老鍋台式火鍋 (京都廣場) (已結業)

老實說，呢個市道3個人打邊爐每人300幾唔算平架啦，但佢勝在湯底係好夠料好好飲，兼最吸引係個黃金魚皮！！！！先講下佢地環境，唔大，但坐得舒服，可能咁岩有卡位，然後係佢地個服務都幾好，員工都好留意每張台做緊咩，連我地餓到個湯未滾哂已經飲緊佢都見到叫我地唔好飲住😂之後佢點菜係煩囉，又係scan QR code，同埋真心唔算平，唔係任食，每碟份量仲要唔多，不過個黃金魚皮一定要食！！即炸仲要成塊魚皮都係蛋黃醬！！！！！！超好食！！仲要唔油唔膩！！！但$68一碟仔有啲貴～醬料區算齊同乾淨，整體上都ok既～

老鍋秘制麻辣鍋🌶🍲 $158鍋入面有埋凍豆腐同鴨血，份量都算幾多，豆腐都幾入味，雖然係麻辣火鍋，但係味道唔會過辣，唔太食到辣既人應該都食到鮮豬爽肉🐖 $98其實係豬頸肉黎，佢將豬頸肉砌到2舊玫瑰花🌹，幾有心思，份量正常甜不辣 $38平時既甜不辣係煙銀既，但尼到既係偏大少少，同埋有芋頭係入面，感覺幾特別🤪老鍋丸餃井字盤 $98d丸大部份出面都冇，每款2粒，2人食就岩啱好，但我印象最深刻係佢既魚皮餃，好食過平時，juicy好多

湯底選了酸菜白肉鍋，等到湯滾左，即時聞到微微酒香，原來湯底入面既白肉係用酒醃製過，份量都唔少，肥瘦適中，配合大量酸菜湯底，入面仲有新鮮蕃茄、粟米既配菜，酸酸甜甜好開胃。飲落湯唔會過咸，飲落唔似有放味精，較為健康！叫左個小食鹽酥一口豆腐，好香口，剛上碟熱辣辣，令人食完一口接一口，炸得外皮薄脆，唔會太油膩。另外再要左黑白雙滑，呢款好特別，原來係用新鮮黑墨魚汁同白墨魚膠整成，黑白參半，食落好爽口彈牙，好有口感，十分推介！飲品我地點了烏梅汁、菊露同冬瓜茶！三杯都好透心涼，唔會好似糖水咁甜，要消一消熱氣，消暑解渴一流。

大半年冇搭過飛機，為咗一解鄉愁，今晚就約咗個偽同鄉去食台式火鍋。台式火鍋嘅湯底同港式火鍋唔同，比較注重養生，所以我同朋友二話不說就揀咗呢個美人鍋，補補骨膠原。我覺得呢個湯底真係夠晒滋補，因為佢係有原隻烏雞放咗落去個湯度，淨係咁都已經值回票價啦！調味吧擺放得非常整齊，而且保持清潔，令人食得更放心。打邊爐嘅最佳伴侶當然就係牛肉啦，我哋就揀咗呢個手切安格斯牛小排，佢嘅雪花紋真係分布得非常平均，所以每一片入口都非常之嫩滑，而且好有牛味。響鈴係一樣明知冇益但係又忍唔住要食嘅火鍋配料，所以就少少哋叫半份開心share吓，呢度嘅響鈴新鮮脆口，食落就冇乜油膩嘅感覺，所以都冇咁有罪疚感。我就最鍾意食佢嘅墨魚滑，呢度仲有黑白兩款墨魚滑，有得雙拼，正！呢個井字拼盤好啱我哋二人份量，分別有蝦丸、魚肉小湯包、鮮蝦雲吞同魚皮餃各兩粒，可以一次過試幾款配料。鍾意食台式火鍋都係因為鍾意食鴨血，雖然冇揀麻辣湯底，不過鴨血配呢個湯底都唔錯。揀咗個餐前小食要咗台式蒜香腸，估唔到個份量有咁多，多到我哋都食唔晒。呢個台灣麵好正，凍食又得，放湯又得，兩種食法各有特色。配埋杯冰凍冬瓜茶，真係令自己好似置身喺台灣食緊台式火鍋咁呀！

