自助山

营业中

休息中

大半個月前上網BOOK左呢間食生日飯, 價錢708 + 10%, 我覺得算貴,唔平.但想試下上到去安排左坐窗邊,我BOOK台時MARK左要求坐窗邊, 不過我個時再打電話去問,佢地覆我窗邊台已經FULL左, 話會盡量安排, 呢點加分,現場睇望落去好靚, 不過手機影得唔好.海解種類都算多, 不過生蠔就一般, 每人每次可以拎3隻, 我拎左5轉左右,不過每一轉當中總有一隻蠔係臭的, 好失望.其他海解正常, 新鮮熟食: 羊架好食, 牛都好食, 蒸蛋唔好食唔平其實呢價錢來講, 我覺得紅磡都會海逸自助餐好食過呢間, 自助山我覺得係食環境多D.

為了坐窗邊位，早兩個月前便訂位了。這裡的種類、款式有很多，不知從何吃起。我決定從海鮮吃起，生蠔好吃、從未吃過這麼好味的麵包蟹，但帶子和鮑魚就一般。刺身方面，樣樣都好新鮮，尤其是帶子和甜蝦，迷你海膽丼很好吃，我一人也吃了四碟好吃的熱盤有鹿兒島和牛﹑燒蠔、羊架、燒牛肉、鵝肝多士(入口即刻溶)湯方面；冬蔭公湯較淡，雞腳湯好味。這裡的食物款式實在太多了，有很多還未吃已經飽到不能動了。雖然價錢貴一點，但以食品的種類及質素來說，我一定會再來吃的。希望下一次可以每款都嚐嚐。

復活節有四天長假期，想不到有甚麼好節目，唯有吃餐好的。我們6點3便到達，在lift 堂等入堂。店員十分殷勤有禮。準時6時30分，開動囉！冷盤類 (8/10)先來刺身類，三文魚，呑拿魚，帶子，都十分美味甜蝦大隻夠鮮，唯一美中不足是要自己剝蝦殼。沙律吧應有盡有，尤其推薦柚子海鮮沙律，柚子清甜惹味，胃口大開！冷盤繼續有來！海鮮類的，生蠔(肥美)，蝦(又滑又甜)，麵包蟹(味道鮮明好多膏)，長腳蟹！全都到達水準。湯 (7/10)是日西湯有南瓜湯及中湯響螺湯，味道不錯濃郁，也似乎沒有味精。還有冬陰功湯，不算辣，還附上鮮蝦，惹味！熱盤 (7/10)五花八門的熱盤中菜部的燒味，叉燒包，推介名貴的鮑魚海參花膠，炆得夠淋夠入味。西式熱盤有煎的羊架(脆邊讚！)，和牛 (煎得過熟有點失色)，鯖魚(普通)和鵝肝(肥美)。另有淺嚐普通熱盤，肉眼扒、黑松露芝士通心粉，不算膩，但黑松露味道不夠。甜點 (8/10)甜點選擇不算太多算是合格，不過味道搭救。炒雪糕，試了雲尼拿和士多啤梨夠香夠清甜！個人較喜歡雲尼拿。榴連燉奶，好滑，不過偏甜，但喜歡榴連的必試！辣味甜品？半信半疑的試試看，吃到最後竟真的有淡淡辣味，夠特別！朱古

趁着復活節假有假期可以去試吓真係好難訂位嘅自助山啦!!!!麵包蟹超大隻超多膏啊食一隻已經覺得好飽啦當然唔少得生蠔啦好肥美呀！食咗成20隻真係大滿足當然唔少得隻法國鵝肝配麵包啦入口即溶嘅滋味真係不得了呀又來到女士最愛嘅甜品環節呢一個朱古力火鍋造型超級特別

男友生日，想給他驚喜，又想慳到盡，有想好情調，樓層又想高一點。午餐398，實在性價比高，環境優美，食物味美，熱度夠。我两吃到不想走，生日小甜點要60元，用來影相留念。

