肉搏食堂 (已結業)

肉博食堂♥︎慢煮頂級牛肉盛丼♥︎ 200g $108食肉獸要試呢個牛肉山🥩望落d牛雖然血紅色⋯但食落唔會腥‘肉質嫩滑加埋忌廉同蛋🍳一齊食好夾👏🏻海膽帶子三文魚刺身丼 $98三款刺生都幾鮮甜配搭牛油果✔︎唔錯芒果熱情果梳打🍹 $58酸酸甜甜有埋d果肉！正食物質素唔錯·價錢合理座位比較逼·⌫服務一般·想要杯水問左三次先有🥲

每次行到去厚福街都好多食肆，有選擇困難症，都唔知到試邊間好，今次見到厚福街開咗間新嘅舖頭所以入咗去先，佢好似之前日本好hit 嘅牛肉飯，啲肉搭到好滿😂今次就叫咗慢煮頂級牛肉盛丼🐮200g (HKD$108)，慢煮黑豚盛丼🐷150g (HKD$98), 本家製日式豚肉餃子🥟（5隻）HKD$58, 另外仲叫咗兩杯嘢飲添-朱古力曲奇沙冰及凍紫薯鮮奶各HKD$58 一杯牛肉盛丼🐮份量都好大，牛肉都好淋，味道都唔錯，另外仲有生雞蛋比我哋撈埋添，而且牛肉冇over cook ,不過如果唔食生牛肉嘅人，可能未必適合叫依一款，不過小編真係好鍾意呢一種慢煮牛肉感覺啦😍，又唔會太熟剛剛好😀黑豚盛丼，雖然我哋一個係叫細碗，但係佢啲份量一啲都唔會比大碗輸蝕，啲肉都係好多，經過慢咗之後，黑豚肉真係好滑好正，而且都係有個生雞蛋俾我哋撈埋一齊食，，女仔來講其實細碗都已經好適合豚肉餃子🥟有五粒，細細粒，容易入口，係小食嘅不二之選😗朱古力曲奇沙冰及凍紫薯鮮奶，而家天氣咁熱，沙冰簡直係解暑良藥，朱古力曲奇沙冰充滿Oreo味，而紫薯鮮奶有係有淡淡的紫薯味，兩杯嘢飲都不錯，而且都好適合打卡，好特別📸P.S: 小編佢嗰陣係平時

之前上網見有人介紹過呢間嘢，一直心郁郁想試，但係有兩次行過要等位所以放棄咗，尋日早收工，見有位，即刻去試吓。自問鍾意食肉同刺身，所以見到個餐牌嘅時候又要諗好耐食邊樣好，點知朋友好豪氣咁講，兩樣都叫呀🤣真係好了解我。於是乎我哋就叫咗個刺身飯、豬肉飯同一份好吸引嘅烤牛肉😍牡丹蝦三色刺身丼$128牡丹蝦都幾大隻，另外有三塊三文魚、一件帶子同三文魚子，同一般餐廳刺身飯差唔多，不過飯量算多。香煎西班牙黑豚配鵝肝丼$128呢個份量更大，豬肉口感好特別，好嫩好滑，同平時食嘅好唔同，上面淋咗啲芝麻醬，好夾，如果可以再加多少少芝麻醬就更好啦，因為啲飯偏多，而且冇加壽司醋，所以需要啲味送飯。鵝肝煎得好香，尤其係層皮，脆脆地，鵝味好重，鍾意食鵝肝嘅人應該會鍾意。火炙頂級牛肉配香辣粉$98呢個牛好唔錯，好香好有牛味，大概7成熟，易咬又有少少嚼勁，加埋啲香辣粉好滋味，200g原來都唔少，每人都食到5大塊，推介呢小食。另外可以加錢飲特飲，好少見餐廳有紫薯牛奶，所以要咗杯嚟試吓，甜甜地暖暖地，飲落好舒服，下面有紫薯粒記得要一齊食，好正。朋友杯青瓜青萍果沙冰都好靚，好適合打卡，朋友話甜咗少少，不過好飲嘅，大家下次去可

