肉浦團火鍋放題 (已結業)

今日行開旺角通菜街附近發現呢間新開無耐嘅任飲任食邊爐，仲要而家OpenRice做緊優惠全單有八八折，以午市泥講你係$200就可以食到和牛級數，真係物超所值！我哋要咗團嘅套餐，啱晒食肉獸。先講湯底佢有唔同種類嘅選擇，店員推介係藥膳醉雞湯，一上鍋就已經聞到陣陣藥膳味，值得一讚係如果要加湯嘅時候店員係會另外再加花雕酒以保持醉雞湯底嘅味道。牛嘅種類都有好多，有封門柳、和牛牛肩胛、美國安格斯牛板健等，仲有廣島蠔、蝦滑任食，飲品方面都有洛神花茶、綠茶，菜同丸就會係出邊嘅自助吧自取，最特別係佢有羽衣甘藍同埋有台灣腸呢個都好推介。我哋已經食到滿載而歸，原來仲有甜品送上，有卷蛋同慕絲蛋糕，啱晒大胃王去食。以咁嘅價錢可以食到唔同種類嘅牛，CP值極高！