影片
港铁湾仔站 D 出口
继续阅读
电话号码
25060888
开饭介绍
提供自助餐的旋转餐厅，大厨在开放式厨房内新鲜现煮，食物选择多。
继续阅读
奖项殊荣
最优秀开饭自助餐 (2016)
营业时间
今日营业
12:00 - 14:30
15:15 - 17:30
18:30 - 21:30
星期一至五
12:00 - 14:30
18:30 - 21:30
星期六至日
12:00 - 14:30
15:15 - 17:30
18:30 - 21:30
公众假期
12:00 - 14:30
15:15 - 17:30
18:30 - 21:30
以上资料只供参考，请与餐厅确认详情
相关文章
5月之星生日饭，今次去自助山，果期做梗优惠买4送1，真系好耐冇去了，360度旋转餐厅，居高临下欣赏美景。晚市自助餐6:30-10:00。大约6:00去到可入座，我们4人坐窗边欣赏到风景，夏天日长夜短之下欣赏到清晰的景致，夜景都好靓但玻璃有点反光，坐位子时感受到微微的旋转。坐左阵即行下转睇下有咩食。日式刺身、沙律、印度咖喱、热盘及甜品等。上一层的几间房子有冷盘海鲜、烧烤及中式。包一杯饮品，要了冻柠茶。第一转来个刺身，三文鱼、吞拿鱼、带子、甜虾及三文鱼子，肥美新鲜。冷盘，长脚蟹、面包蟹、龙虾及青口等。面包蟹好多膏几正，龙虾正常水准。长脚蟹味鲜甜唔太咸。冬荫功小笼包，好特别即试下，内里肉馅及冬荫功汤唔太辣。海参花胶扣鲍鱼，必食!好足料又名贵，汤汁浓稠，花胶厚身爽口，海参口感软滑，鲍鱼鲜甜弹牙，美味。淮杞炖螺头汤，饮下汤水滋润下，汤头鲜甜美味。焗蚝，因为冇生蚝食，见有焗蚝必食，焗蚝肥美饱满又惹味。和牛，烧得香口，肉质软嫩牛味浓郁。烧味，味道不俗。牛扒，肉质鲜嫩。冬阴功，足料唔太辣。开心果慕丝蛋糕，开心果控必食!外层系有脆粒朱古力脆皮，内馅是开心果慕丝，开心果味浓郁，口感幼滑，美味。招牌海盐焦糖鲜忌廉蛋糕，卖相似天使蛋糕，海绵蛋糕松夹软，忌廉软滑，味道咸甜，正常水准。榛子泡芙，口感外脆内软，内馅是浓郁的榛子味忌廉，味道香甜。椰汁千层糕，味道清香。Tiramisu，质感软滑，有咖啡味及微微的酒味。炒雪糕，口感较冰，味道有点似Oreo。招牌咖啡雪糕，浓郁的咖啡味，不俗。北海道牛奶雪燕蛋白及芒果布甸，味道正常。火焰雪山，又到表演的时候，好多传统Buffet都出现，引来不少客人观看及排队拎蛋糕。雪糕蛋糕，有怀旧之感。好饱，食饭后果，见有蝴蝶酥就试下，口感酥脆，好强烈的肉桂味。云朵棉花糖，过下瘾食。食物有水准，环境舒适，风景无敌，服务有礼，愉快的一餐。
继续阅读
我细细个就知道香港有间旋转餐厅，好高级嘅，成日响电影电视见到嘅。一直都好想去试，但唔知佢叫咩名，到知道个名之后，又好难book位。今日难得有人请食饭，终于圆梦喇！今次book咗窗边位，原来都转得很快，食到有少少晕。😅 佢个景唔算对正维港，夜晚嚟睇唔到啲乜嘢，我估中午嚟可能好啲。自助山系传统嘅酒店buffet，入座有杯 welcome drinks 俾你，餐后又有杯餐饮，其余只有清水。冷盘海鲜 - 龙虾、长脚蟹、青口、海虾、蚬、螺，新鲜爽口弹牙。刺身 - 三文鱼、吞拿鱼、带子、北寄贝、油甘鱼，全部新鲜。沙律，火腿 ，烟三文鱼。热荤点心 - 虾饺、烧卖，比一般酒楼好食。咖哩有红、黄、绿，好香微辣。炖汤有佛跳墙，好鲜甜。铁板烧 - 和牛，鹅肝，试咗少少，好香。粉面有鱼蛋粉，冬阴冬。甜品有雪糕、各式蛋糕、挞、榴梿甜品、火焰雪山。总结一下，食物质素中上，味道唔错，服务贴心，但面对国内竞争，始终差咗少少。但个人觉得自助山点都要嚟一次嘅！
