老鍋台式火鍋 (京都廣場) (已結業)

銅鑼灣食好西，最緊要有火鍋同女朋友。我地叫左個2人火鍋套餐，包超多野，＄578。我地揀左老饕酸菜白肉鍋 佢包埋 大大盤好靚既雪花肥牛，丸餃拼盤，五彩鮮蔬盤。我食過咁間既湯底，呢個真係頂級，對得起呢個價有突，好鮮甜，又唔會好淡，佢本身個鍋入面既白肉片都唔少野，仲有米線或飯送，真係好抵食。我地貪心加多左個炸午餐肉 68蚊同埋加左個 鹽酥雞，我想另外特別讚下鹽酥雞，d肉本身有調好咪，加上唔會好乾，如果單獨拎去賣我諗都好賣得。

今日放lunch同左好同事上黎食晏！！因為我地知道呢度午市推出左米線套餐呀：）仲可以自行點選配料同湯底添=］我地各自要左一碗三餸既酸菜養生湯米線 $66✨✨之後加配左一份甜不辣$20一齊share ;)等左一陣，兩碗米線同步上檯xppp兩碗既份量都好多！！！呢度既酸菜同韓式泡菜比較相近，所以湯頭不膩，相對清淡：）呢度既大腸處理得好乾淨；）同事大讚鴨血入味，好好食！我地都好欣賞呢度既米線好爽口，食到尾都唔會變腍：）加配既甜不辣口感QQ，味道都唔錯！！最後我地仲飲左帶有白桃香既冷泡烏龍茶添 ：）

*💭老鍋台式火鍋早前吃過老鍋的火鍋，對麻辣湯底念念不忘😍今天中午再度探訪🥰午市火鍋價錢親民，而且二人套餐份量剛剛好☺️點了麻辣鍋🌶鍋內一片血紅色，嗅一嗅迎面而來辛麻香辣的味道😋鍋內有滿滿的蜂巢豆腐和鴨血😍全都已經吸收了湯底的精華十分惹味🤤份量多到食極都有😋配料有四色丸餃和蔬菜籃，另外可自行選擇一款肉類😋我們選了雪花肥牛，肥瘦勻呈，滾水一灼便熟🤤牛味超濃😋四色丸餃有蛋餃、牛丸、魚皮餃和墨魚丸😍種類以午市套餐來說相當有誠意，而且也十分美味😋蔬菜籃🥬亦有幾款菜，有油麥菜、生菜、娃娃菜、鮮冬菇和金菇😍全都索索聲，新鮮爽口😋

之前都嚟過呢間銅鑼灣食打邊爐嘅餐廳，原來仲有得食米線。同平時食開嗰兩間連鎖米線鋪一樣，都係揀湯底同埋餸。麻辣養生湯+大腸頭+鴨血+台灣蛋餃：個麻辣湯相對來講唔算辣，如果重口味啲嘅話，我會鍾意多啲。大腸頭即係豬腸就好爽口，好食。鴨血就夠實淨，但可能個湯唔夠辣，食起嚟硬係爭啲。台灣蛋餃就同普通餃子差唔多不過就試吓啦。酸菜養生湯+雞肉+貢丸+酸菜：個湯就清清地帶少少酸味，啲餸都係OK唔錯啦，不過不失好驚喜但絕對唔會失望。麻辣牛肚絲：呢個麻辣味就好夠味，牛肚配上麻辣汁，簡直係絕配。牛肚爽口彈牙，麻辣汁就去晒啲腥味，推介。

