胡爐 (已結業)

最近剛好和朋友約在銅鑼灣晚餐，而我最近在網上找到一間頗為吸引的火鍋店，該餐廳名為胡爐。餐廳的位置也相當方便顧客享用美食，鄰近便是時代廣場。先來談及餐廳的環境，我相當喜歡餐廳的環境，因為餐廳裏面每張枱也有設計間隔，讓每一台也能擁有自己的私人空間，暢所欲言，此外餐廳的設計給人的感覺也很寫意。再者談及食物方面，我們當天點了一鍋龍蝦火鍋，不得不說餐廳的龍蝦相當新鮮，端上枱的時候，龍蝦仍然在動，再使用餐廳秘製的龍蝦湯，完全令整個火鍋的層次得到昇華。我和朋友也很滿意餐廳的龍蝦湯底，更滿意當中的龍蝦肉😍，使用該湯底烹煮我們所點的美食，真的是相當不錯，我們當天點了台灣鴨血，萵筍，餐廳自己炸的響鈴，牛骨髓，以及火鍋的重頭戲，日本飛襌和牛，我真的是相當滿意這一餐，現在看到每一樣美食仍然在回味。

好耐冇打邊爐，今日同朋友黎左銅鑼灣胡爐，之前一直都好想試，不過疫情冇機會試，依家重開即卡約朋友一齊去，入去環境好舒服，分隔開好似好多個包廂咁，又安全又衛生餐前小食有麻辣木耳，又爽又有咬口，辣辣地好開胃。仲有自助醬料自己中意點配都得，飲品我地叫左一升既竹筍芧根水。湯底揀左火焰龍蝦海鮮鍋，真係冇得輸，龍蝦一開始仲扎扎跳好新鮮，店員幫我地灑 d 酒再炒熟佢，一路炒一路睇住 d 龍蝦郁。超大獲氣，再會比我地飲左 d 湯先，龍蝦超鮮甜超厚肉，最後先再加番茄湯打邊爐，個湯底超鮮甜，剩係飲湯同食 d 海鮮都食到半飽。胡爐牛拼盆（小），打邊爐點可以唔叫牛，推薦呢個拼盆，可以試哂唔同牛，入面有齊牛舌芯，牛胸爽，安格斯手切肥牛，極上手切牛頸脊，霜降牛柳粒。每樣都好香好好味。店員仲會好好咁解釋番每樣係咩部位同點樣淥法先好食，非常貼心。丸類叫左黑松露芝士手打牛丸同芝心墨魚丸各半份，芝心墨魚丸咬落去真係要小心，因為 d 芝士真係會爆出黎，超香芝士味，岩哂芝士控既我。仲有新鮮黑柏葉，好有咬口同份量好多菜方面叫左個蔬菜拼盆同厚切萵荀片，淥到索哂 d 湯底好 juicy 好好味

今日興致勃勃放工後相約朋友們去銅鑼灣打邊爐，知道胡爐有個好正嘅特色湯底一定要試，就係「濃湯佛跳牆雞翅鍋」！湯底超級真材實料，有兩大隻鮑魚，多件雞件，螺片，仲有翅呀，職員提我地打邊爐前飲幾啖湯先，嘩！真心超正，好鮮味同好濃郁，超滋潤！黃金炸魚皮$88炸得好香脆，加上流沙嘅蛋黃醬食超邪惡，好味到暈！頂級香菇貢丸$48相當有驚喜，超彈牙爽口又夠Juicy!手切頂級安格斯肥牛$228口感鬆軟，入口即溶，油脂分佈均勻，牛味濃郁，超讚😋😋桂花蚌$138分量超多，有多件桂花蚌，質地爽口，食得出非常新鮮！XO鮑魚蝦餃王$58（半份）超大隻，食得出係自家製的，鮑魚同蝦都爽口彈牙👍🏻👍🏻總括：食材非常之新鮮，而且非常之足料，最鍾意佢哋啲餃子、丸類可以叫半份，咁就可以試多啲唔同種類啦！

