肉餅哥小炒料理 (已結業)

肉，有很多種食法，啖啖肉的牛排或豬排等當然最上乘，整條骨架焗或切粒炒亦不錯，但若然牙齒想偷偷懶，剁碎做肉餅就最好不過，尤其現在只需要一個磨肉機，手剁功夫亦可省。西方人有 meat loaf 或meat patty 的做法，我們廣東人喜歡蒸肉餅，一般加進馬蹄及土魷增口感丶鹹蛋或鹹魚豐富味道；亦有煎肉餅，吃得最多也許是釀進蓮藕煎，而無論是煎是蒸，向來肉餅跟白飯皆是絕配。肉餅的材料一般是豬肉，因此賣不到高價，在租金昂貴的香港，食肆少有推廣；但近日，竟然有店主生了個奇想，開了家以肉餅為單一食品的專門店，起初，我未有想像到可有任何吸引之處，直至看到朋友的FB post， 這個原隻龍蝦肉餅，實在吸晴，一見傾心，復活節假期留港消費，那就把它放在首天的行程中。 中午一時多到達肉餅哥，門前已有人龍，新開的店，似乎頗受歡迎。 看門外肉餅餐牌，竟然有三十二款配搭之多，老闆真有創意！有些真是估佢唔到，例如泰式冬蔭公汁丶特色果醬丶桂花蜜糖丶蝦膏蝦蓋配！不止於此，肉餅可配白飯丶菜飯丶油飯丶薑蔥炒麵或漢堡包，各款皆可選擇蒸或煎，清淡香口皆有。食客流轉頗快，十五分鐘左右已經有位，這個生意模式＂掂＂！ 店內無將別裝

黑松露帆立貝肉餅($98)配例湯及菜飯肉餅選了煎的上，肉餅放在帆立貝的殼上，未吃已聞到黑松露的香味，上面放了一隻帆立貝，也不小。咬下肉餅還能吃到帆立貝粒在內，足料呢。肉餅外脆內裡相當多肉汁，但由於煎的關係，有點過油。皇牌流心芝士肉餅($58)另一平價一點的選擇，肉餅選了蒸的，芝士夾在肉餅中間，夾開沒有想像中的流心，但吃下芝士味道也是挺出的，蒸的肉餅較香滑，沒有那煎的油膩感，多了一份住家飯的感覺。但這肉餅多吃還是會很飽呢，可以2人分享。

蒸肉餅平靚正，配白飯一流，實屬男人的浪漫，現在肉餅亦可以升呢，專門店都有喇！！有32款肉餅揀，望兩眼，已經知道，＂易發＂號的火焰鵝肝肉餅一定無錯。都唔可以太過份啲，配個菜飯，都好大碗，有唔少菜。鵝肝同埋肉餅預先煎香至有啲焦黃，食落特別惹味，鵝肝好油潤，入口即溶，肉餅軟滑濃味但無過鹹，送飯真係超夾！個餐配個湯，承惠$98，菜飯加$2，剛好$100，無加一。下次要試吓配漢堡包啲效果，現在尚未有供應。

龍蝦 肉餅 大愛 必吃肉餅哥主打肉餅，款式好多啊！有數十款，大部份可選擇煎，蒸，能白飯 ，菜飯，烏冬等！點左個超級吸引的原隻龍蝦肉餅$98$98 原隻龍蝦拆肉整肉餅，听到都好開心呀！本身以為龍蝦細細隻，點知見到真係開心到飛起，鐵鍋上的龍蝦肉餅，隻龍蝦個頭同尾已經超越了鐵鍋的邊際，很大隻啊！我點左煎嘅肉餅，再配上湯烏冬，煎龍蝦肉餅超多龍蝦肉，味道鮮甜得很，而且好夠厚，味道很鮮甜，肉餅絕對香脆多龍蝦肉，震撼的視覺效果，呃like very good .記得食埋個蝦頭蝦尾，仲有超多肉咖！另外蟹鉗一早幫你打碎，輕輕一下，成舊肉就出曬泥，$98 , 係街市都買唔到咁大隻龍蝦啊？！仲有咁好食嘅肉餅，你係咪見到都流口水先？我就流完仲食埋落肚了！強烈建議大家要配烏冬，呢度的烏冬真係幾好味，同龍蝦肉餅好夾，激正！不過龍蝦肉餅製作需時，各位叫嘅話要耐心點等待啊！試業中已經有咁好質素，正式開業要多請人呀！