🌟夏天就食想吃些清涼的食物。還記得去日本旅遊，牛肉丼和刺身丼都是我的最愛。可是很久沒去日本了，再香港其實都不太敢吃刺身。就算吃都是去一些連鎖的吃壽司。刺身來說我最喜歡就是三文魚和三文魚籽，所以很期望這次的餐點。厚福街有很多不同的餐廳，他們都聚集在同一條街，吃完一間就下一間，很方便。這間餐廳應該是新開的，出面還擺有花籃，外面的裝修比較偏向時尚morden風，環境舒服，光線。他們還提供bar枱可以坐。Menu有很多選擇，還有不同的飲料和啤酒！很適合愛酒人士。🍖🍚慢煮頂級牛肉盛丼150g $88我和羊先生都很喜歡吃牛肉，所以就點了個慢煮牛肉來吃吃看。每一片肉都很粉嫩，慢煮過的牛肉很嫩，肉質不會老，肉味濃郁。配上生蛋就更加濃郁和滑溜。原來旁邊的白色物體不是cream, 原來是芝士。芝士配上牛肉會更加濃厚，濃郁，真的很不錯，很回味，有機會 會再吃。🍣🍚海膽牡丹蝦雜錦刺身丼 $148這一份都很豐盛！我刻意選了一個有三文魚和三文魚籽的餐點，還有其他不同的刺身。三文魚很肥美鮮甜，沒有筋。三文魚籽配上醋飯，三文魚籽的汁噴出來，融入了醋飯，真的很好吃。另外牡丹蝦很大隻，沒有異味，不錯，算是鮮甜。吞拿魚很大

新店美食介紹,厚福街又多左新餐廳今次過黎食飯,試下呢間叫Meat Fight 肉搏食堂餐牌選擇豐富,偏向日式 丼飯,類似大碗飯個種食法一人一碗加一個小吃再叫飲品香煎頂級牛肉配海膽飯 $148角切魚肉飯 $88雞軟骨餃子 $48 /4隻跟餐加特飲 $16一杯玫瑰荔枝梳打 ,藍莓青檸梳打即點即做,約5分鐘上菜先評牛肉飯,佢係類似牛扒切件煎香,食落肉質有彈性肉味偏濃郁,本身已經好夠味佢有淋上少少燒肉醬汁,食落味道更豐富,份量亦多,厚切牛肉有5件,後面仲有一份海膽海膽份量可以再多少少就更好了,好夠飽,米飯係用日本珍珠米,粒粒分明爽身角切魚生飯,有蟹籽,魚生切粒,中間再加隻生蛋黃,蔥花將蛋黃拌勻蔥白飯一齊食,更加香滑,魚生偏瘦,脂香味淡,蟹籽混埋一齊食有口感特飲方面係將果肉打碎再加梳打,呢個有誠意,飲落真正有果汁甜味唔係假糖漿味賣相可以再精緻少少就更佳 評價: 8/10 平均約$100一位,尖沙咀黎講算合理,食物亦見用心做尖沙咀厚福街2A號地舖G/F, 2A Hau Fook Street, Tsim Sha Tsui#MeatFight #肉搏食堂

行過厚福街 見呢間試業試咗兩個月都仲係試業緊既丼飯🤔睇外表都覺得好正常既 應該問題唔會太大🧐見佢有位 相比起隔離既店舖人唔算多 於是就走入去試下喇😂 入到去見到有bar枱高枱同普通既方枱當然設計上就冇咩特別既 都係會主力期望返係野食個度🤭見佢餐牌選擇唔算少既 有魚生飯 丼飯 同一啲日式既小食🥟野飲有啲特飲都值得試下既🍹 係坐低之後 其實都覺得個冷氣凍得有啲誇張🥴再加上我地又係坐正係冷氣機下面 會仲更加凍🥶遲黎過我地坐隔離既都忍唔住調咗位🥺於是我地就同店員講 個冷氣真係好凍想佢教細少少 佢示意ok👌🏽曾經有10分鐘左右我係真係feel到個冷氣係細左嫁🤔點知 突然間 呼一聲💨個冷氣係勁到直頭睇到啲風噴出黎🌬試想像一下 你係咩情況會見到個冷氣係凍到會噴風？我答：殮房💀係我隔離塊膠板好似接受緊山竹既吹襲一樣 猛烈地搖晃🌪我再同店員示意 佢地都見到啲風既吹襲 我話真係好凍☃️自此之後 個冷氣就keep住係咁無變過…….❄️🥶-🔸美國安格斯牛肉球 即叫即炸 襯熱食係最好 炸得香口之餘都唔係油膩👍🏼牛肉球都幾大粒 如果兩個人食可以先叫一粒 唔夠先再嗌切開肉球都幾多汁 唔會乾身 牛味都夠重 但又唔會太膻🤤

