至尊滿屋日本料理 (已結業)

旺角睇戲食飯直落，放題個時間zip得剛剛好，加上朋友我次食過推薦，所以就豪不猶豫跟左佢黎。一入黎路經佢個野飲櫃同甜品櫃，甜品既選擇都幾多，但都係後話。座底左之後都係點左刺身先！刺身整體水平幾高，睇得又食得，雖然種類唔算多，但勝在質素高，我朋友係咁啪甜蝦，我就係咁食三文魚，十分過癮！食左一輪刺身我地開始食熟食野，叫左好多燒物，燒雞翼牛舌波蘿冬菇等等，整體質素中上，好juicy唔會燒到太乾或太燶，燒蝦我地點左幾轉，食完絕對想再食。最後仲叫左少量壽司同手卷，食埋已經好飽了。呢間放題刺身，燒物，同壽司質素都好好，唯一缺點就係啲甜品真係麻麻地😂

之前朋友呢個說話這裏嘅放題有得吃最新嘅限量版雪糕，咁當然就唔會錯過啦。今日等男人收工我哋就食宵夜大約十點鐘去到 ，唔使等位就可以入去，入面嘢食都好似比心目中多，而且真係有限量版雪糕，不過就要係抽，唔知道今日會係紅豆餅綠茶呢？你都當然一定食我哋食放題會嚟食嘅榴槤啦， 榴槤味好香而且好脆口，又吾油身，芋丸都好好食，之後嗌咗啲熱食雞翼雞翼味道啱啱好而且好乾身好味道。炒什菜味道香而菜份量多又有幾款菜係入面。魚乾甜甜又有口感，面上沙律醬最後仲忍吾住叫多碟。天婦羅蝦同紫薯夠新鮮吾油身，微溫剛剛好。刺身我地想食幾轉所以每次叫吾多，最愛的蝦夠鮮甜而吞拿魚口感吾錯，整體刺身質素都高。 然我哋都有食壽司啦收聲我哋叫咗 火炙壽司，燒左少少魚油香口又增加味道濃郁魚香添，牛肉壽司牛肉味都夠又夠淋身吾難咬。三文魚腩夠肥又鮮甜。今次我哋仲叫左特別嘅特色飲品，荔枝味嘅梳打，味道濃又香，我最鍾意佢唔太甜，味道啱啱好，有意外驚喜 。當然亦都有好多唔同嘅飲品呀檸檬汽水，橙汁都會有。甜品方面因為我哋想食雪糕，所以就只係食咗西瓜同火龍果。雪糕終於到啦，原來我哋今日食嘅係抹茶味，抹茶唔太甜而且入面嘅糯米糍好有口感，味道十分之好。

朋友聚會食放題，上次試左滿屋都唔錯，今次試埋佢個至尊滿屋。一黎度緊係睇佢張menu先，其實種類又冇多好多，第一時間點左刺身先，樣樣都點左幾份。刺身一黎到就心心眼，三文魚好肥美，甜蝦大大條，北寄貝超新鮮，食到我lamlam脷，尢其是甜蝦，鮮甜味美，最後忍唔住點多次。每次黎放題都唔少得羊架，呢度d羊架燒得好正，騷騷地熱辣辣幾岩我口味，我一個人都食左兩件。仲加多左杯神奇特飲，雖然個樣同張相有d出入，但飲落都幾好味。

今日我哋喺朗豪坊睇完戲喺度搵嘢食唔知食咩好，朋友喺上網見到這間放題價錢都唔貴，而且我之前都食過佢嘅晚市放題都覺得唔錯，所以我哋今日就過咗嚟食呢度嘅宵夜放題。我哋呢度就啱啱好 ，唔使等好耐就可以有得食，一邊嘅 飲品櫃都有好多唔同嘅選擇而且隔離仲有甜品 。但係我哋冇諗過竟然喺餐紙上面有一樣我哋好鍾意食意冇睇放題見過嘅麻辣牛肉鍋。而我哋當然亦都唔會錯過叫刺身 好新鮮 而且唔會有好大陣嘅雪藏味，食落去就淡淡味魚香 。海膽手捲 ，每次都差唔多必食分量唔算好大，但係食落去紫菜好脆，而且一口一個啱啱好。 鰻魚卷都有驚喜，更加沒想到呢度嘅熱食都原來十分之好食，羊鞍好香口又吾會好硬，串燒燒得剛好仲帶微溫。蒜片牛肉粒好香蒜香，夾牛肉一齊食好味道。最後仲有雪糕同甜品 ，我地一人一杯朱古力再食布甸，超飽地離開。

