至尊滿屋日本料理 (已結業)

星期日約班朋友食晏，我要求搵間位置要方便、人唔太多、可以傾得耐、價錢唔貴、食物質素唔錯、最好有大玻璃，見到啲陽光嘅⋯⋯我以為拋啲難題刁難一下朋友，估唔到有人話真係有間符合我要求喎，就係呢間至尊滿屋日本料理，位於旺角近銀行中心嘅瓊華中心，方便大家聚集，上到七樓雖然唔係好高，但有兩邊大玻璃窗，陽光直接射入好舒服，放題時間由中午十二點至下午三點，都只係$178 + 10%，每人 二百蚊都唔駛就可以食足飲足三個鐘，向繁忙嘅星期日嘅講，真係好唔錯，呢間放題不論食物或飲品選擇唔太多，可能係咁，全層都只坐到三分一，相對唔嘈，較其他放題清靜好多，唔會同朋友傾計傾到好似艾交咁，話雖無咁多選擇，但其實啲食物都已經滿足到我哋，後半部份我哋不段飮清酒食雞泡魚干，都唔知幾爽。

兩位即興食放題，好快可以入座，攞位時聽到好多人係團購，所以都幾多人幫襯，好多大枱坐滿晒。雖然人多，服務都好快好周到，二人枱好細不過 keep住收碟都 ok夠位，食物都黎得好快好準。食物選擇多，兩本 menu一生一熟。較特別既，有玉子，有象拔蚌壽司，係其他放題少見。熟食，特別既有個窩蛋豚肉，係一碗鹵豬腩肉加一隻生雞蛋， 撈勻食，好邪惡，好食。食物整體都有質素，好食。刺身新鮮，熟食都煮得好味。我自己就鍾意食芝麻雞翼，榴槤炸彈，串燒牛舌。飲品值得一提! 除左普通汽水，仲有好多韓式汽水。另外有暖清酒，係自助吧自己斟，不過熱既唔一定人人鍾意。個人提議鍾意凍既可以放喺自己盆魚生到冰鎮。除此之外，仲有特色飲品可以落單，我叫左碟豆花白桃蘆薈，幾好飲。甜品，好多細細件既慕絲蛋糕，布甸，糯米糍，可以喺自助吧攞，不過就無任食雪糕。雪糕係最後有職員派雪糕券，每人限一杯，有 Haagendazs 同 movanpick, 仲有其他，我見到隔離枱叫左好多杯榴槤雪糕，可能都係好野黎。我無團購用正價食都覺得抵食好食，會推薦比朋友!

放假老公話要食lunch放題喎，咁咪去食囉，又估唔到俾起晚餐食得更舒服，除價錢平D外，仲可以跟屋企人傾吓計，食得又無咁趕只要早2至3日到book枱就可以。食放題都先叫刺身後，再慢慢揀其他嘢食，揀完後就去睇吓有咩飲品咁啦，出去行個圈有20款飲品仲有個菠蘿汁係我首次見，咪攞罐試吓係甜咗少少，仲有少量甜品。第一轉硬係食刺身先，個牡丹蝦夠大隻同鮮甜，三文魚，吞拿同帶子都ok，蕃薯天婦羅係紫色蕃薯，炭燒類別個紐西蘭香草羊架燒得好鹽燒雞翼跟鯖花魚都唔錯，串燒牛舌跟日本蕃薯仔每次放題最少食4串嘅食物另個叫咗個至尊蘆薈沙律真係要試，係你食到開始飽飽但又想再食嘅時候必須叫個來清清腸胃生果就係西瓜，但個肚已經不能再放，但都要食埋杯雪糕先叫得。

今晚行完星際一出見到阿姐派傳單，個價錢唔係貴$228，又有咁多美食選擇，就係咁上了去，這裡全層都係間餐廳，地方都好大，座位闊落舒適，一個價錢全都包了，任飲任吃，飲品就係自助吧，有好多唔同口味嘅飲品，絕對係可以讓你飲過夠，還有係甜品櫃旁有清酒任飲，喜歡飲清酒嘅朋友真係飲多幾杯都可以回本，而這裡標誌係至尊嘅關係，一座下未落單，店員已經告知食客會有一個刺身頭盤先上，所以真係唔使心急自己去劃紙仔就有得吃！而個刺身拼盤就差不多樣樣都有，真係可以按自己喜好再返叫刺身！三文魚、吞拿魚、帶子、甜蝦、赤蝦、螺肉、鮑片、油甘魚，真係樣樣都好新鮮，而且分量十足！除此之外就係食物選擇超多，壽司卷物都有好多不同款式，真係要將所有款式要完全入口，對於喜愛吃嘅我來說確實有啲難度，而當中嘅火灸鰻魚片壽司就係我覺得最好味道嘅壽司，而個芝士軟殼蟹卷亦好味道；另外個人推介係個芝麻雞翼，超級香脆可口，個感覺就好似係日本食雞翼個種感覺！而比較特別係佢個榴槤炸彈，外脆內軟重要係有流心嘅感覺，入口一咬，榴槤味即時撲出來！喜歡吃榴槤嘅朋友必吃推介，而啲燒有機菠蘿夠晒鮮甜多汁，真係要多吃幾件先至夠喉！而喜歡吃肉嘅我就點了鐵板雪花牛柳粒