尋日食完晚飯經過厚福街呢度見到新開呢間餐廳，今日就帶囝囝嚟試下🤩佢哋呢度主打日式丼飯🍚仲有新鮮嘅魚生食慢煮頂級牛肉盛丼$108賣相好吸引🤩，中間有粒生雞蛋，面頭佈滿一塊塊呈粉紅色嘅牛肉，份量都幾多，口感仲非常嫩滑，配埋店舖嘅自家製醬汁同酸忌廉，真係一啲都唔dry慢煮黑豚盛丼$98入口好嫩滑，估唔到豚肉都可以整到咁，配埋麻醬同生雞蛋食又真係幾夾喎！日式豚肉餃子🥟 $58囝囝係餃子控，一上枱就食咗幾隻，餃子好足料，入面有滿滿嘅豚肉，唔使點汁都好好味Drink🍹 玫瑰荔枝梳打 $16芒果熱情果梳打 $16兩杯飲品賣相好靚，仲要係好好飲💕玫瑰荔枝果杯好香荔枝味，每啖都飲到荔枝果肉，仲有啖啖嘅玫瑰🌹香味而芒果熱情果呢杯味道酸酸甜甜，飲落都幾清新，夏天飲真係一流

-{尖沙咀日式丼飯🍛}厚福街出名多野食！今次依間係新開嘅日式餐廳🥰試左2款丼飯同小食 仲點左2杯沙冰🤓🤤香煎頂級牛肉配鵝肝丼🤤 ($118)慢煮牛好多塊😘不過食落可以生少少👀個鵝肝好香油脂味 好肥美😉食落嘅飯係珍珠米咬落幾香😌👖褲評: 7/10🤤慢煮黑豚盛丼🤤 ($98)肉嘅份量好多🤩不過食落好多醬 有啲蓋過左豚肉嘅味~👖褲評: 6.3/10🤤本家製日式豚肉餃子🤤 ($58)個餃子普普通通 不過個皮唔油☺️咬落個餡都有啲口感😇👖褲評: 7/10啲丼飯正常 個朱古力沙冰幾大杯 而個抹茶鮮奶好推介😍抹茶味好濃 環境細左啲😌但店員嘅服務態度都唔錯😙性價比: 7.5/10服務: 8/10環境: 8.3/10🚩肉搏食堂🚩地址: 尖沙咀厚福街2A號地舖 #fuudjai #fuudjai日本菜 #fuudjai尖沙咀

慢煮係近呢幾年嘅熱門料理，而刺身又係all-time favourite，鵝肝更係我最新嘅’小金PICK’，點揀好呢？🤔尖沙咀厚福街最近新開嘅’肉搏食堂’，主打牛肉丼飯，仲有新鮮厚切魚生，同埋100%ig-able嘅仙氣飲品，你仲等咩呀？Let’s go~厚切油甘魚刺身$58🍣無諗過係肉丼專門店食到咁高質嘅刺身🤭塊塊厚切，食完之後齒頰留香~香煎頂級牛肉配鵝肝丼$128🥩牛肉食肉一啲都唔dry，配埋燒汁，仲有勁有油脂香嘅鵝肝，真係好幸福呀😍慢煮黑豚盛丼$98/150g,$118/200g🍳除左主打嘅牛牛，呢度嘅慢煮一樣咁掂👍🏻薄切慢煮黑豚肉滑到我以為自己食緊刺身😲嫩到almost入口即溶。撈埋生蛋黃，啖啖都係滑一滑嘅流心口感😚紫薯鮮奶$58🥛紫白layer加埋枝花，成件事好有仙氣🧚🏻‍♀️飲落紫薯味濃，甜度恰好可以中和翻丼飯嘅鹹味👌🏻朱古力曲奇沙冰$58🍪呢個杯嘅造型’逗樂’左我🤣帶小朋友來，嗌呢杯應該可以令佢安靜食曬成餐飯嘅👶🏻

叫咗慢煮牛同香煎頂級牛肉配海膽個頂級牛肉真係勁唔掂，無牛肉味，勁韌吞唔到，海膽就苦既慢煮牛就唔韌，不過又係無味，好似就咁白烚咁最搞笑杯藍莓梳打水，竟然係無汽既，真係大開眼界中過一次伏就夠啦，一定唔會再嚟

本來一心想食另一間鋪 但友人俾個門口叫賣既哥哥仔吸引左 佢話佢叫得好落力想俾d鼓勵佢咁話喎叫左個慢煮牛肉飯同海膽三文魚帶子飯講左魚生飯先都尚算新鮮同有魚味既 但海膽就少左D到個慢煮牛肉飯 都算係佢地招牌菜個賣相一黎就好打卡先個慢煮牛係配薑味既燒汁隔離再加左堆檸檬奶酪(?) 我見識少就未試過咁既配搭所以覺得怪怪地 但友人就覺得好fresh好好味至於牛肉係滑既都好好食可以試下啦不過店內好多貌似冇咩經驗既員工 都係呆下呆下唔係好識招呼同應人 仲要收錯錢 建議賣單同俾錢後要check一check銀碼

