老鍋台式火鍋 (京都廣場) (已結業)

為咗要補返成個冬天都唔敢食火鍋今次又揀咗間之前成日要排長龍嘅老鍋點知夜晚8:30都係好多人好彩book咗位咋兩個女仔食我哋今次揀咗膠原蛋白美人鍋見到材料都係女性恩物有烏雞、杞子、紅南棗等等淨係個湯底都已經好滋陰養顏本來想食埋個烏雞但係佢一開二太大舊食落好困難如果可以碎上就更好啦食火鍋點可以冇丸&餃心大心細叫呢個丸餃井字盤就啱 $98/8粒唔使諗又乜都食到怕肥又想食肉揀嘉美雞就最好啦 $78肉質鮮嫩煮耐啲都唔會怕鞋鞋. Good口痕平平地叫多碟甜不辣 $38估唔到又幾好食喎兩個女仔叫得唔多但已經食得好滿足全場成晚都好多客人不過侍應都好招呼周到經常主動check吓要唔要加湯同埋收碟

香港人無論一年四季幾時都鐘意打邊爐，自從上年去台灣旅行吃過當地養生火鍋店後就念念不忘。朋友介紹下得知銅鑼灣有間高質台式火鍋店，就決定搵日收工試吓。當日八點到餐廳已經全院滿座，幸好我們有預早幾日訂枱。店舖裝修得古色古香，風味十足。牆上還貼了很多明星到訪過的相片。食火鍋一定要調配屬於自己的醬料，依度嘅醬料款式都算齊全，有炸蒜粒、青蔥、芫、醋、荽、沙茶醬等。老饕酸菜白肉鍋 ($158)一個大鍋裏放著滿滿的酸菜同白肉，仲有配菜粟米蕃茄 和我最愛的薯粉🙈份量十足，氣味芬香，酸度柔和，聞到都已經流晒口水，非常醒胃。3秒響鈴卷響鈴炸得金黃而層次分明，放係湯中灼幾秒，再入口，外層吸滿汁，內層仲有香脆嘅口感，好正。嘉美農場雞肉肉質非常鮮嫩，上碟已經去唒骨，食落啖啖肉，真材實料。手工丸拼盤都正，我至愛就係黑松露蝦丸，好味而且質地彈牙!

這間台式老鍋打邊爐好出名，尖沙咀銅鑼灣都有分店。我朋友介紹來品嘗，現在更有7折優惠！在銅鑼灣京都廣場上，一出電梯就見到（是全層），門口有好靚的台灣天燈，設計的好別緻；今日星期四原來都好多客人，大家可能都無打邊爐好耐（我們也是）除了打邊爐，更有台灣小食（如：炸臭豆腐、鹽酥豆腐、鹽酥雞、蒜味台灣腸等等）打邊爐的湯底唔少選擇，有台灣出名的酸菜白肉鍋、麻辣火鍋，我男朋友首選秘製麻辣湯底！大大個鍋，是讓我懷念的台式火鍋器皿，湯式足料（多塊百頁豆腐、多塊豬紅、辣椒等）好香喔！食指大動麻辣湯底當然要點肉類，男朋友選了涮鍋小羊肉片、特級美國安格斯高級雪花肥牛，2種都圈得好靚好精美：小羊肉片一點也不羶，好有口感好易熟又軟腍，這個喜歡羊的我大讚；而特級安格斯雪花肥牛好香牛味，好易咬好有口感，男朋友好喜歡！老鍋丸餃井字盤一定要食啦，好靚的又有智慧的擺設，點了彈牙有爽口蝦粒的蝦丸、包了爽口蝦滑豬肉的鮮蝦雲吞、大大粒有咬口的魚皮餃，唯一是魚肉小湯包比較外皮厚，但內面都多汁要平衡下，蔬菜都是必點的，五彩鮮蔬盤好吸引，有南瓜片、粟米、金菇、鮮冬菇、不同款的菜！男朋友點了台灣新竹米粉，幼幼又爽身，吸了麻辣湯好過癮我們

一直都未食過台式火鍋🇹🇼最近同朋友終於去咗老鍋台式火鍋試下✌🏻.老饕酸菜白肉鍋🍲裡面嘅配料非常多🤗有秘方腌制東方大白菜🥬極品豬王花腩🥓寬粉條、蕃茄🍅粟米🌽冬菇🍄仲有唔少黑椒，所以味道酸酸甜甜帶少少辣味，好開胃😆入面嘅寬粉條煙煙韌韌又入味👍🏻.美國梅花豬肉🐖肉味香濃，肥瘦適中😋口感彈牙，.老鍋台灣麵🍜一共有兩款麵餅，淺綠色係抹茶味🍵白色是當歸味🤍抹茶味掛湯能力高啲，當歸味好濃，同時比較快吸收湯底味道🤤.杭菊露🌼味道唔會太甜，滋潤清香🥰清熱解渴

