肉餅哥小炒料理 (已結業)

這家到友人家附近新開的肉餅哥共晉午餐。由於只開張數天，桌椅新簇簇的，裝潢走樸實風格。一如有趣的店名，裡面賣的是各款特色餡料的肉餅飯，也有其他小食小菜可供選擇。先奉上餐湯是無味精的，很有家庭味道，有雞腳與粟米，甜甜的，適合冬天暖暖胃。點上了的是肥人勿近的流心芝士肉餅($58)，自選配搭感覺較健康的菜飯。把流心芝士融入肉餅之中，相當新穎，選擇了煎的方式(亦可選擇蒸肉餅)，放上一片生菜在底部吸油。外層有點油膩而內層的芝心嫩嫩的，肉餅質感較黏綿，有種與芝士融為一體的感覺，整體口感滑嫩又柔軟。菜飯的份量驚人，即使是男朋友也吃得滿肚鼓鼓的，一口肉餅一口菜飯，有種減卻油膩的舒緩。飲品方面，附送的熱飲可選檸茶檸水以外，我選上了好立克也有不錯的減油膩好處喔！

真係幾有創意，用肉餅黎做主題，既然黎到荃灣經過真係要試試。睇睇餐牌，果然係多數餐都係肉餅配上不同材料及口味，而肉餅亦有香煎及蒸嘅整法。今次叫咗兩個特色嘅肉餅飯再加菜。第一個飯係原隻鮑魚雞粒香煎肉餅配上菜飯，肉餅煎得好靚又香口，菜飯可以有D菜平衡一下，好味。另一個係原隻凡立貝黑松露香煎肉餅配上油飯，黑松露加落到肉餅再煎，食上口每一口都聞到黑松露嘅香味，配上肉餅非常好味，真係色、香、味佳全，油飯比起海南雞飯乾身唔會好油。餐會連例湯，例湯應該係票栗子煲廋肉，冇味精、住家湯feel。加咗個啫啫菜煲，呢個好好味，因為通常啫啫菜煲一般都偏濃味，呢度味道剛剛好不濃而野味。

今日黎到荃灣工作,又放中午飯的時候,個同事講開依頭開左間新餐廳叫肉餅哥,話不如去試下!甘同事帶我行過2條街唔洗10分鐘就黎到,我見地方整潔而且又大,見菜牌先知,依度唔止有各種肉餅飯,另外重有炒小菜我點左火焰鵝肝炸肉餅飯,黎到香味巳經好勁!肉餅食落肉味濃香,肉汁豐富,外層因炸過脆口,大大增 加口感,鵝肝嫩滑夠香,兩樣夾住食味道非常特出,脆軟入味!

咁岩係荃灣呢邊放工，又醒起朋友仔之前話聯仁街個邊有間新餐廳，一於去試下先。始終新開，同唔太近大街，晩飯時間未算多人。叫得肉餅哥，主打梗係肉餅啦，就咁望menu 應該都有幾十款。黑松露帆立貝肉餅估唔到肉餅都呢兩樣食物都夾得埋。配左個菜飯（本來想要蔥油撈麵，可惜暫未有提供）。肉餅可揀煎或者蒸，煎會香口D，所以諗都唔駛諗。我以爲帆立貝切碎混入肉碎中，點知佢仲有原隻帆立貝跟埋，煎得很香，肉餅亦加入左黑松露，雖然是煎的，但不會過油。揀左菜飯，但見人地食個油飯都好吸引呀！鹽酥珍寶巨型雞脾諗住都係普通雞脾啦，點知上台超級巨型！雞脾上面鋪滿味粉，夠惹味。外皮炸到脆卜卜，入面D肉尚算嫰滑。最後黎杯凍奶茶，偏奶偏甜，但係我喜愛既口味。

今日朋友帶路，來到荃灣一間肉餅專門店一試肉餅料理。朋友是肉餅迷，對肉餅愛不釋手，知道有間肉餅專門店當然要捧場一下。 晚市來到，肉餅選擇非常多，我都心大心細。 黑松露帆立貝肉餅。松露香氣撲鼻，味道不算太濃郁，但每一口都有輕輕的松露香。肉餅軟腍入味，唯獨帆立貝只有有一隻，我吃了朋友就無。 原隻新鮮龍蝦肉餅。賣相誘人奪目，原隻龍蝦上枱，夠哂霸氣。可惜龍蝦肉份量太小，一兩口就吃光。肉餅中混入小量龍蝦肉，口感彈牙微微鮮香，份量太小就是了。⋯朋友滿意的肉餅晚餐，我覺得定價較貴。

