自助山

营业中

休息中

終於食到自助山啦黎自澳門嘅自助山 人氣一直高企長期full booking想星期五六日去食嘅話的確要幾個月之前book定但依家平日一至四黎講有時都有機會可以一至兩個禮拜前左右訂到位自助山位於灣仔合和中心高層其中一個設計特色同前身餐廳一樣係360度慢慢旋轉令到食客可以欣賞香港多角度嘅景色自助餐食物款式種類真係非常多海產類款都幾多有生蠔丶長腳蟹丶蟹鉗丶龍蝦丶青口丶蝦丶螺我覺得呢度嘅蟹類幾好食 好有鮮味生蠔也不錯刺身方面特大元貝係必食 啖啖肉 正啊平時食自助餐我都鍾意飲湯估唔到呢度除咗有中式湯西式湯之外仲竟然有我好鍾意飲嘅冬陰公雖則唔算好辣 不過我覺得味道都幾好酸酸地好開胃熟食方面大部份都幾有水準一盅盅嘅鮑魚花膠海參 好入味而且呢度有好多貴價嘅食物例如有幾款食物都加入海膽或黑松露等食材一齊鵝肝亦都有燒和牛肉好好味我食咗好多塊炸物亦都不錯甜品方面賣相係幾靚嘅佢有啲好細件嘅個別小蛋糕不過味道黎講唔算有驚喜鍾意飲酒嘅朋友亦都好岩佢有一個wine bar好多唔同嘅酒款俾你揀根據價錢付款入之後 可以係櫃上面攞隻玻璃杯酙你鍾意嘅酒就黎飲番杯Dinner buffet人均消費加埋一大約七百幾蚊以依個質素同

由於想坐靠窗位置, 所以呢餐生日飯足足遲左兩個月先至安排到~Dinner buffet用餐時間由1830-22:30, 當然要準時過黎食盡佢啦~我相信大部份人都係為左可以一邊睇360∘既香港靚景一邊開飯而選擇黎呢度既,  但如果食物質素可以提高一D就更加好啦~呢度檯與檯之間既空間不大, 提供既食物種類十分多, 但美味程度就只屬一般, 好彩幾款刺身都夠新鮮肥美而且都有幾樣較有特色又好味既食物 (如: 海參花膠扣鮑魚、燒牛仔肉、煎薯絲同埋白桃味雪糕), 不過以平日698+10%既價錢黎講, 性價比就偏低了~ 

蠔不太大隻，鮮甜，叫做合格。龍蝦肉質比較硬，冇彈性，食唔到龍蝦味，失敗。蟹鉗鮮甜有蟹味，合格。刺身食咗油甘魚及帶子，合格。炆鮑魚海芯夠冧夠入味，合格。燒牛牛味重，生熟剛好，水準以上。燒味食咗乳豬及叉燒，乳豬好味，叉燒不值一提。點心試咗蝦餃，一試就知個點心師傅唔太得。甜品款式多，有榴槤造既甜品。有單粒朱古力，因唔太甜，應該60%dark，個人比較喜歡。只係包一杯普通冇酒精飲品，個人認為太小家。酒有多種款式，開張卡，飲咗幾多，入返落張單到。總括嚟講，收698+1只係講食物質素就唔太抵，不過加埋個維港日夜景就可以。

有人請我食年度大餐，兩個吃貨決定去呢間要預早好多時間訂位嘅自助山！一早訂左窗口位，位置都算唔錯，service 都幾細心，會提醒你唔好放野係外圈，唔係會轉走左，兩個鐘先見返自己嘅野！一放低野，就岀動！呢個牛肉好正！怕生嘅人就唔太岩喇之後即去睇海鮮！全部都好新鮮，蟹真係好好食！生蠔每人每次限三隻，本人比較喜歡海水味重啲嘅，今次呢款，食左5隻。黑松露炒蛋，同即煎薯餅都推介！好好味！牛肉就係即切，怕生嘅人應該唔係好食到即煎鵝肝，好厚，每人每次限拎兩個！好好味，不過我覺得食太多會溜，留肚食其他仲有好多點心，但本人都係喜歡茶樓嘅點心最吸睛嘅，要係呢個朱古力噴泉，大豪華喇！喜歡榴槤嘅朋友，推介呢個榴槤焦糖燉蛋，榴槤味濃！正呀！最特別就係有即炒雪榚，有朱古力，雲呢拿同士多啤梨可以選擇，炒埋一齊都幾特別🎉其實坐係度哥時，都感受到轉，所以如果怕倒後車嘅人，要留意坐嘅方向喇！

