老鍋台式火鍋 (京都廣場) (已結業)

老鍋台式火鍋 (京都廣場) Taiwanese Hot Pot (Kyoto Plaza)+台灣菜+ 火鍋🏠環境:+ 中式裝修 古典風+ 手機點餐 方便快捷 仲可以睇到落咗乜+ 店員主動加湯 服務有禮‼️ 酸菜白肉鍋 $158好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 醃製大白菜 湯底偏酸 酸酸少少辣 酸香開胃✅ 寛粉條掛湯能力強 有啲似平時食嘅紅薯粉‼️ 老鍋丸餃井字盤好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 有蝦丸 魚肉小湯包 鮮蝦雲吞 魚皮餃✅ 大愛蝦丸 爽口彈牙‼️ 杭菊露 AND 烏梅汁好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 杭菊露有菊花味 唔係平時七仔果D得甜味嘅菊花茶✅ 烏梅汁 酸酸甜甜 中和一下火鍋 油膩感鹽酥一口豆腐 $48好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 豆腐外脆內軟 令人食完一舊又一舊📍銅鑼灣駱克道491-499號京都廣場2樓2/F, Kyoto Plaza, 491-499 Lockhart Road, C

上次同男主角食過覺得唔錯, 今次同朋友行完街就黎食個Early dinner la~當日食仲有2人限聚令, 所以我地得2個人都可以坐卡位, 好舒服, 好闊落因而家疫情關係, 我地一坐低佢地就比左盤熱水我地洗一洗D碗具,,, 非常貼心同埋佢地係用電話點餐，十分方便，可以隨時隨地加料！呢度既湯底選擇都OK多~ 有老鍋秘製麻辣鍋、老饕酸菜白肉鍋、膠原蛋白美人鍋、尚膳養生鍋...我地都struggle左好耐要老饕酸菜白肉鍋定老鍋秘製麻辣鍋..但因為食得台式火鍋都係想食佢個鴨血... 而覺得麻辣鍋配鴨血係the best combination, 所以就要左老鍋秘製麻辣鍋~~<<老鍋秘製麻辣鍋 $158>>湯底入面有鴨血及凍豆腐,以及用以多種香料及葉材配製而成。雖然話係麻辣湯底，但其實佢唔會太辣~ 反而香味好夠!連我個偽台妹朋友都話覺得幾正宗就知道呢間火鍋店既水準了~如果大家箱得唔夠味/習慣港式邊爐用好多配料嘅話...呢個調味吧你一定要黎睇下~調味吧擺放得非常整潔，令客人食得放心。<<老鍋丸餃井字盤>>包括墨魚丸、貢丸、蛋餃同極品水

我最愛就係打邊爐疫情關係 無得去台灣旅行 !食下台式火鍋 頂下先餐廳空間好大 坐位sofa位舒服早左小小12:30無咩人1:00開始就多人 我地2個人食 叫左個酸菜白肉鍋一上台酸菜味勁香佢唔止係湯底 入面仲有唔同既配料有冬菇,粟米,蕃茄,菜之外仲有五花腩同闊條粉咖因為有肉又有麵 都唔敢叫大多其他野住只係加左小小出名既試下 特別中意台式臭豆腐同即炸響鈴2樣都係新鮮炸 即刻趁熱好好食比起香港既臭豆腐實小小 外皮脆小小另外叫左碟井字丸餃拼盤 因為係出名既所以試下其中個墨魚丸勁新鮮彈牙 由於我地一開頭無睇真個火鍋係有麵所以另外叫左個王子麵食落似上海麵 好大碗真係勁飽飲品方便我地叫左東瓜水同烏梅汁東瓜水有小小糖 烏梅汁酸酸地解油膩非常好整體來講都唔錯個湯底咁多餸都好抵食

