至尊滿屋日本料理 (已結業)

嘢食算係普普通通放得入口啦，如果唔追求啲乜嘅話，即係唔係叫做難食，但又冇話好食囉。無論係餐廳嘅裝修環境、餐桌上面嘅擺設，定係食物嘅擺碟和食物嘅賣相味道，都係有種求求其其嘅感覺，款式唔多、唔精美，不過上菜都快，冇漏單，叫做有個地方，可以同朋友坐耐少少吹水咁囉。冇咩唔會再去。…查看更多

這次真是太難忘的一次聚餐。原本是來食放題點知變小強放題。話說當日夠鐘上到去，仍要在門口等十分鐘左右才能安排座位。之後我哋坐到近窗邊的卡位，比較靠近廚房的角落位置。初時十分鐘冇事發生，話送生蠔，家人話唔新鮮都唔太食得落。食到中途就變成小強放題了..只見小強突然從窗邊爬上枱面，家人立即打死幾隻！打完一隻冇耐又黎多隻，食慾全無吧！最後同職員講，都只係比雪糕（本身就包雪糕任食吧？），冇減錢。今次家庭聚會食得唔太開心，覺得好唔衞生..結果我地草草食完急住走了，決定永遠不再來。…查看更多

之前因為性價比高已經幫襯咗好多次， 今次再去幫襯食物質素下跌， 魚生冇之前咁新鮮，羊架冇之前咁肥美，可能疫情之下入貨少咗，多款魚生喺八點半已經冇貨。另外之前有清酒無限量供應，但係今次去到冇酒供應，價錢不變，訂座時又冇事先聲明冇酒供應，餐廳經理話因疫情所以取消清酒供應 但其他餐廳都仍然有酒供應，總之今次令人失望。…查看更多

六點入座，因為價錢比較便宜，由於食客不是很多的關係，上菜的速度也很快，食物質素還可以吧，刺身新鮮度和肥美度一般，但是壽司挺好吃的，熟食和炸物都不錯，例如番薯仔和海蝦都很好吃…查看更多

星期一至四，五點黎食有半價優惠。刺身、火炙壽司選擇多，刺身新鮮，寫幾多黎幾多。刺身同飯比例幾好，唔會太大舊飯。而熱食選擇少，炸物唔錯，野食黎到仲係熱辣辣野食黎得快，座位寬敞，環境乾淨，侍應helpful & nice。最尾送大牌子雪糕一杯幾扺食，每人$130連加一，如果想坐得舒服同傾計，呢度幾適合。…查看更多

今日又係食大餐既日子去左滿屋食放題，都有一段時間冇泥啦，一坐底唔洗講甘多啦，刺身我叫左三文魚，油甘魚，甜蝦，帶子，甜蛋同以前一樣冇咩變過，都係甘新鮮，唔會做到是是旦旦甘我最鐘意就係食甜蝦，因為每一隻都好多膏，而且係冇腸，師傅做得好好叫左d壽司，細細件唔會食唔到其他野，燒左口魚壽司我都叫左三次，因為師傳都燒得唔錯，燒岀泥既油脂岩岩好落左小小係飯度，令到好重魚鮮味而且呢間鋪有得食花膠，花膠都幾林，幾入味唔會好似食橡根甘總括泥講都唔錯，平價大食…查看更多