預約星期四晚8:30入座，入餐廳之前職員要求用酒精搓手同埋量埋體溫先入座，餐廳內座位都分得好開，有好多卡位，坐得舒服又放心調味料區：可以自行調校調味料，調味料選擇都好多，又炸蒜、蔥、蒜汁同指天椒等等湯底：酸菜白肉鍋呢個酸菜白肉鍋十分足料，除咗酸菜白肉外，仲有蕃茄粟米同鮮菇，湯底好清甜，個酸菜的酸味好舒服，唔係化學味的酸，好味丸類：九官格丸有四款丸餃類，每款兩粒，啱晒兩個人食又又想試唔同野食嘅朋友仔。魚皮餃同埋鮮蝦雲吞都好出色，蝦肉彈牙，鮮甜有肉汁牛小排半份高質牛小排，雖然係半份但係份量都唔少，牛小排油脂分布平均，牛肉食落口感柔嫩，又充滿牛油香味，必叫之選老鍋台灣麵睇落個樣好普通，但係個白色嘅面係藥膳味，好有驚喜，棉質軟身但係每一啖都充滿着藥膳味蔬果盤響鈴甜不辣飲品都好唔錯我哋叫咗烏梅汁同埋菊花杞子茶想來試嘅朋友記得要預約因為晚市都爆場

今晚約左個好耐無見既朋友打邊爐，決定食呢間我放左喺checklist好耐既老鍋！我地叫左酸菜白肉火鍋底，豬肉好入味，又冧。手切安格斯牛小排好有牛味！唔洗點醬都好好味！甜不辣都好味👍🏻D丸就不過不失。最有驚喜既係老鍋台灣麵中白色既麵，估唔到原來係葯膳味！😋😋食埋蔬菜盤我地兩個就已經超飽！因為淨係個酸菜白肉火鍋底已經好足料，好多野食，又有寬粉條！另外，服務員態度好好，會留意到我地枱面唔係好夠位，比個架我地放火鍋料; 又會留意到我地d湯開始少，幫我地加湯。

這間餐廳在銅鑼灣站C出口對面，十分就腳！餐廳位置寬闊，令人感到舒適他們是用手機點餐的，十分方便，可以隨時隨地加料！湯底有四個可以選擇：老鍋秘製麻辣鍋、老饕酸菜白肉鍋、膠原蛋白美人鍋、尚膳養生鍋而食材也多元化，有手工丸、餃、蔬菜、肉、豆品及小食等老鍋秘製麻辣鍋這個是以多種香料及葉材配製，再加入鴨血及凍豆腐。雖說是麻辣湯底，但不會太辣，因此可以感受到食材的鮮味。很貼心的是，餐牌上有提示到湯底麻辣度偏低，如果要品嚐麻辣味道，就要點大辣。而我就點了小辣，感覺辣度適中，帶點麻麻的感覺。建議鴨血及凍豆腐要放耐一點才吃，會比較入味！美國梅花豬肉食材新鮮，梅花豬肉的厚薄度剛剛好，口感適中鹽酥一口豆腐這個有驚喜！本以為與大排檔的差不多，但真是相差很遠！這個豆腐外脆內軟，外層炸粉的厚薄度剛剛好，而且是微微脆脆的，而且豆腐口感幼滑，令人吃不停口！老鍋丸餃井字盤包括墨魚丸、貢丸、極品水餃、魚皮餃，十分喜歡墨魚丸、爽口彈牙；貢丸多汁、水餃皮薄、魚皮餃啖啖肉，他們的丸餃都很高質呢！綜合雜菌拼盤雜菌食材新鮮，配麻辣湯底一流！烏梅汁、杞子杭菊露這個值得一讚！杭菊露不是死甜，而是真的有菊花味的飲品，解熱解渴。而朋友點了