之前去過尖沙咀嗰間醉胡爐，銅鑼灣呢間裝修偏暗，更適合情侶或者閨蜜黎打下邊爐，說下悄悄話👭🏼👫🏻鮮椰青雞鍋 $298（10/10分）一試便會愛上❤️雞湯+椰青水，又鮮又甜😋極上本地牛頸脊（小） $398 （8/10分）牛肉味濃，口感偏爽口，如果鍾意食油香應該選擇安格斯，但偏好爽啲嘅口感，呢個唔錯😉日本鱈場蟹棒 $68（8/10分）形狀同味道同真蟹腳肉好似😍手打墨魚滑 $98（9/10分）物有所值，真係食到粒粒墨魚肉，爽口彈牙又有墨魚味，如果蟹籽更多口感更豐富就更正🤤黑松露芝心牛丸 $52 （8/10分）小心熱🥵記得煮熟攤陣先食，差啲俾中間嘅黑松露芝心辣親👅香菇韭黃帶子餃 $58（8/10分）自家製餃子通常唔會差🥟皮薄餡多😋整體：火鍋湯底特別好飲，其他食材都係優質，只係同湯底相比之下無咁驚艷😛

香港人幾時都鍾意打邊爐講開打邊爐呢我就特別鍾意胡爐都唔知嚟過第幾次啦因為我個人喜好係好注重個湯底同埋魚皮佢嘅湯底有非常多選擇款款名貴上次試完嗰個龍蝦湯底今次就梗係要試吓佢濃湯佛跳牆雞翅鍋呢個鍋就正啦首先一打開個蓋一睇就係滿滿的魚翅 再嚟兩隻大大隻鮑魚圍住有好多肥美雞件魚皮方面真係非常欣賞佢嘅黃金炸魚皮非常飽滿的鹹蛋黃金沙包圍着魚皮脆卜卜另外都嗌左鮑魚蝦餃王同埋手工雲吞頂級香菇貢丸同埋黃金墨魚丸黃金墨魚丸就真係幾特別佢裏面係鹹蛋黃流沙咬開時真係要小心啲流沙流晒出嚟今次平平哋叫咗佢手切頂級安格斯肥牛 都非常好食口感鬆軟入口即溶打邊爐最緊要係咩梗係最後要加個烏冬黎個大團圓結局啦👍👍👍

座位寬敞，坐得很舒服，環境四周比寧靜，枱與枱之間都分隔得遠，安全又衛生,跟朋友聊天飯聚一流!湯底很足料，吃吃雞肉喝了兩碗湯，開始已感到有一點點飽😂湯底好喝清潤，用了原個椰青水整!簡單叫了頂級香菇貢丸，香菇韮黃帶子餃，自家製韮菜餃及蔬菜拼盤!貢丸比平日吃到的好味，有彈牙感，肉味濃，不太油；香菇韮黃帶子餃，每隻也有原粒的帶子肉，好吃的；而自家製韮菜餃，大隻的，內裡的材料也很滿，韮菜又多又惹味；蔬菜拼盤份量也可以，菜也鮮嫩沒有黑!

招牌鮮椰青雞鍋～一般點招牌的，也不會有伏😈而這個鍋底，真的是極力推介～雞肉很嫩滑新鮮，能看著侍應把一整個椰青的水倒進鍋裡，看得出的真材實料‼️再加上上湯滾一會，先喝湯，再打邊爐～芝士腸～芝士是爆醬啊🤣熱吃的時候真的要小心～份量也不少，一碟足足有16條～稻庭烏冬～很滑溜，跟平時吃的一樣，打邊爐走不了～新鮮卜卜蜆～蜆肉很新鮮鮮甜，肉質嫩滑脹卜卜，沒沙～菊花蜜～很濃郁的菊花味，味道不太甜，涼浸浸，打邊爐喝起來很解渴～

雖然大熱天時, 但都阻擋不到打邊爐對我嘅吸引力! 今日來到這間宮廷式裝修既火鍋店，我哋叫咗花膠胡淑豬肚雞湯底, 坊間好少有這個湯底選擇, ❤️亦有好多花膠,,男朋友果然無介紹錯! 我哋先食雞飲湯後打邊爐. 配料建議選擇炸支竹,襯胡椒雞湯一流！ 見到餐牌有我最喜愛既炸午餐肉, 還是用梅林牌, 值得一讚. 我們還叫了黑松露芝士牛丸, 很特别,芝士味好,亦好細心, 可以叫半份, 2至3人打邊爐也可以叫多種不同餸菜，抵食之選👍😜

