至尊滿屋日本料理 (已結業)

行開旺角，屋企人突然想食放題，今次就去之前朋友介紹的至尊滿屋日本料理。今次好彩早左去，唔使book都有位！食放題最緊要多選擇，呢間有兩大本的點心紙，又有自助飲品，同甜品生果區，都幾多選擇。食放題嘅回本位就係壽司刺身，所以第一輪就點左啦！呢個刺身拼盤好有驚喜，呑拿魚，甜蝦，油甘魚... 三文魚好大塊，好厚，好新鮮。連熟食都好有驚喜，首推芝麻雞翼，蟹黃海鮮粥，燒菠蘿。最後仲有movenpick雪糕。呢度坐得都幾舒服，下次都一定會介紹朋友過嚟 !

今晚同fd行行下街食晚飯，因為好肚餓就決定咗食放題，最後揀咗呢間openrice評分好高嘅至尊滿屋。好彩6點嚟到，如果晏少少都要排隊，喺旺角咁多食店競爭下都咁多食客應該都幾高質。好啦，一開始食沙律同刺身先， 第一次食蘆薈沙律，感覺好fresh，同啲麻醬都好夾，大推刺身方面，無論你叫幾少(我之後加單咗兩件刺身)，都會一大盤放喺冰上面保持新鮮，夏天食都食得放心啲。壽司味道都幾好，推薦香芒龍蝦沙津卷同芝士軟殼蟹卷。飲品方面，我揀咗白桃梳打，再加蘆薈同Q果，消暑一流 同朋友傾傾吓，好快就到晚餐尾聲。最後甜品食咗朱古力mousse ，紅豆糯米卷同Movenpick 雪糕，為呢晚畫上一個完美句號。

想喺旺角揾間舒舒服服嘅放題食下，誤打誤撞就來左呢間至尊滿屋的日式放題，呢間食物種類繁多，價錢都唔貴每位$188，我地一家人就決定試下。 呢間餐廳有生冷有熟食，海鮮粥，甜品、生果，同好多款凍飲 ， 仲有清酒可以選擇。當中我最鐘意嘅係羊架，都熱辣辣好好食，鮮得來沒太大羊騷味。焗蠔嘅味道一流，忍唔住keep住encore! 飲品同甜品都好多不同選擇！ 值得一讚嘅係完全無漏單， 員工效率高，上菜速度快。星期日晚都比較多人，建議先book定枱，唔係就要等好耐。

457蚊two 個人必食私心♡第一位   羊排 : 煎到外脆內軟，鎖住左啲肉汁，不是全熟但不會一堆血水出來Sayhi禁嚇人，超級必食第二位   海膽手卷Super 意外，佢個海膽唔似出面啲放題禁唔新鮮，係超正，略為不滿係手卷飯多海膽量超少。第三位   蟹粥:一上檯同出面個啲超唔同，粥底“傑身”左但略微入口唔夠綿可以再綿少少，但不得不提滿滿既蟹香味就連飽到食唔落野既丁生都出盡力食左幾啖，威力驚人，但係！！！蟹肉有少少“”梅“”左...第四位   炒牛脷係炒牛脷而唔係牛脷串燒牛脷串燒個肚full左冇位試，但個炒牛脷雖則牛香味不夠，之但係炒得剛剛好入味又夠淋Nice第5位 天婦羅炸蝦外脆內軟師傅炸野技術超好皮薄但夠脆掂完汁都唔會即刻林曬入口仲係脆既，係隻蝦可以新鮮啲同加多少少鹽啦

放題真係會食極都唔厭仲會上隱tim，至岩我地男人去食可以任食，食到飽一飽旺角放題就好多朋友介紹下，我地黎到依間至尊滿屋日本料理放題食物有好多種類揀，等我重點推介下天婦羅夠出色，有蕃薯好濃郁既紫心蕃薯，估唔到咁甜，所以我朋友係咁點蕃薯值我一提就係仲有松葉蟹棒天婦羅食啖啖都係蟹肉加埋薄薄既天婦羅皮一流鐘意食羊既我..緊係要點羊架羊架燒得夠入味，加埋黑椒既調味，羊味夠出。易入口，推介要試試佢黎到食放題，當然唔少得就係食刺身抵過出面散叫好多，基本既刺身既種類都有齊晒仲有新鮮帆立貝ｔｉｍ　ａｒ依度既油甘魚好好味，唔腥又厚切食刺身真係回本系列黎我地足足食左兩大盆飲品種類有好多款仲有特色飲品..有唔同味既梳打算係多飲品可以揀呢間係我會再黎食既放題