雖然仲係喺抗疫期間, 但偶然都要出去放縱一下, 所以今晚就去左呢間日式放題開大餐星期一至四晚市時段 $208 一位, 加埋一 $230 都唔洗, 認真抵食, 仲有齊刺身、壽司、卷物、軍艦、手卷、一品料理、串燒、炭燒、天婦羅、炸物、季節料理、和風料理、飲品 & 甜品自助區前菜、沙律、冷盤、炸物、熟食、湯、甜品、水果任拎飲品櫃入面有罐裝 & 包裝飲品, 而且仲有 2 -3 款啤酒任飲熱茶櫃果邊仲有清酒同梅酒添刺身有 12 款刺身:甜蝦、大赤蝦、北海道帶子、吞拿魚、北海道角螺、北寄貝、三文魚、希靈魚、油甘魚、鮑魚片、松葉蟹棒 & 玉子, 特別推介甜蝦、大赤蝦、北海道帶子同三文魚, 因為真係非常肥美, 一定要食多幾 Round壽司款式非常多, 大愛海膽手卷同黑松露赤蝦壽司, 另外仲有 D 創意壽司, 例如: 至尊蜜糖芥末三文魚腩壽司、意大利黑醋芝士鰻魚卷、醬燒玻璃蝦海鮮卷、咖哩鹽燒左口魚邊、火炙蒜香和牛壽司、千島醬燒帝皇蟹棒壽司、千島醬三文魚軍艦、芝士飛魚籽手卷 … 串燒/炭燒串燒方面, 必食鹽燒牛舌 (非常爽口, Order 左勁多)、鹽燒海蝦同燒有機鮮菠蘿 (燒完仲係好Juicy); 炭燒食物有香草燒三文魚腩 (香口惹味)、炭燒香蔥玉子、燒紐西蘭香草羊鞍 (一 D 都唔羶)、黑松露法包 & 鹽燒鯖花魚 (魚味好重)炸物/天婦羅有 4 款天婦羅, 分別係虎蝦 (蝦肉好彈牙)、溫室南瓜、有機蕃薯仔 & 皇帝蟹棒 (超級鐘意食); 炸物有芝麻雞翼 (夠乾身, 非常香口)、吉列廣島蠔、榴槤炸彈 (中間係流心嘅榴槤蓉, 味道香濃)、芝士薯球 & 炸鮮蝦雲吞一品料理咸酸菜炒魷魚、鐵板蒜片雞腎 (非常爽口, 一 D 都唔 Un)、鮮蝦仁炒西芹、牛油炒粟米 (味道香甜) & 鐵板雪花牛柳粒 (肉質夠淋身)季節料理紹興花雕醉蝦 (夠晒入味) 、吉品鮑汁燴花膠盛宴、瑤柱扒小唐菜 (清清o地, 非常健康)、西京比目魚 (燒物我就推介西京比目魚, 燒完又香又滑, 就算唔配醬汁都好好味) & 北海道焗廣島蠔 (蠔肉肥美)和風料理至尊蟹皇海鮮粥 (用左大大隻蟹煮) 、牛肉火鍋、鮮雞湯雲吞花膠鍋 (滋補養生)、牛肉稻庭烏冬 (烏冬好有咬口) & 黑蒜叉燒拉麵雪糕每人都可以喺呢張 Order 紙上揀一款雪糕, 是日Haagen-Dazs 嘅季節限定係焦糖脆脆 …查看更多

我同女朋友一齊黎，book 左2130,2135左右坐底，我知道佢地就黎收，所以好快就落左order，天婦羅最快到，但係佢地通知last order既時候大約2200,連第一張落既刺身都未到，2230就唔比落野，點食…查看更多

今日約咗朋友食生日飯，咁梗係想食好啲㗎啦，所以就約咗朋友嚟食放題，旺角嘅放題有好多選擇，今次就揀咗至尊滿屋黎試一試。食物都係選擇都唔少，有兩大本簿俾你填紙落order，全部都彩色印製，可以俾你睇吓嘢食嘅樣係點，令到我樣樣嘢食都好想試！一嚟到梗係食刺身先啦，都有六至八種刺身可以選擇，有魚生吞拿魚帶子甜蝦鮑片等等，厚度都適中，唔會太薄交行貨！都幾新鮮添！而且叫嘅數量都俾得足，唔會偷雞比少啲！另外呢度啲熟食都幾好食，我好鍾意食呢個牛肉火鍋，仲有牛舌串燒菠蘿玉子，全部都好食！仲有好多壽司，唔會太大舊飯，阻着你個胃口，另外仲有啲雜物，炸番薯好好食同埋炸蝦都唔錯！仲有最後有雪糕食有最正嘅movenpick同Häagen-Dazs！好食！唯一想改善係飲品飲品選擇可以更多會更好！…查看更多

