肉浦團火鍋放題 (已結業)

只可以食lunch既期間 我真係好掛住打邊爐😭😭 終於忍唔到住要止下癮！ 聽到個鋪名都好吸引 岩哂肉類愛好者😍😍 有唔同套餐供選擇～ 今次簡個中等既套餐 ：團✌🏻🤣 呢排咁凍 緊係要食個藥膳雞煲 暖下個身子🥰 湯底藥膳味唔會好重 無蓋過肉既鮮味😍 之前食過其他藥膳湯底火鍋 個湯食食下會好苦 🥲 但呢個就無呢個問題👍🏻👏🏻 一點左湯底 就會即刻上個牛拼盤！！ 仲有乾冰效果 好吸引同IGABLE😍😍😂 總共有5款牛🥰5款都好唔錯🥰 其中最愛係安格斯牛小排😍😍 油脂入口好惹味！ 😍😍😍😍 每款牛口感同油脂分布都唔同 總有一款岩你！ 當然唔食牛既 都可以盡情散叫豬！ 俄羅斯豬五花腩is the best !!!!! 同埋每一份肉 都係2-3塊 ～ 等你唔會浪費食物！👍🏻👍🏻 上肉時間都係5分鐘內 很好😘 海鮮都有咖😍😍全部都係新鮮海鮮 肉唔會梅😊隨左火鍋～ 仲有小小炸物比你做前菜哈哈！ 面類～蔬菜同丸種類都好多！ 埋味仲要送你一份cheese cake 😚 好味道！ 覺得呢到每款肉類都有驚喜 ！ 真係一間以肉為主打既火鍋店😇😇 推！

係OPENRICE見到呢間火鍋放題有COUPON, 168可以任食和牛, 橫點宜家無晚市, 一於LUNCH食飽佢!黎到已經好多人, 不過坐位都好闊, 叫多2碟牛都放得落~湯底揀左藥膳醉雞, 好少有既款式, 上枱時已聞到藥材味, 覺得有D料, 絕不HEA底! 建議先飲一碗湯, 再打邊爐~店員會先附上一盤拚盤, 可以淺嚐不同牛肉,再自行落單, 第一盤既賣相同味道已很不錯, 估唔到係任食食到既質數!油花平均, 入口淋滑, 再有牛肉味的後勁, 真心很不錯, 所以今餐只試了牛肉, 已經無點豬肉!其他菜類可以係出面自己拎, 菜類款式也很多, 竟然有冰菜同辛辣麵!!!!飲品方面有汽水,無糖茶,啤酒等等, 連午市都有得飲啤酒, 真係回本之作, 性價比特高, 值得回頭!

今日去到肉蒲團打邊爐，坐底就會有一碟拼盤，全部都係牛肉嚟嘅，點QR code簡野食！我哋揀咗團套餐，每位$298加一！侍應嘅服務態度亦都非常之好，幫手加湯嘅時候都非常之有禮貌！入到去自助吧嘅位置唔算好大，但有好多唔同款嘅食物，丸類，魚皮春卷等等。飲品方面：有烏龍茶汽水可樂啤酒等等，如果有冷泡茶會更加出色。最後仲會有個小甜品食，一個迷你嘅芝士蛋糕，好濃芝士味好香！我地點左藥膳湯，湯同雞分開上！雞肉好香好嫩，個湯吾算好重藥材味，可能吾想遮蓋肉味！肉類拼盤已經有咁多牛肉，可以試完鐘意邊款再點！我鐘意牛肩胛，肉味好濃肉質嫩滑！大大塊好滿足😌👍海鮮仲有蝦同蠔，每次上碟都係2 人份！蝦好新鮮，吾會好臭/ 吾彈口！蠔🦪熟左好濃蠔味！好香好補😍

餐廳裝修好有心思，有好多創意漫畫😹😹啲橋仲好新🎨🎨叫左團呢個餐，有勁多款肉🥓🥩🥩簡，仲要午市食會再抵啲😆壽喜燒湯底☀️🥚🥚，佢嘅湯底比較似日本風格，好夠甜🍬🍬第一輪佢會上一碟肉先，可以樣樣試幾塊之後再大量揀自己鍾意食既肉😆😆佢有乾冰出曬煙咁好吸引😋，每一款牛肉都好高級～出面有個自助區，啲野選擇都好多，啱晒鍾意食菜類🍆🥒🌽🍅🥦、丸類既大家👍🏻👍🏻賣單之後仲有甜品🍮，芝士蛋糕都幾濃😽

