肉浦團火鍋放題 (已結業)

近排天氣凍又係打邊爐嘅日子，搵到依間叫”肉浦團”嘅餐廳，比個名吸引左，午餐價錢又唔算貴，又約埋朋友一齊黎試。星期六晏晝12:30入座 ，餐廳嘅裝修係近排最流行嘅工業風，石屎牆加上有唔少模仿電影嘅poster同掛牆畫 ，仲有霓虹燈裝飾，啱晒打卡用。湯底方面簡左比較特別嘅藥膳醉雞鍋湯底，一上已經聞到好香藥膳味 ，雞件係另上嘅，份量都好大 大大件，食落又滑溜，值得一試。套餐有分4種選擇，我簡左”團”餐 有晒牛、雞、豬同海鮮 ，總之任食就咩都有得試下😆。肥牛方面都有唔少選擇 ，款款都林滑重牛味，同超市買$1xx斤嘅靚牛有得揮，個人推薦一定要試澳洲M5和牛牛肩胛同安格斯牛板腱，好重牛味，又冇筋，塊和牛仲要大大塊，每塊都大過一個手掌 一定要瘋狂encore!海鮮方面就一定要叫廣島蠔🦪，上到檯已經好驚喜，唔係平時街外食個啲細粒蠔豉，粒粒脹卜卜肥美，又重蠔味超正，鍾意食蠔嘅真係唔可以錯過。午餐黎講依個價錢 食到咁多靚牛真係超值，餐廳環境又好，仲坐得舒服，可以再encore!

屋企人話天氣禁凍成日叫我book打邊爐，今日終於等到放假帶佢地去食餐好嘅！經朋友介紹book左間餐廳。商場裝修好新淨應該都係開左冇幾耐，所以餐廳裝修都係好新同埋新潮，地方闊落枱與枱之間唔會好近，坐得好舒適。我地叫左「團」Set+藥膳雞湯底，湯底同第一盤牛好快就上桌。依道牛同豬肉嘅選擇好多，我最中意就係M5和牛牛肩胛、安格斯牛板腱，但係其實冇一款牛食落係鞋，都好有牛味，豬就必點鹿兒島黑豚豬。就算都後半輪都冇出現突然質素大減嘅情況，可以放心一定食到滿足。除肉類之外海鮮重有虎蝦同廣島蠔，大大隻重要新鮮。出面有菜類丸類自助，值得一提佢有D特別味道嘅丸提供，食夠牛可以轉下口味！野飲選擇唔叫好多，只要有冷泡茶同zero對我地低糖人士黎講最重要嘛～另外值得一讚係職員好好禮貌，收碟同上菜速度好快，係令人滿足嘅一餐！

天氣愈嚟愈凍, 今日車車就同朋友去左旺角肉浦團到食邊邊火題, 餐廳環境幾大, 分左兩邊, 乾淨企理! 餐廳提供幾款套餐, 我地揀左“團”E個Set, 有肉又有海鮮, 湯底一共有7款, 我地揀左一款平時少見嘅清酒麵豉蜆湯, 上枱好香麵豉味帶鮮味, 味道岩岩好唔太咸!一開始餐廳會上一盤唔同部位嘅牛肉拼盤, 有牛五花腩, 安格斯牛頸肉, 安格斯牛小排, 安格斯牛板腱同薄切封門柳, 車車最中意就最牛小排, 入口油香重, 牛味濃郁, 每款肉上面仲有牌仔寫埋邊款打邊款! 除左可以用QR Code揀野食, 出面仲有多款醬料, 配料, 飲品同特色丸類可以選擇, 好似辛辣脆牛丸, 薑汁皮蛋貢丸, 香芋貢丸, 墨汁墨魚丸, 芫荽雞肉丸等等, 特別推介泰式流心蝦丸同芫荽雞肉丸, 爽彈惹味! 唔夠飽仲可以整多個麵食下!