Slow Cook Prime Beef Rice Box 慢煮頂級牛肉盛丼 - HK$88 (150g) / HK$108 (200g)Seared Sashimi Rice Box火炙三色魚生當 (HK$90)Rating: 4/5 ⭐ 今次食咗佢嘅慢煮頂級牛肉盛丼同火炙三文魚魚生當，賣相絕對邪惡，但係食落去冇話好驚艷，醬汁嘅味道蓋過食材本身嘅鮮味，有啲可惜。值得加分嘅位係佢嘅魚生真喺好厚肉彈牙。另外菜色特別，慢煮嘅日本菜喺其他日本餐廳真喺較少見，值得一試。The slow cook prime beef rice box and seared sashimi rice box looks stunning though the taste is average. The flavor of the sauce slightly overpowers the ingredients. However, it is worth noting is that the seared sashimi gets a very rich and irresistible texture. Al

平時去日本🇯🇵先食到既靚燒牛肉丼同海鮮丼香港都俾我搵到😜。餐廳風格走黑白型格路線，日系簡約設計，餐牌仲花多眼亂好多選擇。今次叫左招牌慢煮頂級牛肉盛丼，牛肉入口真係好淋，慢煮方法一啲都唔韌，雖然睇落有啲血紅色，但食落一啲血腥味都無，配埋酸忌廉（唔知點解）真係好正宗又好夾！面頭配蔥花生蛋加分，仲有牛肉醬汁食落滋味。海鮮丼叫左海膽牡丹蝦雜錦刺身，你看那大大份的海膽🤩超足料又好新鮮，同樣有蔥花生蛋配飯畫龍點睛。飲品同樣賣相吸引，先來杯芒果🥭熱情果夠清新；再有少女風抹茶🍵牛奶甜中帶澀，真材實料。

見到厚福街新開咗間日本野，緊係要試吓啦☺️本身都有聽朋友介紹過黎，所以上星期日就同男朋友一齊過黎試吓啦🤓可能因為係星期日兩三點呢啲時間，所以舖頭都唔算多人，成個舖頭環境都幾舒服幾乾淨，如果想chill chill地拍吓拖呢到都幾岩🥰呢到主打慢煮肉丼，不過我地今次主要想試吓佢地嘅刺身丼！所以今次我地嗌咗兩個刺身丼😋我地其中一個轉咗做套餐，包咗一碗湯同埋野飲。呢個湯真係比到驚喜我地喎！原本諗住日本餐廳餐湯都應該係普通麵豉湯，但估唔到原來係碗羅宋湯😂呢碗湯正正常常啦，略嫌鹹咗少少，不過都見到啲料有菜有少少肉，都唔似係啲罐頭湯嘅🙈跟住就到丼飯啦~呢碗海膽帶子三交魚刺身丼都幾唔錯！三文魚嘅油脂分佈得岩岩好，唔會好油膩👍🏻海膽唔腥，帶子都幾甜😋三款刺身都做得唔錯！不過唯獨係牛油果硬咗少少，可能因為有啲生，食落就無乜牛油果味🤥［海膽帶子三文魚刺身丼 $108］下一樣就係呢碗火灸三色魚生丼，呢碗丼飯相對失色少少☹️本身好期待佢地嘅火灸刺身會有入口即溶嘅口感，但食落有少少乾身(尤其係火炙吞拿魚)，感覺唔似食緊刺身咁😯不過值得一讚嘅係，加咗日本雞蛋落丼飯到又幾好食☺️如果另一碗丼飯都有得加雞蛋就好🤣［火炙三色魚

今日經過尖沙咀厚福街開張咗無耐嘅肉博食堂見到入邊嘅環境同裝修都好華麗 忍唔住入咗去試吓🥩慢煮頂級牛肉盛丼🐖慢煮黑豚盛丼🥟本家製日式豚肉餃子飲品🥤芒果熱情果梳打🥤藍梅青檸梳打黑豚丼 配日式芝麻醬 溝埋日本蛋一齊食 蛋味好香 豚肉肉質鮮嫩 垂涎欲滴牛肉盛丼 由於慢煮嘅關係 帶有少少淡紅色 入口鮮甜 真係色味俱佳🤤 個份量對於女仔來講可能會有啲多 豚肉餃子亦都冇足料 啖啖肉👍🏻飲品方面 果味梳打非常之啱而家夏天咁熱嘅天氣 而且唔會好甜 好岩我🤗👅: ⭐️⭐️⭐️⭐️🌇：⭐️⭐️⭐️🤵🏻‍♀️: ⭐️⭐️⭐️ ⭐️🧹: ⭐️⭐️⭐️🤑: ⭐️⭐️ ⭐️⭐️📍尖沙咀厚福街2A號地舖Meat Fight🍽