朋友想食日本野, 而我又想食熟食係咁既情況下, 我地就選擇左食放題咁樣就可以就到大家食咩都得..任叫~~閒日晚上9點幾黎到依度都幾多人食緊睇黎幾受歡迎, 一入到去店員俾左4人卡位我地兩個人坐4人位, 正! 坐得好闊落, 枱面可以擺多D食物一黎就上左盆佢地指定既刺身好貼心..基本上樣樣都有d..刺身唔只賣樣好..仲好fresh添芝麻雞翼係我推介之一真心讚好多芝麻好脆又夠味..食過要再追加炒牛舌對我黎講一般般, 鐘意食濃味既我覺得淡口左D, 鐘意清清地既話就會岩你唔食炒既牛舌，有燒牛舌食，我鐘意依個串燒..仲有D黑椒味！岩晒我口味第二真心讚既係榴槤炸彈入流心架, 做倒外脆內軟既口感同埋有飄香既榴槤味利申: 本身鐘意食榴槤食放題唔少得飲品啦..有唔少韓國既飲品選擇都夠多埋單加埋一每人$205有質素既放題

同波友講起突然間好想食刺身，普通日本料理閑閑哋都要幾百蚊啦！所以即刻行動約食放題，食早啲係平啲！去旺角星際買完相機袋，然後順路去旁邊嘅瓊華中心食至尊滿屋訂咗位好快就安排入座，staff 同我地講刺身會自動送上, 第一 round 唔需要自己 order。成架刺身船駛入嚟三文魚、吞拿魚、特大赤蝦、甜蝦、鮑片、螺肉全部都係我嘅最愛，太部份都新鮮，肥美又帶點魚油香。清酒無限任飲，一於 cheers 跟住默默點野食，海膽手卷同埋創作壽司都唔錯。海膽甜又無腥味。小食我就獨沽一味，最鍾意食都係芝麻炸雞翼皮炸得好脆，肉嫩多汁。食到一半好口渴，自助式就去雪櫃攞左唔同嘅罐裝飲品，全部都好有特色唔係普通貨。跟住落嚟就係一品料理出場嘅時間，蒜片和牛牛樓粒同埋咖喱炒蟹，我一個人食晒，真係幾有鑊氣，好味道。差啲睇漏眼，仲有幾杯特色飲品，即叫即做，顏色夠晒夢幻。當最後會有一張 雪糕紙，我問咗店員之後決定揀期間限定，個包裝真係靚到暈。櫻花櫻桃口味，特別好味😁一個價錢食到咁多唔同嘅食物，下次約朋友食可以 encore 。

其實食放題都真係食到癲咖喇, 但梗係都仲不停會去食, 雖則間間都差唔多,但個心 又會比較一下。推介一下 有咩好食啦,最好食就係油甘魚刺身,一樣鮮甜，而且一啲筋都冇。大赤蝦肉質爽口,但甜蝦同帆立貝就比較新鮮， 甜美。鯛魚 就無乜味嘅。火炙左口魚 黎就就唔知點解冇燒過,變左一 pat 醬,好在唔算難食。-芝麻雞翼，一上枱已經聞到個香味， 咬落去更加不得了，真正做到外脆內軟。-咖哩炒蟹，咖哩味唔重又唔辣， 似咖哩魚蛋汁,不過隻蟹就弱D ,冇乜肉。-燒牛舌 好食, 係重黑椒味又唔會淋pat pat。但麻辣牛舌 血淋淋左D 唔敢食。-重慶麻辣牛肉鍋,都幾辣,有曬配菜 薯粉。-豉椒炒蜆, ok, 肉厚冇沙-除左罐裝同包裝飲品外, 仲有其他特式飲品提供, 荔枝沙冰 加埋 乳酸, 非常好飲。雪糕雖然只可以攞一次，但款式有好多，而且都係大牌子，分別有haagen daz同movenpick. 作為movenpick愛好者，我更係選佢啦， 朱古力味冇得輸架

