老鍋台式火鍋 (京都廣場) (已結業)

台式老鍋宜家除左火鍋之外，原來仲有米線食架。自選米線$56可以揀兩餸，額外餸就每樣$10，價錢合理，但吾係特別平，有兩款湯，係麻辣同酸辣味道。食得台灣野一定要叫鴨血，雖然得兩塊，但好厚下，而且係新鮮既鴨血黎，無雪藏味道。佢啲小食得好地道台灣，叫左手拍青瓜，份量好多，有少少辣好開胃。另外要提一提佢個自家出品既泡茶，依家天氣咁熱再食埋辣野，飲返杯凍茶係無得頂，佢啲茶應該無加糖，淡淡既茶香味，真係消暑。