自助山

营业中

休息中

總覺得一生人總要吃一次自助山！價錢雖不便宜，但覺得如此環境及美食都算值得一試。光在搭觀光電梯時已充滿興奮及期待的心情。店員安排我們坐在窗邊位置，環境實在太好！可以近距離飽覽美麗的夜景，以及感受餐廳在360旋轉，不禁覺得好神奇。四方形的大桌更比一般的長形桌更方便我們一大班朋友傾計！食物種類款式極多，refill速度快！當中更有不少是現場即製，甜品區更誇張得像一間甜品店！連榴槤雪糕、白桃雪萉都有！食物質素一流，刺身新鮮肥美，燒牛肉、鵝肝多士、生蠔、鮑魚、龍蝦、乳豬等好食到很令人欲罷不能！最後飽到上喉嚨都想繼續食！順帶一提，有款猴頭菇中湯煲得好有火喉！好有誠意！

去自助山食自助餐😂 今次係朋友升職聚會！自助山喺合和中心上面62樓，轉𨋢真係等好耐😱成10分鐘都未上到去。。。上到去！好多野食呀，而且個View都好靚👍🏻不過枱與枱之間就太迫硤啦😣😅睇下d食物先！去圖👉🏻野食款式十分之多，而且擺位都整齊靚靚👍🏻不過冷盤食物似乎就唔係太新鮮👎🏻，熱盤比較出色👍🏻服務方面，waiter waitress 有禮收碟又快，反而Manager grade 嘅服務員態度就一般啦🤷🏻‍♀️問少少野，個樣好似話俾你知呢d小事唔好煩我同d細講咁，聲氣都麻麻。劣呀！7百幾蚊一位嚟講，我估主要係食景啦，食物質素中等，服務中等。

今日試咗一間之前好想去食嘅自助餐，就係合和中心嘅自助山，呢間餐廳嘅特色就係會旋轉，可以一路食，一路睇360度既景色。想去呢間餐廳，最好先乘搭可以觀看出面景色嘅升降機，因為望出去真係好靚嫁座位方面我地坐係窗邊，望住個景真係正，好啦，講返食物先，食物區分左上下兩層，一開始我就食左d熱食先，呢碗入面有一隻細鮑魚同花膠，鮑魚好腍，好入味，花膠好滑，真想食多幾碗小籠包好熱，d湯汁好足，肉又多，通常大既小籠包既皮都會好厚唔好食，但呢個我就唔覺得，做到皮薄餡靚平時唔係好食鵝肝，但呢個真係好好味，煎得好好，油份夠，唔會太腥太肥，入口化開，好好味，而生蠔夠新鮮，熟既生蠔都好正，仲有好多野食，都好好味甜品方面，真係好多選擇，包括有朱古力奶凍、紫薯千層糕、榴槤焦糖燉蛋、焗柚子半熟芝士撻、藍苺芝士蛋糕、夏日芒果慕絲蛋糕、白桃慕絲蛋糕、朱古力栗子瑞士卷、白桃雪葩等等，多款到冇辦法試齊，但我都食左好多，最鍾意就係朱古力栗子瑞士卷，上層有栗子cream，瑞士卷入邊嘅朱古力甜度剛剛好，好好味、白桃雪葩就好清新，每一囗都好有香甜桃味

為左慶祝同朋友識左十年，決定搵緊好啲嘅餐廳食個晏，知道自助山嘅風景好靚，360度嘅香港。幸好，天氣好好，令環境加分食物種類亦多，但價錢比其他自助餐貴，但係呢到服務好好，有禮。雖然地方有啲唔就腳，唔近地鐵站，但係睇到個靚景就真係值返啦！

預早兩個月Book 位，埋單人頭$750，換來極度失望既體驗。首先講環境：餐廳晌62樓，要先轉兩次Lift上到57樓，之後再排大概10分鐘隊轉Lift上62樓....已經有少少不滿，因為佢唔俾你行樓梯，所以你迫住一定要等。但百九幾人得兩部Lift，即係上去時一定會等至少10分鐘，無可避免。入到餐廳，佢台同台已經放到密質質，放海鮮同生蠔嗰個位仲要係晌一間細房仔入面。明知呢D熱門野實勁多人排咖啦，你放D咩咖哩呀、蒸魚呀晌入面會唔會更加好呢? 總之間房仔就迫到爆晒，晌擺位設計上已經好大問題。到講野食：生蠔 -- 「扁、乾、無味」，我係勁鍾意食生蠔既人，但食完3隻已經無再拎了。其他冷盤仲有Cold-cut、刺身及壽司。刺身及壽司還可以，算係全晚最好。但Cold-Cut只得3款。正常三/四星酒店食Lunch Buffet都4/5 款Cold Cut啦，你講到自己咁好既自助餐竟然得3款，有冇搞錯?之後講下熱食：條魚無晒放左10幾分鐘無人換。之後我叫佢換，又催左兩次，前前後後等左35分鐘先有。點知一食，無味又鞋，食咁耐魚都未試過咁既味道，連D豉油都好似無乜味咁。再黎係D用黎沾咖哩食既烤餅，唔知點解佢

