胡爐 (已結業)

呢幾日天氣又凍左，收工約埋同事一齊打邊爐。去左位於銅鑼灣既胡爐，鄰近地鐵站，準時到達即獲安排入座，晚飯時間全場滿座。湯底揀左胡椒豬肚花膠雞鍋，甫上枱就聞到濃香撲鼻既胡椒香氣，湯頭濃郁不嗆辣，健脾又暖胃，豬肚爽脆鮮味，花膠清香養顏，雞件嫩滑。黃金炸魚皮面頭舖滿鹹蛋黃碎，賣相吸引，厚身魚皮炸至香脆鬆軟，鹹香十足。新鮮脆鯇腩肉質結實又爽口，味道鮮美，脆鯇腩夠新鮮唔會有腥味。手切頂級安格斯肥牛脂肪比例均勻，嫩滑多汁好juicy，入口軟稔，口感豐富細緻，味道香濃。手打墨魚丸自家製手打真材實料入口爽滑彈牙，味道鮮甜。黑松露蟹肉餃餃皮嫩滑，厚度剛好，內餡有香甜蟹肉夾雜松露香，仲有粒粒香菇，口感相當豐富。

早幾日喺銅鑼灣影完相就去胡爐打邊爐🍲迎接冷風到😆😆佢哋火鍋嘅湯底都好有特色，見到其中一款係本店限定，就梗係要試吓啦😚金翅花膠乳鴿湯真係好足料，除咗有原隻乳鴿之外仲🈶️翅、金華火腿同南瓜🎃味道濃郁得來唔會好鹹😋開始煮食物之前，我哋每人都飲咗起碼一碗湯～兩個小朋友各食咗半隻乳鴿🐥打邊爐就要食肥牛啦🐮手切頂級安格斯肥牛口感鬆軟、入口即化😍俾小朋友食就啱曬啦～手唧黑松露蟹籽魚蓉麵一唧出嚟就聞到好香嘅黑松露味‼️黃金墨魚丸係鹹蛋黃餡，都幾特別‼️黑松露蟹肉餃又係啖啖都有好香嘅黑松露味‼️本店限定嘅皇帝柱貝墨魚丸彈牙又有好香嘅海味味‼️響鈴吸收左湯汁特別好味‼️同小朋友打邊爐就梗係要叫稻庭烏冬，夠曬彈牙‼️吸收埋美味嘅湯汁，食到舔舔脷😋

第一次食，睇左評語諗住幾好，食完之後唔明點解咁多“好評”，簡單d講，淨係個龍蝦湯底個半隻龍蝦已經有一半係”晦”，見到個湯底成四百蚊俾d咁既垃圾，個心即刻灰左，湯底一般，唔點豉油係無味既，牛肉拼盤唔係即切，攞出黎仲要未溶哂雪😰，等食左一半其他野先夾到d牛肉出黎，黑牛柏葉，5秒同10秒都一樣咁韌，食左半碟頂唔順，蝦丸ok, 皇帝菜ok, 門口侍應阿姐態度奇差，呼喝客人掃安心出行，認真無下次👎👎👎👎😤

天氣凍最岩打邊爐，食完成身暖笠笠～.今晚黎到胡爐，二人卡位好闊落，環境潔淨舒適。.胡椒豬肚花膠雞鍋乳白色湯頭滑順細膩，帶點微辣，散發濃郁胡椒香氣。雞件啖啖肉，豬肚軟嫩有咬口，花膠大大塊充滿膠質～.手切頂級安格斯肥牛牛味香濃，肉質相當豐滿，入口鮮嫩爽滑又多汁。.黑松露墨魚丸彈力十足夠哂爽滑，散發濃郁黑松露香味，正。.蟹籽蝦丸爽脆味美，口感十足，蟹籽脆卜卜好有咬口。.蔬菜拼盤多款新鮮蔬菜配胡椒豬肚湯，別有一番風味。

