肉浦團火鍋放題 (已結業)

晚市已經沒有堂食，趁著下午既時間當然要大吃一頓 在入場之際，已經想好了鍋底食咩，決定要壽喜燒鍋。 首先會先上一份牛，包括 安格斯牛板鍵。安格斯牛小排。薄切封門柳。鹿兒島黑豚肉 澳洲M5和牛肩胛。 牛味重，而且個原料真係正， 新鮮有肉味，放題黎講，真係唔錯。而且以上既肉都可以無限再叫。 再多點幾次，份量一樣，出單速度亦一樣，值得欣賞。 結果我都多叫左幾次，配壽喜燒汁，清甜得黎味唔會太重， 簡單得黎，正好食得出牛肉鮮味 重點推介-北吉廣島蠔及越南虎蝦 平日放題店蠔唔係經常有，今日有蠔， 而且都幾大隻，仲好滑添，相當新鮮， 越南虎蝦,蝦係超級大隻，放題店來講，估唔到係咁大隻，咁豐富 所以我叫左成8隻，肉實淨彈牙，十分唔錯。 蝦滑- 膠質十足，重蝦味。 仲有就係小籠餃😎小籠包既肉做成餃子位於外面既自取區，可選的材料都唔少，丸、菜、等等， 熱食方面仲有鹽酥雞， 另外，仲有自家製茶，無糖之選

位置喺旺角 女人街中間 非常方便 有少少韓式嘅設計 係比較新式嘅火鍋店 有四個價錢可以選擇 湯底就有六款 可以加錢變鴛鴦鍋今次簡左壽喜燒湯底 同團既餐 味道偏鹹 加咗湯稀釋會好好多 座位非常闊落 抽氣做得好好 打完邊爐唔會成身味一坐低先上 打卡吸晴肉類拼盤 每一款肉都有一個牌說明 之後上既肉都會有呢樣嘢係比較少火鍋店可以做到 嘢飲 菜 豉油配料 都要自己出去拎 擺位都整齊同乾淨 呢兩款茶係佢自己自製嘅 其他都係常見既飲品估唔到會有冰菜 呢款菜好少地方有 肉類方面個人推介 牛五花腩同牛小扒 肉類嘅解凍程度好好 牛味非常濃 色澤油花都好靚 同埋上菜速度真係好快 員工好有禮貌同勤快 收碟同加湯同收碟速度都值得一讚走嘅時候每人會送一件蛋糕作甜品 兩個鐘頭內絕對夠時間食 非常滿足既一餐

一向鐘意打邊爐，以前都經常出去食火鍋放題呢到有4個級別嘅火鍋set，我哋要咗第3級嘅「團」餐💰$298呢個餐包好多靚牛靚肉，好值得叫！最好食係M5和牛牛肩胛、封門柳、牛板腱、下肩胛🤤叫咗幾round，食肉都食飽😋廣島蠔都大粒好飽滿，好食😋我哋仲拿好多菜、蟲草花，最特別係有冰菜，口感幾爽脆飲品有冷泡茶，茶入面仲有冰粒，啱晒打邊爐，飲咗茉莉花花、洛神花茶都幾好飲「團」餐：安格斯下肩胛安格斯牛小排安格斯一口薄切封門柳澳洲M5和牛牛肩胛美國安格斯牛板腱英國牛肋骨條蜂巢牛肚牛腱肉豬面頰肉牛五花腩俄羅斯豬梅肉俄羅斯豬五花腩鹿兒島黑豚肉特選雞脾肉雞腰子北吉廣島蠔越南虎蝦原隻魷魚仔自助吧任選（丸、蔬菜、菇類）🚩肉浦團火鍋放題 (旺角) @yukpothk 📍旺角通菜街1A-1L號威達商業大廈2樓A號舖

旺角女人街真係好多食店，林林總總咩野食都有，今次朋友帶我上嚟呢間樓上火煱店食吓放題，至啱食肉獸嘅我。所以，我就即管試一試啦！火煱店位於2樓，Lift門一開就會見到。服務員見到我們，好快便帶我們到座位坐下。放題分了肉，浦，團，盛，4種不同餐給客人選擇，每款餐提供食品嘅選擇都有不同，越多選擇價錢就越貴。客人可以按自己嘅喜愛，選擇其中一款餐放題。我們就選了“團”呢個餐。團餐：先選一個火煱底，我們選了醉雞煱。雞件是另上的，大家可以慢慢食。湯及湯酒是可以添的。再嚟一個拼盤，集合安格斯牛板腱肉，安格斯小牛排，安格斯牛頭脊肉，牛五花腩，簿切封門柳。大家淺嘗過每款後，可以透過QR code點選自己喜歡吃的，然後下單。至於，蔬菜及丸子，可以自己到專屬架子任取任食。都尚算多款式。特別是冰菜，其他放題較少見到。當然，仲有個雪櫃放左好多飲品，同其他放題食店一樣，可以任飲。最後，食店仲有甜品可食，我就有一個迷你芝士蛋糕。份量剛剛好。此食店最啱鐘意食肉嘅人，盡情大吃。難怪叫肉浦團火煱放題。