這天心血來潮想食放題，可是旺角有太多選擇，最終在經過瓊華就選擇滿屋。上去門外有非常多人在排隊，幸好等了一會兒就有位置。我跟朋友一坐下就馬上點吃，食物也很快的上來，最後整個枱面都放不下🤣刺身十分新鮮、肥美，其中帶子大推介👍🏻因為想保持健康的感覺，也點蔬菜類，其中最愛牛油粟米及蟹籽沙律。料理類別也好好吃，焗蠔更是要再追加。其中也想不到放題也有麻辣火鍋，而且也十分好吃，麻辣味道很到位，吃得十分過癮。最後雪糕有我最愛的榴槤口味，真是一頓完美的晚餐。

難得今日早收工，約左朋友去旺角瓊華中心的至尊滿屋日本料理食放題。呢間日本放題都算多野食揀，選擇拍得住大喜屋。事不宜遲，食左刺身先講。呢到既刺身味道不過不失，每次都跟足落單紙既數量上菜（抵讚！），魚類刺身比一般放題店厚身兩倍，真材實料。另外除左甜蝦，呢到重有大蝦刺身，平時無咩機會食到！熱食方面，推介雞翼、牛舌，俾平日食既放題店出色得多。最後重有十款雪糕以供選擇，包括 Movenpick 同Haagen Dazs，加上店員個個服務態度良好，上菜快，份量準，$200左右一餐既放題算係令人滿意。

屋企人放假想食放題 就去左呢間食 因為末食過 餐牌同普通餐廳一樣 無話有咩特別 見到有個魷魚絲 點知好失望 完全五好食 仲以為會好好食🤮🤮🤮但佢既鰻魚壽司就好好食 係我食過最好食 食五停😍😍😍牛柳粒都五差 好好食😋其他都無咩特別 熟蝦表面咸左d 無甘咸會好食好多 野飲選擇都好多 佢呢隻既鮮奶末飲過一直想試 又幾好飲 價錢比出面放題平 如果食物質素差五多我都會選擇呢間

放工同一班同事黎到至尊滿屋想食餐飽。放題黎黎去去都係食嗰啲野，特別介紹下呢間值得推介嘅野食。食放題一定叫下刺身先覺得值回票價😂推介大家多叫飽片、貝類、螺肉同蝦！蝦真係超級大隻，平時係一隻手指尾嘅大細，呢到蝦係真係大蝦，兩隻手指咁粗，有中指咁長😂同埋都好新鮮，不錯！至尊蘆薈沙律係放題推薦沙律可能你覺得好搞笑，但呢個沙律真係好好食，蘆薈粒有啲似蒟蓊，但比爽爽口，凍凍地，加埋麻醬真係好好味。放題食好多煎炸野，有呢個沙律清一清就非常好了！芝麻雞翼呢個芝麻雞翼都好不錯，表皮夠脆，雞肉多汁，唔會炸到乾真真，食落熱熱的很好。呢到有清酒自己斟，斟出黎都仲係熱熱的。唔算非常嗆，唔鍾意飲酒但想試嘅話都可以斟少少試一下。而且佢嘅杯具幾靚😆打卡夠哂feel最後緊係唔少得食雪糕嘅環節。至尊滿屋有好多雪糕選擇，有movenpick 同HaagenDazs揀。Movenpick 有意大利奶凍、士多啤梨同朱古力，而HaagenDazs就有今期好hit 嘅櫻花櫻桃同薰衣草，記得試下！影左幾張餐紙：

瓊華一向都係美食集中地，今次就試放題。晚市時間都算多人，好彩有訂位唔洗等。選擇都唔少，而且好少有漏單情況，叫幾多上幾多。第一轉只係叫左少少刺身，都新鮮當然唔少得最鍾意的軟殻蟹卷同鰻魚卷，三文魚卷同龍蝦沙律卷都正，忍唔住要encore😋芝士焗蠔製作需時，不過都無令人失望。驚喜係有限定的haagen dazs雪糕，大滿足😍😍

心血來潮想食放題，第二日就約到朋友去食喇有朋友話呢間放題有清酒飲好正，就揀咗第一次嚟嘅呢間滿屋試下！平日八半嚟到，都幾多人，好彩book咗位唔洗等太耐！野食嘅話就係用餐紙點，餐紙都好有心機設計得好靚，刺身都幾多款，魚、鮑魚、蝦、螺等等都有齊！而且好快就到，食落去都好新鮮！天婦羅～呢個焗爐好好味！encore咗幾次！而野飲就出面有兩個大雪櫃有好多款野飲揀～最吸引我嚟嘅就係有清酒飲😍 有部機係出面俾人拎。餐紙有一頁仲有啲即製特飲，係其他放題無見過，叫咗個紫貝天葵，個味道幾特別，有啲沙冰嘅感覺！出面仲有啲甜品可以拎！蛋糕 布甸都有每樣都細細舊，等可以試多啲唔同款！就食完職員仲會俾張紙你可以簡個雪榚，有好多唔同牌子例如Haagen-Dazs嘅都有，我就㨂咗個最鐘意嘅movenpick食

