肉餅哥小炒料理 (已結業)

見肉餅哥咁多好評，今日專登去試下，等左25分鐘先有位，諗住唔緊要，好食就得啦，之前睇食評，見好多人食龍蝦肉餅，話啲龍蝦肉又多，仲有一大對箝，啖啖肉咁，諗住唔好執輸叫返份。點知個肉餅一上枱，火到黎，點解? 點解無左對箝架? 我立即問職員啦，佢地話對箝唔一定有，下? 之前個個openrice post，啲相全部都有對箝，到我食就第一個無? 唔係化? 明顯係佢地開始偷工減料，之前一隻龍蝦做一個order，而家扣起左對箝，留返對箝啲肉，咁一隻龍蝦可以做多幾份肉餅啦，真過份! 一定無下次!

朕呢幾日食得太多山珍海味，諗住晚餐食番平凡啲，朕就叫隨從幫朕Check下有咩好食，隨從就Check到話呢間肉餅哥呢期新開，口碑不錯，於是朕就去試下，點知⋯⋯朕去到門口，見到要等位，香港人最叻就係排隊同等位，朕七點幾去到，要等十個八個是很正常的，食好西就緊係要等架啦，等左差不多半個鐘，終於有位，入到去見下個餐牌，朕既然要食番平凡啲，就一於食鹹魚煎肉餅啦，隨從就話食好西，要龍蝦蒸肉餅，唔知係咪七點幾，時間"太太太晚"既關係，龍蝦蒸肉餅己經無得賣，隨從本著一定要食好西既忠旨，就叫左個"黑松露帆立貝肉餅"。肉餅可㨂蒸或煎，飯亦可以轉油飯或菜飯。等左一陣，朕既鹹魚煎肉餅黎喇，朕急不及待一試肉餅哥既肉餅，一咬落去，朕仲以為咬左落舊粉度，唔知係咪太好生意，啲豬肉唔夠時間手剁，直接用機碎豬肉既關係，所以就加多啲生粉黎攪，諗住會彈牙啲，定係（生粉，生粉，生粉，因為生粉係重點，所以說三次）諗住咁就真係彈牙啲！！！朕今餐就真係食得平凡啲，鹹魚菜飯，唉！舊肉餅就真係⋯⋯朕心諗，可能係啲粉攪唔勻啫，仲有個黑松露帆立貝肉餅，諗住可以俾個幾會佢⋯⋯黑松露帆立貝肉餅上枱，朕同隨從都有少少懷疑，因為睇人地之前啲Post

之前經過好多次，最近有報導。我昨天留意啲裝修幾靚，決定入去試下。因為無乜人，坐四人枱，但見對面長枱，啲位重迫過屋村車仔麵檔，心諗食飯時間不要來。點了蟹蓋蝦膏煎肉餅，配凍朱古力。朱古力先到，甜過清水少少。用外買例湯兜裝飯，飯用料極一般不過唔係最差嗰啲，無汁，完全無好感。主角肉餅，完全無蟹肉，完全無蝦膏味，因為蟹蓋細，肉餅就只有盅頭飯肉餅既1.5倍到啦，但個餐$61喎！我食完全無飽既感覺，個飯係好鬆所以好少。肉餅質感似肉泥，完全未起膠，重有少許生（但不嚴重）。總之我不會再去，最後明白點解隔離格，食到一半就唔食！咁多正評，相信大部份是自己友寫的吧！

肉餅是我其中的最愛，一來啖啖肉可以滿足我這個食肉獸，二來可以拌飯吃，簡單又美味。所以看到肉餅哥這個名，其實已經很有好感。本來以為只賣一些傳統肉餅，例如梅菜肉餅，土魷肉餅，想不到原來除了傳統的肉餅，還有很多新潮的食法例如羊肉肉餅，反沙芋肉餅。最後我選了原隻新鮮龍蝦肉餅，肉餅可以選煎或者蒸，健康一點就選了蒸的。而飯亦可以揀白飯，油飯，菜飯，但我不愛飯入面有其他東西，就選了最簡單的白飯肉餅未上之前先有例湯，菜乾湯水準很高，拍得住家中煲的。而且沒有一點味精的味道，對平日沒有太多湯水的我，簡直是BONUS。龍蝦肉餅入面真的有很多龍蝦肉，味道很鮮甜，而且內有加馬蹄，口感不會太單調。本來以為龍蝦只是用來拌碟，已經沒有肉，但原來龍蝦鉗是未拆肉的，很驚喜。味道方面，可能是蒸的關係，味道比較淡，不過有自家製甜豉油可以任加。整體食物不錯，有龍蝦有湯都只收$98，很抵食。而且店員服務很親切，無論點餐，收銀都面帶笑容，是一間很有誠意的食肆。下次再回去試其他肉餅。