呢間開咗唔算好耐既邊爐 但俾佢個名吸引咗所以專登去試下！果然 唔錯！好有驚喜💯佢有幾個餐可以揀 今次我地叫咗「團」 有好多款肉同埋海鮮可以盡情叫🤤😍湯底試咗藥膳醉雞湯 味道有少少回甘 但唔係好苦 feel到個種養生味haha 個人幾喜歡 仲有啲杞子食下牛肉拼盤有安格斯牛小排、薄切封門肉、安格斯牛板膶、澳洲M5和牛肩胛、牛五花腩🤤肉方面一開始會先有一盤出緊煙既牛 有5款✨可以先試下！個人覺得5款都好出色 好重牛味 肉質都好好✨最喜歡既係薄切封門柳爽爽地咁仲要好重牛味💯厚度適中 唔會好肥～蝦滑好好食！好彈牙！！推出面仲有啲熟食可以夾嚟食～出面有好多菜、丸、邊爐配料可以自己夾～自助式既仲有啲烏冬 公仔麵都可以出去拎！野飲都係喺出面拎 推薦洛神花茶！酸酸地唔會好甜 好解濟！埋單前仲有件cake食當甜品！好食～唔會太甜 一流！性價比高！可以食到好多款牛 高質😙

香港人一連365日都可以打邊爐不過入冬打邊爐有最正依間位於旺角嘅肉蒲團個名夠晒盞鬼同女朋友去佢都冇嬲因為啲肉實在太好食啦叫咗佢298嘅餐一嚟就叫咗佢嘅牛肉拼盤可以試吓唔同部位298 已經牛肉選擇已經好豐富包含平時要散叫而且價錢都貴嘅封門柳同牛頸脊睇圖都見到牛肉非常新鮮其中牛頸脊好濃味俄羅斯豬肉都幾特別滑得黎唔鬚牛肉真係太出色不過都要叫d d 食下唔會失望除咗牛肉之外亦都有唔同嘅海鮮包括廣島蠔同埋海蝦可以叫以200多元嘅任食火鍋嚟講真係好驚喜質數仲要唔錯幾有鮮味火鍋配料區亦有好多唔同丸類可以選擇有龍蝦丸牛丸貢丸等等自助小食區亦有鹽穌雞及炸魚皮飲品都有好多選擇而且仲會有甜品送都唔錯

冬天就係想食肉😋返工日子中午過黎打個邊爐，真係邪惡得黎又好爽呀~🤣 餐廳係工業風裝修，壁畫係香港漫畫街景，各種招牌同poster字眼都好抵死🤭，午市其實有套餐同四個等級嘅放題選擇，今次第一次黎，就揀個放題“團”試下先，午市價只係198，比晚市平100蚊😚。 呢個放題套餐有大概十款牛選擇，另外仲有豬肉、雞肉、廣島蠔、海蝦同魷魚仔。蔬菜、丸類同飲品就係出面自助區自己夾嘅，種類都算多。湯底揀左番茄湯，入面主要係有幾舊粟米同豬骨，本身料唔多，但味道算濃郁。 一開始店員會比一碟牛肉拼盤，有五款牛肉比你試左先，然後自己可以再用QR code點其他肉類。個拼盤好靚，有乾冰做成嘅煙霧效果，好啱影相🤩。個人覺得安格斯牛頸脊最好食，薄片一淥即熟，有牛肉味但唔騷，油脂量適中。至於用QR code點嘅肉類，值得一讚嘅係每碟牛肉都有一個小木牌標明個名， 方便客人之後再點自己鐘意嘅口味。 其他食物推介👇👇👇 俄羅斯豬梅肉: 係薄到有少少透明嘅豬肉片，肥肉唔多，由於面積大，好容易吸收湯嘅味道，咬落有質感 海蝦: 新鮮又大隻，肉質爽脆 炸魚皮: 係自助區攞嘅，放落湯入面兩秒後鬆鬆脆脆超好味😋 芝心牛丸: 芝士控一定要