比起邊爐放題，單點嘅邊爐嘢食相對更加高質，嚟到位於銅鑼灣伯樂中心好出名嘅胡爐打邊爐，無論係個湯底定係火鍋配料都十分出色湯底嘅選擇有好多有辣有唔辣，最後我哋叫咗胡椒豬肚花膠雞湯，而佢嘅配料除咗有打邊爐必食嘅牛之外，仲有好多自家製嘅特色配料落完單之後職員即刻醬料格比我地揀想要咩醬料胡椒豬肚花膠雞湯呢個湯底絕對係真材實料，除咗豬肚同雞肉嘅份量唔少之外，花膠都好大份，而且開底有香濃嘅胡椒味無論落咩配料落去都好夾胡爐牛拼盤（大）呢個拼盤包左牛舌芯，安格斯手切肥牛，極上手切牛頸脊，牛胸爽，霜降牛粒每樣嘅牛味都好濃郁，而且牛脂香濃，一次過可以試哂唔同部位芝心蝦丸，皇帝柱貝墨魚丸芝心蝦丸一咬落塊就有芝士流出黎，蝦丸都好彈牙，而皇帝柱貝墨魚丸食落有粒粒嘅柱貝，好鮮甜黑松露蟹肉餃大推呢個肉餃，佢絕對真材實料，一咬落去就食到超香濃嘅黑松露味，而且啖啖都有蟹肉蔬菜呢就叫咗一個雜菌拼盤同埋蔬菜拼盤飲品就叫咗椰青水同竹蔗茅根水最後仲有打邊爐必要嘅響鈴，佢嘅自家製響鈴超大嚿而且好脆

日日都咁凍, 日日都想打邊爐, 哈哈!好在我有邊爐群組肯同我一齊打邊爐,今次帶我去<胡爐>, 估唔到咁正!先來一盤八款混醬!都係d大路野, 醬料無特別!湯底多選擇, 最後我地揀選左天寒地凍最岩食既胡椒豬肚花膠雞鍋!胡椒有暖身既作用, 花膠就養顏美肌!等左一陣湯底終於滾起, 食得!哇~ 好多大大隻花膠, 雖然唔算好厚身, 但帶有咬口, 唔係比cheap野!起初個湯底比較淡味, 應該係胡椒未爆花; 越食就越辣, 好鬼正! 而且真材實料, 啖啖嫩口滑雞, 真係無得頂!我一向愛豬多過牛, 呢個胡爐豚拼盤好似有少少貴 ($298), 其實好鬼值! 呢個係 伊比利亞黑毛豬豚肉, outlook好似雪花肥牛; 但真真係好鬼正, 自己出去買都買唔到咁正既豬肉!70%係蝦膠; 仲有30%係鮮蝦, 絕對無呃人既手打蝦滑!

究竟胡爐裏面買咩藥？同平時火鍋店唔同，走嘅係高級中式風。入到去冇嘈雜嘅環境，枱數唔多，換黎嘅係環境闊落，係打邊爐+ 談心嘅好地方。湯底款式多，最後點左胡椒花膠豬肚雞鍋，要養一養顏。鮮雞嫩滑，豬肚乾淨爽口。湯料分量十足，打足兩個鐘，仲有豬肚剩。胡椒味濃，隨手都有好幾粒胡椒粒。胡爐牛拼盤！有選擇困難症 + 食牛獸必食！一個拼盤有齊牛舌心、安格斯手切肥牛、牛胸爽、牛頸脊同霜降牛粒。當中對牛胸爽最感興趣，見佢白雪雪，一開始以為係脂肪，原來係牛胸肋骨中間的軟骨部位。食落好爽口，好重牛味。安格斯手切肥牛焯幾焯就食得。霜降牛粒雪花靚，入口柔軟。黑松露蟹肉餃，好濃嘅黑松露味，甚至濃到隔離個fd食我都聞到。上方係皇帝柱貝墨魚丸，真係有食到成粒嘅柱貝，用料唔馬虎下方係芝士蝦丸，係新鮮蝦膠包住芝士粒。食嘅時候會爆醬嘅芝士，要小心！蝦膠本身都彈牙。自家製響鈴大大件，厚身，建議比一般嘅焯多陣，就更吸湯。由於較厚身，更容易控制時間，做到外面吸湯，入面個層仲做到少少脆嘅口感。整體黎講，食物尤其丸係有心思。冬天活動好似咁樣一路慢慢食好西，一路吹水，都係一個好選擇。

又到左天氣凍凍打邊爐嘅季節！人地推介係銅鑼灣樓上嘅一間火鍋店唔係任食 但係食材高質一黎到首先揀醬料 都多選擇但如果有埋xo醬就好😂火鍋湯底同食材選擇佢個佛跳醬鍋真係好吸引😭但真係叫唔落手最後揀左鴛鴦而其他食材d價錢都偏貴有得飲啤酒係重點！不過我覺得竹蔗茅根都正~呢個牛拼盤真心失望左300幾蚊但係咁細碟。。。雖然肉係靚嘅 食落牛味都好香 不過就細份d黑松露蟹肉餃！！呢個推介好食之選 貴得值得~松露味夠哂香 皮薄呢個都係我嘅飛佛咸蛋魚皮😍佢炸得好脆 而且大份 我覺得好抵 雖然真係好肥仔午餐肉都好食其他就無咩特別喇烏冬係想食飽個人🥲總括黎講 可以一個月放肆下一次嘅食材係高質唔差 但偏貴左d