以前已經聽朋友講過自助山嘅自助餐有好多選擇，新鮮又有特色，決定朋友生日就帶佢去食慶祝，每個人大約八百零蚊，雖然比一般自助餐較貴，但食完之後我覺得係物超所值。首先阿拉斯加蟹好大隻，蟹鉗拆開見到大量蟹肉，又鮮又甜又爽口，仲有名貴嘅鵝肝，亦都有即叫即炸嘅天婦羅，好靚嘅海參花膠燉鮑魚，仲有各類魚生、甜品同熱食全部都係好特別嘅菜式，種類實在太多難以一次講晒，但每種我都好滿意。另外，不得不提係自助山餐廳，因為係旋轉關係，所以可360度飽覽香港景色，情調非常之好，食物質素又高，好滿意！

平日夜晚唔算多人, 坐唔滿,  不過同一電梯好多大媽講野好大聲上到餐廳門口工作人員已企哂係度等帶位野食花款多, 擺放得幾精緻, 好有食慾, 味同外表唔成正比, 好多野都唔難食但一定唔係好食。我係唔多會肚痾既人, 佢可以拎我痾左2次真係堅講下大家最關心既回本貨先蠔, 食左6隻, 有2隻唔新鮮, 放入口要吐返出黎, 頂唔順有嗅味 蟹腳好瘦冇食。 螺冇問題, 帶子& 麵包蟹都係唔多新鮮, 麵包蟹仲好"鞋".咩咩鮑魚海參, 唔難食不過唔叫好食.鵝肝好厚切, 不過唔夠香即炸天婦羅好熱呀, 但係淋既。好多人拎既小籠包, 係好多湯, 但.....最有驚喜係個乳豬(脆), 肉眼扒(有肉味, 唔"鞋")同即滾中式粉麵個喇唦湯底  係咪估佢唔到呢. 所以得LI幾款係有ROUND2服務真係好好, 收碟加水都好快又細心, 又醒目, 時常溫馨提示。環境係OK既, 唔算好嘈, 景就唔洗講喇大家都知, 廁所就好睇個日咩客, 我個日就大大鑊囉食得最小野既自助餐都一定係LI次了......   仲要唔平真係去食野就......算喇, 至在去睇下風景, 打發時間可以試下囉

Dinner buffet ($708/person)👅之前男朋友話想試呢間係高空旋轉既Buffet😳😳心林係平時食開啲buffet既double價喎😦男朋友仲要一個月前book定位😲😲究竟有咩咁巴閉呢🤔今日慶祝我生日又慶祝下我地打完大佬就食盡佢啦🤤🤤🤤黎到六十幾樓一路旋轉住對住360度夜景😍見到啲海鮮一睇就知係貴價野又多款，好似麵包蟹同龍蝦同大蟹挾🦀🦐啲生蠔仲要係即開😳全部都好鮮甜！龍蝦同蟹都好多膏😆😆仲有我地最愛厚厚的鵝肝、海參飽魚😋😋我林貴就貴在呢到啦🙈🙈仲有好多款野食，一路兜成個圈都係😍😍😍一啲都唔hea~中式野好似啲螺頭湯咁反而出色啲😲甜品有啲失望其他望落好甜好色素咁😂，係有炒雪糕同會發光既棉花糖😝😝榴槤雪糕最正😋總括黎講幾滿意😎但驚喜唔大，中意食海鮮既人會好興奮😃其他野都感覺係有誠意既都高質既🤔但無想像中咁勁，耐唔耐慶祝下豪食下ok🙈都好易回本🤣🤣下次帶媽媽黎食先，佢見到啲海鮮應該會心心眼😍😍