继续阅读
七月尾家人生日，成10个人浩浩荡荡，拣咗合和顶楼嘅自助山旋转餐厅，虽然一开始有啲失望，因为book唔到前排观景位，但系去到发觉，原来坐后排嘅梳化座位更好，因为我哋一张大枱出入系好困难，而且除咗头𠮶两个之外，其余人都系要远距离观景，反而后排嘅梳化位坐得阔落舒适，出入又容易，大家仲可以坐坐下又交换梳化坐，变咗一家人更加开心，环境冇得弹，里面嘅灯饰、装置都好有心思，除咗窗外风景超好之外，室内令人有一种高贵得来又轻松嘅感觉，颜色配搭亦都好悦目。食物方面更加冇得弹，选择非常多，而且质素都系好好，最喜欢佢嘅和牛配上柚子盐，真系必食之选，仲有炖花胶汤、鱼生刺身、泰式食物、海鲜…..数之不尽，中间仲有个特别环节，就系会即场炮制火焰雪糕，佢会响起钟声，仔叫大家开始排队，然后就喺大家围观之下，点起啲酒精，变成一个蓝色嘅雪山，然后再分俾大家，呢一个特色令到大人细路都零舍开心，更有气氛！推荐去食自助晚餐，因为可以观赏到未日落之前黄昏同埋夜景，一次睇晒，价钱的而且确唔平，差唔多成千蚊一位，但系生日嘅可以买四送一，计落平返少少，而且环境同埋食物质素都值回票价，一家人去十分惊喜，服务态度就OK啦，同埋佢现场都仲有另外嘅酒精饮品，可以加钱即场购买，我就唔饮酒，但系同行嘅屋企人有人饮，觉得个选择都算几多，而且价钱都合理，所以一大班人有特别日子搞庆祝活动，呢个地方虽然贵啲，都系令到大家都食得满意，倾得开心，系值得嘅。
继续阅读
自小就听过旋转餐厅，今次终于有机会试下，就算黑雨都冇阻我哋嚟食buffet厅嘅决心。在合和中心要转两次䢂先至上到去。 但一抵达62/F 立即有职员招呼安排入座。虽然黑雨， 都几乎满座。 由于天气欠佳，窗外的景色并不是看得很清楚。幸好一小时后天气转为稳定，可以看到维港景色。 食物种类丰富，海鲜，刺身，西冷牛，羊架， 烤类食物、天妇罗， 甜品等等味道都不错。招牌海盐蛋糕好好味。 service 方面， 服务员有礼， 收碟勤快， 亦适时帮我哋加水。 唯一系餐饮等得耐少少。 之前见到啲comment唔系咁好， 但系我今次嘅体验又唔错。
继续阅读
好多年前嚟过呢度食自助餐，当时喺另一个名：旋转XX。今次系因为天气太热，又想同外国返嚟嘅朋友食饭，就拣咗呢间。没有生蚝，鱼生新鲜，其他食物味道正常，炸软壳蟹仲系脆蟹脚细只偏咸、翡翠螺好硬食唔到花蟹细细只但好甜大部分食物都系放喺下层，即系跟住一齐转，但冻海鲜、中式点心、烧味、天妇罗….就喺上层(唔会转)。如果好似我咁想添食花蟹，就可能要走一圈先揾返海鲜个counter甜品蛋糕唔太吸引，鸡蛋仔普通。自家品牌饼食可以即场购买。曲奇松脆、蝴蝶酥甜咗啲。雪糕都系自家制 - 水果茶有果粒但偏淡；咖啡味比一般牌子浓。最后一杯淡淡的咖啡。当日上昼仲落紧雨，中午放晴，我哋真系好彩，所以就算食物一般，欣赏景色先系重点
继续阅读