近呢幾年台式火鍋係香港都好hit，而呢間老鍋聽就聽過好多次，一直都未有機會去試呢日趁疫情有好轉，就同朋友去咗試下一見到個鍋都真係幾驚訝，因為d香料爆多麻辣鍋有分小辣、中辣同大辣，今次小弟就叫咗小辣。個湯底真係做得好好，飲咗啖湯覺得勁香濃，而且唔係得個辣字，第一次有麻辣湯底係令我有想叫麵既衝動台式既麻辣火鍋唔少得鴨血同凍豆腐。呢個鍋d鴨血同豆腐多到我飽咗大半呢碟豬肉睇落好似好薄咁，但其實只係幻覺熟咗之後塊豬好大塊！好有肉香之餘仲好嫩滑依家好多野都興加鹹蛋黃，豬肉丸都唔例外加咗鹹蛋黃好特別，味道都比想像中夾呢個井字盤一共有三款，而今次點呢款就有蝦丸、魚肉小湯包、鮮蝦雲吞同埋魚皮餃，每款有兩粒。全部都好好食由其係鮮蝦雲吞，粒蝦好大粒架！除咗打邊爐既食材之外，仲有唔少台式既熟食呢個真係好正！係香港好少有餐廳有得食臭豆腐，而且仲唔算貴，$48有5大塊仲要係新鮮炸起，外皮極級鬆脆，食落唔會覺得成口油！！台灣小食點少得鹽酥雞呀同樣都係新鮮炸起，唔會炸得好乾同好鞋。炸完仲要加咗d炸蒜，更加正另外值得一讚既係餐廳既抽風系統非常之好！因為小弟係十分怕打完邊爐會成身都係打邊爐味但係今次小弟食咗成個幾鐘頭都竟

老饕酸菜白肉鍋，份量十足，包括有秘方醃製東方大白菜、極品豬王花腩、京蔥、寛粉條、粟米、蕃茄、鮮冬菇；秘方醃製東方大白菜口感爽脆，味道酸溜；極品豬王花腩肥瘦比例恰當，肉質鮮嫩、唔油膩；各種蔬菜都好新鮮，味道清甜；寬粉條口感煙韌；整體味道酸甜、開胃。老鍋丸餃井字盤，包括有蝦丸2粒、魚肉小湯包2粒、自家鮮做鮮蝦雲吞2粒、魚皮餃2粒，蝦丸混合左蝦肉、蝦膠製成，口感爽彈，味道鮮甜；魚肉小湯包，魚肉厚滑，皮身晶瑩，湯汁飽滿，湯汁充滿住鮮魚、湯底嘅味道；自家鮮做鮮蝦雲吞採用半肥瘦豬肉、鮮蝦製作，豬肉肉味濃郁，鮮蝦口感彈牙；魚皮餃皮薄多餡，魚肉鮮味十足，皮身口感Q彈。老鍋鮮魚腐，皮身軟腍、油份唔重，魚肉爽滑，內裏包裹住湯汁。鹽酥一口豆腐，口感外脆內軟，豆腐食落好滑溜，表面鋪滿椒鹽粉，味道鹹香。杞子杭菊露2杯，真材實料，飲落有幾多菊花、杞子，味道香甜、順喉。

難得係北角收工，咁就順路去銅鑼灣打個邊爐！Yummmm～老鍋秘製麻辣鍋鍋底不算辣，感覺似是藥膳湯底再加入花椒八角煲成的麻辣鍋，岩香港人鐘意食辣又唔食得太辣嘅口味！麻辣鍋入面本身已經有鴨血及凍豆腐，所以鴨血完全冇腥味，而且凍豆腐超級入味！涮鍋小羊肉片真心好薄片，同埋唔「蘇」！本地新鮮手切肥牛打邊爐絕不能沒有肥牛，而且識食，一定會揀新鮮又矜貴的每日本地手切肥牛！Yummmmm⋯⋯牛肉味濃，脂肪適中，食落口綿滑嫩口，最重要不韌！綜合手工丸拼盤（蝦丸，魚肉小湯包，鮮蝦雲吞，魚皮餃，各2粒）蟹籽墨魚滑墨魚滑爽滑彈牙，食落口感好特別，食食下有蟹籽嘅脆， 脆卜卜嘅質感！蟹籽墨魚滑口感好豐富，一粒「滑」有雙重鮮味。櫻花蝦滑蝦滑上面真係有好多櫻花蝦，搞好之後落落去火鍋真係好好食！三秒嚮鈴卷同平時街市買嗰啲唔同，大卷好多！提提大家真係淥三秒好喇，如果唔係就會淋晒！千張豆葉紙第一次咁樣食腐皮，比我想像中好食！超級薄，而且又有啖啖嘅豆香，勁吸味！老鍋台灣面冬瓜茶食台灣野又點可以冇冬瓜茶呢！冬瓜茶利尿消腫，而且冬瓜中含有很多纖維素，具有潤腸的作用，打邊爐之後飲可以有很好的排毒作用。