朋友說女孩子應該趁年輕吃多一點刺身壽司,因為女人年紀大了就不適宜再吃了所以我們要把握時間,吃一些更好的壽司但今次來到這家至尊滿屋則令人失望了正常點單後,刺身的確後快來到,外表看起來不錯,但吃進咀裡就感覺到味道不太好蝦的尺寸真的很大,但吃起來味道普通,不夠新鮮拖羅的口感很硬,而且沒有什麼味道三文魚不夠厚身,也是沒有鮮味特色壽司也不特別,蟹柳壽司算是勉強最好炸物方面,整體都偏向太油,而且上枱後而且不太熱了,所以入口口感很奇怪天婦羅更是炸得皮肉分離,一點也不吸引最後只有名牌雪糕是值得吃的,但每人只有一杯,付200多元來吃一杯雪糕是絕對不化算的

瓊華中心不嬲都好多嘢食， 今日約咗朋友去食下呢個 至尊滿屋日式放題 。 朋友食過之前話味道唔錯咁我就試下啦。 星期日晚我哋到場嘅時候都唔係好多人， 好快可以入去坐低。 餐廳面積其實都幾大又多卡位。 座位都坐得好舒服。坐下不久，我哋就去咗飲品櫃裏面啲攞嘢飲，飲品有好多種類， 有啤酒有 凍茶 有汽水 種類好多， 仲有日本燒酒添。 甜品櫃既甜點種類都好多， 不過嗰晚我哋大家都食到好飽所以冇試到。餐廳食物上菜既時間好快，嗰頭落完單轉頭已經開始上菜。我哋先叫咗啲炸物，有天婦羅，芝麻雞翼， 避風塘炒八爪魚，清酒煮蜆，等等。 每款味道都唔錯， 我哋兩個女仔，其實每樣試一兩件好快都已經食唔落。之後我哋嗌咗啲刺身壽司，刺身同壽司都非常新鮮。 我哋仲見到隔離枱有條好大條嘅刺身船。 嘢食真係唔錯。食到最後叫店員埋單後，就可以揀雪糕口味喇，我最愛movenpick既雲呢拿口味, 以呢個價錢有咁多種類嘅嘢食其實真係超值。

瓊華中心嘅至尊滿屋搭𨋢成日經過門口都見到好多人排隊，今日終於有緣可以試下。星期日晚我哋到場嘅時候都唔係好多人，可以直入餐廳而且餐廳環境裝修都幾靚，我哋三個人畀咗張六人枱我哋坐得好舒服。附近不遠處見到有兩個好大嘅飲品櫃裏面啲飲品都有好多種類，我最鍾意佢有道地既解茶系列可以消脂解濟。甜品櫃既甜點種類都好多，驚喜地發現仲有日本燒酒。由於太肚餓既關係，我哋坐低攞完嘢飲就已經即刻開始嗌嘢食啦， 餐廳食物上菜既時間好快，嗰頭落完單轉頭已經有。我哋嗌咗啲刺身壽司， 不久之後竟然黎咗一條壽司船， d刺身仲排得好靚添， 總括刺身同壽司都非常新鮮，水準拍得住 出面嘅 日式壽司店。之後我哋又叫咗啲炸物，如天婦羅，芝麻雞翼， 香蒜牛柳粒 等等。 食物種類繁多而且未到全部味道都唔錯。推介 芝麻雞翼 超好味熱辣辣。食到最後叫店員埋單後 佢哋會遞上一張雪糕紙仔畀你揀 Häagen-Dazs 或movenpick雪糕口味。 其實呢個價錢有咁多種類嘅嘢食真係值回票價。

舊同學聚會，大家想傾下畢業後的生活，我們選了至尊滿屋日本料理食放題，因為上次食過，食物和環境都吾錯。避風塘炒蟹有穫氣，炸蒜很香，蟹肉鮮甜，好惹味！火灸壽司中，我最愛火灸左口魚背壽司，用火燒一燒後，味道更香，口感爽口。放題回本首選當然是刺身，至尊滿屋的刺身相當新鮮，三文魚、油甘魚、吞拿魚都是厚切的，有口感又肥美，大赤蝦好大隻，甜蝦又鮮甜，大家都食不停！串燒雞軟骨，有口感不太硬，加少許海鹽好好味！燒蝦彈牙，加左鹽更惹味！天婦羅炸蝦好脆口，蝦肉爽口，配天婦羅汁十分美味！有好多款甜品選擇，我最愛食的是牛乳奶凍，奶味濃郁，奶凍又甜又滑。好味！辣酒煮東風螺，螺肉不太硬，少少酒味，少少辣。

放題真係食唔厭,而且重會時不時出新款野,既有新鮮感又咩都有得食!絕對係去食飯既不二之選!!刺身擺得好精緻,大赤蝦+甜蝦+三文魚+油甘魚+北寄貝+鯛魚柳+珍珠柱貝+北海道螺+鮑魚片+吞拿魚!刺身選擇眾多,當中新推出既鯛魚柳口感味道一流,大赤蝦同甜蝦極鮮甜,新鮮到連蝦頭既膏都可以吸吮,完全唔腥!!中華沙律蘆薈沙律燒鯖魚炒蟹炒得好有鑊氣,好香口,蟹夠大隻所以都有幾多肉食!蟹粥用料十足,粥底重加左腐竹煲,令粥底更香更綿!!炒雜菜,炒得好香好野味!!天婦羅蟹鉗,真真正正係用蟹鉗做呀,同仿製蟹鉗絕對有過之而不及!!泰式鳯爪,酸酸辣辣好醒胃!!用湯煮既扇貝比起用芝士焗既做法更食得出個份鮮甜同無咁油膩!!