放題越開越多，但係有部份都幾伏朋友介紹cp 值高嘅放題，即管試一試，果然冇失望！門口見到咁多嘢揀已經好興奮！太多選擇，連埋嘢飲甜品食到胃爆炸二話不說，魚生壽司first round!d 魚生全部都好新鮮甜！連蝦都有大大隻赤蝦同甜蝦兩款好多放題將貨就價，d 甜蝦細到好似蝦米咁。但係呢度嘅甜蝦隻隻都又大又甜，仲有比較冷門嘅鯛魚刺身都on list! 壽司軍艦都冇欺場，紫菜仲係脆卜卜嘅，仲有海膽手卷任叫！刺身叫兩round 是常識吧～熟食選擇更多而且一d 都唔遜色！當中燒物我覺得係最出色嘅！推介芝麻雞翼同燒牛舌！雞翼香口牛舌juicy! 燒蝦d 蝦肉都係實卜卜，証明係新鮮蝦～嘢飲選擇好多～除左雪櫃呢堆，仲有特飲可以叫，d 特飲仲可以加料，有蘆薈同Q 果！要留肚試埋d 甜品！仲有生果消消滯除左任攞嘅甜品，仲有一人一客嘅雪糕可以叫，並唔係維x 朱古力同芒果雪糕，而係以下！！，而且仲係seasonal 的！幾飽都要食埋！最終揀左市面好難買到嘅appolo, 食落好"積及"呢～～好味！！以呢個價錢嘅放題絕對係超值之選～期待下次再黎！

媽咪好想食魚生 但係就覺得平時食buffer既魚生選擇唔多 所以我就即刻諗起同佢去食抵食既放題因為我即日去book唔切位 所以就決定早d 去walk in 好彩因爲好早既關係 未有太多人 竟然仲可以坐到卡位添呀呢度既飲品選擇好多 有茶類有果汁類仲有兩款啤酒添呀係我地落單之前 店員同我地講會送一盤刺身先 其實咁都幾好 可以試下d每一款唔同既刺身 之後啱食再encore呢盤魚生有三文魚.吞拿魚.蟹棒.珍珠柱貝.甜蝦.大赤蝦.鮑魚.油甘魚.螺.玉子. 件件都係厚切 我最鐘意係甜蝦刺身 估唔到呢度有大赤蝦刺身食 大大隻蝦既鮮甜又有口感 三文魚同吞拿魚係其他地方食係好薄既 但係呢度食既起碼有半寸咁厚 淨係食魚生都覺得抵呀〰️火灸左口魚背壽司〰️ 圖左每次食壽司都一定會叫既 不過都唔平架 但竟然係呢度食到wor 梗係食多幾件啦 燒左既左口魚變得更肥美 食到成口都魚油 好滿足呀〰️明太子醬燒三文魚壽司〰️圖右我最鐘意既明太子醬再配上燒三文魚真係好正呀〰️炸芝心香芋丸〰️圖左芝士味唔夠香芋味濃 炸得唔算好油膩 食左兩粒都唔會太飽〰️榴連炸彈〰️圖右不過個榴連味超勁 啱晒最意食榴連既人〰️燒羊架〰️香噴噴 啖啖肉 肥瘦適中

呢間其實係第二次食。果日，同朋友一齊去呢間甘多好評既試下，發覺中伏。各位朋友可參考下自行決定。其實原本冇諗住去呢間的，我地BOOK左其他放題，不過見佢派傳單，又甘多好評，諗住試下...點知..先講不滿:1: 價錢誤導我跟住傳單，228一位，再加一，另外如果係自選時段，需要再加多10蚊。換言之，即係238+10%服務費。去到問下，佢話星期日冇得自選，總而之唔理你幾點入座，9點就要準時走，OK，FINE，甘即係應該係228+10%。埋單個陣，收我238，小，睇少左眼張單，甘就收多每人10蚊。2: 9點準時趕其實做生意，你準時清人走，我冇問題，但我7點3先入座，你照9點趕走?唔係兩個鐘?收得238+1，應該係自選，而唔係228+1 WOR。OK，甘都算啦，但係對面台，遲過我地入WOR...唔通佢有得自選而我地冇?佢地可以照食我地就要走?出門口一睇，就明啦，原來出面有成10個人，所以要清我地走，如果唔係出面個10個人坐唔到(我地張台係中間，左右己走)，甘樣做生意，唔多老實WOR。3:赤蝦黑色老實講，第一ROUND刺身，好新鮮，而且上野快，留左個好印像俾我。叫第2ROUND同第3ROUND個陣，