肉浦團火鍋放題📍旺角旺角最近新開一間任食火鍋店🍲 個店名仲好搞笑🤣🤣 前幾日就同朋友去試😆 團套餐 $298/每位湯底有成六、七款 我地揀咗麻辣牛肉湯🌶 唔係好辣 重麻香 亦都唔會太油👍🏻👍🏻 店員會先送上一盤牛肉拼盤 有齊澳洲M5和牛肩胛、安格斯牛板腱、牛五花腩肉、薄切封門柳同安格斯牛小排🥩 個人最鍾意澳洲M5和牛肩胛😝 佢大塊之餘肉質仲好嫩滑 油花分布平均 Encore咗幾次😋😋 薄切封門柳同安格斯牛小排好重牛味 牛魔王必試❣️另外佢嘅鹿兒島黑豚肉都好好食😋海鮮方面個人推介越南虎蝦🦐 大大隻之餘仲好新鮮 食落鮮甜彈牙 蝦頭仲有好多膏🤤 配菜都有好多選擇 可以出去夾唔同嘅丸同蔬菜🥬 最驚喜嘅係有好多出面好少見嘅丸 例如果芫荽雞肉丸、冬蔭功蝦丸、芝士牛丸等等🥰🥰 佢嘅牛滑同蝦滑都係一流 足料又好食😋 另外仲有響鈴同炸魚皮 拎嚟索湯就啱晒🥰最後店員送上每人一份甜品🍰我地揀咗原味芝士蛋糕同雲呢拿卷蛋😆😆 兩款甜品都好高質 有機會一定再嚟食🥰

路過旺角見有見火鍋放題就入去試下，裝修同環境幾好，我們叫了牛肉晚餐放題，牛肉還好😌出面有菜，丸，麵類自助拎，D丸就無咩特別，款式不算多，當日菜就有冰菜😎放題都比較少見

肉、浦、團、盛逐漸升級，涵蓋的種類也依次升級。2小時放題，丸類菜類鹽酥雞炸魚皮自取。點了醉雞湯，有一盤雞，湯底有濃郁的藥膳味，好味。牛五花腩比較肥，但是很香。牛滑調過味，味道很不錯。

火鍋控出動永無失手，近日留意到威達商業大廈多咗新餐廳進駐，「肉浦團火鍋放題」就係其中一間，新張期間仲有88折添✌🏻✌🏻店員安排入座時會為你介紹4款火題套餐，分別在於肉類海鮮選擇數量，我地揀咗中價嘅「團」套餐，已經有10數款肉類同自助吧丸類蔬菜任點任食，接住就輪到揀湯底，7款湯底有辣有唔辣，冬天要補補身，我地就揀咗藥膳醉雞湯😋😋一入座後店員就已經隨即放下火鍋湯底，效率💯💯，店員建議我地可以先品嚐足料藥膳湯，然後再將經過36小時花雕酒炮製嘅醉雞放入湯中，藥膳湯係誠意之作，甜中帶微微中藥材嘅味道👍🏻👍🏻另外誠意驚喜位係加湯時，除咗會加入高湯外仲會加入花雕酒🍶🍶伴隨火鍋湯底上台嘅仲有吸晴牛肉拼盤，配合乾冰效果即刻仙氣十足，可以先試下喜歡邊一款牛肉部位先再加單。小妹同友人分別對澳洲M5和牛牛肩胛同薄切封門柳情有獨鍾，encore 咗兩round，前者雪花紋適中，油脂分怖平均，一大片和牛肉每次食完都好滿足；後者牛味濃厚較好咬口，可以慢慢享受靚牛嘅味道😋😋海鮮方面就要食大大隻嘅越南虎蝦，隻隻新鮮爽口彈牙🦐🦐自助吧都有唔少驚喜位，有多款好少見嘅食材，例如：冰菜、蟲草花、羽衣甘藍🥬；丸類有麻辣牛丸、芫荽