現在香港人食火鍋已經無分季節了，今日來到銅鑼灣，又選擇了食火鍋，選擇了一間在駱克道附近的老鍋。餐廳裝修是充滿了京式宮廷設計的雅緻裝修，因疫情的關係，餐廳在枱與枱之間的間隔位用透明膠紙格開了，所以食得放心。酸菜白肉鍋鍋底要了酸菜白肉鍋，裏面有非常多的配料，有鮮冬菇、粟米及蕃茄、洋蔥…等，當然會有主角酸菜及五花腩。當湯底滾開后，已經聞到酸菜的味道。五花腩肉切得很薄，及很爽口，很有肉味。粟米是甜粟，很甜。老鍋丸餃井字盤丸餃拼盤有蝦丸、魚肉小湯包、鮮蝦雲吞、魚皮餃各兩粒。丸餃不是很大粒，但是較新鮮，當中覺得最最愛的是魚肉小湯包及鮮蝦雲吞。美國梅花豬肉美國梅花豬肉，切得都算厚，及切得較大件，顏色亮麗，肉味雖然比鍋底五花腩肉味道稍淡，但點上自調辣醬汁，也很是美味。台灣蒜香腸要了個小食，台灣蒜香腸，味道很濃及入味，帶少少蒜香味非常香口，是非常好的香口小食。烏梅汁烏梅汁味帶酸，很適合火鍋，又解膩。杭菊露杭菊露甜度剛剛好，不會太甜，冰冰涼涼很順喉。

第一次喺香港食台式火鍋，看到這間餐廳有很多明星到訪過，於是就去朝聖一下餐廳主要提供四種火鍋湯底，分別係酸菜湯麻辣湯美人鍋和養生鍋。我同我的朋友就選擇了酸菜湯來嘗試一下，因為比較少機會食到用酸菜湯做的湯底火鍋湯底除左有酸菜、白肉之外，仲有蕃茄，粟米，椰菜和冬菇，很足料。 火鍋配料方面我就揀左黑豚肉，雙色面(白色當歸味，而綠色的果抹茶味)個人認為當歸味比較出，一食就有濃濃的當歸味！相反抹茶味就比較淡。中意藥材味既可以一試，味道不錯，而且餐廳仲有提供一個小笊籬俾你，咁就唔怕撈唔番d面啦😉除左火鍋料，餐廳仲有台式小食提供，我就叫咗個椒鹽豆腐，仲叫左四款唔同嘅丸，口感還不錯👍🏻醬料方面就去自助吧自己調製的！整體來看我覺得這間台式火鍋店感覺和食品質素都頗高，想試吓唔同嘅台式火鍋這間是一個可以的選擇，而且我走的時候還看到有很多明星都有到訪過這間餐廳，感覺口碑應該不錯🤗

講起火鍋好耐無食正宗既台式火鍋🍲想食無味精好足料既火鍋湯底,有朋友話哩間好味,所以就同佢另一個朋友黎試下!食物方面:⚪️老饕酸菜白肉鍋鍋底超足料,入面已經有大白菜,豬五花腩,粟米,蕃茄,鮮冬菇,寛粉條.湯底好濃郁,唔會太酸,無加味精,飲完都唔口乾👅五花腩肥瘦岩岩好,好鮮嫩而且都有好多塊,加上好吸味又煙韌既寬粉,超級好味!😻⚪️美國梅花豬肉切得厚薄適中,而且夠新鮮顏色好粉嫩,肥瘦好平均,岩岩好!🤗⚪️老鍋丸餃井字盤入面有蝦丸2粒.魚肉小湯包2粒.自家鮮做鮮蝦雲吞2粒.魚皮餃2粒🍤蝦丸好爽口彈牙,好鮮甜👍🏻魚肉小湯包,皮比較厚,但咬開爆哂湯汁同餡料👅鮮蝦雲吞因為有蝦肉好彈牙,肉味好濃.魚皮餃超推介,魚皮做得好薄又Q彈,真正既皮薄餡令,好鮮味👍🏻👍🏻⚪️娃娃菜新鮮洗得好乾淨,份量都夠👌🏻⚪️響鈴卷即炸響鈴好厚身好脆,上枱仲熱辣辣,吸哂湯既精華.必食.正!🤤整體方面:地方唔會好迫,座得好舒服,上菜都好快,食物都好新鮮,湯底好鮮甜無味精,火鍋用傳統老鍋特別有風味🤪而且店員經常會主動加湯,服務幾好,想食正宗既台式火鍋一定要黎試下,性格比高,無論2個/一班人食都好適合!😍