在這樣的疫情環境，餐廳要經營下去真的不容易經過瓊華，又是一大輪傳單攻勢見到這間至尊放題在做優惠，不用$200就食到啦.款式很多是應有盡有的，而且還有自助吧，入座未坐暖就可以拿食物.以下是我覺得好食回本之選：魚生刺身是必食的吧，款式多而且全部都很新鮮，十分鮮美而且魚生是厚切的。沒有漏單，而且上菜快。壽司款式也很多，而且有些還包括名貴的食材例如黑松露呢。抵讚的是這裏的飯不會很多，不會食飯食飽。.到日本料理當然要叫牛脷，燒得夠香也不會太肥膩。這裏雞翼有兩款，建議吃芝麻雞翼，雞肉超級鮮嫩而且肉汁多到爆！花膠當然是必要的，滋補養顏又好食。比目魚creamy又好食，入口有種即溶的感覺。.如果你是牛魔王，一口牛及牛肉收起燒就啱晒你。牛肉食之有味，相信不是用冰鮮冷藏千年肉。而且選用的牛都是比較瘦身，食多幾片也不會怕肥。.直到差不多當然要吃甜品及飲品，在出面的飲品櫃及甜品櫃任攞！…查看更多

滿屋滿屋，非常多款式及高質餐廳很寬敞坐得很是舒適。刺身每款試少少，雪味不重。其中我比較推介甜蝦後者很爽口。北海道帶子好大隻燒物鹽燒牛舌食落都幾彈，調味亦剛剛好多汁。鹽燒海蝦都幾大隻新鮮。燒菠蘿多汁，味道都清甜花膠一見到有得叫簡直雙眼發光，花膠非常厚啖啖肉, 好味喔蒲燒鰻魚燒汁超多，鰻魚大條肥美，好好味甜品最正就係每人一杯雪糕，有haggenen dazs, movenpick, dreyer's揀!!絕對係出色既晚餐。正…查看更多

買完電腦用品，行過見到瓊華樓下有好多晚餐選擇，想放肆食多d，第一次和同事黎到呢間食放題，排隊等一陣就有得入座，安排得好快，好快就有位坐低，餐廳點餐紙有好多頁，也有scan QR code網上下單服務，店鋪更有提供WIFI，可以慢慢食，基本上一落單好快就有得食。上菜速度快，而且餐廳職員會好快自動收走d唔要既碗碟，唔洗堆到成長檯都係。熟食：近雪櫃附近有個至尊自助沙律，如果有炸春卷，自助salad有蟹柳絲，蟹籽，蜆肉，中華沙律，日式腐皮，泡菜蘿蔔，扎肉等等可以自己選配～湯類有中式老火湯和椰汁西米露。。迷你甜品區有奶凍，芒果tart等等。。飲品款式選擇繁多，連Hogarden同Somersby啤酒都有，最特別的還有清酒！我和同事就拎左Somersby同韓式凍頂無糖烏龍茶。！|ू･ω･` )主食放題START：食物既選擇都好多，而且刺身都好新鮮。一黎到當然要叫刺身先，瘋狂寫左幾款大愛刺身。一大盤刺身上黎即刻留曬口水呢(*^▽^*)三文魚永遠都係無得輸既選擇，好鮮甜，夠肥美。除左三文魚之外，蝦同帶子都好高質，口感冰爽大大隻，淡淡肉啊，忍唔住叫左幾round，希靈魚都好爽口！燒羊架都好好味，烤得剛剛好，好juicy好香啊啊~好少漏單情況出現。全部食物都係即點即整唔會凍晒。吉品燴花膠盛宴一定一定係必點啊啊！！我同同事都好suprise放題都有花膠點，口感和黏稠度都好正，我地都點做2 round~！吃下去滑嘟嘟又彈牙，更重要是每一口都滿載骨膠原！女仔食多d都無怕啊～～ლ(´ڡ`ლ)壽司🍣款款都好精緻，細細舊易入口，吾洗驚話食壽司舊飯好快飽。烤蝦，南瓜同海老天婦羅都很出色~！蔥花卷蛋也很精緻，愛吃玉子燒的我梗係唔放過！牛肉壽喜燒鍋鹹鹹甜甜好開胃~肉質鮮嫩也不會太油膩，醬料是甜味中帶一點鹹味，但是又不會蓋過甘甜的感覺！當然唔少得有雪糕雪條啦～雪糕係最後食嗮，店員先回比紙仔你填自己想要的味道，有Haagen－Dazs，Movenpick同Dreyer's簡，我就簡左Movenpick Vanilla同草玫味，完美為今日晚餐作結！…查看更多