下午時分，於荃灣與客戶開會後，已是三時多，還未吃午飯，就隨便於附近找點吃好了。老遠看見一間掛著「肉餅哥」招牌的食店，賣著家常肉餅的專門店，感覺吸引。 步入店內，因午飯時間已過，食客比較疏落。坐下來可以慢慢地挑選，單是肉餅已有三十多款選擇，由最家常傳統風味、創意組合風味、到最尊貴奢華風味的，確實沒想到，肉餅原來可以有這麼多元的變化，而且肉餅亦可選擇蒸或煎的，就連飯底亦有多種選擇，白飯、菜飯、油飯等⋯還有可配薑蔥撈麵、稻庭烏冬以及漢堡包。細看之後，選擇了帶著一點奢華口味的，煎鮑魚雞粒肉餅配菜飯，約十分鐘，肉餅由店員原煲端上桌，單看賣相已滿分，造型工整的肉餅，煎得金黃香脆， 鮑魚邊位焦香，原隻放於肉餅面，香氣隨著熱氣陣陣撲鼻，咬下一口鮑魚，不油不韌，肉餅亦滲著淡淡鮮味，配上菜飯，口感豐富，非常美味。 再追加了一個涼拌青瓜，蒜蓉風味的青瓜，口感爽脆，但味道較為淡口。 餐後就來點杯熱檸檬茶，醒神又醒胃，否則，吃下了一個這樣豐富滋味又飽足的午餐過後，睡魔豈能不急Call。

店家位置不顯眼要不是座小巴經過看到，也不易發現這天特地過來看看，店員說還在試業中晚餐價錢不算貴，那就進去試試看！肉餅種類很多，而且可以選擇煎/蒸更可選白飯 /菜飯/ 油飯 / 撈麵 /漢堡包除了肉餅外還有小食跟小菜！原隻龍蝦肉餅$98肉飯兩邊煎得香脆裡面配以 一絲絲的鮮拆蟹肉 肉質結實，鮮甜惹味芝士流心肉餅 $58肉餅質感較黏綿 把流心芝士融入肉餅之中，味道不錯！

喺附近探朋友,之後諗住留返愉景新城食飯,點知經過呢間鋪頭見到個名好搞笑,叫做肉餅哥,望下個餐牌啲肉餅真係好搞笑!你諗得出諗出嚟都有,見又唔洗等位,就試吓佢係咪真係咁得意先~ 餐牌有幾十款肉餅,真係花多眼亂有啲你真係估佢唔到咁都可以用來做肉餅,經過一輪精挑細選之後我決定咗要原隻新鮮龍蝦蒸肉餅,配油飯,究竟係龍蝦定係肉餅呢??真係好緊張吖~~~ 有例湯一碗 應該係西施骨煲紅蘿蔔粟米,粟米仲好甜添~等左15分鐘左右,肉餅終於送到啦,真係好驚喜呀! 個肉餅嘅前面有龍蝦頭,後面仲有條龍蝦尾既殼添!當然唔少得兩隻龍蝦鉗喇!真係霸氣嘅表現! 先試下肉餅,真係冇花冇假,堅係有龍蝦肉!架仲要冇整到老晒,龍蝦肉既比例都幾多,肉汁流左個油飯入面,連個飯都好好味!你面有支甜豉油,加少少成個飯既風味又唔同晒,帶出咗個肉餅既鮮味!呢度我真心覺得佢得意!而且仲好好味唔係得個樣,我一定會再黎試佢其他肉餅!我

今日下晝放飯，老闆話請客，想試下公司附近新開嗰間肉餅哥。其實，真心麻麻地想同佢食飯，但係佢叫到又點可以 Say No。嘩！呢間餐廳雖然係新開，但係都幾多人，睇落好似好普通，只係食肉餅，但其實都幾有諗頭，淨係肉餅，已經有勁多比你揀。好，既然有老闆照住，梗係要比足面，食豪D。就決定叫個從未食過嘅，龍蝦蒸肉餅跟白飯，肉餅送到離，真係嘩咗一聲，個樣超豪邁兼豪華，仲引離好多艷羨目光，估唔到成隻龍蝦上碟，拆咗D肉用離刴肉餅，而個箝仲有大大嚿肉，比你過足手癮，肉餅裡面仲有啖啖龍蝦肉，好彈牙，又有口感，真係好好味，個餐仲有埋例湯同嘢飲，雖然呢個龍蝦肉餅飯個樣真係好豪華，但其實價錢都幾抵食，不過D豉油，如果可以改用煲仔飯豉油，甜甜地，整體嘅味道應該會更加融合。