1/8晚去左食，訂左兩個月先有位，但係大失所望，生蠔極難食，一d味都冇，食落仲想嘔添，每轉三隻，都冇人排隊拎，最好食既係鵝肝，$750/位超唔抵，食物質素比唔上$500既，冇下次囉！環境算唔錯既，侍應收碟都匆既！

自助山就食過好幾次但係每次都係食午市因為午市抵啲 五百幾蚊一個人20歲生日嘅時候屋企人同我去咗食自助山晚市慶祝真係超級開心不過呢餐一啲都唔平 一個人都要大概＄700但係環境闊落舒服啲嘢非常乾淨 服務超級好 員工嘅培訓質素相當唔錯 你一食完啲嘢佢就會過嚟收 會成日過嚟執嘢 Keep住乾淨本身望出去嘅景色應該好靚因為佢係旋轉自助餐 可以睇云香港島你一路食佢就一路轉不過我嗰日係落住毛毛雨所以景色呢就蒙下蒙下咁晚市嘅嘢食相當有驚喜同午市果然有一段距離一分錢一份貨真係真理有專人喺度切牛扒 prime rib同其他自助餐質素唔同 又軟又香好食 唔會好似其他咁食柴皮不過最鍾意都係佢個海鮮吧 有專人新鮮開生蠔 有三款生蠔任你揀 有好重海水味嘅 有Creamy啲嘅有清新啲既好多選擇 爽歪歪仲有好多其他海鮮 青口 龍蝦 長腳蟹 海螺 蝦除咗海鮮我都好鍾意食佢哋嗰個鵝肝多士超級大快鵝肝 即叫即煎煎到個面有啲焦糖化 小小燶 焦香焦香咁佢有塊多士麵包俾你嘅 但係我唔鍾意我就咁加個塊醋蘋果就得佢日本野除咗魚生之外 會有啲精緻嘅小點 比如話係啲魚生丼 上面仲會有海膽添 亦都有啲蟹膏海膽蒸蛋 三文魚子帶子 呢啲細細件

由環境氣氛 到食物質素 及 服務態度 比起其他自助餐廳來講都好好,十分十分多選擇..包有齊你想食嘢, 生蠔海鮮麵包蟹,龍蝦隻隻頂膏(睇彩數). 完全不用擔心失禮自己 select塲地! 當日天氣不錯, 我揀咗5:30pm-8pm果塲 由天光 食到天黑, 好好彩重影到火燒雲☺️! 只是星期六(分2塲)用餐時間去食嘢有點rush ...太多食物選擇/ 記住預留啲時間食甜品! 唔記得講 自助山可以安排小(細件)蛋糕+寫上名牌服務, 當日餐廳安排 柚子芝士蛋糕一件 超好味! (Extra $50charge)抵啦!!

We went there for lunch a Saturday afternoon. This place opens at 12:00 so it was actually a late breakfast for us. You need to make a reservation weeks in advance but this place worth it. Nice sashimi, not a crazy choice of option, but what they had was really nice. The main attraction in the seafood section was the crab, all you can have and I really had as much as I could, amazing. A section with Indian dishes, another with Chinese and one more with Japanese bbq and Tempura dishes. At last a

唔掂丫！啲野食唔多，而且味道麻麻！好食啲嘅 就係一啲普通熟食 ，海鮮難食 長腳蟹又瘦又唔好味最開心嘅係有火箭菜...食最多！佢啲點心都唔錯，但冇理由buffet食點心為主！喇沙都好味 但食尼啲就唔值...Desserts 好差丫！大部分都難食，但macaroons 就好味喎！比我揀 唔會再黎

近來，係我自助山公司既首選❤️，所以都唔係第一次黎食，低個水準一路都keep到，都係食夜晚，因為多d野食😋😋地方都好舒服，燈光柔和一入到去，360夜景就一眼望哂，好正😆😆同埋慢慢旋轉得黎、你唔會覺得暈，地方好坐之餘，野食果然好食啦，同埋都多款去相 呢到既冷盤 ，係幾新鮮, 龍蝦啦 蟹啦，肉爽口，唔似出面有d,唔新鮮，梅梅地另外，有埋蠔啦👍🏼，你地知啦，唔係間間都肯做 蠔，佢地都有三款唔同國家呢樣正到不得了呀 ，鵝肝，我都怕食完好（流），都要食兩塊😆😆😆咁早有好多熟食既，咁我就無影啦鮑參花膠 一定要食啦我至愛既甜品 ，款式多最後啦, 值得一試呢個自助山多謝收睇