上網睇到呢間任食火鍋做緊優惠, LUNCH都係168已經有和牛食!! 星期六日中午1點左右黎到都幾多人, 不過坐得好闊落舒適!食物可以係QR CODE落單, 丸/菜/麵都可以係出面自己拎~一去到竟然見到辛辣麵!!雙眼發光!!!!!!菜類都好多款, 有羽衣甘藍同冰菜, 都幾少見, 而且菜貴應該食多D菜哈哈1!!丸類都好多未見過既丸, 有辣牛丸, 薑汁皮蛋丸, 流心芝士魚蛋等等, 忍唔到要試晒每一款, 而且都幾好食!!!黎到重點, 就係肉類! 首先佢地會先比一個牛肉拼盤先, 食完再慢慢落單, 賣相超好, 肉類睇落油花都十足, 睇個樣都唔錯, 食落好淋滑, 絕對唔係街市100蚊一磅既貨色, 試晒咁多款牛肉, 覺得和牛同埋牛肩胛係最香牛味最好食! 呢到仲要唔會漏單, 我地係咁落和牛都黎足, 絕對會回本!食到超飽最後仲有一件芝士蛋糕, 雖然細細件, 但真係好好食, 好食到想問佢仲有無! 佢有2層, 食落有D似北海道果隻DOUBLE CHEESE CAKE, 超滿足呀!

今天與媽媽，到旺角一間火鍋放題店，食火鍋放題，我哋喺街度見到呢間舖頭嘅名，好得意，佢叫肉蒲團火鍋放題，於是我哋就覺得好有趣，所以就入去食。呢度嘅價錢好抵食，喺旺角黎講呢個價錢算係好吸引。價錢平，仲可以食到咁多高質素嘅上等靚肉。佢呢度上碟，好得意，我哋叫咗唔同嘅肉類，有肥牛，五花腩等等，佢上碟，係放咗少少乾冰，令到成個碟，好有仙氣，好吸引人。呢啲肉，不僅色香味俱全，入口都好香好滑，有入口即溶嘅感覺，食得出係上等靚貨。佢嘅肥牛，顏色鮮紅，並非雪藏肉，食得出係好新鮮。佢嘅每種肉上面，都有一塊木牌介紹係咩肉，好得意好新鮮。呢度除咗有肥牛，五花腩等等，仲有海鮮做打邊爐嘅，有生蠔，蝦，全部都新鮮靚肉。真係好抵食。

間餐廳喺旺角都幾就腳容易搵到有好多種湯底可以揀 感覺上有啲似台式打邊爐我哋揀咗壽喜燒湯 顏色好深 味道偏鹹如果鍾意淡口嘅可以試吓昆布清湯會首先上咗一盤肉 打卡一流 點影都咁靚同埋每款都有一兩件可以試吓味 先再落單飲品種類都好多 有樽裝嘅茶 亦都有好多罐裝飲品香港比較少見 台灣嘅飲品都有打邊爐當然唔少得食公仔麵 出面好少任食店 會有辛辣麵做選擇炸魚皮做得幾香口 忍唔住就食咗好多唔夠飽嘅仲有白飯 出面可以夾嘅選擇都唔少 菜類 丸 台灣腸都有重點推介冰菜 同埋 台灣腸冰菜出面都唔係咁容易買到口感好特別 咬落去好爽口 但係又有種溶化嘅感覺 唔鍾意食菜嘅朋友都食咗好多台灣腸好好味 諗返起台灣夜市又係忍唔住就食咗好多條肉類我推薦呢兩款 比較重牛味 入口亦都唔會好難咬最後賣單就會有分小甜品不過不失

平時夜晚最鍾意就係同朋友打邊爐吹水 可惜而家冇咗晚市堂食 唯有轉去食晏晝啦約咗朋友喺新開嘅放題火鍋店有四個set可以選擇 我地揀咗“團“醬料有平時比較少嘅花椒油同埋黑蒜豉油選擇 不過我覺得黑蒜個味太重 唔係好啱我口味🙈除咗牛肉豬肉同海鮮其他都可以喺呢個自助區度夾嘢食 有啲幾特別嘅丸 例如薑汁皮蛋丸 芥末丸，仲有台灣腸仔等等店員先放低一盤牛肉 清楚標示每一款係乜野牛 每款有2片我覺得呢個方法值得一讚👍🏻 可以試到每款牛肉嘅味道 再根據自己嘅喜好再order 咁就唔需要每次食完嗰款牛覺得幾好 但唔知係邊款 然後又亂點一通通常去其他火鍋店 頭一輪啲牛肉都係比較靚 其後嘅就會每況愈下 但係呢一間冇呢個情況出現 每一轉嘅牛肉 quality 都keep到👍🏻本人最鍾意食呢款M5和牛 油脂相對較多 但亦都因為咁所以夠哂油香😋店員會適時為我哋加湯 因為我哋叫嘅係藥膳雞湯底 估唔到仲可以幫我哋花雕酒添👍🏻整體覺得幾好 環境又乾淨店員又有禮貌同服務