妹妹愛吃火鍋。趁今天放假請她去銅鑼灣京都廣場吃台式火鍋。 在店門口見到好多明星來吃火鍋的相片，包括我的偶像發哥和發嫂，不禁令我充滿期望。店座位寬敞，通風佳，裝修雅緻，服務貼心。妹妹愛補身，我們便叫了個尚膳養生鍋。湯底用藥材，老雞，火腿，豬肉等肴成。鍋拿來聞到香氣四溢。鍋內有人參，桂圓，紅棗，冬菇，大蒜，粟米等。湯奶白甘甜，令人食欲大振。湯內的老豆腐吸收了肉的精華，又有營養又美味。調味吧有各式調味品任君選擇。老鍋丸餃井子盆有墨魚丸，貢丸，蛋餃和極品水餃。我愛極品水餃和墨魚丸，妹妹較欣賞貢丸和蛋餃。這些丸子和餃真材實料，好味少脂肪。嘉美農場雞軟滑有肉味，蛋白質豐富。夜市炸臭豆腐炸得香脆不油腻。點甜醬夾泡菜吃別有一番風味。冬瓜茶清甜。杭菊露潤喉清熱。好飲。妺妺減肥，我們沒有叫澱粉質的食物。但吃完火鍋好飽好滿足。下次帶埋爸媽去一起享用火鍋。

Fatbrown 鐘愛台式打邊爐，以前成日得閒無事weekend 就飛番轉台灣，而家成年無旅行過癮起都好正常吧朋友介左銅鑼灣京都廣場呢間台式邊爐店，話正宗得黎又唔貴酸菜白肉鍋湯頭入口酸轉為甘甜好過癮，白肉配酸菜好開胃，解左豬腩肉的油膩感老鍋丸餃井字盤四種丸分別系梅菜豬肉丸、麻辣肉丸、 韮菜餃，魚皮餃，最鐘意豬肉丸，口感偏新鮮豬肉，唔系彈牙個種，但食得出好新鮮台灣蒜香腸超重蒜味，台灣香腸不嬲偏甜少少，夾埋蒜味食好過癮千張豆葉紙豆葉紙見個名幾得意就叫左黎試，味記同口感都有驚喜唔好睇少佢薄薄似紙，但重豆味，有嚼勁，十分推介

又到星期六，放假要食好啲，上OpenRice搵吓有乜好食，又有折扣優惠；最後去咗一間台式火煱店打邊爐，經OpenRice訂位，全單7折 (海鮮及飲品除外)；我哋叫咗1️⃣ 老鍋秘製麻辣鍋 + 老饕酸菜白肉鍋 (鴛鴦鍋) $1582️⃣ 美國梅花豬肉 $983️⃣ 涮鍋小羊肉片 $984️⃣ 鴨血 $685️⃣ 皇室魚肚 $886️⃣ 醬料/茶芥 x 2 $40整體來講，這間火鍋店食物水準不錯👍🏻價格💰：$452 ($550 - $153全單7折 + 服務費$55)味道😋：OK

老實講，這間火鍋店真係好貴，兩個人食除咗牛肉只係嗌咗好普通嘅配料，仲要嗌得唔多，一碟二百幾蚊嘅安格斯牛（明明係話手切，但唔係，食落同普通急凍肥牛冇分別，有幾塊咬唔開，老牛）咁就盛惠千幾蚊二位。丸類方面，粒粒都好細粒，水餃又係，其他就唔多講，四個字普通貨色。佢嘅服務&食物質素同個價錢唔成正比，個湯底越來越少越嚟越鹹，叫咗人加湯最後冇咗件事，要叫多幾次先過嚟，千幾蚊餐飯好多地方選擇，服務亦都唔會係咁樣

之前夜晚仲可以外出食飯嘅時候，有晚同朋友去咗四間台式火鍋店食晚飯，個人覺得都幾值得推介。咁我同朋友就叫咗一個酸菜白肉鍋，識落酸酸地咁非常開胃，佢有個盤係有四款餃子，每款兩隻，都好岩同朋友share食，羊肉片亦都唔錯，唔會覺得有一陣騷味。我哋仲叫左一款霜降牛，用個架托住，好岩大家打卡，肉質亦都非常鮮嫩，亦都唔會太薄。另外我哋叫左黑白雙滑，即係用咗黑墨魚汁同普通墨魚去打嘅滑。味道唔可以話好特別，但都係影得好靚。