請一日假就有四日假期，所以今晚真係超級星期五，係超級開心嗰隻，就快出糧一於食餐勁嘅，成班都勁鍾意食刺身，一於放題。一見到啲點樣食 menu 就勁肚餓, 好彩我哋當中有一個專門負責tick嘢食嘅好快手。幾個人份量的刺身船好大隻話咁快就到，顏色最搶眼嘅係三文魚，魚油閃閃發光好有光澤，其次係我鍾意食嘅吞拿魚同埋油甘魚，有位朋友最鍾意食甜蝦差唔多一個人可以食哂，帶子刺身勁厚肉，最緊要就係全部都好新鮮，入口味道鮮甜。飲品自取，我平時就唔會買㗎啦！食放題任飲韓國樂天飲品，翻晒本。跟住估唔到炸物都好快上枱，我特別鍾意食榴槤, 所以榴槤炸彈入口即爆, 濃郁嘅榴槤味喺口裏面迴盪。軍艦壽司嘅蟹子都不能夠錯過。就連中式嘅料理辣椒炒蜆一樣好有鑊氣。食到差不多就叫啲生果黎幫助消化，燒菠蘿係推介， 蘆薈沙律都唔好錯過，好味道之餘仲夠晒纖維。甜品可以揀一杯雪糕，我揀咗一個 gelato 嘅牌子, 重點係榴槤味，真係食過返尋味!價錢經濟，食物質素幾好，座位安排都唔錯而且冇乜漏單情況，值得推介！

今個月的第四餐日式放題生日飯😁可能我的朋友知道我喜歡食日本菜又要多選擇，放題就最適合。今次呢間坐位的地方最細，枱與枱中間只隔了1條隙位，基本上手臂會碰到手臂，尤其是，如果你是比較肥，或者你是比較喜歡撑開隻手臂來進食，就一定會碰到。又由於坐位太近，所以環境都幾嘈。食物方面，刺身的蝦幾好味👍帶子比較细粒，但就原粒上，可以加分👍天婦羅紫心蕃薯，香甜👍燒羊架，嫩滑👍還有每人只可叫1次的Haagen-Dazs、Movenpick雪糕杯和阿波羅朱古力雪條批👍比較特別的有蒜蓉絲瓜、避風塘炒魷魚鬚，燒雞泡魚干、天富羅蟹鉗等

跟個fd約食飯一般唔係打邊爐就係放題，由於天氣開始熱就揀放題食啦，食放題等入坐係常見嘅事，好彩餐廳都安排得唔算太慢好快我哋就坐底咗啦，冷氣都夠涼但個位對於我依D肥仔嚟講係有少少迫，不過迫都唔緊要最緊要食物速度都夠快同新鮮。刺身食咗兩轉，三文魚腩壽司，芒果卷，劍魚腩壽司每樣我都食咗2件，燒羊架個味我鍾意食咗2件，燒牛舌就食咗4串，燒蝦都ok,到炸物啦個芝麻炸雞翼夠香脆我一個食咗4隻炸芝心芋丸同蟹柳天婦羅就各一，其他食完上述嘅食物已經開始飽啦，掃完一輪就跟個fd由飲啤酒轉飲熱清酒，唔知係咪飲咗熱嘢好似有幫助消化咁，我又再encoreD壽司今次仲叫埋手卷試由於我太飽啦雪糕就俾埋大人食，我就叫個燒菠蘿得自己消吓滯

第一次星期日午餐食放題，原來呢段時間人流唔係好似平日咁人山人海，作為一個舒適悠悠的午餐地點都不為過，呢間餐廳喺旺角先施樓上，約朋友一定大家都唔會攪錯啦。食物種類由英文字母順序排名，我地落單就變得好輕鬆，但要記住每張單都寫自己嘅枱號同埋人數，呢度有好多嘢食，刺身丶壽司丶手捲丶天府羅丶串燒、燒烤丶小炒丶羊架丶牛舌丶粥丶甜點丶特飲、雪榚應有盡有，喜歡食多少任你挑選，我最喜歡佢地嘅羊架，肉質鮮嫩多汁，好味道，串燒牛舌都好食，夠野味，仲有大蝦刺身，大大隻又夠鮮甜，串燒蝦都好食，肉質彈牙，壽司我較喜歡呢款芝士鰻魚壽司，一次過滿足鰻魚同芝士嘅食慾，今次嘅至愛就係呢款鷄泡魚乾，煙勒香口好味道，今日全餐午餐我飲日本清酒，一邊湛酒一邊飮都幾好玩。