今次呢一間打邊爐係朋友推介，因為啱啱新開張想食下，搵多個性價比火鍋名單！一入座環境都幾舒服，坐到入去唔會好迫，亦都唔會好大陣煙味🥳因為想食真啲肉味，所以向來間火鍋都係選擇比較清淡嘅湯底，呢一間湯底有好多款，有辣有唔辣，藥膳醉雞湯都係勁吸引！朋友比較鍾意清淡啲嘅芫荽皮蛋湯，湯底喺切碎晒嘅芫荽，雖然賣相無未切嘅咁靚，但係就令到湯底比起一般芫茜湯底更加濃郁我，飲左幾啖湯之後先開始打邊爐🤣佢肉類係選擇左一款餐後入面包含嘅野任點，揀咗「蒲」呢一個餐，有幾款肉—美國安格斯牛板腱、牛肋條、牛五花腩、俄羅斯豬五花腩、雞件等等，因為係晏晝所以就冇加錢食海鮮啦～ 但最貼心係佢都可以另外再單點海鮮，岩曬想食少少海鮮嘅人！咁多款肉好快就上到嚟，仲好貼心有一個牌仔話俾你聽呢一個係咩肉，個人覺得三款牛入面最軟熟就係牛五花腩，最有口味就係牛肋條，又有牛香又軟熟嘅就係安格斯牛板腱，我都最鐘意呢一款！最後瘋狂encore牛板腱！豬肉五花腩肥瘦均勻，唔會油膩，質地軟熟香滑，加埋呢一個湯底好正！食左最回本嘅一輪之後就開始係出面拎野食，個人覺得好養生嘅感覺，因為佢有好多款好特別嘅蔬菜，特別係以前成日返大陸都會見到嘅冰菜！上面

已經係第四次過嚟食 今次就食最貴嗰個餐最貴嗰餐最大賣點就係韓牛同A4和牛任食基本上佢呢間放題比到我最大吸引之處就係有好多唔同部位可以選擇安格斯鍾意肥嘅可以叫牛小排 鍾意你肉味濃可以食牛頸脊當然好少地方有嘅牛骨髓同極力推介嘅封門柳都係任食就係因為唔係下下食肥牛所以食完邊爐唔會有一個好油膩嘅感覺同埋到好滯嘅感覺加上肉嘅質素非常高質 同某數字單點品牌對比之下有過之無不及雖然海鮮都係一般貨色但係都OK我嚟到都係主力推介你哋去食牛但係呢個放題喺肉類以外最吸引我嘅嘢就係佢嘅魚皮 魚皮真係有魚味！唔係一般街邊嗰啲貨色疫情之下好難頂得住希望大家可以多啲支持下呢啲咁高質嘅舖頭

之前見朋友黎位於旺角肉浦團火煱食超抵價一人火鍋今日見有時間 就想過黎點解黎到先以現星期六日係無一人火鍋餐所以就順勢試試火鍋放題 有肉、蒲、團、及盛四款套餐團餐為有靚肉有海鮮又有自助吧以火鍋放題黎講牛肉非常新鮮 肉質嫩口 肥瘦適中 紋路好靚廣島蠔大大隻 頗新鮮 自助吧 選擇頗多且特別丸類竟然有芫荽豬肉丸、香芋貢丸、薑汁皮蛋貢丸等 都係好少見🤩另外蔬菜🥬類都非常多種類 有羽衣甘藍、冰菜、翡翠豆苗及萵筍都係靚菜之選整睇黎講 想食對得住價錢嘅高質火鍋肉蒲團火鍋都係不錯之

火鍋放題套餐有四款，由平至貴順序分別為「肉」、「浦」、「團」、「盛」，我哋食298蚊嘅「團」。湯底揀咗藥膳醉雞湯，好快就送上雞件同湯，湯底帶淡淡藥材味同酒香，雞件肥美，煮緊雞之際，出去自助吧行個圈，有醬料、丸類、蔬菜等，仲有小食，鹽酥雞幾香口，但唔似台式，更似K咩C嘅香脆雞粒。好快醉雞就食得，雞肉鮮甜彈牙，啖啖肉。飲完湯食完雞，店員會先送上牛肉拼盤，等我地試吓唔同款。安格斯牛小排油花均勻，口感軟腍，肉味不錯。薄切封門柳肉味最甘甜。除咗牛肉，鹿兒島黑豚肉亦柔軟甘香。海鮮有三款，北吉廣島蠔夠濃味，食咗好多隻盛宴，越南虎蝦大大隻，肉質結實，可惜原隻魷魚仔賣晒，無得食。自助吧配料只食咗幾款，台灣黑椒一口腸較為出色，齒頰留香。食完咁多肉，要食啲菜清一清，冰菜爽脆清甜。最後每人仲有一件忌廉卷做甜品，飽晒。📍肉浦團火鍋放題旺角通菜街1A-1L號威達商業大廈2樓A號舖