好耐無食過火鍋，就同朋友一齊食台式火鍋🫕呢度好似台灣，仲可以睇放天燈💡 二人套餐好豐富，有秘制麻辣鍋同酸菜白肉鍋選擇，小妹真係幾怕辣，所以揀左老饕酸菜白肉鍋😋 湯底超正，酸菜好入味嘅湯，淨係飲個湯已經好好飲😋，唔好以為呢個係普通湯底，原來入面仲有好多台式白肉（即五花腩），酸菜又多，還有紹菜🥬、蕃茄🍅、粟米🌽、菇類🍄等係湯鍋入面🥘 火鍋食物可以揀一款肉🥩：雪花肥牛美國梅花鹿豬肉嘉美農場雞肉 🥩雪花肥牛好正，雪花油脂均勻，肉質軟又多汁 還有丸餃拼盤🍢🥟，有墨魚丸、香菇貢丸、魚皮餃、台灣蛋餃 仲有新鮮嘅五彩鮮蔬盤🥬🥦🍄 米線或飯就可任選其一而調味醬料係自助形式，有多款可以隨意選擇🥰 整個台式火鍋套餐好豐富，又多蔬菜，酸菜湯底味濃又多料🥰

612 two year anniversary. we chose cwb as a gather point walking around wondering why there are so much people and ugly puppies standing together. to avoid 599g, we hv to separate from our friends not exceed 4 max. ppl gathering. here comes to thr back of sogo and sudden realise there is a old restsurant hvnt try for long time.due to the wuhan virus strike, 老鍋 has cut their branch in tst, lefting the cwb alone. it locates at 2/f and u can see plenty of empty seat. a bit sad not much people visit

𝐎𝐯𝐞𝐫𝐚𝐥𝐥🥘鴨血魚腐麻辣養生湯米線 $58很想念麻辣湯底的味道 但又怕火鍋熱氣於是選了這一家吃過午市的米線🤣麻辣湯底麻度很足 但不會太辣 整體發揮正常米線有一定的彈性 不會煮得太林 配料選了雪花肥牛、鴨血、鮮魚腐雪花肥牛和鴨血份量很足 鴨血也不算太散肥牛正正常常魚腐鮮甜入味 還索滿湯汁整頓頓飯最喜歡的是白桃烏龍茶 清甜解渴漂着淡淡茶香

午間興起突然間好想打下邊爐，醒起之前見到呢間台式養生火鍋睇落好吸引，於是就同朋友嚟烚下烚下。呢間火鍋店位置方便，地鐵站5分鐘內既路程就到啦。最近店家推出半價限時既午市套餐，有打邊爐或者唔同湯底既米線揀，我就同朋友揀咗2人火鍋嚐味套餐，淺嗜台式火鍋既水準。套餐既份量適中，對2位女士嚟講啱啱好唔會太飽。由於友人係酸味控，湯底我地叫左老饕酸菜白肉鍋，呢個湯底惹味又開胃，同埋入面除左酸菜仲搭配咗不同既新鮮蔬菜、蕃茄，口感更豐富而且味道更鮮。另外值得一提既係呢個湯底配寬粉真係好正，粉條索曬湯既味道好入味同時佢又煙煙韌韌，會令人食到唔停口。牛肉片賣相吸引，佢唔單只砌得靚靚每卷牛肉都好精緻，肉質唔會太肥成塊肉都係肥膏。牛肉唔太肥除咗健康啲同唔會太膩之外，佢亦唔會烚完搞到湯底油淋淋影響其他食物。其他餸方面套餐入面仲包含有一個蔬菜盤、4款肉丸及魚皮餃同一個米線麵底，對於想過下打邊爐癮既人嚟講好足夠。而且打邊爐除咗食之外，最緊要係烚下烚下果陣朋友間吹吓水傾吓偈，店舖內座位寬敞舒適，好適合閨蜜小聚閒聊。

今日午餐時間黎咗銅鑼灣老鍋叫咗個二人餐，我哋梗係試個招牌嘅麻辣火鍋湯底啦，佢有大、中、小辣度可以揀，我哋就選咗小辣。肉類方面就揀咗雪花肥牛，跟餐仲有丸餃拼盤、一兜蔬菜，最後仲揀左米線，開頭以為好少咁，點知食落都夠飽。首先黎左碟肥牛，肥牛雪花好均勻，食落有牛味。跟住黎左丸餃併盤，我覺得牛丸就最好味，配埋麻辣火鍋就十分野味。麻辣火鍋湯底入邊仲有好多塊鴨血同豆腐，食到最後既時候啲湯底越食越辣，同越食越上癮，如果鍾意食辣既朋友一定要試吓。而飲品方面就叫咗杞子杭菊露，可以中和吓啲麻辣，十分潤喉解渴。