一直都話荃青區係我環頭，見到有新開嘅餐廳，就緊係要試下啦~本來心諗肉餅有咩咁把閉啊，都係啲中式野，好似土魷肉餅咁，點知上開飯呢到一睇，原來係有原隻龍蝦係上面嘅肉餅，睇落非常有霸氣!!其他仲有啲黑松露帆立貝肉餅同鵝肝肉餅咁，咁特別嘅肉餅，價錢都算幾合理~可惜嘅係…...是日係無龍蝦肉餅，心情即刻跌到落谷底 !!不過黎到呢到又無理由轉場嘅，所以唯有試下啲無咁氣嘅肉餅啦….落完單之後，就有中式嘅老火湯飲，唔知係咩湯黎，淨係知好足料姐，因為我嗰碗有隻無骨雞腳，好有屋企煲嘅味道上到枱先知，凍飲原來係咁大杯嫁，我同朋友就叫咗凍好立克同凍阿華田，不過唔知係咪因為大杯嘅問題，定係啲沖劑嘅份量問題，啲味道有啲淡..火焰鵝肝肉餅搶先登場，其實可以揀要蒸定煎嘅煮法，不過相機行先，一定係煎嘅肉餅顏色靚啲~肉餅上面擺咗幾塊鵝肝，正所謂食肉餅都要食得豪氣啲，塊肉餅係幾有彈性嘅，唔知係咪自家用人手剁嘅肉餅黎，因為比起機剁成嘅肉餅，人手整嘅肉餅口感更加好。而且配嘅唔係白飯咁簡單，有好多選擇可以揀，呢個鵝肝肉餅就配油飯，黃色嘅油飯睇落似係咖喱飯多啲lol (注意，原本係用碗上嫁，係我同朋友自己反轉倒啲飯落隻碟到~)

肉餅~ 深信大家對呢味食物都唔會陌生，無論係屋企或者街外食飯，總之逢親係食中菜嘅都總會食過。而佢對我阿P來說更加有一份親切感，何解？事關逢親去食飯，如果無一味餸係啱阿J食嘅時候，叫個肉餅比佢就最穩陣，包無死。最近發現有一間食店個名叫做"肉餅哥"，咁係咪即係淨係齋食肉餅？即刻帶埋阿J一齊去試！店如其名，呢度真係專食肉餅，大大話話有成32款口味肉餅，仲可以揀配白飯、菜飯或者油飯，真係花多眼亂。一場嚟到，梗係試下新口味啦。阿J鍾意食芝士，所以點了溜心芝士肉餅油飯($58)，而我咁豪邁，梗係叫個夠晒霸氣嘅龍蝦肉餅菜飯($98) 啦。叫完先發覺原來Menu上面寫住肉餅有煎同埋蒸兩種做法，但係服務員又冇問我地，咁即係點呢？一問，原來唔特別講明的話，就會用煎去煮，所以大家落order 時記住要留意啦。而我地就決定兩種做法都試下，芝士用煎，龍蝦就蒸。阿J的溜心芝士肉餅先上，個肉餅好大好厚，阿J 急不及待切開個肉餅想睇下啲溜心芝士，可惜啲芝士不夠熱，狀態保持固體，細問之下原來如果想要溜心效果要蒸先做到，下次知喇！至於味道，肉餅不會煎至過份油，肉味香濃。芝士雖然無溜心，但份量好多，吃蒸的效果應該會好澎湃。

近年社會上都常常聽到保育這概念，保留值得留下傳承的舊東西，不想被現世代超速的節奏洗擦得一乾二淨，又有一撮人提倡單純的保育不合乎經濟原則，不切合大趨勢，要在原有的事物上加入新元素，才能吸引到人們的興趣，才有市場。在食物上，一種大眾化又滿載很多勞動階層午飯回憶的碟頭飯，如果要你為這食物做保育，你會選擇完完全全，毫無改變的把這食物做到最好去逞現給大家，還是在這款食物的基礎上加入新刺激，新元素呢？這是一個食物上的囍帖街和囍歡里的選擇！肉餅飯，大家不會陌生，飲茶時想飽肚會叫一盅鹹魚肉餅飯，在茶餐廳，A-E餐中總常見到一個蒸肉餅，但一間只賣肉餅飯的餐廳就真的比較少見。這間在荃灣區的食店，開業才個多星期，餐廳外門面給你的感覺，彷彿已預告一種平凡的食物，在這裡會用全新面貌出現。餐廳坐位不算寬敞，但絕不會令你感到局促。坐低當然望望午餐menu, 共分三個價錢，$48 會見到一些熟悉的名字，鹹魚肉餅，土魷肉餅，梅菜肉餅; 但再往下看已開始見到一些新奇的名字，泰式冬蔭公汁肉餅，特式果醬肉餅。加多$10，蝦膏蟹蓋肉餅，韭菜蕃薯肉餅，這些名稱已開始勾起你的好奇心。還嫌去得不夠盡？得，有錢好辦事，$98, 火焰鵝

