老鍋台式火鍋 (京都廣場) (已結業)

我哋叫咗個鴛鴦鍋🔥😋 湯底一嚟到 真係嚇親 裏面又有🤍豆腐又有豬肉 🐷同埋吸湯好味嘅粉絲💫麻辣鴨血湯底裏面有好多鴨血❗ 淨係食湯底入面啲料 都已經飽喇🙆‍♂️！我覺得 呢個麻辣湯底唔算太辣 係好多香港人都可以接受嘅口味。👍👍另外我哋叫咗 一個魚肉包住豬肉的丸子⏭ 肥牛片⏭ 鴨血⏭同椒鹽炸豆腐 呢度除咗火鍋 連小食都好高質 個豆腐炸得好脆，份量仲好多添。而且呢度仲有冷泡茶🍵 食完就唔怕熱氣啦😏我好推介大家嚟呢度食😝 又足料又冇味精嘅湯底 食完完全唔會覺得好口渴 但係個湯又好夠味 👍😬健康之選

覺得打邊爐有啲貴，發現老鍋推出左自選米線，我唸佢d配料會同邊爐一樣咁高質，所以揀左高性價比既選擇-老鍋自選米線$66麻辣養生湯🍲豬腩片，炸午餐肉，鮮冬菇湯底似打邊爐既麻辣湯底，但唔算好麻辣，唔食得辣既都可以試下豬腩片肥瘦均勻，爽口唔油膩，炸午餐肉炸到好香好好味而鮮冬菇好鮮甜-老鍋自選米飯 $66酸菜養生湯🍲雪花肥牛，鴨血，台灣蛋餃湯底酸酸辣辣，酸白菜開胃爽口😋超多酸白菜毫不吝嗇🤩雪花肥牛新鮮美味，鴨血細嫩爽滑，但如果配系麻辣湯底應該仲正蛋餃出面並唔常見，薄薄既蛋皮包住肉餡，皮薄餡靚☺️-甜不辣 $20每次食親台灣野都會首選甜不辣🥰原先以為甜不辣係煙煙韌韌，但呢個甜不辣食落去好似魚餅咁，炸完好香口，配埋我最愛既甜酸醬一流-冷泡白桃烏龍茶 $8冷泡雪梨桂花茶 $8而家唔少台灣火鍋店都會推出自家製既冷泡茶老鍋店既冷泡茶淡淡地，但飲落去又會有白桃同桂花味不過同朋友更推介白桃

前幾日行過銅鑼灣，先見到老鍋台式火鍋係午市原來有得食米線!!!老鍋自選午餐，可以揀兩種湯底，麻辣養生湯及酸菜養生湯!而主食都有得揀，可以選擇白飯或者米線!! 有時Lunch食得太多米線，都想食下啲湯飯!!而配料都多選擇，有雪花肥牛，鮮雞肉，豬腩片，都有20款配料可以揀!我覺得當中最為特別既係蜂巢牛肚，台灣蛋餃，大腸頭，桃膠同埋鴨血!!!🍡冷泡白桃烏龍茶打開蓋聞就冇乜味，但估唔到飲落去白桃味好出，配上烏龍茶感覺好清甜！🍡冷泡雪梨桂花茶有桂花特有的清香，有養生潤肺既作用！🍡麻辣養生湯飯麻辣湯辣味好夠，但溫和！配埋白飯簡直一流！而配料方面選擇左肥牛，鴨血同雞肉！肥牛吸收哂麻辣湯汁，鴨血質地比較挺身比較實，雞肉超級滑嫩！🍡酸菜養生湯米線湯底酸酸地好開胃，配料揀左雞肉，台灣蛋餃同豬腩肉！豬腩肉層肥膏好有咬口，台灣蛋餃好有蛋味！🍡台灣蒜香腸腸仔用左蒜作調味，十分惹味！

嚟到呢間餐廳嘅時候咁啱有午市套餐，所以朋友同我就叫咗兩碗自選米線🍜因為朋友同我都唔食辣，所以就叫咗酸菜養生湯！湯底入邊有紅棗，龍眼，夠晒滋潤😚覺得鮮雞肉幾好食，夠晒滑！而且廚師都差唔多俾咗四至五舊雞肉，夠晒多餸🥰貢丸就得兩粒，不過貴精不貴多！貢丸都似係台灣食嗰啲夠大粒同埋多肉汁😋鮮魚腐都不過不失至於朋友就叫咗魚皮餃、台灣蛋餃同埋豬腩片做餸😇 魚皮餃、台灣蛋餃都正常發揮，不過豬腩片就胡椒味偏強，鍾意啲適合重黑胡椒味嘅人仕🤣仲有加左台灣蒜香香腸，有別於其他餐廳係用煎嘅方式處理台灣腸，呢間餐廳係炸嘅，所以都幾香脆可口👍👍

