胡爐 (已結業)

去完銅鑼灣shopping想去打邊爐就揀左間之前未試過既火鍋店胡爐 走高檔路線既佢湯底既質素唔錯㗎招牌鮮椰青雞鍋將雞放喺窩入面炒熟加上雞湯同椰青水可以食雞同飲咗湯先然後就係火鍋時間手切頂級安格斯肥牛 口感鬆軟有牛味雪花都分佈得唔錯皇帝柱貝墨魚丸墨魚丸入面有粒粒貝柱肉爽口得黎有鮮味手唧黑松露蟹子魚蓉麵已經好少地方有唧唧魚麵提供佢地既魚麵咬落偏軟身黑松露成份算多蟹籽有加強口感蔬菜拼盤有生菜同娃娃菜2種都唔錯㗎茅根竹蔗水係自家製既甜甜地，味道都ok

7點幾入到去坐低就有小強係張椅度走黎走去。咁諗住間間餐廳都係咁，同侍應講左叫佢清理下。佢只係捉走隻小強..完全無消毒佢行過嘅地方🤨。之後點菜..好耐都未黎，眼見得2-3個侍應，個有少少寒背女人傳菜傳到亂曬..又周圍叫有無人見到唐生菜？每台問你有無咩呢個個個餸....俾左碟大牛我地，本身唔知係俾錯，隔離台吹佢碟大牛先估到，但已經食左幾塊。食物質素普通，見到不停有客人問啲食物係邊？等左好耐。最後埋單每人500$，當然預左照收大牛錢，但從來無人黎講話聲比錯左，少少服務都無。唔會再黎！相都無影..

今日試埋位於銅鑼灣嘅胡爐。一踏入舖頭，偏懷舊裝修再加上侍應哥哥嘅殷勤招待，印象分又一次爆燈。胡爐用銅鍋嚟煲湯底，傳熱又快又好睇，啱哂香港人心水。👆🏼招牌鮮椰青雞鍋侍應哥哥會先煎香雞件，然後加上小量嘅酒去除腥味同鎖住肉汁。雞件煎香後再加入濃湯同一大個椰青水。煲滾之後，可以先飲返兩碗椰子雞湯同食下雞件，用椰青水煮嘅雞特別香甜，千祈唔好錯過呀！之後再加入濃湯就可以正式開始食我地嘅火鍋大餐。👆🏼頂級霜降牛柳粒量多但唔算貴，肉質嫩滑，入口即溶。👆🏼西班牙黑毛豬豚肉豬味濃，厚切。👆🏼新鮮脆鯇魚新鮮，香口同肥美，個個叫佢做"脹爆魚腩"👆🏼XO鮑魚蝦餃王大大舊鮑魚肉，係必食推介。👆🏼黑松露蟹肉餃黑松露控一定要試喇掛！👆🏼蔬菜拼盤

聽講呢間嘅湯底係即叫即製，好奇之下，叫左鮮椰青雞鍋。首先，全程都係店員幫手製作，佢會整熱啲雞件，加少少酒，真火燒一燒，再倒入原個椰子水，真材實料！第一次打邊爐，係飲左湯先，冇味精，好鮮甜，所以飲多幾碗都可以！之後，會加入骨湯，開始打邊爐🤪手切安格斯肥牛小碟都好多片！二人絕對夠食！入口即溶～口感好鬆軟！高質😚💕黃金墨魚丸好多人都鍾意鹹蛋黃！呢款丸就岩曬鍾意鹹蛋黃的人！口感幾特別！韮菜餃皮薄餡靚👍🏻好香嘅韮菜~咬落去仲有少少汁，不錯吧😍手唧黑松露蟹籽魚蓉麵煮5-10分鐘~濃濃的黑松露，仲有粒粒蟹籽，鮮甜嘅魚蓉，麵條係好冧身，超好食！發漲左之後會變粗麵，所以好夠飽！自己動手唧，特別開心有趣。

又嚟喇。。。實在忍唔住， 上次食咗個椰子雞邊爐之後念念不忘， 今日去開銅鑼灣， 就決家幫襯多次， 但點解個名小咗個「醉」字嘅？銅鑼灣呢個鋪頭比起尖沙咀細啲， 但餐廳唔會覺得密麻麻， 可能因為唔多人啦！今次一樣食返椰子雞， 個湯一樣咗清甜好味， 又冇味精， 真係好正！但今次配料就點咗牛柳粒、豬同脆鯇腩， 同埋小小丸類餃類。魚和肉都一樣好高質， 同價錢成正比！ 而魚嘅份量非常多！ 抵食！西洋菜墨魚丸 ， 好特別， 爽口彈牙得嚟仲有啲菜、 味道亦一贊！XO鮑魚鮮蝦餃王，一樣都係好特別，好少喺其他打邊爐嘅餐廳會食到呢一款餃類！ 餡料亦都有好多鮑魚同蝦， 好充足！ 所以價錢亦都10分合理！黑松露蟹肉餃，我個人就麻麻哋黑松露， 我對個味道有小小抗拒， 但呢個還可以接受， 大大粒！胡爐又好， 醉胡爐又好， 兩間都非常之高質， 價錢亦算合理， 起碼唔使限時趕住食！ 推介！