🍜銅鑼灣火鍋店食米線？。餸菜選擇：20款火鍋料揀🙂😂有桃膠都係第一次，幾有新意🤪襯機補下身～桃膠本身無味，口感似啫喱個咀可以做下運動🧞‍♀️😂。小菜：追加$20/2件 圓形狀甜不辣，跟甜辣醬，開下胃💁‍♀️米線：份量適中，幼身但易斷～- 每碗 HKD $66 米線1）桃膠+蟹柳+豬腩肉 配麻辣養生湯米線2）台灣蛋餃+雪花肥牛+貢丸 配酸菜養生湯追加甜不辣 $20/2 +$8 冷泡白桃烏龍茶+$8 冷泡雪梨桂花茶-米線湯底：只有麻辣/酸菜養生湯底選擇，麻辣無辣度選擇😕但麻味不算突出，反而有點清甜。（對追求米線湯底既香港人，最好有多啲選擇啦🤧！）價錢：2餸米線$56，我地大食加$10要3餸，即每碗多謝$66 🤣米線份量正常，我地仲有叫雪花肥牛同埋豬腩肉，又比得幾多！😉yeah yeah ✌️啱啱好食哂一碗🏋️‍♀️飲品：冷泡白桃烏龍茶/雪梨桂花茶～注意返係茶包沖出黎，白桃雪梨味唔會重，但係無糖非常好👍環境：夠寬闊😍下午去無咩人又唔洗同人迫，又可以坐卡位係幾爽！慢慢傾傾吓慢慢食，都幾寫意呀🪁

今日同朋友去銅鑼灣打邊爐，叫咗個$289優惠午市二人餐，有酸菜白肉鍋同秘製麻辣🌶️鍋揀，而我哋就揀咗酸菜白肉鍋。二人套餐有酸菜白肉鍋、丸餃拼盤、雪花肥牛🐂、五彩鮮蔬盤🥬同米線。個鍋用料十足，有酸菜、白肉、蕃茄🍅、冬菇、寬粉條、粟米🌽等, 酸甜開胃，而白肉香韌好嚼，肥而不膩。至於肥牛，牛肉雪花均勻、易入口，米線亦爽口彈牙。另外，我同朋友叫咗個鹹蛋黃炸魚皮同桂花茶、酸梅汁，配埋火鍋簡直一流。炸魚皮香脆可口，鹹蛋黃味濃、無腥味而酸梅汁酸酸甜甜，令人格外開胃。下次嚟一定會試埋餐廳嘅麻辣湯底！😋

係銅鑼灣行行下街見肚餓又突然好想食米線，上網見到有間養生米線，幾新款咁，最後決定上去試下。 -店舖裝修簡潔，環境光線十足，每張枱既距離好闊，空間感十足，而且餐桌同餐具都非常整潔，令到客人可以放心用膳。晏就唔想食太飽冇叫到火鍋，但係呢到啲養生米線真係讚不絕口。嗌左兩碗分別係麻辣同酸菜湯米線，米線爽口彈牙，而且仲好足料，最令我驚喜既係養生湯底味道適中唔會太淡，唔會因為湯底太重味而食唔到其他餸既味道，絕對推薦比鍾意食米線既巴/絲打！

