至尊滿屋日本料理 (已結業)

新一年啦！指定動作，就梗係要同屋企人食飯啦！因為daddy媽咪鐘意食放題，貪佢抵食又多選擇嘛，所以今次一於就試吓呢間放題啦！嚟到食放題，第一個動作就一定要嗌刺身啦！今次除咗油甘魚之外咩都嗑咗啲。媽咪最鐘意鮑魚片，貪佢夠鮮甜多汁。Daddy就最鐘意三文魚，夠厚切大塊，肥美又有咬口。另外，北寄貝同甜蝦都新鮮香甜爽口！熱食方面，炸雞翼好好食！夠脆夠嫩夠多汁，唔會太咸。燒羊架都唔錯，冇燒過龍，調味都ok。仲有，有個叫七味粉燒五花腩，超好食！少少辣，五花肉燒到卜卜脆，肥肉入口即溶，我地encore咗幾次！🤤仲有一個驚喜位，甜品有哈根達斯同movenpick雪糕，需然一人只限一杯，不過可以喺放題食到都非常唔錯。