好耐未試過係港島打邊爐啦，平時都係九龍區多。呢次黎到銅鑼灣嘅百樂中心樓上打邊爐，呢間其實好耐之前食過都係好高質嘅。一坐底無耐，店員就會先擺低醬料盤俾我地調，仲有一碟木耳比我地做前菜小食。酒泡鴨舌都係我地好奇想叫，發覺都唔錯。呢個濃湯佛跳牆雞翅鍋真係不得了，啲翅勁多，又有鮑魚花膠，勁足料，記得水煮後飲啖湯。”黑松墨魚丸松露味正，爽口彈牙。XO鮑魚蝦餃王幾特別，餡多脹卜卜。胡爐牛拼盤有牛肉，牛舌，牛胸爽等，食牛之人必叫，因為呢碟野可以一次過食唔同部分。

終於到了舊同事聚舊嘅日子～我地每次都會去打邊爐，3個女人不停傾傾傾同食食食～好鬼開心！今次揀左胡爐，喺銅鑼灣耀華街嘅上樓餐廳🍲我地係為左食個靚靚湯底而黎嘅！中式裝潢，我地3個人咁啱book倒間房仔坐，座位舒適。原來其餘座位都有間格唔駛望倒隔離枱又幾好喎！ 🔥🦞火焰龍蝦海鮮火鍋🍲 $398 極香濃嘅西式龍蝦湯底，少左奶油味，多左海鮮甜味！店員即時喺鍋度將龍蝦同蜆一齊炒一炒！🔥好大火好有氣勢呀！一路炒一路睇住隻龍蝦郁郁下！炒完立即加入特濃嘅湯再煮多陣就飲得！龍蝦勁新鮮鮮甜，連個龍蝦蚶都咁鮮甜肉多！超好味！卜卜蜆肥大肉厚！啖啖海鮮肉同龍蝦湯好夾！我地每人飲左兩大碗就加入番茄湯開始打邊爐！🥩手切頂級安格斯肥牛 (小)$228 安格斯肥牛肉味濃有肉汁，肥瘦均勻，厚薄適中，啱哂打邊爐！推介！🔔紫菜炸響鈴  店員話即點即炸！果然係必點之選，炸得好酥脆！完全唔油好香！夾埋紫菜一齊炸勁香口惹味！

每次系銅鑼灣行完街最頭痛系要諗下食咩？因為實在太多選擇，中西日韓應有盡有，花多眼亂，真系諗到頭都大埋。結果都系食我的最愛 ～ 打邊爐胡爐 ～ 穩陣之選，每次食都無失準，呢間分店都系第一次幫襯。火焰龍蝦海鮮鍋 $398。湯底有原隻龍蝦，花蛤，蕃茄先黎個濃濃湯底，店員再倒啲酒落去，即時火光紅紅，勁呀。店員叫我地先飲左個湯再幫我地加湯打邊爐，龍蝦湯好鮮味，肉質新鮮彈牙。紐西蘭草飼羊片 $138廣島蠔 ＄88，新鮮，吾會淥完就縮晒水香菇韮王帶子餃（半份）＄58蔬菜拼盤 $68

今日lunch 時候同事已經話好想食打邊邊問我邊間好食叫我放工去食，印象中銅鑼灣好似都開咗胡爐於是我極力推薦同事去，因為之前食過尖沙咀覺得好好食，尤其是佛跳牆湯底簡直冇得輸😋👍湯底到的時候店員會叫大家先飲湯之後先加水打邊爐，同事一飲湯都大讚湯底好正sure win，湯底有花膠,海蔘,魚翅,鮑魚,金華火腿,半隻雞，同事唔食牛所以今次冇叫牛叫羊都好好味👍，第一次用豬手打邊爐原來又幾好食喎，少少鹹又唔會肥好爽口感覺有好多骨膠原😁😋，韮菜餃多菜少肉味道剛剛好

今日行開銅鑼灣時代廣場，發現附近原來有一間幾多好評的火鍋店。我就和我太太一起入去食火鍋，首先餐廳會提供麻辣雲耳，麻氣又好味！作為開胃菜啱晒！我哋叫咗招牌鮮椰青雞鍋，餐廳有專人為你用牛油炒香雞件，再加入白酒炒旺個鍋，之後加入新鮮椰青水及椰香味特濃的秘製湯底！煮熱後就可以食，非常好味道😋！雞件炒過，香滑無比，椰青湯底，鮮甜好味！我哋亦叫了牛肉拼盤，每一款牛都好特別，各有特色！桂花蚝新鮮好味！西洋菜同樣新鮮！黑松露蟹餃好有黑松露香味！特別！雲吞蝦肉大粒！全部值得一試！😌