住係荃灣既我得知開左間專食肉餅緊係要試試啦，7點去到門口好多人等，等10張枱左右，入到入面地方比較窄，我同老公分別叫左咸旦蒸肉餅同土尤煎肉餅，食落去食得出唔係人手，而用機攪，因為無咩口感，同佢鋪頭話用人手既賣點有出入，有d失望....我個咸旦蒸肉餅黎既時候粒咸旦碌左出舊肉餅度而且未夠熟真係無咩特別，所以應該唔會再食了

今日響附近收工, 呢邊唔多食肆, 眼見有間肉餅哥, 個名幾到題, 就去試試先.環境幾乾淨而且仲幾多位, 應該啱晒附近工廈返工既人.有D肉餅晚餐, 材料都幾新穎, 諗唔到呢D材料都可以同肉餅掛勾.仲有小菜可以揀, 可以變餐有埋飯.最後都係揀左晚餐SET, "黑松露帆立貝肉餅"$98, 試左煎肉餅, 因為少D地方有. 帆立貝好大粒, 煙韌彈牙夠鮮味. 而肉餅煎完唔會太硬, 肉質仍然夠嫩, 唔會太多脂肪, 而且有淡淡既黑松露味, 夠特別, 所以唔洗再調味個肉餅都已經夠晒惹味.

和家人到荃灣到工廠區那邊取些東西, 行過發現一間新開的食肆, 還要是專吃肉餅的特色小店, 於是就決定是日午餐就在這兒解決。家常小菜的肉餅我只想到蒸或煎豬肉餅, 想來想去變化也不算大, 但原來入到這間肉餅專門店發現下以有幾十款選擇, 真的十分厲害。可能是週末的午餐時間, 店內不算多, 是一般新裝修的現代茶餐廳, 坐得舒服的。我們還未想好午餐時, 侍應已經送上無味精的"例湯"。粟米紅蘿蔔豬骨湯, 雖然在家也能經常喝到, 味道十足, 很有"家"的感覺, 簡單美味。飲完湯我們亦決定了一個要煎的肉餅配油飯, 另一款要蒸肉餅菜飯。約幾分鐘後皇牌流心煎肉餅配油飯送上, 賣相看起來不錯, 頗大碟的。豬肉餅內有半溶芝士, 令豬肉更加咸香。豬肉餅做得頗為鬆軟, 肉和粉的比例調得不錯。 而且肉餅肉的肉有兩種, 有切小粒的有切肉末的, 增強口感。加上一外層又煎得微香脆, 香口之餘好像令這麽大舊肉更易幹掉。油飯與泰式油飯差不多, 蒜味不算重, 亦不會煮得過淋和油, 幾好味的, 和香口的煎肉餅也很MATCH。見到上MENU 中鮑魚雞粒肉餅飯好像幾吸引, 就來一個豪華LUNCH想不到這個菜飯以煲仔上, 在冬天更能保