旺角通菜街（女人街）一直都美食如雲 兩邊街道都有各式各樣既餐廳 但難得比我發現呢間超水準既樓上火鍋放題 簡直比我搵到間火鍋飯堂一向鍾意打邊爐既我平時都係食開連鎖火鍋放題店多 今次誤打誤撞之下發現呢間肉類選擇多、質量相當高 相比連鎖店既肉呢間真係冇得頂 尤其係和牛真係食到返唔到轉頭最頂級必食之選： A4日本宮崎和牛唔試唔知原來A4宮崎真係「入口即溶」 肉質脂肪既分佈超級平均 細嫩滑口唔會太肥膩 相對連鎖店食得到既A4大多黎自鹿兒島 脂肪比例會較高 一比之下長知識了😂不二之選： 澳洲M5和牛呢款相對市面上會較為常見同親民既和牛 但都要睇餐廳有冇用心選擇肉類 叫左幾碟都發現佢既M5和牛肉質脂肪都好均勻 高質食材入口一啲都唔肥膩另外一系列安格斯唔同部位既選擇 包括牛板腱、下肩胛、牛小排、一口牛等等都非常高質吸引 真係感受得到餐廳有用心挑選牛既品質牛既種類都已經過十款 另外當然仲有其他數不勝數肉類選擇 尤其最興奮任食香甜海鮮：越南虎蝦、廣島蠔、魷魚一叫再叫以上都係QR Code落單既選擇 仲有自助吧唔同種類既火鍋食材、醬油配料等等 特別要提及有羽衣甘藍、冰菜、蟲草花呢啲相對罕見既食材 當然仲有

呢排天氣咁凍，打邊爐就最啱啦，烚下烚下。出去打邊爐我通常都鍾意任食嘅，選擇多啲食得都好開心。呢間餐廳新開無幾耐，仲做緊全單8折添😍.盛 原價$448/位呢個option最多肉類選擇，除咗唔同地方同部位靚牛🐂🐃🦬仲有海鮮🦐🦪同其他肉類。印象最深刻係menu第一款A4宮崎和牛肩胛肉眼🥩，牛味超濃，好多雪花，又唔會勁簿切，一啖放入口，正🤤.湯底係鴛鴦鍋，壽喜燒同藥膳醉雞。壽喜燒醬汁好濃，每舊淥落去嘅野食都掛到汁，完全唔使點其他醬汁.蔬菜🥬類幾特別，有有冰菜、翡翠苗同羽衣甘藍。而個醬汁bar有黑蒜醬油同花椒油😍我最鍾意嘅配搭都有。.最後有件韓式芝士蛋糕🍰，開頭見到以為無咩特別，其實係入口即融，芝士味好出，幾surprise 🤪

最近天氣又轉返凍凍地，最適合烚吓烚吓暖下身子，咁啱經過呢間新開火鍋放題就入去試試佢。中午過黎食價錢都唔算貴，四款餐其中三款都係二百蚊樓下，既然都係相差幾十蚊，我地就揀左個性價比最高嘅團同埋壽喜燒湯底。個餐就包左牛豬雞同一部分海鮮，百零蚊就可以任食澳洲和牛同埋廣島蠔，叫多一兩碟已經值回票價。鮮嫩嘅封門柳再點埋呢個無菌蛋汁，味道認真一流。除左手機上邊嘅肉類餐牌，店鋪仲提供左自助吧，各種打邊爐必備嘅丸類、蔬菜、蟹柳等等呢度都一應俱全，仲有一個自助醬料區，最後少不了梗係自助飲料區，除左平時大路嘅各種汽水果汁外，店鋪仲提供左佢地自家製嘅花茶，我就試左呢個洛神花茶，非常開胃解渴。食完正餐後，仲有兩份甜品送，味道同街外蛋糕舖比都唔會輸蝕總括而言，呢個價錢同食物質素係旺角黎講性價比真係好高