尋日氣溫驟降, 朋友話咁凍不如打邊爐, 諗來諗去都好掛住銅鑼灣胡爐個鮮椰青雞鍋鮮甜滋潤而且冇咁熱氣, 一於book位啦同以往一樣, 侍應會喺我哋面前炒雞 落酒點火🔥港女又可以影相呃下like 📸重點要加入一個新鮮椰青, 湯底立刻清甜好正啊立即飲咗兩碗蟹籽蝦丸 自家製韭菜餃各半份韭菜餃味道突出 蝦丸彈牙✅脆鯇腩 新鮮爽口✅稻庭烏冬廣島號 Size適中 鮮甜又唔腥✅飛彈A5和牛 牛味濃郁, 雪花分布平均好嫩滑,絕對對得起價格✅酥炸午餐肉 真係即叫即炸架唔似出面有d店舖系返炸我最欣賞個鮮椰青雞鍋✅ 而其他食材都真心唔錯 值得再來

胡爐, 打邊爐既好選擇因為我實在太鐘意打邊爐啦, 即興咁約埋同事收工去銅鑼灣打個邊爐. 好好彩可以即日預約到”胡爐”. 一出LIFE就見到勁多酒放左係門口, 好有氣派.入面既裝修以木造為主, 我地坐左2人枱兩邊仲有木屏分格, 私人度極高, 可以暢所欲言呀! 因為2人枱既關係, 餐廳提供左食物架比我地擺放食物, 非常貼心.醬料有8款可以比我地選擇, 而且感覺好乾乾淨淨.因為同事好鐘意食蕃茄既關係, 我地叫左個鮮蕃茄蓉牛腩鍋, 蕃茄味好濃郁, 令我最驚喜既係湯底既牛腩都好好味.打邊爐邊少得食肥牛呀,叫左份手切頂級安格斯肥牛,雜菌拼盤, 黑松露蟹肉餃, 手打牛肉丸, 仲有一份稻庭烏冬. 肥牛同手打牛肉丸真係無得頂, 牛肉味非常重. 黑松露蟹肉餃真係要讚, 因為餃子皮非常滑同厚度岩岩好, 滾完都唔會爛.我地仲叫左芝士腸, 試多左款餃子”自家制韮菜餃”同手打墨魚丸, 當然仲有打邊爐要飲既竹蔗茅根水. 因為餐廳每樣既份量唔多, 所以我地可以叫得比較多款式, 而且不會浪費仲食得哂添.

呢兩日天氣真係涼左，搞到我好想打下邊爐😂😂朋友話聽人講胡爐幾好食，叫我去訂枱，所以就揀左銅鑼灣分店！🐔佛跳牆雞翅鍋 HK$398其實呢個湯底都幾好，佢冇花膠湯一般咁濃味，但就有佛跳牆嘅清香！仲有隻好大嘅鮑魚同埋原隻雞！湯頭黎講飲落都幾清甜！真係十分推介！🥩手切頂級安格斯肥牛 HK$248見到佢啲油紋真係不得了！而且肉質比較厚實，仲要一咬啲牛香味同油花出哂黎🤤🐮牛胸爽 HK$187唔係朋友介紹，我都唔知有呢個部位！呢個部位口感幾得意，咬落好爽脆，好似竹笙咁，但係又係牛黎喎！ 而且份量都幾多😚🐷匈牙利鬈毛黑豬豚肉 HK$208好少食打邊爐塊豬係咁大塊🙈而家真係好厚肉，食幾塊都真係會飽左，愛肉人士必叫！🦐XO鮑魚蝦餃王 HK$58我地叫左半份餃，有四隻！食到好香既XO醬味，反而朋友就對佢麻麻😜😜🍹竹蔗茅根水HK$68🥒萵筍片HK$58🥓酥炸午餐肉HK$68