 食在疫前第3波係爆發第3波之前,我約左朋友去銅鑼灣搵食去左一間叫老鍋既台式火鍋久聞其名,開左2年終於有時間過黎試無得去旅行,多了時間在香港搵食呢度既選擇都幾豐富有麻辣,有酸菜白肉,養生鍋,美人鍋比較人氣既選擇當然係麻辣但由於朋友不吃辣,試下比較特別既酸菜白肉配個幾款丸同雲吞加個台式小吃,鮮豆皮同老鍋台灣麵條飲品配了冬瓜茶 鍋底158蚊,可選鴛鴦鍋或一鍋上大白菜,極品豬花腩,再配埋粉條仲有粟米,番茄等食材食起上來特別有風味,酸香清新醒胃先飲一口湯,再食下甘香肉嫩既五花片仲有吸曬汁粉條同食材已經飽左3分,加埋唔同既配料個鍋真係非常足料鹽酥一口豆腐,脆香,但內嫩滑出奇地好食! 食完鍋料,加埋其他食材一起煮最後落埋老鍋台灣麵個湯底食到最後都係非常濃香酸味道足,唔食辣都一樣咁味道豐富十分推薦這一款湯底鍋料新鮮豆皮吸飽湯汁,新鮮豆香加上獨有既酸味成件事相當唔錯,食起黎都唔油膩呢個鍋最大特色就係食到尾都唔會覺得油膩 突出食材味道,非常好

呢大半年因為疫情都冇得去旅行，突然好掛住台灣嘅味道，於是同友人去咗呢間台式火鍋店。講到台式火鍋大家一定會諗起台灣最出名嘅麻辣湯底，今次叫咗呢個老撾秘製麻辣鍋，可以講有九成似台灣嘅味道，除咗又麻又辣之外，亦都好香，另外要讚一讚嘅係湯底好足料，除咗有唔同香料之外，亦都有好多鴨血同埋一啲豆卜，絕對係解到思鄉之愁😂係等緊啲餸菜上嚟嘅時候我哋急不及待咁叫咗一款小食頂住肚先，我哋叫咗臭豆腐，點知好有驚喜！臭豆腐臭嘅程度啱啱好，而且係新鮮炸好，食落外脆內軟，配埋台式泡菜一齊食，感覺好似去咗夜市一樣😭作為食肉獸我哋另外叫咗本地手切肥牛同埋羊肉片。本地手切肥牛唔使多講，肉味濃，而且夠油脂，配麻辣火鍋簡直係一流。出奇地羊肉串比肥牛更加好食，麻辣湯底蓋過咗羊嘅騷味，相反令到羊梗加香👍🏻 好推薦大家叫！另外見呢度老鍋井子丸咁得意，亦都叫咗一份嚟試吓。個人幾鍾意呢個餸，平時叫一份丸會有好多，要一個款可能已經食唔落其他，但呢個份量啱啱好，總共有三款丸，每款有兩粒，啱晒啲眼闊肚窄嘅朋友仔！最後點都要叫啲粉面嚟結束今次嘅舌頭上的旅行，我哋叫咗台灣出名嘅寬粉，寬粉煮完之後索哂啲辣湯底，超惹味！整體來講呢一餐性價比都幾高

好耐都冇去過旅行lu ~ 尤其係台灣 行行下街 睇到樓下個牌 火鍋相片好好味咁 吸引左我上黎試下老鍋秘製麻辣鍋 $158鍋入面有好多鴨血 同凍豆腐 食極都仲有 好滿足 重口味怪表示 煲到咁上下 岀哂味 先最好食涮鍋小羊肉片 $98真心一啲都唔膻 好夾呢個湯底 會有下次老鍋丸餃井字盤 $98每款2粒 我同男朋友食 岩岩好一人一粒 唔洗爭蟹子墨魚滑 $88好多蟹子吖 呢個係每次食火鍋都會點的東西白玉蘿蔔 ，高山娃娃菜$48咁邪惡 點都要叫啲菜食下嘅夜市炸臭豆腐 $48好耐冇食過臭豆腐啦 而家都唔敢係街食 沾甜醬食 好正 王子麵 $38 @2對我黎講 台式火鍋不可或缺的一定係王子麵 食到最後 食反個王子麵 感覺人生完滿了 ha杞子杭菊露 $28 @1唔錯 唔會太甜