呢2日涼涼地，我呢個「邊爐控」又出動啦！今次嚟已重開的「胡爐」打邊爐，選咗佢地嘅招牌鮮椰青雞鍋湯底， 職員先當面炒雞，第一次食椰子雞係牛油炒雞， 一邊炒一邊聞到好香嘅椰子牛油味，然後職員落酒，哇， 火焰熊熊，好刺激！ 之後再落真正椰青水，煮一煮後再加溝左椰漿嘅椰青水湯底，好香！呢個湯底好特別，唔同其他餐廳嘅椰子湯底，呢個香甜好多。胡爐牛拼盤（大），有5款唔同嘅牛部位，擺碟好靚，一上嚟就忍唔住相機食先。每款都好食，最中意極上手切牛頸脊，油脂分布好靚。手工雲吞，入面有好大隻蝦，好香。黑松露蟹肉餃，煮熟後呈半透明，勁香，好多黑松露，除左蟹肉仲有菇，口感好夾好好食！桂花蚌，好新鮮厚身，爽脆！餐廳嘅員工好有禮貌，環境又舒服，地點又便利！我呢個路癡都輕易搵到

阿妹升職啦所以作為家姐嘅我帶咗阿妹去食呢間我覺得好好食嘅火鍋。因為我哋係女仔嚟㗎嘛梗係要啲比較養生嘅湯底❤️就要左呢個有花膠同埋預設嘅雞煲真係好多膠原蛋白😚😚😚喺伯樂中心其實都幾易搵呢個位都幾多好嘢食😄😄😄上咗湯底店員叫我哋可以試一啖湯先！其實就係普通老火湯咁樣嘅味道，非常之濃郁，有好濃厚嘅雞味而且雞件都唔少！而家會有特別嘅海鮮拼盤$128都好鮮甜美味❤️❤️另外試咗佢嘅手切牛真係入口即溶！！特別要推介佢有個唧唧魚面，入面有好濃厚嘅黑松露味好好食😋！我覺得葫爐真係你點乜嘢都唔會伏嘅一間舖頭，打邊爐想食好啲一定要黎試吓!

今天為慶祝特別日子，決定要來打個邊爐賀一賀佢這間火鍋店可網上訂座，十分方便！椰青雞鍋，食完雞煲仲可以打邊爐，一舉兩得！職員係我地面前現場炒雞，真係火焰架！叫了一份大頂級手切安格斯，賣相滿分，味道也滿分，好鮮嫩。皇帝柱貝墨魚丸，比平時的墨魚丸多左柱貝，特別多左份鮮味。黑松露芝士牛丸，勁香黑松露味，加埋芝士，口感濃厚。酥炸牛餐肉，炸過既午餐肉，更香更邪惡，好好食粟米睇落冇乜特別，但食落係超爽甜，必點！皇帝菜好大碟，又新鮮！青檸梳打，清新解渴之選！

好耐冇得出街食晚飯當然要食餐好既！我們叫了鮮椰青雞鍋，真係非常足料！用上新鮮既雞肉，即使只是湯底，份量也很多！最特別的地方是店員會倒新鮮既椰青落去炒，風味十足！前菜有雲耳，爽口彈牙！好開胃！食火鍋一定要有響鈴，這裏有自家製的紫菜響鈴，脆脆香口，腐竹味重的響鈴配上紫菜，食過返不到轉頭！XO鮑魚蝦餃王，半份已經有4只，食落真係有濃濃XO醬鮑魚味，用料上乘！油麥菜爽甜新鮮，打邊爐一流。最後食埋大大碗彈牙煙韌紅薯粉，十分滿足！喜歡這個店的設計，連豉油都是胡蘆型，十分特別！

好耐無打邊爐，迷你蛋糕就算唔餓甚至都同我去佛跳牆唔好睇細細煲，份量其實一啲都唔少，雞，金華火腿，螺片，花膠，旺菜，翅，一開始每人飲咗2碗，最後滾完哂所有嘢再飲多半碗更鮮味牛肉淥到轉咗色，軟綿無筋無渣，無羶味脆骨腩處理到零血水，肉質脆度夠，當晚一入門口就見到一碟準備上枱，有sample睇過準沒錯廣島蠔隻隻肥大肉厚，濃濃蠔味，令到成個湯底提鮮不少什菜拼盤湯底本身都有旺菜，再加多啲用嚟淆湯底，吸收湯底更甜