期待已久嘅自助山在合和中心62樓的旋轉餐廳，夜景一流，俯視跑馬地馬場，眺望灣仔銅鑼灣及大坑一帶，有山景及海景頭盤及沙律 有四款芝士可供選擇，比爾，艾文達，康堤及藍芝士另外較特別的是紅菜頭三文魚，第一次吃，沒有煙三文魚的鹹味，賣相一流但味道平凡煙三文魚不夠凍以上是鵝肝醬，柚子沙律、亦有巴馬火腿，數款辣肉腸供選擇三款不同地方來的生蠔，是場內唯一比較有海水味的海鮮比較欣賞的是螺蝦雖然爽口，其他都卻欠奉海水味，扣分，龍蝦肉過韌，蟹蓋多膏，可接受還有數款燒物可供選擇，也有天婦羅以上是鹽燒帶子，鵝肝多士及羊架鵝肝多士，十分欣賞加上黑醋，配搭美味，因為每件都好厚，食兩三件已經非常滿足了另外設有點心區，亦都有燒味選擇點心包括燒賣、蝦餃、小籠包等等，小籠包非常多汁，一咬啲汁就流晒出嚟，正！燒味有叉燒、油雞等四款，叉燒係黑毛豬製成的，不錯仲有中式粉面，不特別，勝在這類的XO醬是自家製的這個是限時推出的，每人每次只限兩盅，一出就要快啲去攞，如果唔係就冇晒每樣都係矜貴嘅食材，鮑魚海參樣樣有，要乜有乜甜品區我最鍾意食榴槤！今晚有榴槤糯米糍榴槤泡芙榴槤雪糕，另外設有炒雪糕，棉花糖，吸引好多小朋友仲有斑蘭千層糕幾好

今日朋友即興話去食自助餐，上網睇咗幾間都唔係好啱心水，最後我地決定去自助山。因為掛住傾計同食野同自拍完全冇影過野食頭盤少不免係試下啲蠔呀Ham呀芝士呀煙三文魚，滿意！沙律選擇好多，餐包都好軟好香！值得一提係塊西冷，好味！個羊架都好好味，配埋我鍾意既薄荷啫喱。好滿足！朋友知我鍾意食鵝肝，佢見到有鵝肝多士即刻幫我拎，好好味！好多人排炒雪糕🙈我懶得排 所以冇份食最後唯一有影既係甜品360度睇夜景好浪漫，食完仲可以去以前既囍帖街啫係而家既囍歡里行下甜蜜下拍下拖。

早三個月預約，好開心終於可以嚟自助山食Buffet。食物種類真係好多，但食物質素未如預期，不過餐廳裝修有格調，再加埋無敵靚景，所以整體好滿意。生蠔即開，新鮮但唔肥美，每人每次限攞兩隻。龍蝦，麵包蟹，龍蝦鉗肉質結實新鮮。刺身有自助餐少有嘅帶子，甜蝦，帶子大大粒，甜蝦鮮甜。吞拿魚壽司亦係少見嘅食品。松葉蟹腳，翡翠螺青口以及鮑魚無咩鮮味。鵝肝都好肥而且夠油香，而燒味有乳豬，燒鵝，叉燒，雞。乳豬食落每件都有肥肉嘅香，叉燒唔錯，其他好一般。燒牛肉水準高，冬菇炆鮑魚好入味。燒羊架，燒大頭蝦，燒帶子以及天婦羅都唔錯。中式點心麻麻，而且包有啲硬。甜品種類相比唔算太多，而且味道無太大驚喜。

已經食咗N次的自助山，今日第一次要讚吓佢👍🏻N次依然覺得佢好扺食！地方好不用多講，位處高點風景亦不用多提👍🏻招呼係不錯的。要讚嘅係食物多樣化。魚生壽司、算新鮮。種類比起酒店還要多。海鮮、長腳蟹、蝦、螺、青口、蜆(冇雪味、讃）炸物、天婦羅（蝦、蔬菜）、燒物（豬牛羊）點心（蝦餃、燒賣之類）粉麵（魚蛋、牛丸林林種種）燒味（雞鴨叉燒）芝士（有幾種）、煙燻三文魚、沙律吧熱葷（我想有15種以上，未能盡錄）最精彩應是甜了，朱古力噴泉、蛋糕、朱古力、各式各樣甜品，賣相精緻，色彩繽紛（睇到都開心）只有一件事要投訴的，是洗手間（咁大個埸，只有幾格。而且非常不潔😒請正視