正所謂依個世界所有美好既相遇，都係久別重逢，事隔多月我終於回歸foodie 界既懷抱，大家係咪好掛住我呢哈哈哈哈。今日要推薦既係我覺得性價比極高同個名勁attention seeking 既自助放題 — 肉蒲團！午市去人均只需$198就可以食到澳洲和牛肉，真係are you serious? .我哋今次嗌既係套餐「團」，一去到係云云湯底之中首先嗌左最多人推薦既藥膳醉雞湯。湯底本身既酒味已經好重，加埋杞子落去煲仲吸引！唯一缺點我嫌個湯藥膳味都係不足，不過算啦食得依個價錢我已經唔會嫌三嫌四😝最得意既係依度既醉雞同湯底係分開上，如果唔想食雞件可以同步用個app嗌住其他配料先！咁就夠唒efficient 啦！.Btw強烈建議大家集中嗌牛，因為依度既牛實在太出色。除左一啲平時係自助火鍋比較少見既部位（e.g.,牛頸脊同封門柳)外，仲有我覺得識欣賞一定會迷上同瘋狂啜食既牛骨髓😚！索唒啲醉雞湯後簡直係一流！食完牛可以進攻依度既自助區☺️依度既丸款款都好得意好有內「餡」—皮蛋mix 貢丸夠刺激、辣醬mix牛丸同樣係mix得過癮！啱唒食自助火鍋食到「劃晒啞」，想試下新意既食家一戰！

🫕【肉浦團火鍋放題】🫕前日放假去左旺角食個肉浦團火鍋午餐放題去到我地包曬場😬我和老友點了兩份定量肉套餐 因為我地偏向多菜少肉的。菜丸類自助任食抵呀！🥬菜類都有好多款，有冰菜，西洋菜，太多不能盡列了，好多我中意食。🥩安格斯牛板腱肉因為係牛入面脂肪較低，我點呢個試下。估唔到這個竟然嫩口不柴皮嘅🤪要推！🐔藥善醉雞窩湯底真係好多雞肉，應該係雞脾肉，好滑嫩去皮後唔肥😲藥味都濃食食下。🍰甜品芝士蛋糕仔每人餐後都有一件芝士蛋糕仔，份量岩岩好，滿足。🥡小食方面:炸雞粒和炸魚皮好食，不過我食少少過下口癮好了了，老友加油。🍻飲品：汽水，茶，無糖汽水，好似有酒。好彩有罐無糖可愛我飲下，開心。全單88折 大滿足 埋單兩位一共163元環境唔錯，值得推薦!!

旺角新開火鍋放題店裝修唔錯 環境感覺好乾淨 座位間距好夠闊落 提供四款火鍋套餐 任食120分鐘今次就識揀咗「團」餐用QR code 主要order 牛類、豚肉、雞肉、海鮮個人偏愛牛板腱同M5和牛 仲有新鮮牛骨髓其實每款牛肉都好高質 每一轉嚟嘅牛都係咁靚 認證冇偷工減料 真係要不斷encore海鮮有廣島蠔、原隻魷魚仔、虎蝦 三款都必食！自助區選擇非常之豐富包括各類特色夾心嘅丸類 今次試過唔錯嘅有泰式辣蝦丸、芫荽雞肉丸、薑汁皮蛋貢丸、辛辣脆牛丸 仲有好少見放題會有提供蟲草花、羽衣甘藍、冰菜、翡翠苗、紫薯全部都係靚菜 真係要食多兩轉！最後甜品係芝士蛋糕 好鬆軟好好味總括用餐質素真係好高 現時新張期間及因應疫情都有優惠折扣值得推介俾大家去試吓👍🏻

冇咗晚市之後，想打邊爐唯有把握呢個午市時間今日就試吓呢間係旺角新開嘅任飲任食打邊爐我哋就揀咗第三level團嗰個餐比起上面嗰兩個餐相對上就會多好多牛肉嘅選擇飲品方面主要係罐裝飲品另外都有啲自家製嘅冷泡茶支助吧出邊有各式各樣嘅丸類同腸仔擺放到相當之整潔同埋第一感覺望落去啲丸嘅質素都唔錯另外仲有唔同類型嘅蔬菜，竟然有我最鍾意嘅西洋菜同埋冰菜另外仲會有鹽酥雞同埋炸魚皮醬料嘅選擇亦都相當之多開始落單之前店員就首先會上一盤雜錦牛肉拼盤佢用呢一種方法上嘅感覺非常之新鮮仲好貼心標試咗每一款嘅肉類名稱食咗之後先再嗌返自己鍾意食嘅肉類而咁多款肉類我就最鍾意安格斯牛肩脊脂肪比例分布最為平均肉味亦都非常之重生蠔亦都幾飽滿，食落好creamy 湯底方面我哋揀咗壽喜燒同埋蕃茄濃湯壽喜燒鍋嘅甜味配搭牛肉味道一流而佢嘅丸類口感亦都相當之高質店員服務殷勤成日會過嚟幫我哋收碟