天氣開始凍，於是就同屋企人出街打邊爐，今日嚟到呢一間位於銅鑼灣嘅火鍋店，環境古色古香，幾有風味。餐牌方面，食物款式都幾多，除咗有火鍋配料，都會有啲小食同埋刺身。胡椒豬肚花膠雞鍋湯底幾足料，胡椒味幾重，飲完個身好溫暖，都有幾多雞、花膠同豬肚，雞肉新鮮嫩滑，花膠都幾大塊，口感爽而滑溜 ，豬肚處理得幾乾淨，幾爽脆。黑松露蟹肉餃餃子皮厚薄適中，食到啖啖既蟹肉，黑松露味幾出，但又唔會話蓋過晒蟹肉嘅味道，唔錯。XO鮑魚蝦餃王蝦餃王嘅餡料幾飽滿，蝦肉新鮮有彈性，鮑魚口質煙韌，配埋XO醬，層次感好豐富，而且幾惹味。芝心墨魚丸口感實淨而且彈牙，食到墨魚嘅鮮味，墨魚丸包住流心芝士，芝士味都幾濃郁，唔錯。香菇韭菜帶子餃帶子幾腍，配埋香菇韭菜，味道幾夾同食落更加香自家製響鈴大大條，炸得好香脆，唔會好油膩，索湯汁一流 日本版出前一丁打邊爐邊少得出前一丁，仲要係日本版嘅出前一丁，軟硬適中，配埋湯底一齊食，正！

胡爐，位於鍋鑼灣耀華街百樂中心，餐廳走中高價特色火鍋路線，特色湯底食材用料等等，都非一般傳統中式火鍋可比較。餐廳湯底選擇確實非常多，豐儉由人，是夜選擇蕃茄龍蝦海鮮鍋，店員會先略炒龍蝦大蜆等海鮮，加入白酒後點火，再加入蕃茄龍蝦濃湯，酒香撲鼻，湯底味濃而鮮甜。餐廳選用食材亦相對高級，手切牛頸脊油花分明，肥瘦適中，肉味濃而且有咬口。餐廳處理海鮮食材亦相當放心，蟶子處理乾淨，泰式生蝦，配泰式酸辣汁，生蝦新鮮爽滑，醬汁開胃。黃金魚皮：即叫即炸，香脆惹味。

唔知點解一到秋冬一岀街食飯就想食打邊爐😛今日約左朋友去銅鑼灣拎番個修理嘅袋，咁就睇下係附近搵左間邊爐食，見到呢間咁多正評就book左位黎試下😛·湯底 - 金翅花膠乳鴿湯 （$328）見到佢個湯料咁名貴，就叫咗黎試吓👍🏻真係有名有實，入面最少有6,7件花膠，仲有幾條翅，仲有成隻乳鴿👍🏻湯料咁足就知唔係味精湯底，我同朋友放野落去淥前都每人飲咗兩碗湯先👍🏻牛骨汁牛丸 （$88/份）牛丸好岀色👍🏻一咬落去真係有爆汁嘅感覺，充滿住牛味👍🏻👍🏻黑松露蟹肉餃 （$68/半份）餃子一食落去就好香黑松露味👍🏻而陣味係會係個口入面有回香嘅感覺，朋友同我都好鐘意👍🏻紫菜響鈴（$88/份）本身我個人唔係太鐘意食響鈴，因為好怕成口油嘅感覺，但朋友鐘意食咁就叫黎試下啦，點知真係一試就愛上，紫菜響鈴好脆👍🏻食入口好香紫菜味，又唔太油膩，份量每人有3條，岩岩好👍🏻厚切萵筍片（$58/份）+ 蓮藕片（$48/份）菜類個人覺得係不過不失啦，但份量都好夠👍🏻加埋個湯食落去啲菜類都幾甜稻庭烏冬（$38/份）因為個湯底太正，所以同朋友忍唔住叫多咗個烏冬，好似湯鳥冬咁食👍🏻👍🏻👍🏻我地煮得岩岩好，烏冬都爽口👍🏻·竹蔗茅根水（$6

招牌龍蝦海鮮鍋當然一流，這次嘗嘗胡椒豬肚花膠雞鍋，原來都很有水準。胡椒味超足夠，湯濃適宜先來一碗開胃，豬肚爽脆，雞嫩（記得不要煮太久，到點先撈起）。飛驒A5和牛，日本和牛出名油脂，若涮久了點，也不影響質感。牛胸爽，有厚度，大大塊。蟶子皇，必點，新鮮爽脆，清洗用心。自家製韭菜餃，不俗，除了未夠漲卜卜外，韭菜味道濃。泰國生蝦，醬汁有當地風味，蝦肉生鮮。2人光顧，點餐如下：胡椒豬肚花膠雞鍋蘇格蘭特大蟶子皇 x2飛驒A5和牛（小）牛胸爽自家製韭菜餃（半份）手工魚皮餃（半份）鮮淮山冬瓜片豬潤麒麟生啤泰國生蝦加一后，合共HK$1,531。