呢日又同朋友約咗一齊去食放題，貪佢哋可以任食之餘仲可以坐好耐，而且一大班人鍾意叫咩就叫咩！所以今日又來到我哋平時都好鍾意食嘅滿屋，餐廳喺7樓 搭lift想去一出就係啦！呢度嘅嘢飲同埋小食種類都幾多 可以自己出去拎。至尊滿屋無論係刺身炸物同埋熱食都有好多款👍🏻我哋首先就梗係叫咗好多刺身啦！三文魚肥美 肉質都唔錯！另外赤蝦嘅肉質都幾彈牙 同埋有蝦味！另外仲叫咗幾個我哋都好鍾意食嘅花之戀壽司🙈花之戀個份量啱啱好！ 食完都唔會太飽👍🏻最後佢哋仲有特別雪糕送㗎！ 總括來講呢度嘅食物種類都唔錯 一大班人你就最啱！…查看更多

最近，疫情肆虐，大家都唔敢去打邊爐，所以我同屋企人唯有嚟食放題，開心吓。上網見到呢間放題，好多好評，一於嚟試吓。首先，唔使講嘅係位置好方便，係大家熟悉嘅瓊華中心。上到嚟，可能真係少咗人出街食飯，都坐唔爆。嘢食選擇認真多，壽司刺身呢啲基本啦，仲有一品料理，當中我最欣賞嘅一定係鐵板燒牛柳粒，唔好以為放題食物質素一定麻麻，呢度牛柳粒真係另外加錢我都會食！仲有，最開心嘅事有兩款啤酒，嘉士伯同ashahi，仲有清酒，抵啦！…查看更多

想食日本野，於是就同朋友揀咗間平平地嘅放題黎食，呢間放題好就腳就喺旺角瓊華7樓上到去，發覺都幾多人佢呢度仲有清酒梅酒任飲放題當然唔少得有刺身啦，有差唔多10款刺身， 三文魚，吞拿魚，甜蝦，帶子，油甘魚，虎蝦，螺， 刺身整體都幾新鮮，又冇雪味仲有就叫咗啲壽司，其中左口魚同鰻魚最好味仲叫咗啲手卷，海膽手卷都係咁任叫，好正啊另外佢嘅天婦羅同炸物都好出色，炸蝦天婦羅同蟹棒天婦羅，外皮炸得好鬆脆， 炸物方面，炸生蠔同炸榴槤，都好好味小食方面都仲有好多選擇，佢嘅牛舌同雞翼，熱騰騰咁上枱，又係食到唔停口料理方面，佢嗰碗至尊蟹皇粥，勁吸引，粥入面有一大隻蟹，個蟹鉗仲好大隻最後仲有Häagen-Dazs同movenpick雪糕揀$200食到咁嘅質素嘅放題，真係超值…查看更多