，需然一人只限一杯，不過可以喺放題食到都非常唔錯。

又到一月，係開學嘅日子啦，姐係又係時候食開sem飯haha。今次就簡咗旺角呢間方題，喺瓊華中心，近地鐵站方便又易去，又可以坐足兩個半鐘慢慢傾計慢慢食🤤食方題就一定唔少得嘅係刺身併盤啦，我地就咩都嗌咗啲。三文魚超厚切，完全冇偷工減料，新鮮肥美冇筋，超好食呀！呢度嘅帶子對比起其他方題就細粒咗啲，不過味道ok嘅。另一個必嗌嘅係北寄貝，鮮甜爽口彈牙，正呀！除此之外，呢度嘅甜蝦都夠新鮮，有甜蝦應有嘅鮮味！呢度嘅甜品不過不失，自助形式，不過對比其他舖頭款式就少咗啲啦。不過！加分位係，雪糕竟然有哈根達斯期間限定嘅mochi綠茶雪糕！竟然唔係雀巢雪糕，需然每人只限叫一杯，但係超級有驚喜呀！總括嚟講，係一間質素好好同有驚喜嘅方題！

吾點解要不停換碟，兩個鐘內換左至少五次碟，啲野又吾好食，未食過吾飽既放題。最吾滿意既系收錢個時一直企系隔離，好似怕我地會走數甘，真系極之失望下次一定會吾幫襯😡😡

係openrice搜尋至尊滿屋會例出滿屋各分店,數數下發覺我全線分店都已經食過啦,哈哈,好似集郵咁,對於依個集團旗下既食店都幾滿意,再多人既晚飯時段都未試過漏單,食物都好多款式,都有d第二到未見過既款式,服務都ok,價錢又親民,算係咁啦,所以食完會有回頭既放題!!!刺身夠新鮮!!!壽司壽司燒海蝦蘆薈沙律,中華沙律,好清新,做前菜一流!!!炒蟹好有穫氣好野味!!!韮菜花炒得好香!!!牛油栗米,好香牛油味!!!刺身有好多選擇,不過我唔係好食到魚生,所以鮑片,北寄貝,甜蝦就係首選!!!甜蝦刺身太好味,點完又點,好鮮甜!!!好多自取甜品糕點,細細舊,可以試好多款!!!依到有好多飲品選擇,當中有氣黑加倫子同清涼爽都有!!!