慶中秋佳節大約1個月前經網上book位，亦有指定坐窗口位置，但一直回覆都係未能提供窗口位。當日6:45到達，安排到窗口位，勁開心安排嘅座位遠離食物位置，初頭覺得有點不方便，但當入齊人後發現取食物位置大多是一家大細，比較嘈吵，另一面大多是2-4人，相對比較靜！食物種類繁多，基本上同其他自助餐相約，食物質素都唔錯，除左一盅花膠海參鮑魚值得推介之後，哩個價錢食環境係值得嘅。值得一讚嘅係員工收碟速度較快之外，加水次數都頻密。唔知係米中秋節，甜品位置有即做棉花糖，係用電動螢光棒，閃閃下好特別，見到好多小朋友好開心咁食！$718 +10%一位，如果係為左食環境係一個唔錯嘅選擇，但如果只為左食物，相信會失望！

所有款式是above average絕對是讚美因為不是間間做到生蠔好鮮有海水味鵝干多士好正甜品好精美 我女好喜歡發光棉花糖Salad bar有house made salad, 不是只提供蔬菜自己撈汁燒味好靚鮑魚鵝掌一碗碗 serve好精緻［試過金鐘某間自己標明sell鮑魚花膠但serve得好衰同唔好食，一d不入味］好耐未試過食到飽但眼見仲有野想試但太飽了我承認我是食野有要求的...Sorry未能提供相片 因為掛住食

1）苟且供應食物兼出品差劣- 每款食物都很快供應完畢, 而補充時间又偏長, 形成大家都要排隊等食物, 本人都因應情況選擇應最無人爭的叉燒但都需要排隊等候，但是我們排隊攞的叉燒質量好像是用剛煲完湯的豬肉做的叉燒，又乾涸，又粗糙，難於入口, 而負責斬叉燒的人，見我們排隊，他不但没加快出量, 反而每次見有人排隊就斬幾件叉燒出來，而放雞隻碟，就長期空空如也，就算有人等都求其出幾件雞敷衍食客, 普通如燒味都垃圾如此, 其他食物例如天婦羅，虾蛟，燒賣，都要長期等候排隊，都不在話下，可能这是貴公司政策令食客不能𣈱懷享受食物,但这服務態度及手法令到食buffet的人好反感， 我們從來食buffet尤其是去完澳門高級酒店食完返黎，見到甘樣的香港buffet，唔會再吸引我享用這間垃圾餐廳，相信我地不會再來第二次2) 貴餐廳於電話中提示我們不能著背心，但我今日著的不是背心，背心的definition是怎么，而餐廳門口又無寫，加上我是著一件有帽，無袖的雞翼䄂拉鏈杉，而這件款式，相信是不能定義為背心, 但是你們又改規矩說不能著無袖衫, 要求我著返件T-shirt或給件披肩我笠住，但當我進入後發現有些女士一樣是穿

阿妹加人工請晒全家人食自助山....靚靚夜景甜品賣相靚 但食落其實冇咩特別無乜驚喜蠔沖水OVER左~冇咩味 有D失望刺身非常新鮮~甜蝦忘記拍照..甜蝦雖然要自己摵殼但真係值得龍蝦一般 蝦肉比較硬 只食完半隻....長腳蟹剪成絕對細心 方便食極力推介厚切鵝肝配多士煎到入口即溶 熱辣辣 多士夠脆口鮑魚冬菇海參海 入味又足料蝦餃燒賣好好味 蝦肉都好彈牙炒雪糕 自選snack炒 幾特別...肉眼勁好味 好juicy 嫰口有牛味 食左2大塊都唔記得影...