見到屋企樓下開咗間新餐廳，就同屋企人去試下。先點咗小食，涼拌青瓜，份量好足，皮有一韌，但味道取勝！超香的蒜味，加埋酸酸的醋好醒胃！之後點了一個小菜，是啫啫菜煲用熱辣辣的砂鍋上，這道菜非常惹味，一打開蓋就香氣撲鼻！渣渣聲，令人食指大動！菜也是非常新鮮的，爽脆，充滿水份，蔥蒜的香味也是令人不想食。之後就係期待已久既黑松露帶子肉餅！肉餅放响帶子的貝殼上，肉餅又放着大大粒的帶子，賣相很好。聞都聞到黑松露的香氣，肉餅內仲有細細粒既帶子，肉餅既肉質鮮美，配上彈牙既帶子，令口感更豐富！味道唔太咸，配菜飯食岩岩好，中和油膩感，正！必食推介！

肉餅哥，相當有趣既名，見咁得意就嚟試下啦。點知原來仲係試業楷段。由於係試業關係，某啲菜式可能未有供應，大家要留意下啦。呢度既肉餅可以揀蒸或煎，視乎個人口味。跟餐亦可選配白飯，油飯，菜飯，烏冬，甚至漢堡都得！？勇士們可以一試。涼伴萵筍，本身醬汁芥辣味好勁，我不嬲都食開芥辣都覺得佢有少少過激，後來老闆換左一碟無芥辣既先叫食得到。萵筍本身好爽口多汁，夾埋濃味既醬汁食一流。醬汁偏向有少少酸，酸得嚟又幾好味。唯一美中不足就係有啲萵筍太老，有少少根。主角出場，鵝肝肉餅，原片鵝肝連肉餅一齊煎，肉餅盡吸鵝油香味。我要左油飯，飯本身油香但唔咸，所以唔怕配一啲偏咸既肉餅食。開頭以為鵝肝只有果一片，但原來肉餅入面都有鵝肝粒，好甘香，好正！呢個唔係一般四季豆，係黑松露乾扁四季品，用料一啲都唔少，好勁黑松露味，真係啖啖都有。作為一個四季豆要成７０蚊係有啲貴，但咁多黑松露炒個四季豆，７０蚊就好抵啦！呢度餐牌足足有３２種肉餅可以揀，由酸既果味，到甜既反沙芋味，又有咸既黃金蛋黃味，去到鮮甜既龍蝦都有！要幾大膽有幾大膽，真係去多十次都試唔晒。

知道最近荃灣開咗新店肉餅哥, 初初並沒有對肉餠抱太大的期望，嘗了一次之後之後覺得可以再試！先來吃了一個小食芥末木耳，木耳十分爽口加上大大量蒜粒配合芥未，味道非常濃郁，也加了陳醋，酸酸辣辣的，作為前菜實在令人胃口大開！ 之後點了飲品利賓納，這裡的冷飲比較化算，熱飲相對較細杯。 還點了一個小菜，這是黑椒牛柳粒薯仔，大推介！牛柳粒非常入味和嫩滑，咬開後的肉還是粉紅色的。薯仔粒也要大讚！與其說是薯仔粒更加像是薯條，像是一粒粒被切碎了的超厚薯條，外皮十分脆，內𥚃是薯蓉，超可口！這是一道超超惹味的餸菜，少少辣，香口的黑椒，蒜和蔥更令人回味無窮。配着白飯吃是一流。之後終於來了肉餅！初初以為平平無奇，但原來試過令人想一試再試。這個是鵝肝煎肉餅，我們配着菜飯一起吃。肉餅十分香口，除了面頭有兩片鵝肝外，肉餅也混合了一些碎的鵝肝粒，味道甘香，肉餅更是既香口又充滿肉汁，不會乾也不會散開。配著大大碗的菜飯吃更少了肥膩的感覺！ 不得不提的是餐湯，足料老火湯，味香也不過咸，飲完不渴，沒加味精👍🏼

去完日本好掛住香港嘅住家飯，今晚一定要吃番香港野，今晚走到一間吃肉餅的小菜店，肉餅正合我心意！ 它的名字叫肉餅哥，有點親切！由細到大家中也會吃到土魷肉餅、梅菜肉餅、咸蛋肉餅、榨菜肉餅、馬蹄肉餅、咸魚肉餅、冬菇肉餅，但這家肉餅哥小炒料理嘅肉餅不單止一般家常蒸/煎肉餅咁簡單～ 有高貴版肉餅餐每款98蚊如：火焰鵝肝肉餅、黑松露帆立貝肉餅、龍蝦肉餅、鮑魚雞粒肉餅、瑤柱蛋白肉餅；家鄉風味版肉餅如：潮州家鄉肉餅（馬蹄沙葛花生韮菜冬菇）、反沙芋片肉餅⋯當然都有經濟肉餅套餐$58/$68款。原來此店仲係新開試業，明天先正式開業喎肉餅類全是套餐，跟白飯/菜飯/油飯/漢堡包/烏冬/薑蔥撈麵，但試業期間暫只有飯類提供，所以無得試漢堡包同烏冬了⋯揀了鮑魚雞粒肉餅菜飯和黑松露帆立貝肉餅油飯，跟例湯和熱檸賓。例湯係粟米栗子湯，太耐無飲中湯⋯極期待 個湯係無落味精，夠料夠味 個熱檸賓仲幫我篤埋檸檬，唔該晒，利檳納夠味唔會淡茂茂 我個鮑魚雞粒煎肉餅菜飯～原以為好似土魷肉餅咁鮑魚粒混在肉內，原來係雞肉粒肉餅上有隻鮑魚，鮑魚夠入味又夠林，雞粒肉餅煎得夠香口味道適中 黑松露好出，黑松露都唔少，好香