又再心癢癢想吃個放題盡情大吃大喝，這晚選了第一次來的至尊滿屋。我們訂了八時半，不過早了些許到達，想不到店員竟讓我們提早入座，真好！安坐後二話不說看看餐牌，落單紙上圖文並茂，選擇甚多，款款都好吸引，有些更是一般放題店少有的食品。食物上枱速度很快，尤其刺身盤可謂即點即到。刺身盤製作精美，也夠新鮮，我最愛的三文魚大件且肥美，此外更有大赤蝦，肉質非常彈牙有口感，推介！飲品則可於凍櫃自取，選擇頗多，另外還有甜品及水果區，好周到。壽司卷物方面都有驚喜，海膽手卷不得不吃吧！還有黃金海膽花之戀，口感豐富又鮮甜。蒲燒鰻魚肉厚惹味，醬汁味道十足。黑椒牛舌大大件亦啖啖肉，肉嫩爽口又入味，好吃！鐵板雪花牛柳粒味道香濃，肉質鮮嫩多汁。推介自家製芝士竹輪卷，原來製成天婦羅是如此美味，內裡芝士好澎湃，卻不會覺漏，十分滿足。芝麻雞翼好有水準，皮脆肉嫩，芝麻味香濃。另外還有榴槤炸彈，炸得香脆，榴槤味也非常濃郁，愛榴槤人士不能錯過。

滿屋系列出哂名係好食同穩陣，2017年既尾尾我同朋友去左食旺角既至尊滿屋，原來早小小黎係唔洗等位架，正！一黎到坐低左之後我就即刻出左去睇甜品櫃同飲品櫃，選擇唔算多，但都吸引，係落單點野食之前可以試一試先。我朋友好誇張，一黎就試左兩舊brownie，佢話呢到D brownie好正好好味！一黎就上左刺身先，呢到既刺身好大盤，岩哂我影相po下ig story，另外難得地呢間放題有希靈魚，平時想搵希靈魚食下都唔容易架，佢三文魚同蝦都算肥美同新鮮，好味道！跟住黎左份牛柳粒，我同朋友第一啖食覺得麻麻地，之後食下食下又覺得幾好食，可以配埋蒜頭一齊食，味道口感都幾好！羊架朋友怕果陣味，所以得我自己一個點左，羊架味道還可以，唔算好so，我覺得佢算整得好唔錯！每次要點炸物，我都一定會叫天婦羅蝦，呢間D炸蝦夠大隻，粉唔算話好厚好大舊，蝦係海蝦type，不過我食到炸物果陣已經凍左小小，可能因為我地太掛住食刺身了！芝士蠔同牛舌都好好味，芝士蠔一個人可以食幾隻，芝士味唔膩，蠔又唔腥，值得encore。牛舌好 "林"，一份既份量唔多架，所以都要encore！壽司類型全部都好新派，不過全部都幾好味，唯一係覺得飯多左小

今日同d朋友去聚舊。多人食野好難諗食咩好，個個都唔想諗。 😂最後唔想煩，就揀左食放題。夠多野食。多d人又可以試多d唔同既野食，岩哂！😎😎🍵朋友建議下，book左呢間放題。佢話食過幾好食，同價錢唔會太貴。宵夜時段仲可以平啲啲。👍間餐廳都幾full,一人多食，就有d嘈。開始喇，我地要大吃一餐喇！！！😂當然要叫大大盤既刺身啦！！😋好大隻船呀！ 😎好誇張！啲刺身都幾好！尤其三文魚，油甘魚，大赤蝦！👍刺身都係厚切。一啖放入口，個種口感真係好正。多人食，先夠膽叫佢d鍋食。驚食完好快飽。今次就唔怕，每人幾啖就可以KO到呢個鍋。粟米蟹粥。有成隻蟹係粥裡面！粥有粟米既甜味，凊清地。暖暖既鰻魚🐟燒青魚。🐟燒得個外皮都幾脆幾乾身。都唔錯。落dd檸檬汁更好味。鐘意吃榴蓮既要食呢個。😋好濃既榴蓮肉呀！炸天婦羅， 大大隻蝦。芝麻雞翼，幾好味！炸到好脆。👍但好邪惡。食到濟，最岩食呢個燒菠蘿！😋解解膩！野飲方面都多選擇。呢個荔枝特飲都幾好飲，有d蘆薈咬下。仲有得我地揀食咩雪糕！！😍😍最後大家食到舉哂白旗 😂😂😂好飽！！