知道荃灣新開肉餅專門店, 幾特別的題材, 又覺得熊灰應該幾鍾意食肉餅, 因為他是食肉獸, 就帶他來做白老鼠先。肉餅哥位置有點偏, 近爵悅庭那邊的一些工廈, 由楊屋道那邊行過去, 會經過一些車房。餐廳以木做主題...牆用上灰色, 有點冷門, 灰色給人感覺有點暗沉有點舊。肉餅跟餐有湯飲, 例湯通常都水水的, 但這個卻有驚喜, 看上去已很濃了, 飲落是煲了很久的老火湯味道, 無味精, 好好飲。今晚例湯是青紅蘿蔔煲雞腳, 料都煲到溶溶碎碎, 想必煲了很長時間, 怪不得味道那麼濃郁。涼拌青瓜 $22好多蒜蓉粒粒, 蒜味好強勁, 味道酸酸辣辣, 辣度不算太強, 青瓜爽脆, 不錯的小吃。另外加錢配了凍熱檸賓原隻龍蝦肉餅 $98 (跟餐)肉餅可揀蒸或煎, 猶疑了一會, 受不了煎的香口誘惑, 選了煎的。底下的飯可選白飯、菜飯、油飯, 選了菜飯, 感覺健康點, 又有點咬口, 有點菜香味。肉餅煎得果真香口, 外皮有點脆脆的, 內裡豬肉混入了龍蝦肉, 雙重鮮味, 多汁可口, 加上一些蟹籽, 更有咬口及多了份咸鮮味, 用來送飯一流! 不過煎的始終有點油膩, 下次可選蒸的比較一下。旁邊的龍蝦鉗已被爆破開, 很方便

龍蝦肉餅十分之不好吃沒有龍蝦味！一定是雪藏平價龍蝦！但其他的蒸肉餅不错…… 記得要轉油飯 價格便宜， 但不是想像中的東西……… 蟹蓋肉餅味道不錯 可以試吓！…………………

最近曾吃過元朗屏山老地方茶餐廳的幾個煎肉餅餐，一試難忘。今天剛巧行路過荃灣，看到有一間名叫肉餅哥的新開餐，肉餅癮起，決定午飯在此解決。下圖為室內環境，堂座座位60。入座時間為中午12:30，食客尚未太多，向老闆八了一下，知道原來開業未夠一週。另有一個重要信息在此跟大家分享，店內的豬肉全數向楊屋道的新鮮肉檔採購，然後自家攪碎 ; 此外，98午餐內製作肉餅的元貝及龍蝦，都是遊水活貨。聽罷用料，已知道出品味道不會差到那裏。與屏山的肉餅名店老地方比較，這裏的選擇多出一倍有多，光是肉餅，已有三十二款選擇。跟友人點了兩份午餐，分別是黑松露帆立貝肉餅餐及皇牌芝士肉餅餐。皇牌流心芝士肉餅餐配菜飯 HK$58肉餅可選蒸或煎製，選了煎的，肉味是非常鮮甜，外層煎得香脆，惟可惜之處是煎得不太夠熱，夾層芝士未能熔化。菜飯做得不過不失，乾身，跟菜粒比例均稱。黑松露帆立貝肉餅餐配油飯 HK$98選了煎製，光看外觀，大家可以發現黑松露醬份量不少，除有一顆元貝在肉餅之上外，肉餅內還夾雜不少幼切元貝。吃一口，煎得香脆，肉味鮮甜濃郁，幼切元貝及黑松露醬雖沒有跟新鮮豬肉併發出味覺火花，但三者混合絶對和諧。這肉餅上的元貝煎得有

由細食到大、由以前硬"班班"既肉餅，食到"呀蘇出駕"後，瘋魔全港既阿蘇肉餅，一直以來都以為肉餅係 刴碎豬肉，撈好調味再攞去蒸就可以冇諗過肉餅會咁多變化來到"肉餅哥小炒料理"後我諗我應該要學下煮飯內裏簡約既設計，灰色的牆身掛住細細幅的小畫肉餅種類都好豐富，竟然有34款肉餅選擇，全部肉餅都係配白飯及老火湯加$2可轉菜飯或油飯加$8可轉稻庭烏冬除左肉餅，亦有多款小炒、開胃小食金沙蛋黃肉餅配菜飯蛋黃肉餅蒸食得多，煎就第一次試肉餅邊煎得好香脆而肥肉同瘦肉既比例都好適中似用手剁成，唔似用攪拌機而家好少店舖能做到龍蝦肉餅配稻庭烏冬龍蝦肉餅吸睛度非常高真係成隻龍蝦放到你面前而肉餅中係混合龍蝦肉及豬肉真係有些驚喜龍蝦頭及鉗係啖啖既肉越食越覺得E個餐好扺稻庭烏冬都好好味,唔係平貨 烏冬可口滑溜,加埋湯料成個人都暖笠笠飲品我建議來到叫凍飲，感覺靚好多

