胡爐 (已結業)

聽講呢間嘅湯底係即叫即製，好奇之下，叫左鮮椰青雞鍋。首先，全程都係店員幫手製作，佢會整熱啲雞件，加少少酒，真火燒一燒，再倒入原個椰子水，真材實料！第一次打邊爐，係飲左湯先，冇味精，好鮮甜，所以飲多幾碗都可以！之後，會加入骨湯，開始打邊爐🤪手切安格斯肥牛小碟都好多片！二人絕對夠食！入口即溶～口感好鬆軟！高質😚💕黃金墨魚丸好多人都鍾意鹹蛋黃！呢款丸就岩曬鍾意鹹蛋黃的人！口感幾特別！韮菜餃皮薄餡靚👍🏻好香嘅韮菜~咬落去仲有少少汁，不錯吧😍手唧黑松露蟹籽魚蓉麵煮5-10分鐘~濃濃的黑松露，仲有粒粒蟹籽，鮮甜嘅魚蓉，麵條係好冧身，超好食！發漲左之後會變粗麵，所以好夠飽！自己動手唧，特別開心有趣。