好開心終於食到預訂已久既自助山!價錢雖然係貴, 但係一生人都想試下自助餐之王既!!旋轉餐廳, 轉得好慢, 所以都唔會暈既放心~~我地準時入座之後就去拎野食喇!呢度地方都幾大, 而且分開好多個區域~~感覺上呢度好多野都做得幾足~~~自助餐吧台員工不停咁抹, 又會砌反好d 食物~~而D 食物睇落都好精緻, 唔係交行貨~~成個presentation 你會覺得值咁貴, 呢D 就係SERVICE~講到最令我難忘既菜式係燒牛肉同埋鵝肝個PART!因為D 牛肉真係靚野黎, 睇住師傳燒已經聞到勁香!反埋位食真係好正, D肉汁爆哂出黎, 但個皮係微脆架!!牛味超鬼重!!!!!!!!!!!另一樣鵝肝真係, 雖然好肥, 但係真係入口即刻溶!加埋塊Toast.. 超正, 有陣陣穌味又勁香口! OMG出面餐廳比正價食有好多都做唔到咁香口!!!!呢度既食物種類都幾多, 我朋友就主攻甜品~~因為佢係甜品控, 佢既Comments 就係呢度D 甜品做得算係咁,但係唔係好夠特別!!但我自己就好滿意, 因為已經又燕窩又成~ 都幾好味! 埋單個下係有D 肉痛, 但一分錢一分貨, 試下都無仿既其實入面係坐唔滿的, 唔知係因

自助餐、放題就食得多，不過次次都揀唔太貴嘅，資源有限嘛。今次公司一大班人去，就豪一豪佢！首先講講環境，身在前身係旋轉餐廳當中，少不免有啲啲...暈。自助餐梗係要走來走去拎嘢食，但身在大型轉盤當中又要繞圈圈，係暈咗啲啲，不過勝在個景成日變！唔覺唔覺又唔同咗景，同埋轉得其實唔太快，食咗成2個鐘先轉咗一圈，有外國朋友嚟，叫佢上呢到就無錯！食住睇景都抵啦！食物方面，先係頭盤，個人喜歡飲湯，不過佢啲湯就麻麻，除咗個冬蔭公湯真係出色！辣味好香之餘又夠熱，正！仲可以加新鮮蝦，鮮味十足！至於刺身方面質素幾好，特別推薦生蠔，好新鮮又大隻，正！熱食方面，佢都幾多花臣，例如係有即煎鵝肝，厚度十足非常推薦！至於搵食攻略，就係可以坐定定喇！因為佢有廚師幫手煮嘅地方其實係位於個餐廳中心位置，係唔會轉嘅。所以坐定定其實就可以等啲廚師轉埋嚟！當然，心急的話都可以自己去搵佢哋啦！最後就係甜品同埋嘢飲喇！甜品種類好夠，嗜甜的我都食得好開心！麵包布丁啦、窩夫啦、白朱古力cake、朱古力慕絲，木糠蛋糕，仲有好多好多！同事就好喜歡榴槤泡芙，真係唔識欣賞...不過大家可以一試！要一提係佢個自家製曲奇，個樣無咩特別，不過真係好出色

和家人朋友去自助山食晚餐所有遇見的都好像天作之合,每道菜精緻十足首先一去到就陶醉於迷人夜景生蠔,開生蠔的㕑師在你未開聲便弄好在你面前,有效率👍佛跳牆,内有鮑魚,海參,冬菇暖暖的,好幸福❤躍動的心羊架,鴨肝,在你面前即煮😍蝦,扇貝,天婦羅作為一個甜品迷,這裏的甜品部是我的天堂着迷得都忘了拍照了抄雪糕和設計特別的朱古力噴泉不容錯過雖然每樣事物也很完美,但好像始終差了一點甚麼似的,我也不知道。