( ͡° ͜ʖ ͡°) 肉浦團火鍋放題 - 港式❝/ 肉 全部都係肉/ 高汁牛肉任食火鍋❞經OpenRice買左兩張晚市火鍋放題卷但記得提前一日買先用得啊！◍ 團 $253 (原價$298)另外會收正價加一服務費$30◍ 藥膳醉雞湯底店員話煲滾咗飲咗碗湯先都幾好飲 但唔算好濃味之後落完雞煮滾左再飲湯煮完啲雞反而令到個湯底更加鮮甜更加好味😋之後就可以開始打邊爐啦～首先佢會比一個乜都有嘅打卡噴煙牛肉set試完就可以根據自己鍾意嘅牛肉再繼續點～最鍾意食同推介：◍ 薄切封門柳🥩牛味濃 不停食～◍ M5和牛牛肩胛🥩肉質鮮嫩 不錯～◍ 北吉廣島蠔🦪夠新鮮好好食 食咗好多隻～推薦‼️◍ 蝦滑🦐新鮮彈牙 好食◍ 牛肉滑🐄都幾得意幾特別有啲似山竹牛肉嘅味道◍ 牛柏葉超級爽口 好正◍ 冰菜任食好少會有 正呀▫️桂花烏龍茶▫️杞子菊花茶自家製樽裝茶偏淡 唔太夠味推介指數：🌟🌟🌟🌟/ 5

近排天氣轉凍🥶，最啱就係打邊爐肉浦團火鍋放題位於旺角通菜街十分之就腳易搵👍🏼餐廳入面裝修佈置好有心思特別係啲二次創作電影海報❤️講返重點先我哋食嘅係$298/head湯底選擇都幾多，有辣有唔辣我地就揀左藥膳醉雞湯藥膳湯同醉雞分開上，未落料之前先飲左個湯先藥膳味香濃😍😍飲夠先加醉雞，雞肉好入味，肉質超滑入座後會奉送牛肉拼盤，盤底放左乾冰見到啲煙係底飄出嚟影相打卡好靚📸拼盤分別有1️⃣澳洲M5和牛肩胛2️⃣安格斯牛板腱3️⃣牛五花腩肉4️⃣薄切封門柳5️⃣安格斯牛小排一次過試曬多款唔同嘅牛肉味香濃嘅可以揀薄切封門柳、安格斯牛小排肉肉質嘅話最好係澳洲M5同牛肩胛食完可以再追加，肉一樣高質落單方面係用QR手機落單，好方便除左有牛肉、豚肉、雞肉、仲有海鮮可以ORDER🦐🦑🦪🦪北吉廣島蠔隻隻都大大隻又肥美😋淥熟左都有返咁上下size食落鮮甜嫩口🦐越南虎蝦一樣係大大隻，同埋一剝殼就知新鮮呢樣係一定要追加item🦑原隻魷魚仔Menu上面有，可惜當日無貨👉👈如果唔係都會想試仲有樣值得推介嘅有牛滑同蝦滑🐂蝦滑就食得多，牛滑就第一次試一試就有驚喜，食落好似牛肉球咁口感好得意而蝦滑入面有粒粒蝦肉每一啖都會食到蝦味道都好鮮甜彈牙😋😋

呢排天氣凍凍地最啱打邊爐見到好多朋友介紹呢間新開既火鍋放題好吸引放假約左朋友book個lunch打邊爐再行街直落夠哂爽Lunch火鍋放題 (90分鐘)有4個價位: $138 / $168 / $198 / $358湯底有7款: 藥膳醉雞湯、麻辣牛肉湯、番茄豬骨湯、壽喜燒湯、清酒麵豉蜆湯、昆布清湯同芫茜皮蛋湯我地今日揀左「團」set lunch同壽喜燒湯底揀完湯底之後店員會送個打卡度100既牛肉拼盤比我地拼盤有安格斯牛小排、安格斯牛板腱、澳洲M5和牛肩胛、牛五花腩同厚切封門柳試左邊款好食再encore落單用QR手機落單可以無限追加牛肉、豚肉、雞肉同海鮮自助區都好多野食有鹽酥雞同炸魚皮做小食兩款小食都炸到好鬆脆我同朋友兩個牛魔王主攻食牛肉澳洲M5和牛同安格斯牛小排都好好食油脂分佈得好平均另外想推介牛滑同蝦滑比大家平時打邊爐多數都會食墨魚滑同鯪魚滑肉浦團呢度有牛滑同蝦滑夠哂特別牛滑好似飲茶既牛肉球咁幾好食蝦滑都好足料夠哂彈牙$198火鍋放題lunch食到咁高質既牛性價比好高

新開嘅火鍋店係好食嘅，肉真係款款唔同口感，個人最鍾意封門柳蝦好新鮮好容易剝，丸類同蔬菜類選擇唔多但係每款都好味嘅，同埋第一次見有冰菜食，好爽好好食，魚皮都好新鮮好脆，希望質素保持會經常去光顧