是日又系紀念日，老公話提議來好有名氣既自助山食慶祝。我見價錢都幾貴下，但老公話一年一次豪d啦，而且又未食過，試下都好😅於是乎佢個多月前已bk位，但都系無窗口位🤦🏻‍♀️ 是晚我地6:30準時到達。景色幾靚😊我地先食刺身，款式都吾少，都幾新鮮，特別系油甘魚同吞拿魚😋生蠔重海水味，幾鮮甜，但我食到有d感覺有少少沙咁，但老公又話吾覺有包魚，花膠海參盅😋 味道都吾錯燒味，我想食乳豬，但行左两次都無曬，refill得吾夠快熱盤款式吾多，但我都好飽無食到甜品有榴連既產品😋 其他款式都吾算多，味道正常埋單共千5左右，應該有排都吾會再來🤣😆

今日係星期日！係老公家姐三姑奶囡囡慶祝1歲生日！全家人一齊去食飯！老公黎唔到！！第一次去食呢間自助餐！淨係轉電梯上去都轉幾架lift，真係幾唔方便！但景色方面真係一洗！一去到就按排近窗邊位！餐廳就不停慢慢轉動！所以望到不同位置景觀！因為有左bb！好多野都唔食得！只能揀熟食野！生果選擇好少！只有3-4款！熟食方面：有燒賣，蝦餃，奶黃包⋯⋯⋯⋯⋯龍蝦依麵唔錯！鵝肝都好味！即煎！美味桃蛋糕都好好食！又唔甜！我都食左兩件最好食係：蜜桃雪巴

聽左旋轉餐廳好多年,今次趁週年紀念日決定俾個機會自己豪d試一次我地早兩個星期已經打去book位 點知window seat已經full左(有機會要早一個月book下次)本身聽到700幾蚊一位覺得好奢侈 尼到見到d野食咁豪 個環境咁靚就覺得物有所值女生去食自助餐, 梗係第一時間睇下個甜品區😋佢係我見過自助餐甜品款式最多既之一 有fruit tart 馬卡龍 蛋糕 朱古力噴泉 炒雪糕 果凍等等講返正餐 佢海鮮種類都非常多 龍蝦 長腳蟹 鮑魚 蜆 帶子 生蠔等等全部都有 想回本應該攻多d呢區鵝肝多士有人即場幫你煎 保證熱辣辣除左西式野 中式點心 燒味 炆鮑魚呢d都有最後梗係要食返個甜品做句號推薦炒雪糕同個具貝殼蛋糕🤤

趁着紀念日同另一半嚟到自助山試吓佢，黃昏之前嚟到個景真係好靚，地板仲會自轉，欣賞到唔同角度嘅香港風景，哈哈希望另一半都覺得浪漫啦。呢度嘅海鮮冷盤選擇比較多，啱晒鍾意食海鮮嘅我哋。之後仲食咗好多熱食架，不過冇影到。到最後食甜品先開始影返，佢啲甜品都好多選擇架。

今年第二次來到了💪🏻在一個月前 已book枱並沒有 request 下，竟然有窗口位Lucky😍講返食物先😋冷盤種類都算多青口，龍蝦，蝦，蜆，海螺，蟹鉗當然唔少得生蠔，師傅即開好新鮮但每次都得3隻 所以要行多幾轉慢慢食 都食多成打不過，今次就冇麵包蟹希望你地有機會食到😌😌😌刺身通常有四五款我當然十分推介帶子好大粒阿目標係5轉 不過太多其他美食3轉就停下 但超鮮甜😳熟食 都吾少選擇我推介羊架 鐵板和牛 仲有鵝肝多士食多d 先回到本嘛❤️點心 都很有水準有難得 鵪鶉蛋燒賣大大粒小籠包仲有可以試冬陰公湯裏邊着好大隻蝦甜品方面 炒雪糕都算幾特別榴連燩蛋 應該不錯友人說都很足料仲有好睇又好玩 棉花糖有小朋友嘅記住提佢拎返枝啦😍整體來說自助山 真係高質素自助餐這裏的食材同選擇都很多更好的是 這裏是旋轉餐廳可以360度睇到香港夜景😎不過價錢就比較貴，大家要衡量下啦🤔但如果一年一次生日，我都好推介俾大家😘

自助山，除咗當年係澳門試過之外，佢喺香港嘅呢間分店都很難訂位，要早成兩個星期先至訂到平日的位！食物質素是一方面受歡迎的原因，另一個主要因素是，這裏的食客可以360度睇景色，因為這裡前身就是旋轉餐廳！美食加上漂亮的景色，令這裡的需求增多！唯一，可惜的是沒有任何折扣優惠！人均消費七百多！不過像這種有質素的餐廳，計落唔算貴！不過由於年歲漸長，胃的容量不及以前，只能揀喜歡的食物！以前食自助餐，可以食三輪食物，現在食完一輪，已經飽到想嘔！而且好多食物都未試！刺身、生蠔、海鮮、甜品、榴槤食品、熟食、點心，應有盡有，各式各樣！大愛帶子刺生，以及生蠔，仲有身為榴槤fan ,不可不點榴槤食品！另外，燒牛肉、鵝肝及燉花膠鮑魚一定要試！最後，一讚的是，這裏的服務員，經常走來加水，及收拾餐盤很迅速及及時，所以台面一直都是很整齊的！