老鍋台式火鍋 (銅鑼灣)餐廳裝飾好有風格，有唔少既decorations。下午時間冇咩人排隊，本身都知老鍋係火鍋出名，冇諗過原來除咗火鍋之外，呢到嘅午市仲多咗自選米線或湯飯套餐。呢個係午餐自選米線$66, 可以揀一款湯底同兩款嘅配料，加一款小食。小食我哋揀咗麻辣拍青瓜，小小辣但又幾爽口，幾啱作為開胃前菜。我哋試咗2款嘅米線，米線都有幾多餸下，有魚腐、雪花肥牛、豬肚、豬腩肉、蟹柳，仲有菜心。配菜嘅味道都正常，而米線份量足夠，食完一定夠飽，湯底都有好多款嘅選擇，麻辣湯底幾香幾開胃。飲品方面，可以套餐加配冷泡茶，有雪梨桂花冷泡茶，我哋就揀咗冷泡白桃烏龍茶，白桃同烏龍嘅味道幾夾，而且飲落去好fresh.📍老鍋台式火鍋 (京都廣場) (銅鑼灣)銅鑼灣駱克道491-499號京都廣場2樓

今日要去銅鑼灣參加應援活動，排完成粒鐘之後去左老鍋打邊爐，香港人就係天氣咁熱都會想去打邊爐嘅生物同朋友兩個人去有見到有2人套餐，湯底有麻辣鍋同酸菜白肉鍋簡，因為之前腸胃炎好番無耐要戒口，今次唔簡麻辣鍋啦,試下酸菜白肉鍋先!我本身就唔係好中意食酸野嘅，好彩呢個鍋唔算酸，重有幾濃嘅胡椒味，勁暖胃!呢個2人餐包左一份肉，我地就簡左雪花肥牛，打邊爐又點可以無肥牛呢!肉質好靚，唔係平日啲平價放題包果一種，牛味好濃!正!另外重送一個丸類拼盤，入面有墨魚丸、香菇貢丸、魚皮餃、台灣蛋餃。每樣質素都好高，我係第一次食蛋餃,唔知原來係就咁擺落鍋淥一淥就食得，我果舊淥到脹晒，之後知道點樣整朋友果舊就淥得好靚好好味!重有一個蔬菜盤，都幾多唔同種類嘅菜，好新鮮好甜!平衡番其他肉類嘅油膩，成件事都無咁滯!另外可以簡飯同米線，我同朋友都係米線痴，米線係有米線味果種，作為米線痴係好怕果啲無味嘅米線，真係超難食!但呢間係好味嘅。開頭同朋友都驚會唔夠飽，不過黎到發覺白肉鍋入面啲白肉都好多，又有肥牛，食埋啲丸都勁飽，最後我地都食唔晒啲料，如果平日唔係好大食嘅女仔就絕對夠食有餘架啦!而家重做緊星期一至五有5折，星期六日及公眾

同朋友係銅鑼灣行緊街，講起一起去台灣打邊爐的事！一時回憶衝上來，就即刻上網搵附近有無台式火鍋店！結果，就搵到呢間老鍋😇🤩我哋係食中午嘅，店員推介兩人餐比我哋！首先揀湯底，一個係麻辣湯底，另一個係酸菜白肉湯底！我地掙扎左一下，最後揀左酸菜白肉湯底，可以開胃食多少少！湯底入邊有爽口的豬腩肉🐷、酸酸的大白菜🥬、玉米🌽卻仲係保持鮮甜🤩🤩透明寬粉吸收左湯底的精華，食落好酸中帶香再可以揀一碟雪花肥牛、豬或者雞！我地揀左肥牛，牛肉質地雙嫩+湯底的酸香，酸香之餘仲保留牛油香🤩🤤🤤配一碟丸餃拼盤：最有驚喜是爆漿的豬肉丸🤪🤩好玩又好食😋配一盤蔬菜、仲可以揀米線或者飯！我地再加了魚腐同雲吞，魚腐吸收到湯底的精華！如果鍾意食酸的朋友，叫呢個湯底真係要叫個魚腐配佢，每咬一啖魚腐就會爆一口湯汁入口，味蕾即刻受到酸味刺激！正啊🤩😆😆😆😆