甘岩放工，鬼死甘肚餓，周圍搵下有咩野食。行行下見到新開左間鋪頭，叫肉餅哥，幾得意，又費事再行，就入左去試下。叫左個原隻新鮮龍蝦肉餅，上枱個陣，真係嚇一嚇。成隻龍蝦形，賣相好好。又真係有原隻龍蝦鉗，啖啖肉！個肉餅仲要撈左龍蝦肉，真心正！仲要好多飯，下次兩個人食都得！仲叫左個鹽酥珍寶巨型雞脾，真係好巨型，炸得岩岩好，唔會太老又唔會唔熟。真係好大隻，兩個人都食唔哂！啖啖肉！飲埋杯檸檬茶，捧住個肚走！

星期日去左荃灣探個朋友經過呢間肉餅哥見佢個名好好笑，而且Menu幾特別問朋友佢話餐廳係新開，佢都未試過咁就一齊入左去試下喇餐廳係新開無耐入面裝修雖然唔算好精緻但都幾型，而且感覺好整潔講到明叫肉餅哥呢到梗係主打食肉餅啦呢到既肉餅套餐有3個range:$58、$68同埋$98，價錢都幾經濟由最基本既蛋黃肉餅到無聽過既黑松露肉餅都有肉餅仲可以揀煎定蒸就連飯都有白飯、油飯、菜飯比你揀加加埋埋我諗可以組到百幾個組合出黎唔想食肉餅既話，都仲有小菜可以揀涼拌萵荀 $22小公主好鍾意食萵荀久唔夕會叫呀媽整黎食見到呢到有，又點可以唔叫但係，原來呢個涼拌汁入面加左wasabi架建議唔食wasabi既朋友要小心 (即係我T.T)朋友食到就話覺得都幾有新意而且萵荀好嫩，爽脆無渣潮州家鄉肉餅(煎) + 油飯$68我地叫左2個肉餅Set share肉餅入面有韭菜、花生、馬蹄、沙葛、冬菇之前都無食過咁樣既肉餅韭菜、花生同冬菇令到個肉餅好香而馬蹄、沙葛就增加左口感，唔錯仲重要唔會煎得好油，用黎送飯真係岩哂油飯落左黃姜粉，所以影出黎咁黃味道就不過不失，應該係用海南雞飯醬黎煮原隻新鮮龍蝦肉餅(蒸) + 菜飯 $98咁大個

路過soft opening~  即刻入左去試~肉餅咁老套本來都無咩期望~ 試下招牌野算數~~乾淨~ 企理~ 實而不華。估唔到未正式開已經咁多人!!! 打開餐牌~  全部都係估唔到的組合~黑松露帆立貝肉餅~鮮龍蝦肉餅~~~鵝肝肉餅~~~主要分為$68   $98有三四十款, 但當日好多野都無得叫~ 但都係有好多好多好多野想食~ 最後點左~芝士流心肉餅~話係流心, 諗住佢係拉絲既~ 但拍片失敗~一食就知, 拉絲通常用mozzarella, 拉得好長, 但無咩芝士味~而呢間餐廳用芝士味濃的芝士~ 令味道更好~~~蟹膏蟹蓋肉餅~~~唔洗講野~ 睇個樣都知佢足料~ 正野喇=]可配白飯, 菜飯, 油飯~仲可以跟埋漢堡包!!  超神奇!但太肚餓好想食飯~下次一定要試漢堡包~反吃指數非常高~ 

呢間肉餅哥既肉餅並唔係傳統食開既肉餅，佢係加入左好多唔同種類既食材混合埋一齊，聽落唔只創新，賣相唔只吸引，食落都非常正！ 今次同朋友黎到食左個鵝肝肉餅， 肉餅入面混合左豬肉，鵝肝粒，食落好香口，鵝肝味都十足，非常足料！因為佢地既漢堡已售完，所以未能一試肉餅漢堡，可以比多次籍口再黎食🤗 小菜方面叫左個芥末木耳，勁香蒜味同埋陳醋味，雖然唔係好食得出芥末味，但木耳好爽口，非常開胃！啫啫生菜煲黎到散發超香既蝦醬味，生菜係煲入面啪啪作響，生菜香脆惹味，熱辣辣，份量幾多！👍🏻