個位置其實有啲難搵係內街🙈呢間係高級單點火鍋配料黎架🤗高質素服務同材料。首先湯底我地叫左卜卜蜆鮮蟹魚湯鍋，服務員會係我地面前炒熟啲海鮮同整埋個湯底，煲滾左之後就可以飲湯先。湯底鮮甜，而且因為落左好多芫茜，平時唔好芫茜既我都覺得味道唔錯，仲開胃添。卜卜蜆就夠哂鮮味！而蟹都好大隻，蟹鉗都好厚肉，啖啖肉且滋味十足。手切頂級安格斯肥牛🔝呢個好精緻，肉質肥美但食落好嫩又不油膩，少清新既牛味🥰好喜歡，會不斷想接着享用。黑松露墨魚丸🆒好大粒啊！！墨松露夠濃味能夠衝擊味蕾，墨魚丸又爽口彈身，有口感。XO鮑魚蝦餃王🆗皮薄餡料夠多，但味道其中不算太突出，可能因為我地食左濃味既黑松露丸，但整體而言不過不失。紫菜炸響鈴👍🏻呢個夠推薦，覺得都幾特別。係即叫既炸，我覺得真係落3秒都嫌耐，紫菜係會淋哂，但我真係最多2秒即拎上黎，起碼保持返響鈴外皮唔會軟晒，仲有少少脆既口感。

突然好想打邊爐，搵吓銅鑼灣有咩選擇，就搵到呢間，我哋兩個女仔食，揀咗個胡椒豬肚花膠湯底，一上枱已經有好香嘅胡椒味，而且仲好足料，雞肉好滑，花膠又厚又大件，超有口感，但湯底唔夠濃郁，淡左咗少少跟住我哋嗌左一碟手切安格斯肥牛，呢樣好味，牛肉夠晒嫩滑，而且好有牛肉味。黑松露芝心丸，呢個好味，芝士同黑松露味道濃郁，而且牛丸仲好彈牙，我哋又嗌左個小食醉鴨舌，不過呢個有啲失望，唔係好入味，另外仲嗌左一個XO鮑魚餃，都係半份，食唔到XO醬味，可能裏面太多芹菜，我哋仲食咗皇帝菜，埋單連加一九百幾

同朋友食生日飯，諗泥諗去都唔知食咩好🥲咁啱係FB見到胡爐泥間火鍋店係銅鑼灣新開，有特色嘅湯低，所以就膽粗粗同朋友去試吓啦😀店舖環境ok既，服務員亦都有禮貌，食物新鮮⋯不過係價錢貴啲小小咁啦⋯⋯朋友生日飯，最緊要主角開心🥳

胡爐賣什麼🤔？什麼是胡爐？🤔胡爐是火鍋🤔？火鍋頂瓜瓜？🤔——————-🟫餐前小食：木耳——帶點辣又開胃的木耳，爽得嚟又有咬口，一個健康又精緻的一個小食——————-🟧飲品：菊花蜜——-清香濃郁菊花🌼的香甜，冰冰凍凍又清熱又解渴🤗————————🟩火鍋🍲湯底：卜卜蜆鮮蟹鍋：師傅在你面前，灑出兩度煮功夫，炒得夠香，贊些酒再煮，味道就更鮮甜，又大隻又鮮甜的大蜆，蟹又夠新鮮，肉又夠肥大👏👏👏，煮起了的湯流入了蜆肉和蟹的鮮甜，又甜又鮮的湯底，蜆肉吃落滑溜，蟹肉夠厚又鮮又甜😋——————🟨火鍋材料：脆肉鯇腩：又大碟又足料，夠厚又夠大件，咬口脆卜卜，切得夠厚身，吃落特別脆口，又爽又甜又大件—————🟥西班牙黑毛豬豚肉：超靚黑毛豬、滿佈雪花油脂，望見已經忍不住口，吃落更加停不了口，又爽滑、又多汁、肉又甜、咬落又帶口感而嫩滑的肉質，火鍋材料實在讚不絕口👍——————🔲手打牛丸：牛肉夠鮮味，手打彈牙又出色、吃落又係好滋味——————🟧手工雲吞：大大粒、自家包、材料夠多皮夠薄、大大隻又彈牙的🦐、夠爽又夠甜的豬肉，🦐和🐷肉都塞滿簿薄的雲吞皮，手工一流又好食🥰——————-🟩皇帝菜：又嫩又甜的皇帝菜，皇帝的享受