今天午餐來吃老鍋，但不是吃火鍋，只是想吃台式小吃和麻辣米線。餐廳環境舒適，座位寬躺，地方挺大。很適合一家人來吃飯，座位與座位之間有適當的距離，私隱度高。老鍋自選午餐，可以選擇兩種湯底，麻辣湯和酸菜湯，可任選兩個配餸，另外再加配餸再要加錢，配米線或白飯。我選了麻辣湯底鴨血，肥牛，冬菇米線。鴨血和冬菇分別有兩塊，味道正常沒有特別。肥牛有驚喜，質素挺高，每一塊都肥瘦均勻，牛肉味香濃。麻辣湯底本身辣度不大，另外叫店員拿了一個麻辣醬，加了一羹落湯底，麻辣味道馬上提升至小辣，令整碗米線更好吃。再加一羹變中辣，辣得非常過癮，吃到出汗！朋友同樣是叫了麻辣湯底，配餸是肥牛，魚皮餃，貢丸和酸菜米線。魚皮餃皮比較厚身，幾大粒，吃落口中鮮味十足。台灣貢丸彈牙可口。酸菜令到湯底又酸又辣，開胃好吃。另外叫了一個小食是台灣香腸，份量適中，價錢正常，炸香腸非常美味可口，有台灣小食的味道。

天氣悶熱，中午想食米線，去咗《老鍋》食台式米線，湯底可揀麻辣或酸菜養生湯，仲有台式小食、特色甜品同冷泡茶麻辣養生湯米線麻辣味厚，湯底咸鮮而香。配料:台灣蛋餃，香滑嘅蛋皮包著豬肉，味道鮮味。墨魚丸爽口、雪花肥牛新鮮，味道幾好酸菜養生湯米線湯裡嘅酸菜喺醃製大白菜同杞子黑木耳，配料:鴨血滑嫩入味、松葉蟹棒、雪花肥牛，好美味甜不辣台式嘅特色甜品-甜不辣，喺芋頭餅，食落有芋蓉，口感煙韌冷泡白桃烏龍茶有白桃嘅清香，烏龍茶潤燥冷泡雪梨桂花茶有雪梨同桂花嘅香味，生津清熱老鍋台式火鍋 (銅鑼灣店)駱克道491-499號京都廣場2樓全層

老鍋台式火鍋 (京都廣場) (銅鑼灣)銅鑼灣駱克道491-499號京都廣場2樓台式火鍋就食得多台式米線喺香港都唔係經常有原來而家老鍋台式火鍋午餐都推出左米線系列咁岩今日經過就上去食個晏雪花肥牛 鴨血 墨魚丸 麻辣養生湯底配米線肥牛又香十足 鴨血帶有麻辣香味墨魚丸食到粒粒墨魚麻辣湯底唔會過辣 不過冇得揀辣度話明叫養生湯湯底都搵到唔少嘅黑木耳 紅棗 桂圓感覺上冇咁熱氣皇室魚肚 香菇貢丸 蟹柳棒 酸菜養生湯配米線魚肚吸晒啲湯 好好食公園同蟹柳棒正常發揮台灣蒜香腸估唔到好好食 應該係輕輕咁樣炸過而且入面香腸嘅肥豬肉十足 所以好油香呢度嘅冷泡茶都唔錯夏天飲清熱解渴 叫咗兩款嚟試吓冷泡白桃烏龍茶冷泡雪梨桂花茶

今日同老公行開銅鑼灣買家品，仲帶埋呀囡一齊行街街，我依D米線控梗係周圍試吓有咩米線係正，聽人講依間除咗打邊爐午餐嘅米線都唔錯，我地一人叫咗一碗，每個人仲叫咗三個餸菜😜😜再加多小食（台灣蒜香腸）我就叫咗個酸菜養生湯米線（配鮮魚腐、豬腩片同埋蜂巢牛肚，估唔到個湯底幾正，唔辣酸酸地，真係連湯都可以飲埋）我老公就叫咗個麻辣養生湯底配米線（配鴨血、魚皮餃同埋午餐肉）佢話個湯勁香，又唔會超麻辣，所以真係唔錯！同埋佢嘅米線比較幼身同有咬口👍👍另外再一人叫咗杯野飲👍

台式老鍋宜家除左火鍋之外，原來仲有米線食架。自選米線$56可以揀兩餸，額外餸就每樣$10，價錢合理，但吾係特別平，有兩款湯，係麻辣同酸辣味道。食得台灣野一定要叫鴨血，雖然得兩塊，但好厚下，而且係新鮮既鴨血黎，無雪藏味道。佢啲小食得好地道台灣，叫左手拍青瓜，份量好多，有少少辣好開胃。另外要提一提佢個自家出品既泡茶，依家天氣咁熱再食埋辣野，飲返杯凍茶係無得頂，佢啲茶應該無加糖，淡淡既茶香味，真係消暑。