四人火鍋外賣套餐 $1088四人餐包括：日本宮崎A4和牛、澳洲M5 和牛、封門柳、牛頸脊、豬梅肉（各4人份）游丸拼盤(香芋貢丸、魚腐、墨汁墨魚丸、台灣蒜香一口腸 各4件）蔬菜拼盤(唐生菜、金針菇、蟲草花、粟米、南瓜、紫薯）、稻庭烏冬(兩客）仲附送（日本豉油、日本黑蒜豉油、日本芝麻醬、辣椒粒、蒜蓉、青蔥，各2份）湯底佢哋一共有四款可以選擇～唔使加錢嘅分別有日式壽喜燒同埋蕃茄豬骨濃湯🍲清酒味增卜卜蜆湯 就另加$18～ 湯底有唔少豆腐同埋蜆😍肉嘅份量都唔少！肥瘦適中 大大塊咁口感都唔錯👍🏻啲丸就每人一粒 食落去彈牙😍小編最愛台灣腸✨蔬菜拼盤就各類蔬菜都有啲 大家可以share嚟食～大推佢哋嘅烏冬！因為食落去真係好彈牙好滑😍另外佢哋仲好貼心附送多款醬汁 等你打邊爐都有多款口味選擇🥰

「團」放鍋放題鍋底一共有7款可以選擇,今次就揀左一款特別少少既日式湯底,清酒麵豉蜆湯.連鍋底上菜既時候會先上一盤牛肉拼盤,內裏列出各個牛品種既部位,相當清𥇦而且方便記底自己喜好既部位.清酒麵豉蜆湯內裏帶淡淡清酒米香,配上麵豉及蜆肉令湯底濃郁鮮甜.牛五花腩牛脂較為豐富,但入口都唔會覺得成口油,充滿啖啖牛脂香.安格斯牛頸肉相對無咁肥膩既部份,入口嫩得黎帶嚼勁.安格斯牛小排肥瘦均勻帶出牛花,入口香軟,牛香味濃郁.安格斯牛板腱充滿彈性既部份,牛肥香濃密.薄切封門柳肉質鬆軟得黎又帶濃郁牛香部位.每枱會有一個QR code方便電子落單,除左牛肉外亦有其他肉類及海鮮可以選擇.QR code又外出面亦有自助吧提供丸類,蔬菜可以選擇.熱食亦有少少炸物及主食麵類選擇.蔬菜類選擇好豐富又多款式,連平時好少見既荳芽菜,羽衣甘藍同冰菜都有！蝦滑充滿蝦味而且口感彈牙,內裏帶粒粒蝦肉相當鮮甜.飲品有自制冷泡茶,味道清香又解膩.到最後仲有芝士蛋糕送☺️

前幾日買左個外賣火鍋餐同男朋友係屋企撐枱腳火鍋湯底我揀咗✨藥膳花雕醉雞湯🐓我自己好鍾意食藥膳湯底嘅嘢所以加錢叫咗🤣個湯底幾有味 有杞子 又有醉雞 加落去打邊爐一流👍🏻另外肉方面有🥩安格斯牛板腱豬梅肉 牛頸脊都好新鮮🐂其他配料有香芋貢丸 墨汁墨魚丸🦑魚腐 台灣蒜香一口腸稻庭烏冬 萵筍 金針菇 唐山菜🌿最後不得不提 醬油類 竟然有日本🇯🇵黑蒜豉油撈烏冬啱晒🤩外賣二人套餐 $328 想打邊爐的話🥢可以去肉蒲團買返屋企食💃🏻

朋友之前來食過呢間放題邊爐不錯，所以相約我地一齊來試，旺角區我平時食邊爐放題，一定食一鍋堂，今次有新野，緊係要試試啦😀我地已經預先訂位，去到大堂超多人等候，心諗一定係勁東西入到去一個大招牌，打卡一流地方寬敞闊落，都係同一般放題玩法差唔多，菜丸飲品麵類任夾任取，肉類就order由侍應送來食後感我覺得OK啦，但我都係鍾情一鍋堂多啲因為一鍋堂打邊爐配料選擇較多呢個招牌一入去就見到我覺得呢句野好有意思都係玩呢類花茶飲品個人一向鍾情烏龍茶一入去會送一盤肉，都係會有牌仔例明肉類嘅名我地order左藥膳雞湯底，湯底係唔錯，飲得出係有用心調校過味道，飲到花雕味，感覺好保身有我鍾意食嘅雞子，大家從相都睇得出蝦同蠔都係新鮮同size偏大～以上三幅圖係送嘅甜品，呢點真係要讚三樣都好好食，甜而不膩～每人限送一款，我地岩岩三個人可以試晒3樣稻庭烏冬唔會有咩太特別，同平時食開嘅差唔多呢款肉不得了，超級好食😋A4宮崎和牛肩胛肉眼(呢款肉係order 最貴個個餐就有）但真心好味，肉味較濃郁，入口軟棉棉呢個係門口招牌啲火係會郁嘅，好似真係燒著左噤好殘鬼～