今日中午同個朋友唔知食咩好就周圍行下，突然諗起有間食肉餅嘅舖頭好似未食過喎，於是就走左入去食，因之前見到外邊有人排隊，而家落雨濕濕應該小人啲嘅，去到都好彩，唔洗點等都已經即刻有位。老火湯每位到餐廳用餐嘅都會有一碗老火靚湯，等大家可舒緩下疲勞。鵝肝蒸肉餅餅肉餅入口好滑身，一啲都唔粗糙，而且唔算太油膩，即使唔多食得肥膩野嘅人都可以接受得到。另外餐廳真係有加入鵝肝架，無呃人架上湯煮小白菜仔上湯味道剛剛好，唔會太淡又唔會太咸，另外小白菜條條都大大棵，真係認真足料架。。。

試左三款,冬陰公煎肉餅好食,味道適中,送飯一流.金沙蛋煎肉餅同預期唔同,咸蛋同肉餅係完全分開,個肉餅係幾好食但係唔係金沙X菜式系列.蝦膏蟹蓋肉餅,份量就細左小小.

肉餅哥 @#foodki荃灣巨形雞脾(6.5/10)($48)肉餅哥係一間新既餐廳，以特色同classic肉餅為主😂。除左肉餅之外，仲有#巨形雞脾食。隻雞脾大隻到好似台灣既#鹽酥雞排 咁😂😂，好多肉，好飽，表面炸得鬆脆，味道就係普通#炸雞脾 咁😍，貪新鮮可以黎試下。芝士肉餅(6.5/10)($68)肉餅哥當然係食肉餅啦。佢地肉餅種類真係好多，例如龍蝦肉餅😍，鵝肝肉餅🐓，冬陰功肉餅🍜，真係你講得出就有，無得輸。而foodki就揀左芝士肉餅。芝士肉餅😍係兩煎豬肉肉餅夾住芝士，味道估唔到幾夾，肉餅打到好林，好似火雞姐用人手剁打到瀨尿牛丸咁平均😂😂😂，口感不俗😍。可惜太過油😔。呢個價錢仲包埋油飯/菜飯/白飯/烏冬/薑蔥撈麵/烏冬/漢堡包。可惜當日剩係得飯,無得試其他。鵝肝肉餅(7/10)($68)又一特色肉餅，以呢個價錢食到鵝肝真係非常唔錯架啦，配上油飯，幾好食，肉餅都係有少少過油。

平日外出食飯多以日式，西餐為主，中式相對較少，今次想轉變一下口味，去了位於荃灣的肉餅哥小炒料理食午飯，一聽個名好有住家飯的感覺.店舖外已列出這裡所有的肉餅款式，一共有32款.店內怖置以簡約為主.這裡午餐的肉餅價錢分$48, $58和$98.肉餅可選擇煎或蒸.可配白飯，菜飯，油飯，薑蔥撈麵，烏冬和漢堡包. 由於我去食時係試業階段，只有前三款供應.最後選了黑松露帶子肉餅菜飯，肉餅要煎. 另一個是牛肉流心芝士肉餅菜飯，肉餅要蒸.老火湯是粉葛蓮藕湯.這個天氣, 最適合飲湯滋潤一下喉嚨.個湯幾清甜, 仲有粉葛和蓮藕食, 我自已鍾意食煲完湯的湯料.首先, 是黑松露帶子肉餅菜飯上枱.由於是揀了煎的肉餅, 所以肉餅較為黃金色, 但就略為黑咗少少.肉餅外層入口時帶點微脆, 較為香口. 松露和帶子混入肉餅中, 味道調教不錯. 而肉餅也不會太乾身.但松露味唔太覺, 而且帶子也較細粒, 口感相對較細, 若帶子能夠切大粒些, 更加好味.牛肉流心芝士肉餅菜飯.切開肉餅, 會見到芝士夾在肉餅中間, 估不到兩者都幾夾.諗住流心芝士, 切開應該有芝士流出, 可惜芝士未能造出這個效果.但有這個創意也不錯.蒸肉餅感覺似係屋