一家人本身打算去個台灣旅行，但撞岩疫情去唔到，唯有去老鍋打番個台式火鍋啦。菜白肉鍋 ($158)裏面有白肉、大白菜、同埋薯粉。湯煮15分鐘就滾，湯混合左酒釀白肉一齊煮，陣陣酒味飄香，肉嘅份量都唔少，唔會怕太肥，配合大量酸菜同埋新鮮蕃茄，酸酸甜甜好開胃。老鍋丸餃井字盤($98) 一次過滿足咁多個願望，岩哂有選擇困難症嘅我，共有4款8粒！肉丸都好新鮮，食落多汁彈牙，睇住辣親呀。老鍋台灣麵($58)依個面好特別，經理話可以兩食，當冷麵食又可以煮！麵嘅質感有兩款，幼啲白色果個麵有少少藥材味，而啡色果隻就係蕎麥麵，食落硬身有口感。冬瓜茶($22)炎炎夏日飲一杯清熱解渴，而且清新唔會甜，打邊爐飲用嚟消解油膩就最好不過。

老饕酸菜白肉鍋 $158佢哋有秘方醃製東方大白菜丶極品豬王花腩丶寛粉條丶粟米丶蕃茄丶香菇丶蔥段；寬粉條同酸湯好夾，不其然一碗再一碗。炎熱嘅夏天，酸湯能開胃清火，酸香醒胃，去膩除燥，消暑健體。出汗多，易損失水分，酸湯火鍋嘅酸味能斂汗祛濕。涮鍋小羊肉片 $98揀羊肉，因為唔易致肥，小羊肉片肉質軟嫩，少少膻，放入酸鍋涮涮，再輕點醬料，不錯老鍋丸餃井字盤 $98蝦丸丶魚肉小湯包丶鮮蝦雲吞丶魚皮餃各2件台灣蒜香腸 $48好有台灣風味，口感較港式香腸紥實，蒜味適中烏梅汁 $28/杯味道濃，生津止渴，消暑開胃，烏梅有抗菌作用，有助降血壓血脂，消除膽固醇，打邊爐飲就最啱喇杭菊露 $28/杯味道清甜，清熱解毒，明目養肝

老鍋今日同朋友一齊去到銅鑼灣食台式火鍋，一直都想試下台式火鍋好耐，今日終於有D機會可以去食下。好在我地一早book左位，但可能係因為我地係約左8點半，所以都唔算太多人等位，入在之後就可能揀湯底，同埋係scan QR code去自助下單，不過都有份大menu比我地睇下有咩食咁。湯底我地就揀左老鍋秘製麻辣鍋 (小辣)($158)湯底用左好多種香料同藥材去煮，睇落好多辣椒、花椒同八角個D咁，但飲落湯底唔算太辣，反而藥材味比較重D。每日本地新鮮手切肥牛 ($288)肥牛有兩款，一款肥D另一款就瘦D，兩款肉質都好嫩滑，好重牛味。三秒響鈴卷 ($48)真係數3秒就即係夾返上黎，比起出面都脆身好多，好好味。千張豆葉紙 ($48)同樣都係2-3秒就夾返上黎，睇落好似腐皮，食落口感又好好多。涮鍋小羊肉片 ($98)望落去肥瘦分佈均勻，淥熟後好重羊肉味，騷味都幾重，好香好好食。綜合餃類拼盤 ($98)有齊曬咁多款丸，可以一次過比曬心多多又眼寬肚窄既人。唐生菜 ($48)好新鮮，不過份量唔算好多。蟹籽墨魚滑 ($88)好食，蟹籽都好吸引好好食。櫻花蝦滑 ($88)蝦滑好正，聽聞係新鮮手打，而且好重蝦味，同埋

於黃昏時間致電致電查詢18:30入座能否仍享有eat_go訂座8折優惠，因app上最早訂座時間只顯示到7時。服務員回答可照按eat_go提供8折優惠。用膳完畢後見賬單只顯示9折優惠，跟服務員查詢。服務員回答只能透過app內訂枱才能提供優惠，後來幾番跟同事確認後才按原先議定提供8折優惠。賬單打印出來後發完價格與原先全單9折相差無幾，他們解釋部份食品並不適用8折優惠。我們才驚覺賬單內約一半的食品，包括牛肉，醬料，魚皮，魚滑，飲品等都不適用，點餐app內亦無任何特別標示或分類。過程服務員包括收銀員態度異常惡劣，有貼錢買難受的感覺。