如果想食火鍋放題，個人比較喜歡有多種牛肉類的選擇，不過好多時放題的牛肉類品種都吾多，得兩三款，食得吾夠到位，見openrice 呢間<肉浦團火鍋放題>都好多好評，lunch時間又抵食，便來試下，果然有驚喜喎!!~呢道嘅放題有四款不同的價位，午餐時段仲有大特價，都係二百蚊左右一位，便可以食到多款牛肉類。當然，佢哋仲供應其它不同的豬肉同埋雞肉，款式超級多。火鍋湯底亦有多款選擇，有壽喜燒、醉雞鍋、清酒麵豉蜆湯底等等，而我哋就選擇咗豬骨蕃茄濃湯底。醬料方面，餐廳供應咗好多種唔同味道嘅醬料放喺個自助吧到任客人自取，不過由於個豬骨蕃茄濃湯味道好突出，就算吾再用醬料來吃都完全冇問題呵！！～ 鐘意再惹味d嘅朋友，當然要配搭下吾同味道嘅醬料啦！！～熟食有炸魚皮同炸雞粒，都係新鮮即炸，入口脆卜卜，非常好食。服務員會先為客人送上五款牛肉的拼盤一大碟，食完便可以再用QR code再次加單。第一輪的牛肉質素好高，而且放喺碟上噴曬煙咁上枱，設計上絕對充滿誠意。牛肉類必食推薦：美國安格斯牛板腱：入口較為嫩滑，充滿牛肉味。美國安格斯牛小排：質感較為實在，牛肉味濃。薄切封門柳：嫩滑度中等，脂肪平均，感覺

今日行開旺角通菜街附近發現呢間新開無耐嘅任飲任食邊爐，仲要而家OpenRice做緊優惠全單有八八折，以午市泥講你係$200就可以食到和牛級數，真係物超所值！我哋要咗團嘅套餐，啱晒食肉獸。先講湯底佢有唔同種類嘅選擇，店員推介係藥膳醉雞湯，一上鍋就已經聞到陣陣藥膳味，值得一讚係如果要加湯嘅時候店員係會另外再加花雕酒以保持醉雞湯底嘅味道。牛嘅種類都有好多，有封門柳、和牛牛肩胛、美國安格斯牛板健等，仲有廣島蠔、蝦滑任食，飲品方面都有洛神花茶、綠茶，菜同丸就會係出邊嘅自助吧自取，最特別係佢有羽衣甘藍同埋有台灣腸呢個都好推介。我哋已經食到滿載而歸，原來仲有甜品送上，有卷蛋同慕絲蛋糕，啱晒大胃王去食。以咁嘅價錢可以食到唔同種類嘅牛，CP值極高！

聽個名就知道呢度係專食肉架啦，上網睇見啲牛肉好靚，我呢啲食肉獸緊係唔可以錯過🙋🏻‍♀️有四款餐選擇，各自都包含左不同既肉類，我就選擇左食「團」提供烏冬、辛拉麵同出前一丁揀左藥膳醉雞湯，雞肉另上，可以防止雞肉煮過龍湯底較清，只有少許杞子，不過都幾重中藥味，而且愈煮會愈濃味入座後會先送上一盤肉，每款肉類都有標簽，食完可以再用Qr code落單五款肉類，個人覺得最好味係安格斯牛頸脊>安格斯牛小排 >安格斯牛腱肉>牛五花腩肉>厚切封門柳海洋類都係用Qr code 落單既，試左蠔同海蝦，新鮮👍🏻👍🏻蔬菜類同丸類就係出面自己夾，放得好整齊同埋好乾淨👍🏻丸類大部分都解凍得幾好，種類多幾欣賞呢個二合一既湯羹🤣最尾每人有一客芝士蛋糕，細細舊，重芝士味

打邊爐最重要就梗係睇佢嘅肉類質素好唔好啦 唔通淨係食佢啲魚蛋同蔬菜咩 呢間位於旺角嘅餐廳 佢無論係牛定豬 只要係肉類質素都非常高 環境都坐得幾舒服 而家因為疫情仲有八折添嗰日我同屋企人兩個人晏晝每位都係$200內 講吓佢啲牛肉先 個人認為最值得食嘅係佢嘅牛板腱 牛味好重 而且脂肪比例都幾好 口感來講我最鍾意呢一款牛豬肉方面佢嘅豬頸肉出奇地非常彈牙 而且都幾大條 唔會好似平時其他餐廳咁好細條呢度亦都有得任食海鮮 但如果俾我揀我一定會主要食佢嘅肉類 因為呢度嘅肉類非常出色 果然冇改錯名！