今年生左小B, 成日都忽略左老公(老公已成為工人4號)! 所以, 老公生日當然唔可以是但搵間自助餐食啦!自助山出晒名好食又難BOOK又唔做DISCOUNT,一於試一試!3人行黎到合和中心,上果62層已經覺得好靚! 入到去仲轉住黎食晚餐, 一邊食邊睇360夜景, 食環境都冇得頂!海鮮BAR好多選擇 –長腳蟹、龍蝦、面包蟹、凍蝦、青螺、等,我覺得長腳蟹夠鮮甜、龍蝦都鮮,仲有蝦膏!面包蟹D蟹膏又香又好甜, 真係望住都覺得會膽固醇超標, 我食左3件……生蠔係我豪食之選, 有海水味, 肥美鮮甜, 差在有D會有沙!刺身都唔錯,三文魚比較新鮮!   熟食好多選擇! 鵝肝係必食之選, 厚身但唔油膩, 好香! 燉湯 – 好好飲, 材料足夠, 冇味精味! 正!甜品都琳瑯滿目!! 最愛雪糕 & 芝士餅!臨走時好唔捨得個靚景………………………

辛苦完一輪之後大佬話請食自助山，我地滿心期待諗住會好正好正，點知大家都好失望。首先，海鮮只有長腳蟹，青口，蝦仁咁，而且好鬼咸，又唔新鮮 而沙律就還好，好多款，青木瓜絲好正好食嘅 刺身就冇乜選擇，但贏在魚生幾肥美可以試下。熱食就大部分都幾正，特別係個炒飯同串燒！雞肉串燒好惹味^_^南瓜湯一定要飲，係全場最正嘅野食。甜品選擇好多，但好食就冇乜邊個，只有朱古力蛋糕同雞蛋仔係值得recommend! d macaron 好甜好甜，實在麻麻

平日夜晚去食, 我由630食到10點先走, 好飽!食物款式多, 有龍蝦, 長腳蟹,生豪,花膠,鮑魚, 鵝肝，樣樣都好味。甜品主打榴槤，好勁味，我唔食榴槤所以麻麻。人手方面足夠,會主動收盤及加水。環境好好,有景睇!雖然好多人食，全場滿座, 但拎食物唔洗排好耐。唔似其他自助餐咁。雖然幾貴，但會再去食

終於約齊去試呢間Buffett，一入到去見到個景都經已覺得值回票價，坐低後第一時間就衝左去海鮮吧，款式都算多，最有驚喜係剝殼大蝦，配呢個芥末醬，味道清新而且爽口，生蠔一如以往咁好，最正既係海鮮吧排隊快，十分滿足到喪食既速度！至於熱葷同甜品都唔差，鍾意食榴蓮既有口福了，無論榴槤焦糖布丁、榴槤糯米磁、榴槤泡芙都令味蕾極具享受，正！仲有現場炒雪糕，不過太多野要試，所以放棄左呢樣，下次補返！最後最後最後，好味既野要講三次，鵝肝，入口即溶真係無誇張⋯成晚都有人伺候左右，第一次覺得呢10%SC比得值，我地一行六人食完當晚已經話想再來多餐！滿足

今日生日,和太太往灣仔自助山慶祝生日。這裡有好多美食。冷盤有長腳蟹, 龍蝦、青口、生蠔、蝦和帶子, 其他食物三文魚刺身, 帶子刺身、有花膠炆鮑魚、燒賣、蝦餃、龍蝦拉面、煎鵝肝、燒牛肉、芝士焗蠔、西冷牛肉、瑞士薯餅、咖喱雜菜、咖喱雞、鵝肝炸蝦卷、海膽蒸蛋、火炙三文魚壽司、蟹柳玉子手卷, 甜品有炒雪糕、雲呢拿雪糕、面包布甸、櫻花蛋糕、櫻花朱古力jelly、蘋果奶凍、馬卡龍、木糠布甸和凍奶茶。冷盤長腳蟹肉蟹鮮甜；龍蝦好新鮮彈牙又鮮甜, 我食左5隻, 評蝦必食；青口好味美, 好爽口；生蠔每人每次限取3隻, 生蠔濃香海水味, 肉質好鮮甜, 必食生蠔；蝦和帶子餐廳好窩心, 蝦拆哂殼, 蝦好鮮甜彈牙；帶子大大粒, 食落新鮮；三文魚刺身好鮮甜, 帶子刺身好美味, 和海鮮吧的帶子比較, 帶子刺身比較香；有花膠炆鮑魚, 汁好濃香, 花膠入口即熔, 鮑魚好鮮甜, 份量適中；燒賣蝦肉鮮甜；蝦餃一籠兩粒, 皮薄餡靚, 蝦好鮮甜彈牙；龍蝦拉面龍蝦湯底香濃鮮甜, 龍蝦新鮮彈牙, 配菜粟米粒鮮甜, 拉面好爽口, 整個龍蝦拉面好美味, 個人食了2碗；煎鵝肝鵝肝熱辣辣, 入口即熔, 食落有油花有回甘；燒牛肉即叫即燒, 牛