好耐都冇打邊爐，於是同朋友搵到嚟呢間台式火鍋十下十下門口有好台灣feel有四個湯底選擇：酸菜白肉鍋、麻辣鍋、養生鍋、仲有呢排好興嘅美人鍋今次就揀咗酸菜白肉鍋底$158，入面有醃大白菜、豬腩、蕃茄、同我至愛嘅寬粉條等，夠曬酸香醒胃蝦丸，魚肉小湯包，鮮蝦雲吞，魚皮餃$98-擺碟精緻得意，件件質量都唔錯響鈴卷$48-打邊爐必點，呢度嘅做到好爽脆唔油膩，正！羊肉片$98-好易熟而食落唔會好重騷味冬瓜茶-消暑解渴，打完邊爐都唔會燥啦

前排同女朋友喺銅鑼灣行行吓街，又打邊爐癮起，見近近地就一於去返我哋平時食開嘅老鍋先！一來湯底足料之餘，仲有養生功效🙈一上到去都有唔少人食緊，但都唔洗點等好快就有得入去👍🏻之後我哋嗱嗱冧去醬料了先🙈因為我哋兩個都唔食得太辣 所以就叫咗個酸菜白肉鍋，入面嘅料keep住都係咁多料，有好多酸菜，大大嚿嘅豬肉，同埋我哋最鍾意嘅薯粉等等☺，就咁呢個鍋已經好多嘢食！跟住我哋仲叫咗個羊肉，羊肉嘅肉質都幾彈牙，就咁食唔沾任何醬料都已經好鮮味！再嚟就係呢度推介嘅千張豆葉紙，我哋兩個都好鍾意食係因為佢整得超薄，食起上嚟都好有豆香味！呢個綜合餃類都好好味！個皮唔會太厚，而且餡料好多肉汁好juicy!之後我哋仲叫咗個台式臭豆腐小食，呢個臭豆腐嘅味道發酵好好，而且仲係新鮮即炸，勁香脆！食咗咁多嘢點可以唔飲番杯野！我自己就最鍾意佢哋呢度嘅冬瓜茶，一來好香，二來甜度適中，打邊爐飲用嚟消膩就最好🥰

返工咁辛苦,梗係要同班同專食返餐好啦😋咁耐冇打過邊爐, 見附近有間台式火鍋！一於試下先😋之前都未見過, 今次就試吓你啦😋不錯, D料都幾足,湯底有薯粉亦見驚喜我哋點咗豬肉, 老油條, 王子麵同老鍋丸餃井字拼盤原來老油條配酸菜湯都幾夾, 冇違和感, 正呀！豬肉雖未算很高級, 但已經相當不俗😋我最欣賞甜不辣, 簡直係我的自愛~~配埋泰式辣汁 ，真係好好味！至於, 價錢雖然有點貴, 但一次過可以吃到四款不同的手工丸餃, 也不錯啊！飲品係冬瓜汁👍🏻👍🏻超正

今日放工後，同埋同事試新嘢！好耐冇食過火煱啦😋咦！「酸菜白肉」湯底真係冇試過喎，睇吓咩料先😋Ok 喎，除咗酸菜白肉，仲有蕃茄，菇片，粟米，薯粉作底，味道不錯啊！平時果D醬料，都離不開生蒜，熟蒜，但呢度幾特別，有蒜水，不過當D醬撈埋哂嘅時候，蒜味唔係咁強烈，喜歡蒜味的朋友，可自行調教份量😋我哋點咗豬肉，牛肉，老油條，淮山，東瓜，王子麵，咸蛋黃炸魚皮，同埋「老鍋丸餃井字盤」，其實都相當不俗，有驚喜嘅係老油條，同咸蛋黃炸魚皮，「老鍋丸餃井字盤」一次過食到不同味道的丸餃，$98，8粒，抵呀😂