荃灣見到間新開既肉餅店，店鋪望落好光猛，menu 菜色非常特別，即刻入去試下先 肉餅都可以同高貴食物mix and match,價錢又唔貴 多款新潮肉餅可以選擇 呢個係黑松露帆立貝肉餅，黑松露加帆立貝再混合埋半肥豬肉，肉餅更惹味，松露味好濃，口感好彈牙，必食！ 黑椒薯仔牛柳粒，薯仔外脆肉軟，好似食緊焗薯皮，牛柳粒好嫩滑，炒得好入味，好味到唔停口，必食涼拌青瓜，好香蒜味，佢地應該加入陳醋做醬汁，酸酸地，好開胃 總括黎講，呢間餐廳食物新穎，價錢又唔貴，非常值得一試，一定會再黎食！

星期日同太座落街食LUNCH,發現一間開業數天,主打肉餅的小店,又近屋企,所以就去左試試門面都算搶眼餐牌真係有多款肉餅俾你揀內在裝璜都算整潔寬敞叫左野飲先點左XO海皇醬帶子肉餅,其實可以選蒸或者煎肉餅.我選了蒸肉餅和菜飯(其他應該有烏冬同漢堡,不過新開業仲未有提供)塊肉餅幾大塊,XO醬微辣,都算惹味,肥瘦肉都算均勻相間,表面上有一層薄油,肉味還算香口平時上班食LUNCH多過好去處,都算係一間有特色賣店的食店,有時間再試,因為見到隔離枱煎流心芝士肉餅厚好多,下次再試.

香港被譽為美食天堂，當然雲集了各式美食，在琳瑯滿目的餐廳中，要突圍而出，真的一點也不容易，作為一家新開業的廳餐，就不得不靠點綽頭來吸引食客。BeautySearch 在前公司工作了7年，四周的廳餐幾乎也嚐得七七八八，最近，重遊舊地，就發現附近新開了一家《肉餅哥》，門面甚有特色，而木板作牆身，有點田園感覺。門外還有大大的Menu，告知我這家店子的賣點就如同店子的名稱，以「肉餅」為主打，而且並非一般傳統的肉餅，好奇心驅使下，BeautySearch 決定今午就在這裡開餐。細看餐牌，作為午餐，這裡的選擇可不少，而 BeautySearch，早已決定來吃特色肉餅，當然集中看看有關「肉餅」的午餐，最後我們點選了「瑤柱蛋白肉餅」及「原隻新鮮龍蝦肉餅」。店內的裝潢同樣以木為主，給予我的感覺有點 FUSION，既有港式老店的香派；又有日式的和諧，總括來說，都是舒服的，尤其面向門口處設有一排大玻璃門，眺望街外，感覺份外閒息！午餐均附送餐湯，而當日的餐湯我猜想是「青紅蘿蔔煲豬骨」，店員把湯揣上桌時，熱騰騰的，還冒著輕煙，而且，還即時看到豐富的材料，非常充足。入口清甜，加上是奶奶最愛煲的「青紅蘿蔔煲豬骨湯」

身為荃灣人，荃灣新開的食店必定要一試，這間肉餅哥，位處偏僻，就在爵悅庭斜對面，主打鬼馬肉餅，可以配菜飯油飯白飯等等， 肉餅可以選擇煎或者蒸，肉餅數量多，一時間真是眼花繚亂， 見到有果醬蒸肉餅，相當古怪，但是我真的不敢一試，最後選擇了九十八元的龍蝦肉煎肉餅.來的時候相當驚訝，份量相當驚人，龍蝦頭放在鍋上，的確特別，配合油飯賣相已經相當出色，肉餅配合龍蝦肉，相當爽口，而且肉餅也相當入味， 選擇了煎，十分香口，可以說是外脆内嫩。 本人必定會再嘗試其他鬼馬肉餅，這間肉餅哥是非常值得推介的新店。 說實話九十八元，性價比真高,哪有不吃的理由呢。