話說我想打邊爐，於是上網搵左呢間”胡爐”，同朋友講佢竟然話之前都想試，咁就perfect la! 一於去食😚一出𨋢見到餐廳門面，擺曬啲酒係到，反而有少少日本餐廳既感覺😂我鍾意佢入面既間隔，係好似一個個包廂咁，可以2人枱又得，4人又得，有趟門可以拉出拉入，而家covid啲餐廳用板隔住其實無乜用，呢到直情係每張枱之間都有道門隔住呀！正！食得勁安心👍🏻首先一坐低侍應擺低啲醬俾我地，加完佢會收返走。嗌個小食食住先，醉胡爐酒泡鴨舌 $68, 食落酒味較淡，不過幾岩我口味。主角上場: 湯底: 胡椒豬肚花膠雞鍋 $288, 呢個湯底勁多料，淨係食呢個都飽啦😂個雞食落幾嫩，不過要留意唔好由得佢係到滾太耐否則啲肉會變老。手切安格斯肥牛(小) $228, 成盤有14片牛，呢個堅好食😋牛有牛味，又新鮮又嫩，我食左一大半！黑松露芝心手打牛丸(半份)$52, 咬落中間有黑松露醬，好味！XO鮑魚蝦餃王(半份)$58，XO醬較淡，入面加左芹菜稍為搶左啲味。皇帝菜$48，新鮮既菜青綠色既，第一次食，係好味既！😋大大舊花膠！嫩滑既雞！我既至愛:手切安格斯肥牛🐮爆醬牛丸😋Overall我鍾意呢間餐廳既格局環境，食得又舒服

我同朋友都係睇中呢間邊爐既湯底，好似好正咁，所以就選擇咗黎「胡爐」幫襯，環境衛生都乾淨，不過地方細，唯一唔好係聽到隔離枱講咩。今晚湯底選咗「金翅花膠乳鴿鍋」，女仔要進補一下，湯很濃郁，花膠很淋身又大大件，乳鴿炆到淋哂又入味，我哋係邊爐前飲下湯先，真係好好味😋火鍋料：廣島蠔、花雕鮮雞件（小）、黑松露墨魚丸（半份/4粒）、蟹籽蝦丸（半份/4粒）、自家製韭菜餃（半份/4粒）、蔬菜拼盤、自家製響鈴、紅薯粉蠔煮熟左都唔係太縮水，食落都幾新鮮。雞件大大件，要煮耐少少，肉質嫩滑。墨魚丸勁彈牙，驚喜。響鈴勁好食😋。紅薯粉煮完要比啲湯一齊食先正。

無論一年四季，我都會打邊爐，特別係嘆住冷氣打邊爐，一邊飲凍飲既感覺好爽。呢晚收工我就去左銅鑼灣，去胡爐食火鍋慶祝520。佢既環境好有中國風，加埋屏風同畫，好似穿越左咁，而且屏風將間隔隔好，不但食我更安心，而且大大提升左隱私度。胡椒豬肚雞花膠鍋我鐘意佢既鍋底有好多配料，豬肚同雞都有好多件，2-3人食完全夠食，而且濃濃既胡椒味，一邊食一邊出汗，未正式放配料前，都已經飲左滿滿一碗。雞肉都食好嫩滑，一熟就撈上黎食，啖啖肉，加埋花膠，感覺好滋補。涼拌木耳（餐前小食）$28佢既涼拌木耳係偏辣，但係個種愈食愈上癮既辣，因為加左蒜同香醋，而且木耳都好爽口，作為餐前小食夠開胃。牛骨汁牛丸$48、黃金墨魚丸$52、手工雲吞$48呢3樣我真係覺得必點。雖然份量唔算多，半份4粒，不過食完就明白個價值。牛丸好有牛肉鮮味，感覺似之前食過潮汕牛丸，咬落好多肉汁，仲唔會好硬。而黃金墨魚丸都特別，因為係入面咸蛋做餡料，比較少見，配落墨魚丸出奇地夾。手工雲吞係驚喜，因為大大粒，一咬開見到入面成2隻蝦，仲要好爽口，真心唔錯。自家製炸響鈴$68、紅薯粉$38結尾我通常都會食響鈴加麵條。炸響鈴佢地係即炸，一上黎摸到仲熱，而擺入