下晝喺銅鑼灣行街，又心思思想打邊爐，就去咗京都廣場既老鍋到開餐。座位有大量卡位，亦有圓枱選擇，地方大，坐得舒適。外面嘅自助醬油區清潔乾淨！我地揀咗酸菜白肉鍋做湯底，雪花肥牛，丸餃拼盤(墨魚丸，香菇貢丸，魚皮餃，台灣蛋餃，各兩粒)，另外仲有個五彩鮮蔬盤。酸菜白肉鍋非常足料，有酸甜大白菜，豬腩片，粟米，冬菇，寬粉等等，好豐富！湯底酸酸甜甜好開胃，一定要飲番碗湯先開始打邊爐！豬腩片爽口，肉味香濃；粟米好清甜！寬粉煙煙韌韌索哂湯嘅精華，真係啖啖滋味！雪花肥牛肥瘦均勻，淥完之後，口感依然細嫩，一啲都唔韌。丸都唔差，粒粒爽彈，魚皮餃皮薄餡靚，而且仲有個健康蔬菜籃，中和翻肉膩感。最後仲有個米線，好飽呀！

週年記念，老婆愛麻棘，兩個人諗住揾間評價唔差嘅台式。入到去見座位枱面颇密，好在唔full。手机落單頗方便，但價錢唔平。湯好快上，急試靈魂湯底但冇層次😱，心諗死得，好耐未試過冇麻冇棘但好咸嘅湯。食物上枱快，應該一早準備定，size偏細也沒特別裝飾上碟，失望没有什麼特式食品。叫了手食切牛肉，魚滑，百頁，魚和一般丸，牛肉幾舊水但居然冇肉味，食水好深，其它食物明顯是一般來貨，菜又老，冇人換碟，都唔加單啦，埋單接近1300元，好耐冇試過咁差體驗，所以寫字發洩，對唔住老婆，冇下次😤。

火鍋成日都有得食 但台式火鍋就真係第一次食 今次大大㗎嚟到銅鑼灣京都廣場嘅老鍋台式火鍋試下台式同港式火鍋有咩分別酸菜白肉鍋原料係大白菜 酸得黎又脆嘅白菜 非常開胃 鍋入面配埋，寬薯粉 粟米🌽冬菇🍄 非常豐富湯底酸酸辣辣 啲薯粉吸收曬湯底嘅精華 煙煙靭靭 勁好味

今日同屋企黎到這間火鍋店食午市套餐，個價錢超吸引😎😎店員安排我地坐卡位都幾闊落，餐廳仲有唔少圓枱🤩醬汁可以自己配搭👍🏻我地揀左以下幾款配白飯：老饕酸菜白肉鍋初初以為套餐份量會比平時少，原來餐廳都係安排正常份量👍🏻鍋入面勁多配料😋有五花肉，酸菜好入味，仲有冬粉😋吸哂湯汁，湯汁酸酸地有少少似羅宋湯😍雪花肥牛，切得厚薄適中，雪花均勻，食落唔會好肥🤤丸類有墨魚丸，香菇貢丸，魚皮餃，醬爆牛丸🥰種類都幾多😋當中香菇貢丸都幾好味☺️五彩鮮蔬盤（細）鮮蔬包括金菇，香菇，油麥菜等等。蔬菜🥬都幾新鮮🥰

午餐打邊爐抵食到爆！喜歡台式邊爐的你千萬不要錯過老鍋的午市～這裡的選擇多多，有多種丸類，包括貢丸，梅菜豬肉丸、墨魚丸同魚皮餃，其中貢丸真係好好食，好香菇味而且有肉汁。湯底就當然要選擇老鍋秘制麻辣鍋啦，入面有好多鴨血同凍豆腐，仲有冬菇，份量多之餘又入味，最喜歡鴨血，吃得到滿滿的台灣風情。肉類方面，雪花牛肉牛味濃，而且肥瘦適中。五彩鮮蔬盤有好多款式，包括生菜、油麥菜、娃娃菜等，吸收湯底精華後吃得十分惹味。

今日來到銅鑼灣京都廣場一間老鍋食lunch，呢間餐廳有面牆，貼滿明星同老闆啲合影，睇來餐廳裡面啲嘢應該好味。餐廳好乾淨，空間大，卡座嘅分隔做啲好好，私密度好高，檯面同餐具都好乾淨，可以放心食。我啲點佐佢哋養生湯，有兩種麻辣同酸菜，主食有兩種白飯同米線，我啲都揀米線。配菜有好多可以揀：雪花肥牛、松葉蟹棒、台灣蛋餃、牛肚、魚肚、雞肉、豬腩肉等等，可以自由揀三款。麻辣養生湯唔會太辣，但係微微麻辣刺激味蕾，湯應該冇放太多調味，飲完都唔會渴。酸菜養生鍋酸酸啲好開胃，湯好鮮香。一份小食台灣蒜香腸：色澤紅豔，口感紮實，嚼勁十足，煙韌多汁。自家製飲品：白桃烏龍茶、雪梨桂花茶淡淡啲花香味讓人回味。