今日難得閒日放假。同家人想食餐好。媽咪話想食放題，話咩都有得食，多野揀喎！但明明佢既戰鬥能力就好弱，食得唔多 😂😂但佢講到話要食，咁當然要順下佢意啦！上網睇到邊間放題好先。俾我見到呢間放題話係人氣之選。好似又幾多選擇咁。地理又方便，就係旺角。一於就揀呢間喇！book定位。叫定阿媽留肚！😂食8.45pm個輪。平啲！😀😀🍴！選擇又真係幾多喎！有兩本點野紙俾我地揀。刺身種類都幾多。基本既都有（三文魚，油甘魚，甜蝦，大赤蝦，柱貝，吞拿魚，螺刺身……等等）個人最鐘意食佢d 大赤蝦！大大隻，幾鮮甜咁。😋食左好多隻。壽司款類：最好味係黃金海膽花之戀。上面舖有海膽同黃金魷魚。 三文魚好肥美，是魚腩位置！👍出去有野飲同甜品生果區，自己拎。都好多選擇！有呢樽 解茶！岩哂，食左咁多野，要飲下！😂仲有啲特色既飲品：呢杯好靚！藍糖白桃梳打，另加了：芒果星星⭐⭐啫喱。令到杯野更有咬口！避風塘炒蟹🦀有成隻蟹，好大碟。炒得幾入味，少少辣，更惹味鐘意食芝士既要叫呢個，咬開內裡有芝士流出。好濃味。😋羊架，燒得都唔錯！唔會好大陣羊騷味。👍最後仲俾左張叫雪糕纸我！有 movenpick 食 ！！💕😍正！呢餐真係食到好飽呀！

旺角區一向多放題，至尊滿屋嘅質素都算係其中比較好兼夾抵食。地點相當近地鐵，馬路都唔洗過，在e2出口瓊華7樓，一上去就滿滿聖誕氣氛。入去就座，空間都充足唔算太迫。先黎一大盆刺身歎一歎，刺身全部都大件厚切，啖啖鮮甜，裡邊最like係大赤蝦同油甘魚。食完開胃刺身，輪到熟食方面鯖魚–剛剛燒完上台，熱辣辣，皮脆肉嫩，相當好食羊架–剛熟，肉質比較脆，唔腥，不過有用花椒整，食落帶有少麻的感覺避風塘鴨舌–酥脆，配啤酒一流芥蘭–極度推介係芥蘭，外賣已經翠綠夠吸引，食落濃厚蝦醬味，好味，大推炸芝士–芝士香濃軟滑，外皮香脆海蝦串–仍保留帶海水味的肉汁蕃薯–香甜軟糯飲品／甜品方面除了外面嘅飲品櫃，仲有台色飲品可以㨂，見幾乎人手一杯，點一杯白桃梳打試試，又真係幾好味。而甜品每件都細細件，食左件朱古力都唔會太膩這餐食得好滿足，可以再食

一早同朋友一齊book左呢間至尊滿屋! 但可能係weekday 既關係, 上到去其實都仲有位。 帶位既男生超好笑容同禮貌, 值得一讚!交完紙之後食物也都上得很快! 首先黎到既就係最期待既刺身! 啲蝦 (無論係甜蝦定深海大赤蝦) 都非常鮮甜, 蝦頭既位置完全唔會有黑色野。 另外鮑魚片, 螺頭同希靈魚都好好味!! 但係柱貝就真係有D 失望喇, 冇咩鮮味之餘, 感覺就係岩岩係雪櫃拎出黎既咁。 -蘆薈沙拉, 黎到既時候見到個樣好似怪怪地咁, 蘆薈加麻醬!? 但食落其實又幾夾架喎! -另外我地也叫左少量壽司 (放題食壽司感覺總係有D 蝕) , 但黎到既時候見到個燒三文魚咁厚身, 感覺即刻唔同唒。 而個左口都好正, 真係做到入口即溶既感覺!! - 榴槤炸彈, 如果鍾意榴槤既一定唔可以錯過!! 熱辣辣上黎既時候即食, 入面係超多榴槤, 好好味!!! 十分推薦!!! -烤羊架, 烤得岩岩好, 入面仲係紅紅地既, 一d 都唔韌。 另外我地仲叫左個好足料既海鮮蟹粥! 雖然店內既刺身選擇比起其他放題唔算特別多, 但勝在其他野食搭夠! 而且餐廳內也有多款飲品選擇, 有酒精既也唔洗加錢!