星期日相公放假想同佢食得開心啲，滿足啲。(雖然我地食量唔大）今日放假去咗麥花臣球場睇波Nike 5，睇完波之後我哋就去附近食至尊滿屋放題！我哋第一次食呢間，佢係全層，所以個環境好寛敞😁待應帶位都好有禮貌👍🏼飲品方面，佢有特飲比你揀，而且雪櫃超過十樣飲品比你慢慢揀😍刺身方面，佢最特別佢有大赤蝦刺身，大到好似隻碟咁！好爽口！正！其他放題好似無食過大赤蝦，放題來講都唔係好多間有海膽食，呢間有海膽手卷，個紫菜好脆，而且個海膽都好甜👍🏼最重要壓軸嘉賓係雪糕呀😎😎昵間一定係放題最多雪糕選擇！而且仲有精😍Haagen-Dazs， movenpick同榴槤雪糕🍦

好耐冇食過放題，差唔多有九個月係時候要食餐勁嘅所有地區嘅滿屋我都已經食過尖沙咀，銅鑼灣，而旺角有兩間一上次試左御滿屋，今次就試吓至尊滿屋！五點半入去食嘢，冇咁多人係一個唔錯嘅時段，而且只係$225刺身質素還不錯，我最重視嘅甜蝦十分新鮮比上次御滿屋還好熟食方面，牛舌同雞翼都非常好味第一次放題食蟹粥，又真係估唔到係鮮甜環境衛生正常，價錢抵食但整體食物選擇比其他分店少一點但每款食物質素高已經加很多分耐唔耐食返次都係好開心既！

我成日同男朋友周圍食放題成日係open rice 搵野食，但第一次寫負評因為未食過一間難食到咁！ 所有刺身都極度不新鮮！d赤貝黑曬，d蝦爛曬，霉曬！三文魚，帶子。。。你講得岀嘅都非常唔新鮮，係非常！好難食！我食咁多間 唔係間間都好 但至起碼唔會差到依個地部佢地轉左餐牌後，刺身選擇好少！連赤貝，北極貝，象拔蚌依d咁其本嘅都無？。。。總之未食過咁難食嘅野。最離譜係我地2個人食 d野份量嗌得好合理，10隻甜蝦 4隻大蝦，佢每次都正係俾4隻甜蝦 2隻大蝦我地。到底你地公司點解要慳到咁？我又唔係嗌太多！最好笑係 我地壽司每款都只嗌2件！但佢次次都係每款俾1件我！大佬？我地2個人呀！離曬譜！食物極不新鮮，選擇少，服務態度差！唯一好嘅只係環境夠大！咁嘅食肆唔應該存在！

之前在團購買到這個至尊滿屋的coupon,不過買完之後,再打電話去BOOK位,約左2星期都無位但聽同事講佢無買團購就book到位,我地再試下唔講明係買左團購book返同一日,佢地真係被我地book,我地隨即表明我地係買左團購,佢地先無奈地比我地book位,依方面真係好古惑,有D唔順氣,大家下次買團購真係要小心去到食野感覺都係麻麻,先講座位 張枱好細 係細到要碟疊碟至有位食到嘢刺身極唔新鮮 其他好普通嘅料理都可以整到好難食 牛舌好似食緊牛肉乾一樣三文魚都可以做到冇味又唔新鮮 真係好伏 俾錢買難受 係誇張到啲saff係見到你張枱full哂都唔會幫你收嘢 態度極差 食物質素已經唔好後尾隔離枱一樣係兩個人但佢地係可以轉去卡位,如果唔係用團購價真係唔抵食!

在旺角一時間又不知吃什麼好，眾人就決定吃放題，而這間大家又沒吃過，就過來試試一來到都差不多滿座，不過幸好還有位置，所以我們馬上就點餐吃吃吃刺身當然必叫，甜蝦款新鮮黏黏的，不會太死甜，而三文魚各樣都不錯，夠冰凍但又不會被雪硬了還有我最愛的雞翼、香芋丸、榴槤炸彈，雞翼香噴噴熱辣辣，肉汁多而嫩滑，好好吃啊，香芋丸和榴槤炸彈很香，吃個不停牛舌燒得不錯，軟軟綿綿的，調味剛好，很易就咬開了創意壽司有芝士軟殼蟹和海膽花之戀，味道不會很怪，軟殼蟹還脆脆的熱食還有炒牛柳和牛舌，炒得很香！牛柳很濃牛味，而牛舌非常滑帝皇蟹腳壽司好厚肉，上面還有芝士很棒；左口魚竟然是配麻醬，第一次嘗試但感覺不錯；三魚文腩很香三文魚油香味這裡意外的是飲品有外邊餐廳沒有的，例如OKF的芒果汁、士多啤梨蘆薈等等，還有餐紙的特色飲品，可以每一樣都試下