台式火鍋好耐沒吃了，與靚女foodie💁‍♀️來一個老饕酸菜白肉鍋 🔥。這個鍋用料豐富，不只是酸菜和五花腩🥩，還有蕃茄、鮮冬菇、粟米、薯粉等，湯底酸酸地幾開胃，而且酸菜用上醃制的東方大白菜🥬。為了滿足靚女foodie的慾望🤤，另外配上美國梅花豬肉，鮮蝦雲吞，王子麵。豬肉的肥瘦平均，食落爽口；雲吞大大粒又皮薄餡靚，蝦肉夠彈牙；王子麵🍜係台灣出品，我第一次食，覺得口感幾好。飲品方面叫了烏梅汁和冬瓜茶🍵，清甜又下火。唯兩小時火鍋實在較短🕘，可能用了不少時間影相，野食未食完就被員工催了幾次埋單🛎，想同靚女foodie傾多幾句偈都唔得😅😅😅。座位相當舒適，而且格局不錯，餐廳門口已有大銀幕播上孔明燈🏮，內面裝潢亦盡顯台式古風，鍋爐都好靚，食物質素有水準，整體大致良好👍。

D人話疫情之下邊個朋友同你食飯就係生死之交，我諗同得你打邊爐嘅就更甚la係咪？😂同好朋友都係無辣不歡，😜所以決定去老鍋食麻辣火鍋～話晒都台式火鍋，😃一出𨋢就見到門面掛咗好多天燈，增加顧客的親切感～Menu有多款靚牛肉同時令海鮮選擇，👍🏻其他基本火鍋食材亦一應俱全～鍋底唔使諗，當然係揀招牌秘製麻辣鍋la！一上枱香味撲鼻，😋我地揀咗中辣，夠麻夠辣而不嗆喉，湯底亦超足料，除咗多種香料同藥材，仲有超入味既鴨血同凍豆腐～另外仲叫咗呢幾樣配料～涮鍋小羊肉片肥瘦均勻，👍🏻唔會太「騷」，肉質軟嫩蝦丸（半份）蝦味濃，爽滑彈牙，😆有得叫半份啱晒我哋二人份、又想試多啲嘢食嘅人自家鮮做韮菜餃一份八隻，餃子皮薄餡多，😀包得好靚好似朵花咁台灣A菜翠綠又新鮮，減輕油膩感老鍋台灣面（兩食）有綠茶味同當歸味，😆我地都比較鍾意當歸味，較濃味又好特別，麵條本身已熟，可配冷麵汁凍食，放湯吸收精華熱食又得！飲品方面有冬瓜茶、啤酒等，我地order咗杞子杭菊露，清熱滋潤一下~真係好鍾意呢度個湯底！😛等遲d疫情過咗，再約一班朋友嚟過！

因為實在太耐冇打過邊爐所以我同男朋友終於忍唔住去食咗台式嘅火鍋呢間火鍋店嘅湯底都非常之多選擇以我地就揀咗呢個麻辣湯底因為佢入面有啲豆腐同埋鴨血非常之抵食呢間餐廳嘅座位非常之闊落亦都好舒服我哋除咗火鍋湯底之外仲叫咗呢個鮮蝦雲吞啲雲吞勁大粒入面啲蝦好多全部都非常之爽口而且我哋仲叫咗呢個羊肉片佢同個湯底非常之夾因為個湯入邊已經好多配料所以我哋再叫埋個台灣麵就啱啱好夠飽個台灣麵非常之煙銀最後我哋飲埋冬瓜茶呢一餐飯非常之圓滿

坐落在銅鑼灣491號-499號京都廣場2樓的老鍋台式火鍋，交通非常便利，地鐵港島線銅鑼灣站C出口走路過去不到2分鐘。我用餐时间是晚上8:00几乎全部爆满，我们点了两人套餐。锅底足老饕酸菜白肉锅里面有腌制的东方大白菜，半肥瘦猪花腩，番茄粟米冬菇宽粉条等多种食材，分量十足，风味独特。夜市查臭豆腐外脆内嫩，非常香口。涮锅小羊肉片中规中矩。综合拼盘中蝦丸弹牙好吃。饮品中，我印象最深的是冬瓜茶非常有特色。总的来说满意的！

今日同朋友放工喺銅鑼灣SOGO shopping的時候肚子餓了所以揀了這間近近地的餐廳，入到去比想像中多人幾乎全部滿座。侍應帶我們去了一個卡位我們點了一碟羊肉因為我最喜歡吃的肉就是羊肉。我同我朋友點了酸菜白肉鍋。湯底來的時候看見入面已經好很多材料例如有酸菜有肥豬肉同埋粟米。然後叫了不同的丸類。其中最好吃的丸是龍蝦丸。非常彈牙。然後也叫了臭豆腐本人也很喜歡吃街邊的臭豆腐。最後亦都叫了一杯冬瓜茶，友人叫了一杯酸梅湯。本人覺得湯底非常濃郁而且配料很多。但始終兩個人吃火鍋並不可以叫很多食材就已經飽飽總括而言覺得是一間很好吃的火鍋餐廳。大約食了90分鐘。