其實食過咁多間台式火鍋，我覺得最好食嘅暫時都係呢間，因為佢啲款式好多之外，樣樣嘢都好新鮮。今日我仍然都係為咗啲鴨血而嗌左個麻辣鍋，因為佢嘅麻辣火鍋都有另外念念不忘嘅鴨血，份量仲好足夠添。今日仲叫咗一樣新嘅嘢食，台式臭豆腐，佢呢個臭豆腐臭得來又含蓄，唔會話大陣味到人哋用奇怪嘅眼光望住你，佢個臭豆腐炸到脆卜卜，加埋佢啲甜醬同埋酸辣白菜，又幾好食喎。然後佢哋最近出咗呢個新嘅井字丸餃拼盤，分別有魚皮餃，雲吞，蝦丸同埋豬肉魚蛋。佢啲雲吞嘅蝦真係大大粒，超彈牙。個蝦丸都好彈牙，好好食。另外最特別嘅一個豬肉魚蛋，平時蟹子丸海膽丸就食得多，中間包住啲有肉質嘅豬肉就真係比較少，感覺好似食緊彈牙版嘅小籠包咁。牛肉我地今次揀左安格斯小肉排，佢呢個牛真係不得了，就算唔覺意淥耐左，都仲係好腍，因為佢脂肪分配平均，而且有淡淡牛味，食落唔會太燥嘅感覺。另外仲叫左個小羊肉片，其實食羊肉我好揀擇，因為我唔食得騷味，但係佢呢個羊一啲都唔騷，個肉質又唔會好碎，我同男朋友都表示滿意。我地今晚仲叫左個白鱔片，佢個鱔都好新鮮彈牙，而且切得好好，唔會食到骨。最後仲有呢個次次都必嗌嘅黑白雙滑，呢個墨魚滑真係好彈牙，而且最重要係新鮮。

今日去銅鑼灣shopping,肚餓啦朋友仔話想食而間！打過去見有位就上去試下啦！！上到去環境都唔錯啊~仲好多明星合照啊~我哋叫咗個酸菜白肉~湯底又真係幾好味d豚肉吸晒d湯底酸酸地，最好味！ 粟米亦都好甜喔~朋友仔就叫左個台灣直送既老鍋丸餃井字盤! 每set都有4種唔同既丸只需$98蚊~不錯喔！可以一試！老油條也是邊爐不能缺少的！！ 好好味😋最後食酸菜白肉鍋當然要嗌多碟梅花豬肉啦 吸囇湯底精華啊！ 正啊最後唔夠飽食埋個王子麵仲嗌左一杯菊花茶同酸梅汁✨👍🏻

好耐無同朋友出街所以今晚決定打個邊爐邊食邊吹水之前都略有聽過呢間鋪頭幾出名有好多明星幫襯所以我哋都想試下係咪咁好食😋一入到嚟，店員已經好親切咁帶位環境一望落去都好乾淨企理朋友搵唔到拎醬料既位置店員都即刻過嚟幫手好親切問有咩幫到手服務真係一百分，十分好🤤食物方面，我哋叫咗台式腸、餃子同豚肉，湯底揀咗麻辣湯❤️麻辣湯底十分足料，入面有好多香料，湯底超濃郩湯底有好多豆腐同豬紅全部都索晒啲麻辣湯，一咬啲湯汁標晒出嚟，真係無得彈🤩上菜時間都好快，值得一讚台式腸仔好有台灣風味，令我諗起去台灣食既大腸包小腸，好推薦俾鍾意台灣嘢食既大家啲豚肉好爽，餃子亦足料好食，配埋醬汁同湯底，一百分滋味✨值得一讚係飲品完全真材實料，無溝過水菊花茶有龍眼肉係杯底完全睇得出店家好俾心機去做😁👏🏻

食過兩次老鍋都覺得好食，睇完戲食飯，用訂台app有半價優惠。不過唔知分店關係定水準問題，整體都退步左，食完就無下次了。🍴湯底：麻辣湯拼酸菜白肉每次都叫呢個組合，麻辣湯底入面有鴨血、凍豆腐，而酸菜白肉鍋就有薯粉、粟米、酸菜同五花肉片。可惜，兩個湯底都好淡，無以前咁濃，麻辣湯唔香，煮肉都吸唔到味；酸菜湯就唔夠酸。單點火鍋既湯底係一大重點，但個湯咁淡，煮咩食材都無咩味。同男朋友講好好食先帶佢食，點知湯底令佢好失望。🍴手切牛肩肉肉唔會太薄，可惜無肉味。🍴羊肉唔重羊羶味，易入口。🍴響鈴正常響鈴，仲脆，無油益味。🍴綜合丸拼盤有5款，每款2粒。最好食係墨魚丸同蝦丸，夠彈牙，又食得出海鮮味：芝士牛丸，好普通；梅菜豬肉丸同咸蛋豬肉丸唔好食，食落好鞋同好梅。🍴唐生菜埋單$451，如果無半價就好唔抵食。由於我以前愛既係佢湯底，退步左就無回頭機會了。